Shqiperia Ime

Category: Lajme

  • Horoskopi i fundjavës/ Aventura në dashuri dhe ditë të mira për paratë, zbuloni shenjat më të favorizuara

    Horoskopi i fundjavës/ Aventura në dashuri dhe ditë të mira për paratë, zbuloni shenjat më të favorizuara

    Fundjava e datave 28 deri më 30 mars sjell energji të veçantë për dy shenjat e horoskopit që do ta shijojnë atë. Këto dy ditë u premtojnë atyre lumturi në të gjitha fushat, nga idetë dhe surprizat e reja deri te fluksi i parave dhe romancat pasionante.

    Gaforrja

    Pasi ndoshta keni kaluar nëpër periudha rëniesh financiare dhe mundësi të humbura, tani është koha për një kthesë. Ju pret një fitim financiar i papritur dhe energjia juaj do të jetë në nivele të larta. Mund të prisni një telefonatë nga një person me të cilin nuk keni dëgjuar prej kohësh dhe ky komunikim do të sjellë shumë gëzim.

    Bricjapi

    Pas një periudhe të gjatë në të cilën mund të keni pasur fokus të reduktuar, tani vjen koha për t’u zgjuar. Do të ndjeni nevojën për t’iu përkushtuar vetes. Kjo fundjavë është e përkryer për fillimin e marrëdhënieve të reja emocionale dhe miqësore. Yjet ju sjellin mundësinë për shoqërim dhe flirtim të këndshëm, ndaj kjo do të jetë një fundjavë ku mund të shijoni një aventurë romantike me një person që do t’ju lërë mendjen!

  • Regjia ia përsërit në mënyrë të vazhdueshme “Kujdes mikrofonin”, Gjesti kundërshton produksionin: S’ka kujdes

    Regjia ia përsërit në mënyrë të vazhdueshme “Kujdes mikrofonin”, Gjesti kundërshton produksionin: S’ka kujdes

    Konkurrenti nga Kosova, Gjesti, po vazhdon të jetë një nga personazhet më të komentuara të Big Brother VIP Albania 4, duke sjellë dinamika të forta brenda shtëpisë.

    Së fundmi, ai është përfshirë në një debat të ashpër me Gertën dhe disa banorë të tjerë, ku ka bërë disa deklarata që lidhen me informacione nga jashtë shtëpisë.

    Kjo ka sjellë menjëherë ndërhyrjen e produksionit, duke i tërhequr vërejtjen për shkeljen e rregullave të lojës.

    “Kush ta ka treguar këtë ty?”, e pyeti Gerta, ndërsa produksioni reagoi menjëherë duke e paralajmëruar Gjestin: “Gjesti, kujdes mikrofonin”.

    Por, reperi nuk e ka pritur mirë këtë ndërhyrje dhe ka vazhduar të kundërshtojë regjisorët, duke u shprehur prerë: “S’ka kujdes”, në shenjë revolte ndaj vërejtjeve të njëpasnjëshme.

    Ky moment ka bërë bujë në rrjetet sociale, ku fansat po diskutojnë nëse Gjesti po sfidon qëllimisht rregullat apo nëse thjesht ka qenë një shpërthim emocional i tij. Një gjë është e sigurt – ai po vazhdon të jetë një nga banorët më të përfolur të këtij edicioni!

  • Futet nga Porti i Durrësit një sasi mishi pule me Salmonelë, AKU nis gjurmimin për bllokimin e produktit! Malli u importua nga Brazili

    Futet nga Porti i Durrësit një sasi mishi pule me Salmonelë, AKU nis gjurmimin për bllokimin e produktit! Malli u importua nga Brazili

    Autoriteti Kombëtar i Ushqimit, ka njoftuar se ka nisur proceduar e gjurmimit dhe bllokimit të një sasie mishi pule, i dyshuar me Salmonelë, që është importuar në vendin tonë nga Brazili, parmes Portit të Durrësit.

    Sipas AKU, është inspektuar subjekti importues për ndjekjen e gjurmueshmërisë, i cili është referuar në organet e Prokurorisë së Rrethit Gjyqësor Tiranë, për veprime të mëtejshme proceduriale.

    Subjekti importues do të hetohet për sa i takon elementëve të veprës penale për mosrespektim të kritereve të gjurmueshmërisë dhe dhënie të informacionit të pasaktë.

