Category: Lajme

Kryeministri Edi Rama e quan çdo ditë ‘buf kënete’, por ky epitet për Sali Berishën nuk është aspak ofendim, përkundrazi.

I ftuar mbrëmjen e kaluar në “Top Story”, Berisha kujtoi se bufi ka qenë simbol i Perëndeshës së luftës dhe mençurisë, Athinasë.

“Ky njeri ka vetëm batuta me realizmin socialist. Ky njeri nuk e di se çfarë nderi i bën Sali Berishës me bufin. Bufi është simboli i Athinasë, perëndeshës së urtësisë dhe mençurisë. Bufi konsiderohej kaq simbol ia arrijë. Athinaja nuk zgjodhi shqiponjën, zgjodhi bufin.

Edhe romakët, pas grekëve, nuk i thoshin dot Athina perëndeshës së mençurisë, por e quajtën Minerva. As Minerva nuk e ndërroi simbolin. Do të mërzitet ai (Rama) sonte kur ta marrë vesh. Minerva përsëri ruajti bufin si simbol. Simbol i mençurisë, i zotësisë, i vendimit”.

Më pas, kryedemokrati përdori teorinë frojdiane.

“Njëra anë është ajo frojdiane, ato me Noc Rrokun i ka probleme të vetat. Është punë kompleksesh. Nuk do bëj psikoanalizën e tij (Ramës) tani”.

NGA PROF. DR. ARBEN MALAJ

“Bota nuk është e rrezikuar nga njerëzit e këqij, por nga ata që lejojnë të keqen”, – thoshte Albert Einstein. Në rastin e Vlorës, e keqja po lejohet të lulëzojë në formën e tymit kancerogjen që mbulon qytetin, duke helmuar banorët dhe turistët. Pamjet e tmerrshme të publikuara nga media janë një dëshmi e gjallë e një tragjedie të paralajmëruar, që po përsëritet prej vitesh, pa asnjë zgjidhje të qëndrueshme. Tymi i mbetjeve të djegura, një përzierje koktej vdekjeprurës, po shkatërron shëndetin e vlonjatëve dhe po dëmton imazhin e qytetit si destinacion turistik. Zjarret, të cilat dyshohet se ndizen qëllimisht, janë një formë e shëmtuar sabotimi ndaj zhvillimit të Vlorës.

Disa nga aktorët dhe faktorët e kësaj situate ambientaliste kërcënuese për shëndetin tonë janë: (i) Papërgjegjshmëria e autoriteteve: Pavarësisht premtimeve elektorale, autoritetet lokale dhe qendrore kanë dështuar të marrin masa konkrete. Prioriteti i tyre duket se është i lidhur ngushtësisht me interesat e investitorëve strategjikë, duke lënë pas dore shëndetin dhe sigurinë e qytetarëve; (ii) Mungesa e veprimit: Vlonjatët nuk duhet të presin nisjen e projekteve të investitorëve strategjikë për të kërkuar zgjidhjen e problemit. Qeveria ka detyrimin të ndërhyjë menjëherë, sipas parimit të subsidiaritetit të BEsë, cili përcakton se si duhet të ndahen kompetencat midis niveleve të ndryshme të qeverisjes, veçanërisht midis BE-së dhe shteteve anëtare.

Parimi i subsidiaritetit qartëson se vendimet duhet të merren në nivelin më të ulët të mundshëm të qeverisjes. BE-ja duhet të ndërhyjë vetëm kur veprimet e shteteve anëtare nuk janë të mjaftueshme për të arritur objektivat e dëshiruara. Në rastin e krizës së tymrave kancerogjenë në Vlorë, parimi i subsidiaritetit mund të jetë i zbatueshëm në disa mënyra: Dështimi i nivelit lokal: Nëse autoritetet lokale të Vlorës dështojnë të adresojnë në mënyrë efektive problemin e ndotjes, atëherë qeveria qendrore ka të drejtë të ndërhyjë. BE-ja ka standarde të rrepta mjedisore që shtetet anëtare dhe ato që aspirojnë anëtarësimin duhet të respektojnë. Nëse situata në Vlorë shkel këto standarde, BE-ja mund të ushtrojë presion ose të ofrojë ndihmë për të siguruar zbatimin e tyre.

