Një 60-vjeçar ka rënë në prangat e policisë, pasi dyshohet se ka ngacmuar seksualisht një shtetase 13-vjeçe.
“Specialistët e Komisariatit të Policisë Mallakastër arrestuan në flagrancë shtetasin Sh. L., 60 vjeç, banues në Ballsh, pasi dyshohet se ka ngacmuar seksualisht një shtetase 13-vjeçe”, njofton policia.
Materialet procedurale iu referuan Prokurorisë së Fierit, për veprime të mëtejshme.
Produksioni i “Big Brother VIP Albania” ka njoftuar një ndryshim të papritur në numrin e finalistëve për këtë edicion. Ndryshe nga pritshmëritë e mëparshme për pesë finalistë, tani është konfirmuar se vetëm katër banorë do të shkojnë në finale.
Ky vendim u bë i ditur përmes një zarfi të lexuar nga aktori Laert Vasili, ku banorëve iu kërkua të zgjedhin katër persona që, sipas tyre, meritojnë të jenë në finale. Kjo lëvizje ka surprizuar si banorët ashtu edhe publikun, duke ndryshuar dinamikat e pritshme të lojës.
Finalja e madhe e “Big Brother VIP Albania 4” është planifikuar të mbahet më 19 prill.
Ky ndryshim pritet të ndikojë ndjeshëm në strategjitë dhe aleancat mes banorëve në ditët e mbetura deri në përfundimin e spektaklit.
Një debat i ashpër ka ndodhur së fundmi mes Xhenetës dhe Krisës. Dy vajzat janë përplasur me njëra-tjetrën teksa ishin të ftuara te emisioni “E Diell”.
Ka qenë Xheneta ajo e cila fillimisht iu drejtua Krisës duke i thënë se:“Të jap 20 euro dhe mos fol për mua!”, duke lënë të kuptohet se nuk dëshironte të ishte pjesë e diskutimeve të saj.
Ndërkohë, që nga ana tjetër Krisa e revoltuar iu kundërpërgjigj duke i thënë që: “Shitesh për 500 lek, ik në Dubai!”.
Lidhur me debatin mes tyre ka reaguar5 në rrjetet sociale edhe Tiri Gjoci, i cili është i dashuri i prezantueses, ku i kthehet keq ish finalistes se “BBVK-së”.
Këngëtari e krahason me një fshatare, pasi sipas tij gjëja e parë që bën është botoksi, ndërsa ironizon emisionin duke shprehur se është turp për ta që e mbajnë.
“O Xhenet, na të t’jap unë një 7-mijë leksh, vetëm mos e hap më atë gojë, se ma çan atë që s’thuhet sa herë flet. Fshatare tipike që zbret në qytet dhe gjëja e parë që bën janë botoksi dhe fillerat. E di që turp për ty s’është po që është turp për ata që të mbajnë aty”, shkruan Tiri.
Davide Pecorelli, biznesmeni italian që inskenoi vdekjen e tij në Pukë për t’u shpëtuar borxheve, do të ekstradohet në Shqipëri.
Gjykata e Apelit e Perugias i dha dritën jeshile në maj të vitit të kaluar ekzekutimit të urdhër arrestit ndërkombëtar të lëshuar më 2 tetor 2022 nga gjykata e Shkodrës, që e dënoi me 4 vite burg me akuzën e mashtrimit, zjarrvënies dhe shpifjes.
Por të premten, ministri i Drejtësisë, Carlo Nordio, ka miratuar përfundimisht ekstradimin e tij në Shqipëri.
Biznesmeni ka folur për “Il Messaggero Umbria”, duke thënë se: “E pranoj, por jam seriozisht i shqetësuar për katër fëmijët e mi, dy prej të cilëve janë të mitur, babai im 90-vjeçar dhe vëllai im 60-vjeçar, të dy me aftësi të kufizuara”.
Biznesmeni u zhduk në janar të 2021 në Pukë, ku gjet e djegur makina që ai kishte marrë me qira, brenda së cilës u gjetën edhe mbetje skeletore.
E teksa autoritetet italiane dhe ato shqiptare ngritën alarmin për të mësuar se çfarë kishte ndodhur me biznesmenin, më 17 shtator ai u gjet shëndoshë e mirë.