    Njoftim i AKU

    Në kuadër të transparencës dhe informimit të publikut, si dhe në funksion të garantimit të sigurisë ushqimore dhe mbrojtjes së shëndetit të konsumatorëve, Autoriteti Kombëtar i Ushqimit ka ndërmarrë një sërë masash të menjëhershme dhe të strukturuara për të adresuar një situatë të identifikuar para disa ditësh gjatë proceseve të kontrollit të produkteve ushqimore të importuara në Portin e Durrësit.

    Referuar analizimit në ISUV në datën 21.03.2025, për prani të Salmonella Typhimurium në një mostër produkt pule (fileto e ngrirë), e importuar nga Brazili, AKU ka ndërhyrë në mënyrë të koordinuar me strukturat përgjegjëse për gjurmimin, verifikimin dhe bllokimin e produktit në fjalë, si dhe për marrjen e masave administrative dhe ligjore ndaj subjektit përgjegjës.

    Është inspektuar subjekti importues për ndjekjen e gjurmueshmërisë, i cili është referuar në organet e Prokurorisë së Rrethit Gjyqësor Tiranë, për veprime të mëtejshme proceduriale, për sa i takon elementëve të veprës penale për mosrespektim të kritereve të gjurmueshmërisë dhe dhënie të informacionit të pasaktë.

    Autoriteti Kombëtar i Ushqimit siguron publikun se situata është në ndjekje të vazhdueshme dhe se çdo veprim është ndërmarrë në funksion të transparencës, sigurisë dhe mbrojtjes së shëndetit të qytetarëve.

    Për çdo zhvillim të mëtejshëm, AKU do të vijojë të informojë në mënyrë të saktë dhe të përgjegjshme.

  • SPAK urdhër kontrolli për banesën e Giovana dhe Alda Nikollit! Kush janë motrat që iu bë atentat, lidhjet me dy personazhet e krimit

    SPAK urdhër kontrolli për banesën e Giovana dhe Alda Nikollit! Kush janë motrat që iu bë atentat, lidhjet me dy personazhet e krimit

    Prokuroria e Posaçme Anti-Korrupsion (SPAK) la lëshuar urdhër kontrolli për banesën e dy motrave, Giovana dhe Alda Nikolli.

    Vijon…

  • Pamje të frikshme nga tërmeti në Mianmar! Njerëzit vrapojnë në panik, rrugët “ndahen në dysh”, shembet rokaqielli 30-katësh. 43 punëtorë të bllokuar

    Pamje të frikshme nga tërmeti në Mianmar! Njerëzit vrapojnë në panik, rrugët “ndahen në dysh”, shembet rokaqielli 30-katësh. 43 punëtorë të bllokuar

    Një tërmet i fuqishëm me magnitudë 7.7 të shkallës Rihter goditi Myanmarin.

    Tërmeti është aq i fortë sa është ndjerë në Tajlandë dhe vende të tjera fqinje.

    Tërmeti shkaktoi shembjen e ndërtesave si në Myanmar ashtu edhe në  Bangkok, ndërsa rrugët u “ndanë” në dysh.

    Videot që qarkullojnë në rrjetet sociale tregojnë shkallën e shkatërrimit.

    Një urë e madhe në Mianmar u shemb gjatë tërmetit. Policia njoftoi se një rrokaqiell 30-katësh në ndërtim e sipër në Bangkok u shemb, duke bllokuar të paktën 43 punëtorë.

    Tërmeti kishte një thellësi fokale prej 10 kilometrash dhe ndodhi rreth orës 14:20 (ora lokale) në një distancë prej afërsisht 17 kilometrash nga qyteti i Mandalay me rreth 1.2 milionë banorë, sipas Shërbimit Gjeologjik të Shteteve të Bashkuara (USGS).

    Pasoi një pasgoditje me magnitudë 6.7 të shkallës Rihter dhe autoritetet po paralajmërojnë banorët për tërmete të tjerë.

    Dëshmitarët okularë në Bangkok thanë se njerëzit, menjëherë pas tërmetit, dolën në rrugë në panik.

    “Dëgjova një zë ndërsa flija në shtëpi, vrapova sa më shumë që munda nga ndërtesa me pizhame,” tha Nuanghai, një banor i Chiang Mai, qyteti i dytë më i madh i Tajlandës dhe një destinacion popullor turistik i njohur për tempujt e tij.

     

  • Loredana dhe Jozi shijojnë puthje pasionante në orët e vona të mbrëmjes

    Loredana dhe Jozi shijojnë puthje pasionante në orët e vona të mbrëmjes

    Në orët e vona të natës, Loredana dhe Jozi kanë dhuruar një moment plot pasion në shtëpinë e Big Brother VIP Albania, duke shkëmbyer një puthje të zjarrtë në shtrat.

