Category: Lajme

Vendi ynë do të mbetet nën mbizotërimin e vranësirave dhe shirave të në pjesën më të madhe të territorit, por rrebeshe shiu priten sërish në zonat Qëndrore dhe Jugore.

Pjesa e dytë e ditës, do të sjellë shtim të intensitetit të shirave në pothuasje të gjithë vendit; përjashtuar vijën bregdetare KU shirat do të jenë të dobët e lokalë. Ky destabilitet i atmosferës do të na shoqërojë edhe gjatë natës.

Temperaturat e ajrit do të pësojnë rritje të ndjeshme në orët e mesditës, duke luhatur vlerat ditore nga 3°C vlera minimale në Bulqizë deri në 23°C vlera maksimale në Shkodër dhe Durrës.

Era do të fryjë mesatare deri e fortë duke arritur shpejtësinë mbi 38 km/h nga drejtimi Verior, për pasojë në brigjet detare do të krijohet dallgëzim 3 ballë.

Dy grupe kriminale u goditën nga hetimet e Prokurorisë Publike të Breshias në Itali, si pjesë e një rrjeti të madh të trafikut të drogës që çoi në arrestimin e 45 personave, mes tyre 3 shqiptarë, dhe procedimin e 87 të tjerëve si të dyshuar.

Ky grup dyshohet se trafikoi rreth 2 mijë kilogramë kokainë, 1,500 kilogramë hashash dhe 700 kilogramë marijuanë.

Grupi i parë kriminal, i cili vepronte kryesisht në provincën e Breshias, dyshohet se importonte drogë direkt nga vendet prodhuese, konkretisht kokainë nga Kolumbia, falë ndërmjetësimit të një gruaje që besohej se ishte e lidhur me individë nga karteli i njohur si “Klani i Gjirit”, si dhe hashash nga Maroku, që përbënte grupin e dytë kriminal, kalonte tranzit nëpër Spanjë.

Në listën e gjatë të të arrestuarve në grupin e parë ishte edhe Shkëlzen Guzina (datëlindja 1990) dhe Gjon Prela (1985). Në grupin e dytë mes atyre që përfunduan në pranga ishte edhe Skerdi Bocoi (datëlindja 1976).

Prej një jave nuk ka asnjë lajm për Ilaria Sulën, 22-vjeçaren shqiptare, e cila është studente në Fakultetin e Statistikave në Universitetin Sapienza.

Sipas disa të njohurve, ajo u zhduk më 25 mars nga zona e Furio Camillo ku jetonte në një apartament që ndante me disa shoqe.

Familjarët janë shprehur shumë të shqetësuar dhe kanë nisur një apel në rrjetet sociale, i cili ka kërcyer edhe në disa profile të komiteteve të banorëve të lagjeve të ndryshme dhe gjithashtu paraqiti një ankesë në stacionin e policisë në San Lorenzo.

Ndërkohë është aktivizuar dhoma e kontrollit në prefekturë dhe janë njoftuar të gjitha organet dhe shoqatat përgjegjëse për kontrollet. Ndër hipotezat për të shpjeguar zhdukjen, është se Ilaria u largua pas ndarjes me të dashurin, shkruan Corriere della Sera.

“Ajo u largua nga shtëpia në orën 21:30 të së martës, më 25 mars, pa thënë lamtumirë. Ajo nuk i tha askujt se ku po shkonte, ajo nuk tha lamtumirë, por kishte ndodhur edhe herë të tjera në të kaluarën që ajo të mos thoshte lamtumirë. Ne nuk pamë asgjë të çuditshme për këtë. Por që atëherë nuk e kam parë apo dëgjuar më prej saj”, shprehet shoqja e Ilarias.

Pasi u largua nga banesa, 22-vjeccarja shkëmbeu disa mesazhe në Whatsapp me shoqet e tjera të dhomës, mesazhet të cilat po hetohen.

Më pas, duke nisur nga e shtuna e datës 29 mars, Ilaria nuk i përgjigjej më askujt dhe kështu shoqet e dhomës njoftuan familjen e saj dhe shkuan për të denoncuar në polici.

“Ilaria është një vajzë e qetë, shumë studioze, pasditet i kalonte duke studiuar në kuzhinë, herë pas here shkonte në palestër për t’u çlodhur. Nuk kishte ndonjë pasion tjetër të veçantë”, shton Noemi, mikesha e Ilarias.

Gjykata e Posaçme pranon një ankim të bërë nga eurodeputeti Fredi Beleri, duke urdhëruar SPAK që të regjistrojë kallëzimin penal ndaj Olta Xhaçkës dhe bashkëshortit të saj, Artan Gaçi, për akuzat e shpërdorimit të detyrës, falsifikimit të dokumenteve dhe pastrimit të produkteve të veprës penale të kryer në bashkëpunim.

Vendimi është marrë nga gjyqtarja Flora Hajredinaj.