Prindërit e Gjestit pak më parë kanë qenë në Big Brother për t’i bërë një befasi djalit të tyre.
Ata më pas kanë dhënë një intervistë për Fan Club, ku kanë folur për lojën e tij në këtë format.
Ndër tjerash, të njëjtit kanë thënë dy fjalë edhe për banoren e shtëpisë, Egli Takon.
Ata theksojnë se e falënderojnë shumë Eglin për kujdesin ndaj Gjestit si dhe i kërkojnë falje familjes së saj.
“Falënderojmë shumë Eglin edhe e respektojmë familjen e Eglit edhe për çdo gjë si i kërkoj falje Gjesti i kërkojmë edhe ne se nuk kemi qejf me keqpërdor ose me e pa në pozitë të keqe. I urojmë suksese”, janë shprehur ata.
Sa i përket asaj nëse do të kenë lidhje jashtë shtëpisë, ata thonë se varet prej tyre.
“Varet nga ata të dy, ne prindërit i përkrahim”, thanë ndër të tjerash.
Ish-kryeministri Sali Berisha ka prezantuar planin e tij ekonomik dhe fiskal për uljen TVSH dhe taksave për prodhimin vendas dhe sipërmarrjen.
Berisha është zotuar se do kthejë taksën e sheshtë 10% për te ardhurat. Kreu i PD është shprehur se taksa sheshtë do të vendoset 10 % për mbi të ardhurat dhe jo nga paga. Sipas tij do të ketë: “Zero taksim për profesionet e lira dhe biznesin e vogël. Tavani vjetor për tatim fitimin zero për biznesin e vogël”
“Do të ulet numri i shkallëve të ndryshme tatimore. Vendoset taksa e sheshtë 10 përqind mbi kapitalin, mbi të ardhurat nga puna, me përjashtim të 50 mijë lekëve të para nuk do tatohen. Taksa e sheshtë 10 përqind mbi të ardhurat jo nga paga. Zero taksim për profesionet e lira dhe biznesin e vogël. Tavani vjetor për tatim fitimin zero për biznesin e vogël. Kufiri i përjashtimit nga TVSH do jetë 18 milionë lekë xhiro vjetore. TVSH do ulet në 15 përqind, ikën tabuja 20 përqind. Taksa e ndikimit në infrastrukturës do ulet nga 18 përqind e çmimit të shitjes në 2 përqind të preventivit”, u shpreh Berisha.
“Ekonomia, ekonomia, ekonomia është programi i Shqipërisë Madhështore.
Konsulta intensive janë zhvilluar me biznesin, me grupet e interesit ndaj dhe ato janë pasqyruar në programin tonë.
Kështu që sot po ju paraqes ju edhe njëherë të plotë programin e Made in Albania, programi që synon të nxisë prodhimin në Shqipëri, të ndezë motorët e prodhimit që po shuhen, po bien nga viti në vit në mënyrë të pandalshme.
Përveç garancive ligjore të një kodi fiskal që do miratohet tre muajt dhe nuk do mund të ndryshohet, përveçse në rast se lehtësohet, jo rëndim për biznesin gjatë 4 viteve.
Pra, kodi fiskal që do miratohet 3 muajt e parë do mund të ndryshohet gjatë 4 viteve për rëndime, por vetëm për lehtësime.
Do të ulet numri i shkallëve të ndryshme tatimore.
Vendoset taksa e sheshtë 10 përqind mbi kapitalin, mbi të ardhurat nga puna, me përjashtim të 50 mijë lekëve të para nuk do tatohen.
Taksa e sheshtë 10 përqind mbi të ardhurat jo nga paga. Zero taksim për profesionet e lira dhe biznesin e vogël.
Tavani vjetor për tatim fitimin zero për biznesin e vogël.
Kufiri i përjashtimit nga TVSH do jetë 18 milionë lekë xhiro vjetore.
TVSH do ulet në 15 përqind, ikën tabuja 20 përqind.
Taksa e ndikimit në infrastrukturës do ulet nga 18 përqind e çmimit të shitjes në 2 përqind të preventivit.
Shkak themelor i çmimeve strastosferike në ndërtim janë taksat absurde që vendosen mbi sipërfaqen e ndërtimit, të cilat në fakt sipas rastit, minumimi 10-fishuan taksën e përparme dhe në raste të tjera edhe 20 apo 30-fishuan atë.
