Shqiperia Ime

Category: Sport

  • Momente frike dhe paniku, ariu i futet në shtëpi ish-futbollistit të Sitit dhe Bajernit

    Momente frike dhe paniku, ariu i futet në shtëpi ish-futbollistit të Sitit dhe Bajernit

    Momente frike dhe paniku për ish-futbollistin argjentinas të Bajernit dhe Mançester Sitit, Martin Demikelis, teksa një ari futet në shtëpinë e tij.

    Në një video të postuar në rrjetet sociale nga bashkëshortja e tij Evangelina Anderson, janë momentet e frikës që përjetoi familja e trajnerit aktual të Monterreit gjatë festave të Krishtlindjeve.

    Kjo video është bërë virale në rrjetet sociale, teksa shihet ariu duke lëvizur në oborrin e shtëpisë së Demikelis.

  • Mund të bashkohet me shokët e Kombëtares, klubi i Serisë A piketon Arbër Hoxhën

    Mund të bashkohet me shokët e Kombëtares, klubi i Serisë A piketon Arbër Hoxhën

    Sulmuesi i Kombëtares, Arbër Hoxha po kalon një sezon të mirë me skuadrën ku aktivizohet në Kroaci, Dinamo Zagreb.

    Ai ka bërë mirë edhe te Shqipëria, në ato minuta që i është besuar nga trajneri Silvinjo.

    Eksperti i merkatos, Xhanluka Di Marzio bën me dije se ka interesim nga klubi i Serisë A për futbollistin. Bëhet fjalë për Leçe, ku luajnë edhe dy mesfushorët e Kombëtares, Ylber Ramadani dhe Medon Berisha.

    Për shkak të dëmtimit të Lamek Banda, klubi italian do të kërkojë që ta zëvendësojë me Hoxhën. Gjithçka pritet të ndodh mes palëve…/PANORAMASPORT.AL

  • Viti nis i trishtë për ish-mesfushorin e Kombëtares, njofton humbjen e babait

    Viti nis i trishtë për ish-mesfushorin e Kombëtares, njofton humbjen e babait

    Viti 2025 ka nisur i trishtë për familjen e ish-mesfushorit të Kombëtares shqiptare, Arian Bellai.

    Trajneri aktual i Vorës, në Kategorinë e Parë ka njoftuar mbrëmë se babai i tij ka ndërruar jetë në moshën 85-vjeçare

    Ceremonia mortore e babait të Bellait do të bëhet sot në 13:00 në qytetin e Gjirokstarës, ku është vendlindja e tij.

    Redaksia e “Panorama Sport” i shpreh ngushëllimet më të sinqerta familjes së Bellait për humbjen e njeriut të tyre të dashur./PANORAMASPORT.AL

  • Viti 2025 nis me gol, talenti shqiptar i Kombëtares barazon sezonin më të mirë të karrierës

    Viti 2025 nis me gol, talenti shqiptar i Kombëtares barazon sezonin më të mirë të karrierës

    Talenti i Kombëtares shqiptare, Anis Mehmeti e ka nisur vitin 2025 në mënyrën më të mirë të mundshme, teksa ka gjetur rrugën e rrjetës me fanellën e Bristol Sitit në duelin ndaj Plymuth.

    Mehmeti realizoi në minutën e 32-të, të sfidës, duke kaluar në avantazh skuadrën e tij.

    Pjesa e parë u mbyll me rezultatin 0-1.

    Ky ishte goli i 9 për shqiptarin në këtë edicion, duke barazuar kështu për sa i përket numrit të golave, sezonin më të mirë të karrierës, atë 2022/2023 ku me fanellën e Ykombes në Ligën e Parë, shënoi 9 gola, duke u transferuar më pas te Bristol Siti në Championship.

    Ky është sezoni i tretë që Mehmeti është pjesë e bardhekuqve.