“Gjykata çmon se kallëzimi i shtetasit Alfred Beleri për shtetasit Artan Gaçi, për kryerjen e veprës penale ‘Falsifikimi i dokumenteve’ dhe ‘Pastrimi i produkteve të veprës penale’ kryer në bashkëpunim të parashikuar nga nenet 186 dhe 287 të Kodit Penal dhe Olta Xhaçka, aktualisht Ministre e Punëve të Jashtme, deputete, për kryerjen e veprës penale ‘Shpërdorimi i detyrës’ i parashikuar nga neni 248 i Kodit Penal, nuk ka një vendimmarrje, dhe se ankimi i paraqitur nga shtetasi Dhionisis Alfred Beleri, për këtë pjesë të kallëzimit, është i bazuar në ligj.

Në rastin konkret, Prokuroria e Posaçme duhet të regjistrojë procedim penal dhe të vazhdojë hetimet, mbi parashtrimet në kallëzimin e regjistruar me nr. 81/2023 se ish-Kryetari i Bashkisë së Himarës, Jorgo Goro, Këshilli i Qarkut Vlorë dhe ish-punonjësit e ZVRPP Vlorë, në bashkëpunim me njëri-tjetrin, kanë kryer veprime në lidhje me falsifikimin e dokumenteve zyrtarë, të cilat janë përdorur për regjistrimin e një pasurie të paluajtshme në pronësi të subjektit Foto Mëhilli, dhe kjo pasuri është tjetërsuar në favor të të tretëve, konkretisht të familjarëve të të kallëzuarës Olta Xhaçka, e cila në kohën e marrjes së këtyre vendimeve nga Këshilli i Ministrave, ka ushtruar detyrën shtetërore të Ministres së Mbrojtjes në atë kohë, dhe funksionin politik të deputetes.

Shtetasja Olta Xhaçka, me mosveprimet e saj, duke mos deklaruar konfliktin e interesit, ka përfituar nëpërmjet regjimit martesor, të drejta pasurore dhe përfitime të paligjshme, që sipas ligjit për investitorët strategjikë si dhe ligjin për konfliktin e interesit, nuk i takojnë. Kjo shtetase, nëpërmjet investimit strategjik në një pronë të falsifikuar, ka përfituar të drejtën e përdorimit falas të pasurive shtetërore për të cilën shtetas të zakonshëm paguajnë detyrimet tatimore, etj”, thuhet në vendim.

Më herët, prokurori i SPAK, Olsi Dade ksihte favorizuar Olta Xhaçkën dhe Artan Gaçin duke mos i maarrë në përgjegjësi penale.

SPAK dërgoi për gjykim të shkurtuar vetëm ish-kryebashkiakun e Himarës, Jorgo Goro.

Ndërkohë Partisë Socialiste i shtohet edhe një kandidate për deputete me procesim të regjistruar në SPAK për vepra të rënda penale.

Kujtojmë se Beleri ishte zotuar gjatë fushatës për kryebashkiak të Himarës se nuk do të lejonte grabitjen e pronave të vendasve.

Rasti i Xhaçkës dhe Gaçit ishte një nga rastet flagrante.

Kjo ishte edhe një nga arsyet se pse Beleri u burgos dhe iu grabit mandati.

Emisioni “Në Shënjestër” ka risjellë edhe njëherë në vëmendje rastin e të resë britanike, Rebecca Gannon e cila vdiq në brigjet shqiptare në një aksident zhytjeje, ngjarje e ndodhur në 2022.

Shtetasi britanik Robert Kerans deklaroi se është i dashuri i shtetases po britanike, Rebeka Gannon. Ai thotë se më datë 18 Shtator 2022, rreth orës 16.00, ata ishin paraqitur dhe kishin aplikuar për t’u zhytur te qendra e zhytjes ‘Spiranca Diving Center’.

Ai tregon më tej se një ditë më pas, më datë 19 Shtator 2022, rreth orës 10.20, ata kanë shkuar dhe kanë plotësuar një formular në gjuhën angleze, ku po i prisnin instruktorët e qendrës së zhytjes, të cilët po përgatisnin pajisjet.

Sipas dëshmisë së dhënë po nga i dashuri Rebeka Gannon, ekspedita përbëhej nga 12 persona.

Midis të cilëve tre ishin instruktorë të qendrës së zhytjes të njohur si ‘Spiranca Diving Center’.

Dhe ajo që komunikonte me ta në gjuhën angleze ishte G. B.

Duke përjashtuar çdo mundësi që me ta dhe pajisjet e tyre të ishte marrë dikush tjetër.

Robert Kerans

Grupi që ishin për t’u zhytur përbëhej nga 12 persona nga të cilët 3 ishin instruktorë që do asistonin në zhytje, si dhe një vajzë që fliste anglisht me ne, e cila pasi u hodhi një sy pajisjeve nuk u kushtoi ndonjë rëndësi të veçantë. Më pas ne u nisëm të pika e zhytjes bashkë me dy instruktorë.