Dhe e gjitha kjo iu faturohet qytetarëve, duke ua shndërruar në pamundësi blerje.
Ose duke i shndërruar apartamentet në molla të ndaluara.
Jo vetëm kaq, por kjo ka një ndikim shumë të fortë tek qiratë. Dhe në vendin me rrogat më të ulëta në Euiropë, qiratë janë në nivelet më të lartat.
Ne e ndryshojmë rrënjësisht këtë situatë. Taksa 3 përqind e strehimit social mbi çmimin e shitjes shfuqizohet. Nuk do ekzistojë.
Tarifa 1 përqind e lejes së zhvillimit mbi vlerën e investimit shfuqizohet. Tarifa e rivlerësimit të pronës do ulet nga 5 në 1 përqin”- tha Berisha gjatë prezantimit të planit.
NDIQE LIVE “PANORAMA TV”
Kreu i Partisë Demokratike, Sali Berisha, foli sot për programin e PD-së, pasi zgjedhjet parlamentare të 11 Majit po afrojnë.
Berisha tha se rrogat aktuale që ka vendi ynë, i pengojnë Shqipërisë anëtarësimin në Bashkimin Evropian.
Berisha: Shqipëria me këto rroga nuk pranohet kurrë në BE. Rrogat janë kriter por i pa shpallur dhe ky e frenoi rritjen e rrogave. Ne me trendin e rritjes së rrogave po plotësonim këtë kriter. Po i panë rrogat kaq të ulëta leje do thonë.
Kreu i PD-së, Sali Berisha ka premtuar se me ardhjen e Partisë Demokratike në pushtet do të ulen çmimet e karburanteve dhe energjisë për bizneset.
Kryedemokrati, theksoi gjithashtu se taksa e shitjes së pronës ulet nga 15% në 2%.
“Energjia elektrike për biznesin nga 18-24 lekë kë do të shitet me 6 lekë, zbret 3-4 herë. Taksa e shitjes së pronës ulet nga 15% në 2%, taksa Rama e karburantit hiqet dhe në të gjitha pikat e karburantit nuk do të mund të shitet karburant me ndryshimi plus minus 10% me pompat e vendeve fqinje përreth, Maqedonisë, Kosovës dhe Malit të Zi”, tha Berisha në konferencë me gazetarët.
Deklarata e Berishës:
Në konsultat tona, akciza për birrën do jetë me dy fasho.
600 lekë hektolitri për prodhuesit mbi 200 mijë hektolitra në vit.
Dhe duke respektuar standardin e BE, 300 lekë hektolitri për prodhuesit nën 200 mijë hektolitra në vit.
Çmimi i pullave fiskale nga 17 euro për 1 mijë pulla do ulet në 3 euro për 1 mijë pulla.
Çmimi i pullave fiskale për verën do ulet nga 25 euro për 1 mijë pulla në 3 euro për 1 mijë pulla.
Për verën, do të unifikohet akciza e lidhur me gradacionin e alkoolit.
Akciza do të lidhet me prodhues të mëdhenj dhe të vegjël.
Ajo që kanë vendosur këta mbi 12.5 përqind është një absurditet me brirë. Ne do nxisim prodhimin vendas. Natyrisht respektojmë rregullat e BE.
Edhe njëherë, në qoftë se në nga aktet e para, hedhim në Lanë Ballkanin e Hapur, ne u qëndrojmë besnikë detyrimeve që rrjedhin nga Procesi i Berlinit dhe procesi i integrimit në BE, pasi ato janë të studiuara.
Psh BE pranon diferenca në akciza midis prodhuesve të mëdhenj dhe të vegjël dhe kjo është e bazuar në kostot që ka prodhuesi i madh me prodhuesin e vogël, por brenda një diapazoni të caktuar, pra nuk mund të jetë më shumë se 50 përqind diferenca.
Por, siç e shihni, ne arrijmë të nxisim prodhimin në këtë mënyrë.
Shpërblimet e dhëna me dëshirë dhe pa shtrëngesë nga klientët në njësitë që ofrojnë ushqime dhe pije janë të ardhura të përjashtuara nga tatimi si për kompaninë ofruese të shërbimit edhe për të punësuarit si kamarierë që përfitojnë prej tyre.