    Dyshja, që kanë pasur një histori të trazuar brenda reality show-t, duket se i janë rikthyer lidhjes së tyre.

    Pas daljes së Jozit nga shtëpia dhe disa deklaratave të tij që nuk i pëlqyen Loredanës, marrëdhënia e tyre ishte në një pikë të pasigurt. Megjithatë, me kthimin e tij, gjërat kanë ndryshuar dukshëm.

    Tashmë, ata shfaqen më të afërt se kurrë, duke kaluar momente të ëmbla dhe të ngrohta bashkë. Puthja e tyre e fundit duket se ka konfirmuar se lidhja mes tyre është ringjallur dhe se ndjenjat mes tyre janë më të forta se kurrë.

    Fansat e çiftit po e komentojnë gjerësisht këtë moment, duke u ndarë mes atyre që besojnë në ndjenjat e sinqerta të dyshes dhe atyre që mendojnë se kjo mund të jetë një strategji loje.

    Megjithatë, një gjë është e sigurt: Loredana dhe Jozi po e jetojnë romancën e tyre pa u fshehur më!

  • SKANDAL/ 15.000 kg mish pule me salmonelë u konsumua nga shqiptarët. AKU fsheh shkeljet

    SKANDAL/ 15.000 kg mish pule me salmonelë u konsumua nga shqiptarët. AKU fsheh shkeljet

    Pasiguria ushqimore është në nivele alarmante. Dështimi i AKU për të kontrolluar mishin që tregtohet, ka bëre që qytetarët në supermarkete, markete dhe restorante të konsumojnë mish pule të infektuar me bakterin e salmonelës.

    Burime për ‘Ora investigim’ bëjnë me dije se në 11.03.2025 është futur nga porti i Durrësit 19.000 kg mish pule i importuar nga Brazili. Sipas të dhënave në etiketë data e skadencës ishte 13.12.2026.

    Sipas procedurave standarde inspektorët e AKU në pikën doganore marrin mostrat e mishit të importuar dhe i dërgojnë për analizim. Deri në daljen e rezultatit të analizave mishi duhet të qëndrojë i bllokuar.

    Pa pritur rezultatin e analizave subjekti importues është lejuar ta hedhë të gjithë produktin ne treg për shitje.

    Këto janë rezultatet e analizave, ku 19.000 kg mish pule i importuar nga Brazili rezulton i infektuar me bakterin e salmonelës.

    Në këtë rast kemi të bëjmë me dy shkelje, fillimisht laboratori nën varësinë e Ministrisë së Bujqësisë ka nxjerrë përgjigjen e analizave me 5 ditë vonesë, ndërkohë që AKU e cila duhet të mbante mishin e bllokuar deri në pritje të rezultatit ka lejuar që të futej në treg, duke bërë që mishi i pulës me salmonelë të konsumohet nga fëmijë e të rritur.

    Të shqetësuar jo për shëndetin e qytetarëve, por për faktin se ky skandal mund të bëhej mediatik, AKU ka trokitur në derën e subjektit që ka importuar mishin, në mënyrë që të tërhiqet nga tregu.

    Burime për “Ora investigim” bëjnë me dije se nga 19.000 kg mish pule me salmonelë është bllokuar vetëm 4000 kg, ndërsa 15.000 kg rezulton të jetë shitur.

    Inspektorët e AKU i kanë kërkuar subjektit importues faturat e shpërndarjes, por përfaqësuesi i subjektit i ka “treguar muskujt” inspektorëve duke refuzuar t’i vendosë në dispozicion faturat.

    Papërgjegjshmëria e institucionit që drejtohet nga Manush Kullolli vijon të rrezikojë jetën e qytetarëve, ndërsa “flirtimet” e biznesmenëve me inspektorët e AKU, bëjnë që këto të fundit të mbyllin sytë para shkeljeve flagrante./OraNews

  • Agron Llakaj bën urimin më emocionues për djalin e tij: Ditëlindja e parë pa mamin, do ta kalosh në heshtje, por gëzo

    Agron Llakaj bën urimin më emocionues për djalin e tij: Ditëlindja e parë pa mamin, do ta kalosh në heshtje, por gëzo

    Sot, Agron Llakaj, aktori i mirënjohur shqiptar dhe autor i Papare Najt, ka ndarë një postim mjaft prekës në rrjetet sociale, duke i dedikuar një mesazh të veçantë djalit të tij, Eno, në ditëlindjen e tij të 38-të.