  • “Xhampaolo po e përjashton”, në Itali zbulojnë prapaskenat me Ylber Ramadanin: Mund të shitet, është e paimagjinueshme që…

    “Xhampaolo po e përjashton”, në Itali zbulojnë prapaskenat me Ylber Ramadanin: Mund të shitet, është e paimagjinueshme që…

    Mesfushori i Kombëtares, Ylber Ramadani, po kalonte një moment fantastik në karrierën e tij, duke u shndërruar në një lider te skuadra e Leçes, por krejt papritur, marrëdhënia e tij me drejtuesit duket se është krisur, teksa gjasat janë që shqiptari të largohet në merkaton e janarit nëse i vjen një ofertë e mirë.

    Në të njëjtën linjë është edhe gazetari italian, Françesko Romano, i cili në një deklaratë të dhënë së fundmi në media, ka analizuar me kujdes çështjen “Ramadani” duke deklaruar:

    “Është e qartë që pas ndeshjes kundër Romës, ku u zëvendësua sa nisi pjesa e dytë, ka diçka që nuk shkon në rastin e tij, nuk ka hyrë më në fushë. Edhe nëse nuk do ta pranojnë kurrë, por nëse do të vijë një ofertë konkrete për të, te Leçe do ta mendojnë seriozisht sepse është e qartë se Xhampaolo po e përjashton.

    Sinqerisht e prisja të luante titullar kundër Komos dhe gjithashtu në pjesën e dytë e prisja të hynte në vend të Kaba, por nuk ndodhi. Ramadani është nervoz, gjithmonë aktiv në aspektin negativ. Po flasim për një lojtar i cili është titullar i padiskutueshëm te Shqipëria dhe është e paimagjinueshme që një lojtar i tillë të mos shohë fushën që nga ndeshja kundër Romës. Përkundër mungesës së aktivizimit, për mua kush e merr Ramadanin në janar do të bënte një blerje të mirë”, tha gazetari italian./PANORAMASPORT.AL

  • U arrestua në Gjermani disa ditë më parë, merret ky vendim për boksierin Florian Marku

    U arrestua në Gjermani disa ditë më parë, merret ky vendim për boksierin Florian Marku

    Boksieri shqiptar Florian Marku është liruar nga burgu.

    Pak ditë më parë Marku u ndalua në Gjermani me qëllim ekstradimin për në Greqi.

    Ky arrestim erdhi si pasojë e një incidenti të ndodhur shtatë vite më parë.

    Marku ishte në kërkim për një incident të ndodhur në Selanik shumë vite më parë dhe tani pritet të vuajë dënimin me burg.

    Deri në fund të procedurave të ekstradimit, Marku do të jetë i lirë, por me kusht që nuk duhet të largohet nga Gjermania.

  • Tronditet futbolli/ Lojtari ndërron jetë në ditëlindje. Mbushte 27 vjeç

    Tronditet futbolli/ Lojtari ndërron jetë në ditëlindje. Mbushte 27 vjeç

    Michael Newberry, ish-futbollisti i Newcastle United, vdiq papritur në ditëlindjen e tij të 27-të.

    Këtë e ka bërë të ditur klubi i tij Cliftonville, i cili luan në Ligën e Futbollit të Irlandës së Veriut.

    Newbury ka qenë anëtar i Newcastle, klubi i tij i lindjes, që në moshën 11-vjeçare. Tetë vjet më parë, ai mori trofeun për talentet e reja.

    Ai u transferua nga Newcastle te Vikingur në Islandë dhe në vitin 2021 iu bashkua Linfield. Në korrik të këtij viti, pasi fitoi dy tituj me Linfield, ai u transferua në Cliftonville.

  • Anis Mehmeti shkëlqen në Angli, tund rrjetën dy herë brenda 17 minutave (Video)

    Anis Mehmeti shkëlqen në Angli, tund rrjetën dy herë brenda 17 minutave (Video)

    Anis Mehmeti ka shënuar dy herë në Angli për Briston Sitin.

    Sulmuesi shqiptar shfrytëzoi fillimisht si duhet një pasim nga mesfusha duke e kthyer në gol, kur luhej minuta e 15-të e ndeshjes me Portsmuth.

    Mehmeti doli i vetëm përballë portierit dhe nuk i la asnjë mundësi këtij të fundit, për të zhbllokuar sfidën në 1-0.