Por sipas të dashurit të saj, para se të niseshin për te pika e caktuar ku do të zhyteshin, Rebeka provoi të vishte jelekun, por veshja nuk u mbush me ajër.

Gjë të cilën ata ia thanë edhe G. B, përkthyeses e cila shërbente si organizatore.

Por kjo e fundit dha garanci të plotë se jeleku i dytë që Rebeka mori në përdorim ishte funksional dhe se gjatë zhytjes nuk do kishte asnjë problem.

Robert Kerans

Rebeka provoi fillimisht jelekun, por pajisja nuk u mbush me ajër.

Për këtë arsye, ne i thamë G. B që kryente rolin e organizatores lidhur mbi problemin dhe ajo na tha që do e rregullonte.

Më pas unë u zhyta në ujë dhe nuk e pashë më Rebekën nëse tubi i ajrit u ndryshua apo jo.

Pas meje erdhi dhe Rebeka dhe shkuam poshtë të zhyteshim, por nga presioni i ajrit ajo filloi të kishte probleme me veshët dhe kështu ajo doli në sipërfaqe duke u shkëputur nga grupi.

Por me të dalë në sipërfaqe, Robert Kerans, pa se diçka e keqe i kishte ndodhur Rebekës.

Por pa e menduar se situata do të ishte aq serioze sa mund të kishte çuar deri në humbjen e jetës të së dashurës së tij.

Në fakt vazhdimi i kësaj historie, do të ishte vetë historia e trishtë e Rebekës.

Robert Kerans

Unë me instruktorin tim u zhytëm përsëri, për të shkuar te grupi. Por gjatë kësaj kohe unë nuk munda ta shikoja Rebekën se ku ishte.

Unë dhe instruktori që më shoqëronte vazhduam zhytjen për gati 25 minuta bashkë me grupin.

Por ndërsa po dilja dalëngadalë në sipërfaqe, aty pashë policinë që kishte mbërritur.

Fatkeqësiht ajo që kishte ndodhur ishte më pak e mendueshmja.

Pasi teksa doli në sipërfaqe, Robert Kerans u përball me policinë që kishte mbërritur në vendin e ngjarjes, ku ata po zhyteshin. Dhe jo për një kontroll rutinor. Por për atë që i kishte ndodhur të dashurës së tij Rebeka.

Ku spektaktore e një shfaqje që nuk do të donte të ishte e pranishme kurrë, ishte edhe një zhytëse spanjolle.

E cila rrëfeu për grupin hetues, të gjithë atë që ndodhi.

Një burrë është qëlluar për vdekje nga policia në stacionin qendror të trenit në Milton Keynes të Britanisë së Madhe në mesditë, duke shkaktuar panik te udhëtarët që dëgjuan të shtënat.

Policia e Thames Valley dhe Policia e Transportit Britanik u thirrën në orën 12:55 pas raportimeve për një burrë të armatosur në zonë. Stacioni qëndroi i mbyllur për disa orë, ndërsa rrugët përreth u bllokuan nga forcat e rendit.

Oficerët e armatosur ndërhynë menjëherë dhe i kërkuan burrit të dorëzohej, por më pas u dëgjuan të shtënat.

Dëshmitarët raportuan një skenë kaotike me prani të madhe policore, përfshirë një helikopter dhe njësi me qen policie.

“Unë dëgjova një të shtënë teksa prisja autobusin”, shkroi një dëshmitar në rrjetet sociale, ndërsa një tjetër shtoi: “Ka shumë policë dhe ambulanca kudo.”

Pavarësisht përpjekjeve për t’i shpëtuar jetën, burri u shpall i vdekur në vendngjarje në orën 13:44. Autoritetet thanë se nuk ka kërcënim të mëtejshëm për publikun.

Incidenti është tani nën hetim nga Zyra e Pavarur për Sjelljen e Policisë (IOPC).

“Ne kemi filluar një hetim të pavarur për të shqyrtuar të gjitha rrethanat e kësaj ngjarje, përfshirë veprimet e policisë”, deklaroi një zëdhënës i IOPC.

Megjithëse nuk ka indikacione për lidhje terroriste, autoritetet po hetojnë ende motivet e ngjarjes.

Një veprim i papritur dhe i pahijshëm nga banori Gjesti ka shkaktuar reagime të shumta mes ndjekësve të këtij formati. Gjatë një momenti në kabinën e dushit, ku Gjesti dhe Egli Tako po bisedonin.

Në një çast të papritur, teksa Egli e zgjati kokën drejt tij, këngëtari e pështyu, një veprim që ka ngjallur neveri dhe indinjatë tek publiku.

Ky moment nuk i shpëtoi syrit të fansave të vëmendshëm të spektaklit, të cilët reaguan menjëherë në rrjetet sociale.

Pavarësisht se nuk dihet saktësisht çfarë po diskutonin dy banorët dhe çfarë e nxiti Gjestin të kryente këtë veprim kundrejt Eglit.

Wtf pic.twitter.com/0RgVc5aiu4

— 🍃 (@cloudssblack) March 31, 2025