Në këtë kontekst, parimi i subsidiaritetit mund të justifikojë ndërhyrjen e qeverisë qendrore ose edhe të BE-së, nëse dështojnë veprimet e autoriteteve lokale për të mbrojtur shëndetin e qytetarëve dhe mjedisin. (iii) Paralelizmi me Napolin: Ashtu siç u veprua në Napoli, kur qeveria e Berluskonit solli ushtrinë për të ndaluar krizën e plehrave, edhe në Vlorë nevojitet një ndërhyrje e fortë dhe e menjëhershme. (iv) Mungesa e llogaridhënies: Ku janë autoritetet ligjore përgjegjëse për ndotjen? A kanë kryer kontrolle dhe a kanë penalizuar personat përgjegjës? Pse mungon guximi për të ngritur problemet kritike reale në takimet me kryeministrin, por thjesht e paraqisni gjithçka mavi?. (v) Mungesa e protestave qytetare: Qytetarët grekë, serbë dhe maqedonas po protestojnë për tragjedi të ndryshme. Pse vlonjatët heshtin? Është e pashpjegueshme që qytetarët e Vlorës të mos protestojnë paqësisht, por me forcë, për të mos vonuar më zgjidhjen e përhershme për ndalimin e tymrave kancerogjene.

Në një diskutim para disa ditëve me një koleg që është kandidat për deputet i Vlorës nga PS, ndava disa mendime për parandalimin dhe ndalimin e plotë të djegieve të plehrave të Vlorës. Aty përfshija: Shpallja e emergjencës mjedisore: Për të mundësuar ndërhyrjen e menjëhershme dhe alokimin e fondeve të nevojshme. Kontrolli ushtarak i fushave të mbetjeve: Për të parandaluar djegien e mbetjeve dhe për të siguruar zbatimin e standardeve mjedisore. Duke theksuar edhe riskun e lartë që djegiet në prag dhe gjatë sezoneve turistike mund të bëhen edhe si pjesë e luftës për konkurrencën në rritje të Vlorës dhe Shqipërisë për flukset turistike në rritje në rajonin tonë. Pas vitit 1998, pas trazirave sociale deri në konflikte sociale nga rënia e piramidave, mediat greke në Korfuz, të frikësuara nga konkurrenca potenciale e Sarandës, Gjirokastrës, Beratit dhe Përmetit u kushtuan emisione lajmesh dhe emisione speciale bazuar në risqet e mëdha, sipas tyre, nga ngjarje të dhunshme ku mbizotëronin hapjet e depove ushtarake, përplasjet mes bandave apo skenave të rrëmbimit të armëve dhe përdorimit të armëve si lodra të rrezikshme nga fëmijët.

Parandaluese janë edhe masat si: (i) Hetim i autoriteteve përgjegjëse: Duhet të hetohen autoritetet ligjore përgjegjëse për ndotjen dhe të ndëshkohen ata që kanë shkelur ligjin. (ii) Transparencë dhe llogaridhënie: Qeveria duhet të sigurojë transparencë të plotë në lidhje me masat e marra dhe të mbajë përgjegjësi për veprimet e saj;(iii) Digjitalizimi i kontrollit të infrastrukturës kritike: Qeveria duhet të digjitalizojë kontrollin e rreptë të infrastrukturës kritike si ujësjellësit, qendrat e grumbullimit të plehrave, rrjeti elektrik dhe informatik. Qeveria duhet të mësojë nga mësimi i madh në lidership nga Aleksandri i Madh. Historia e nyjës Gordiane është një nga anekdotat më të famshme që lidhen me Aleksandrin e Madh dhe ofron një mësim të rëndësishëm mbi lidershipin dhe zgjidhjen e problemeve shumë të vështira. Sipas legjendës, në qytetin e Gordionit (në Turqinë e sotme) ndodhej një karrocë, e lidhur me një nyjë jashtëzakonisht të ndërlikuar.

Profecia thoshte se kushdo që do të zgjidhte këtë nyjë, do të bëhej sundimtari i Azisë. Kur Aleksandri i Madh mbërriti në Gordion, ai nxori shpatën dhe e preu nyjën me një goditje të vetme. Mësimi kryesor nga kjo histori është se ndonjëherë, problemet komplekse kërkojnë zgjidhje të thjeshta dhe të drejtpërdrejta. Ai tregon rëndësinë e të qenit i guximshëm dhe i gatshëm për të marrë rreziqe, si dhe për të mos u kufizuar nga metodat tradicionale. Në kontekstin e artikullit, kjo histori përdoret për të theksuar nevojën për veprim të vendosur dhe të menjëhershëm në zgjidhjen e problemit të tymrave kancerogjenë në Vlorë. Vlora nuk mund të presë më! Jeta dhe shëndeti i qytetarëve janë në rrezik. Është koha për të vepruar, për të ndaluar këtë krim mjedisor dhe për t’i dhënë Vlorës frymëmarrjen që meriton. Duhet të mos lejohet më që indiferenca dhe papërgjegjshmëria të vrasin jetën e qytetarëve, të vrasin shpresën dhe t’u rrëmbejnë vlonjatëve dhe shqiptarëve të ardhmen.

/Gazeta Panorama

Një tërmet i fortë me magnitudë 7.7 ballë ka goditur Tajlandën, duke shkaktuar kaos në Bangkok, ku tronditi ndërtesat e larta dhe shkatërroi një bllok apartamentesh.