    Ky është viti i parë që Eno e feston ditëlindjen pa nënën e tij, Kostandina, e cila humbi jetën rreth një vit më parë.

    Agroni, i mbushur me emocione, shkruan:

    I dashur biri im Eno!

    Eshte ditelindja e pare e jotja qe ka nje shije tjeter, mungon Ajo qe te solli ne jete e te mekoi dashuri per 37 vite…,mami yt dhe e shtrenjta jone Kostandina.

    E di qe do ta kalosh ne heshtje por gezo, gezo dhe festo bir, mami nga atje lart te dergon lum urimi dhe dashurie per ty, dy birushat e embel Teos & Brus, dhe familjen tende!

    Degjoje kete kenge dhe zere se te kendon zeri dhe shpirti i Saj.

    Gezuar 38-te vjetorin biri im!🙏❤️🥰🥂

    Te perqafoj plot dashuri!🤗
    babi dhe shoku yt i ngushte, Goni.

  • “Më vjen keq që hoqa unazën…”/ Loredana dhe Jozi flasin për lidhjen e tyre!

    “Më vjen keq që hoqa unazën…”/ Loredana dhe Jozi flasin për lidhjen e tyre!

    Teksa po qëndronin me njëri tjetrin Loredana i ka kërkuar falje Jozit.

    Të kërkoj falje për keqinterpretimet, më vjen keq që hoqa unazën. Më vjen mirë për sjelljen që pate me mamin tim atë ditë prandaj edhe të kërkoj falje.

    Jozi:

    Je e falur. Psë më bën kështu gjestesh? Pse nuk reagon direkt në moment? A je duke folur me mua apo me njerëz të panjohur? Kur kam pasur unë diçka të kam marrë më vetë.

    Loredana:

    Jo nuk e ke bërë. Unë vërtet dua që kjo e jona të zgjas edhe jashtë.

  • “Mora një goditje shumë të madhe…”/ Valbona Mhilli: Nuk e di se ç’pati Gjesti, na bëri dy në një dhe ja ku jemi sot!

    “Mora një goditje shumë të madhe…”/ Valbona Mhilli: Nuk e di se ç’pati Gjesti, na bëri dy në një dhe ja ku jemi sot!

    E ftuar në emisionin “Pardon My French” ka qenë Valbona Mhilli. Ish-banorja e e “Big Brother VIP” e cila përfundoi rrugëtimin e saj të martën pas një nominimi shumë të fortë ‘kokë më kokë’ me Laert Vasilin. Në fillim të intervistës Valbona u shpreh se ka qenë mjaft e ngarkuar dhe që pas daljes së saj nuk ka arritur që të pushojë. Jonida e pyeti nëse kjo ishte një ngarkesë e të gjithë asaj që ndodhi apo fakti që po dilte dhe po linte pas të tjerë që meritonin të dilnin para saj?

    Nuk e kam menduar pjesën e atyre banorëve sepse të them të drejtën disa prej tyre nuk i shikoja si konkurrentë përballë vetes sime. Ishin 3 ditët më të vështira që kam kaluar në “Big Brother”.

    E kishte menduar Valbona që do të vinte një moment dhe ata do të ndaheshin si një banor i vetëm dhe secili të bënte lojën e tij?

    Ne donim të ndaheshim sepse unë nuk kisha nevojë që të kisha një mbështetje një lojtar. Unë nuk kam pasur asnjëherë nevojë që të kisha një aleat apo dikë që më mbronte sepse vetëm me zërin brilant mund t’ia dilja që të mbrohesha.

    Nuk e di se ç’pati Gjesti që na bëri dy në një dhe ja ku jemi sot. Mirë them që ka bërë sepse i dha mundësinë Laertit dhe mua që të merrnim një vendim shumë të rëndësishëm.

    A është ende e mërzitur me Laertin ajo dhe si u ndje në atë moment kur mori vesh se çfarë kishte vendosur banori?

    Padiskutim që po. Nuk ka asgjë që e ndryshon. Vendimi i tij shkatërroi çdo gjë. Mora një goditje shumë të madhe dhe u ndjeva e tradhtuar

    Ajo shtoi gjithashtu se:

    Atë që e ka, e ka ai dhe unë nuk mund t’ia hedh dot poshtë. Është shumë karizmatik dhe anët e tij pozitive nuk mund t’ia hedh unë poshtë. Këtë anën që u tregua besëprerë nuk e kisha menduar ndonjëherë që mund ta bënte tek unë. Ai zgjodhi që vajzën që dashuronte dhe donte në atë shtëpi ta largonte sepse nuk donte ta njihte më.