Pra, ai që në botë quhet tip, në Shqipëri e quajnë bakshish, nuk tatohet.
E kam theksuar edhe herën tjetër, energjia elektrike për biznesin nga 18-24 orë që është sot, do shitet në 6 lekë. Zbret pra 3-4 herë.
Taksa e shitjes së pronës ulet nga 15 përqind në 2 përqind.
Taksa Rama e karburantit hiqet dhe në të gjitha pikat e shitjes së karburantit nuk mund të shitet karburant me ndryshim çmim plus/minus 10 përqind me pompat e vendeve fqinje.
Bimët medicinave marrin një mbështetje preferenciale të fuqishme krahas ullirit dhe arrorëve dhe bimëve aromatike.
Ato janë dhe duhet të jenë një burim i fuqishëm i të ardhurave të zonave ku ato rriten dhe nuk ka një vend tjetër të ketë biodiversitetin e Shqipërisë. Do ofrohen lehtësira logjistike dhe të llojeve të tjera. Linja kredi dhe nxitje e fuqishme e barabartë me ullirin dhe arrorët, të cilët ngelen përparësi të pandryshueshme dhe të suksesit tonë.
Miqtë e 24-vjeçares palestineze, e cila u vra në shkurt të këtij viti nga babai i saj në një apartament me qira ditore në Tiranë, rrëfejnë detaje tronditëse lidhur me planin djallëzor sipas tyre të prindërve të viktimës për të vrarë vajzën e tyre.
Ata pretendojnë se nëna e Rayyan ishte në konflikt të vazhdueshëm me të bijën për shkak të punës që kishte zgjedhur të bënte.
Nëna e 24-vjeçares sipas tyre ishte punonjëse seksi dhe kishte frikë se e bija mund t’i ekspozonte të vërtetën, raporton gazetarja Sonila Topalli.
Miqtë e viktimës kanë treguar se prindërit e 24- vjeçares kanë inskenuar gjithçka duke menduar se nëse vrasja kryhej në vendin tonë, atëherë miqtë e saj nuk do të zbulonin të vërtetën.
“Rayyan kishte pasaportë greke por nuk mund të udhëtojë nga Gjermania sepse nuk ka leje qëndrimi gjermane, vetëm status azili. Ata besuan se nëse ajo vritet atje, ne nuk do të mësonim asgjë për fatinë saj pasi shtypi gjerman nuk publikoi asgjë për lajmin. Ne e kërkojmë prej një muaji, por deri dje nuk dinim asgjë. Ishte një lajm i publikuar në BalkanWeb ai që na zbuloi fatin e mikeshës tonë”, thanë ata.
Sipas tyre, nëna e Rayyan Alwan ka njoftuar 2 ditë më parë familjen në Liban se Ryan kishte ndërruar jetë për shkak të një aksidenti automobilistik në Gjermani. Madje për këtë është publikuar edhe një artikull në mediat libaneze.
“Nëna e saj, dy ditë më parë, njoftoi familjen e saj në Liban se Ryan kishte ndërruar jetë për shkak të një aksidenti automobilistik në Gjermani. Kjo është arsyeja pse ne nisëm të dyshonim dhe nisëm të kërkonim në internet, derisa hasëm në lajmin e publikuar nga ju. Ajo po ua fsheh krimin të gjithëve, por ne kemi zbuluar të vërtetën. Thjesht duam që të gjithë ta dinë se nëna dhe babai i saj ishin ata që e vranë. Ne duam vetëm trupin e saj që ta varrosim në Berlin”, u shprehën ata.
Për një orë rruga kombëtare Krumë – Qafë-Prush – Gjakovë u bllokua të dielën nga banorët e dy fshatrave të Golajt dhe Hasit.
Me pankarta në duar, ata kërkuan përmirësimin e kushteve të infrastrukturës, duke kërkuar një rrugë të kalueshme dhe të sigurt në aksin që lidh 20 fshatra.
Ata paralajmërojnë Bashkinë se nuk do ndalen duke protestuar deri sa të kenë një zgjidhje.
Banorët kërkojnë nga institucionet përgjegjëse zgjidhjen e kësaj çështjeje që prej vitesh është lënë në harresë duke ngelur vetëm premtime elektorale.