“MJAFT ME BURG! Erion Veliaj sfidon drejtësinë pas një viti, merret vendimi i papritur për seancën e radhës – Gjithçka gati!”

1 vit nga arrestimi në zyrë, Erion Veliaj kërkon të dalë nga qelia, ja kur mbahet seanca dhe kush e ka në dorë fatin e kryebashkiakut të TiranësKryetari i Bashkisë së Tiranës, Erion Veliaj kërkon të dalë nga qelia dhe për këtë, ka bërë një kërkesë në Gjykatën e Posaçme (GJKKO) për zëvendësimin e masës së sigurisë “Arrest në burg”, me një masë më të butë sigurie. Për pak ditë, bëhet një vit nga prangosja e tij në zyrë, në Bashkinë e Tiranës. Do të jetë gjyqtarja e posaçme,
Etleva Deda ajo që do të shqyrtojë kërkesën dhe do të vendosë për fatin e kryebashkiakut socialist, nëse do të pranojë t’i zëvendësojë masën e sigurisë apo jo. Prokuroria e Posaçme kundër Korrupsionit dhe Krimit të Organizuar ka përfunduar hetimet më 10 shtator 2025 dhe ka dërguar për gjykim kryetarin e Bashkisë së Tiranës, Erion Veliaj, i arrestuar që në 8 shkurt 2025. Po kështu, për gjykim është dërguar edhe bashkëshortja e tij Ajola Xoxa, si dhe 28 persona e shoqëri të tjera, pjesë e dosjes “Veliaj”.
SPAK ka renditur ndaj Veliajt 13 akuza, të tilla si korrupsion pasiv, pastrim parash, mosdeklarim pasurie, shpërdorim detyre dhe futja e sendeve në burg. Shumica e akuzave është ajo e korrupsionit pasiv e kryer në 9 raste, në raport me disa kompani për të cilat SPAK thotë se ka marrë përfitime të parregullta në formën e shumave monetare dhe pasurive të paluajtshme, të cilët nga ana e tyre kanë marrë leje ndërtimi dhe përfituar fonde publike nga Bashkia Tiranë.
Edhe bashkëshortja e tij, Ajola Xoxa, akuzohet nga SPAK për korrupsion pasiv në 9 raste në lidhje me subjekte tregtare dhe organizata jofitimprurëse, njëjtë si Erion Veliaj. Gjithashtu, Xoxa akuzohet edhe për pastrim parash, mosdeklarim pasurie dhe fshehje e të ardhurave. Biznesmenët akuzohen për korrupsion aktiv të funksionarëve të lartë shtetëror ose të zgjedhurve vendorë, fshehje të ardhurash dhe pastrim parash. Ish-deputetja Klotilda Bushka akuzohet për veprime që pengojnë zbulimin e së vërtetës, kurse Fatjon Baci është gardiani i burgut të Durrësit, i cili i dha telefonin Erjon Veliaj gjatë transferimit të tij nga qelia në gjykatë, në dy raste. Kushtetuesja vihet në lëvizje për Veliajn