    Më pas në minutën e 32-të erdhi dhe goli i tij i dytë.

    Tashmë Mehmeti është në kuotën e tetë golave, pikërisht në javën e 24-t të Championship.

    Goli i Anis Mehmetit: (VIDEO)

    Goli i dytë i Mehmetit: (VIDEO)

  • ‘Gëzim i madh në Rrogozhinë’! Egnatia e mbyll vitin me tripletë

    ‘Gëzim i madh në Rrogozhinë’! Egnatia e mbyll vitin me tripletë

    Egnatia fitoi për herë të parë në histori trofeun e SuperKupës së Shqipërisë, pasi mundi Kukësin 2-0 në finalen e luajtur sot në mbrëmje në stadiumin “Arena Kombëtare”. Rrogozhinasit triumfuan me golat e Serxho Ujkës dhe Soumaila Bakayoko.

    Egnatia e nisi ndeshjen me këtë formacion titullar: Ilir Dobjan (GK), Albano Aleksi, Regi Lushkja, Soumaila Bakayoko, Renato Malota (C), Edison Ndreca, Arbin Zejnullai, Arbenit Xhemajli, Rezart Rama, Serxho Ujka dhe Abdurraman Fangaj.

    Kukësi e nisi ndeshjen me këtë formacion titullar: Amarildo Dervishaj (GK), Erest Lamellari, Abiodun Basit Yusuf, Albi Matani, Mario Berishaj (C), Francesko Hasaj, Abdulkadir Abubakar Nasir, Xhuljan Kapllanaj, Redon Dragoshi, Geri Selita dhe Redon Danaj.

    Egnatia dominoi takimin që në fillim dhe pas disa rasteve të mira ia doli mbanë të zhbllokonte rezultatin me Serxho Ujkan në minutën e 20-të. Pjesa e parë u mbyll 1-0.

    Në fraksionin e dytë ndeshja u bë tepër interesante. Kukësi shpërdoroi disa mundësi të mira me kapitenin Beshiraj. Megjithatë, Egnatia realizoi golin e dytë në të 85-ën me Soumaila Bakayoko. Ndeshja u mbyll 2-0 për Egnatian.

    Edlir Tetova ka meritë të veçantë në sukseset e Egnatias gjatë vitit 2024. Pas fitimit të Superkupës, trajneri i rrogozhinasve e pranoi se nuk e kishte menduar kurrë që në vitin e tij të dytë te ky ekip do të fitonte tre trofe.

    “Është një kënaqësi dhe gëzim i madh, arrij të mbyll një formë të projektit që kisha përgatitur. Nuk kisha menduar 3 kupa, një Kupë Shqipërie do ta kishim merituar vitin e parë. Viti i dytë, gjithçka perfekte.

    Do t’i falënderoj këta djem, që i kam mërzitur pa fund. Dominuam si në lojë dhe rezultate. Çdo gjë që e kisha menduar ka dalë.

    Mund të bënim më mirë në Europë, sidomos në ndeshjen e Champions-it, meritonim më shumë me lojën që kemi bërë. Në ndeshjen e dytë morëm riskun tonë” tha ai.

  • Shuhet Rey Mysterio, legjenda meksikane e sporteve luftarake ndërron jetë papritur

    Shuhet Rey Mysterio, legjenda meksikane e sporteve luftarake ndërron jetë papritur

    Zi në botën e keçit. Rey Mysterio, legjenda e sporteve luftarake, ka vdekur në moshën 66-vjeçare.

    Këtë e kanë bërë të ditur mediat ndërkombëtare, duke cituar familjen e keçistit meksikan.

    Shkaku i vdekjes së papritur ende nuk është bërë i ditur.

    I lindur në Meksikë, Miguel Angel Lopez Diaz dhe me origjinë nga Tijuana, ai filloi të luftonte në 1976 dhe performoi për herë të fundit vitin e kaluar.

    Nipi i tij Oscar Gutierrez Rubio, i njohur si Rey Mysterio junior, vazhdon traditën familjare në WWE.