Një ngjarje e rëndë ka tronditur Vlorën ku një fëmijë 4-vjeçar ka ndërruar jetë. Burime për mediat bëjnë me dije se i mituri p ka qenë me temperaturë, diarre dhe të vjella.
Kanë qenë prindërit e tij, të cilët e kanë dërguar me urgjencë deri në Orikum ku dhe ambulanca prej aty e mori pa shenja jete.
Lidhur me këtë ngjarje deri më tani nuk ka një reagim zyrtar nga Policia, priten më tepër detaje në vijim.
Detaje të reja dalin në dritë për rastin e trishtë të fëmijës 4-vjeçar që humbi jetën në Vlorë. Sipas familjarëve, fëmija kishte shfaqur simptoma që në orët e paradites, pasi dyshohet se kishte konsumuar mjaltë.
Ai kishte pasur të vjella të shumta, të cilat fillimisht u mendua se ishin kaluar, por simptomat vazhduan edhe në ditën e ndarjes nga jeta.
Kur u nis drejt qendrës shëndetësore në Dukat, fëmija mbërriti pa shenja jete, konfirmuar edhe nga mjekët.
Ai u shoqërua më pas në Spitalin e Vlorës, në pediatrinë e madhe, por as aty nuk mund të bëhej asgjë për ta shpëtuar.
Autoritetet shëndetësore presin rezultatet e analizave të biopsisë për të përcaktuar shkakun e saktë të vdekjes së vogëlushit.