Shërbimi Gjeologjik i SHBA-së dhe qendra e Gjeoshkencave GFZ e Gjermanisë thanë se incidenti e kishte epiqendrën në Mianmarin fqinj.

Një tërmet i dytë, me magnitudë 6.4 ballë, tronditi zonën 12 minuta më vonë, me forcën e lëkundjeve që shkundën mbeturinat nga ndërtesat dhe plasaritën rrugët në kryeqytetin e Mianmarit, Naypyitaw.

Në Bangkok jetojnë më shumë se 17 milionë njerëzve, shumë prej të cilëve jetojnë në apartamente shumëkatëshe, shkruan Daily Mail.

Video tronditëse ka treguar momentin kur punëtorët ia mbathën teksa një ndërtesë në ndërtim e sipër u shemb kur u trondit nga forca e tërmetit.

Policia e Bangkok tha se numri i viktimave të mundshme nuk dihet ende, ndërsa mediat lokale kanë raportuar se rreth 43 punëtorë janë zhdukur pas shembjes.

Earthquake sum up 3pm (Mynamar/Thailand)
– 7.7 quake hit near Mandalay/Myanmar
– Hundreds of homes collapsed (various Myanmar cities)
– Strong shocks in Thailand + multiple building collapse in Bangkok
– USGS predicts thousands of people dead

(Bangkok clips from social media:) pic.twitter.com/kJodTn6BIg

— Florian Witulski (@vaitor) March 28, 2025

Mbrëmjen e djeshme, në ambientet e Drejtorisë Vendore të Policisë Shkodër, janë paraqitur një çift irlandez, i cili ka dorëzuar një shumë vlerash monetare prej 41 400 eurosh.

Shtetasi K. S., 42 vjeç, dhe bashkëshortja e tij, shtetasja K. K., kanë deklaruar se shumën prej 41 400 eurosh e kanë gjetur më datë 26.03.2025, rreth orës 15:30, në afërsi të një supermarketi, në lagjen nr 13, Durrës.

Me veprimet e metejshme do të merret Drejtoria Vendore e Policië Durrës.

Grupi i Këshilltarëve Bashkiakë të Opozitës në Bashkinë Tiranë kundërshton metodat autoritariste dhe të paligjshme të të Edi Ramës, siç ishte rasti i zëvendësimit të kryetarit të arrestuar të Bashkisë, Erion Veliaj, me nënkryetaren, Anuela Ristani.

Me anë të një letre drejtuar Kongresit të Autoriteteve Lokale dhe Rajonale të Këshillit të Evropës, këshilltarët e Opozitës bëjnë të ditur se është cënuar autonomia e pushtetit vendor, si dhe u margjinalizua roli i Këshillit Bashkiak, duke u shmangur nga vendimarrja.

Në letrën e tyre Këshilltarët e Opozitës bëjnë me dije se përpos kësaj, ka shenja të qarta se administrata e Bashkisë Tiranë po manipulohet dhe kërcënohet për t’u përdorur në zgjedhjet e datës 11 maj.

Duke dënuar fuqimisht ndërhyrjet e paligjshme të Ramës në këtë proçes, Grupi i Këshilltarëve të Opozitës në Bashkinë Tiranë i bën thirrje institucioneve ligjzbatuese të vijojnë hetimet për çdo rast korrupsioni dhe intimidimi të administratës. Gjithashtu, ata kërkojnë nga Kongresi i Autoriteteve Lokale dhe Rajonale në Këshillin e Evropës të marrë në shqyrtim situatën e krijuar dhe të ndërhyjë për të mbrojtur standardet demokratike në pushtetin vendor në Shqipëri.

Letra e PD drejtuar KE:
Drejtuar Kongresit të Autoriteteve Lokale dhe Rajonale të Këshillit të Evropës

Në dijeni të Sekretarit të Përgjithshëm, z. Mathieu Mori

Të nderuar anëtarë të Kongresit të Autoriteteve Lokale dhe Rajonale të Këshillit të Evropës,

Ne, grupi i këshilltarëve bashkiakë të opozitës në Bashkinë Tiranë, dëshirojmë t’ju informojmë mbi një situatë tejet shqetësuese që po ndodh në qeverisjen vendore në Tiranë dhe që bie në kundërshtim me parimet themelore të Kartës Evropiane të Autonomisë Vendore.

Pas vendimit të gjykatës për arrestimin e Kryetarit të Bashkisë Tiranë, z. Erion Veliaj, kemi vërejtur një ndërhyrje të paprecedentë dhe të paligjshme nga ana e Kryeministrit të Shqipërisë, z. Edi Rama, në punët administrative dhe vendimmarrjen e Bashkisë Tiranë. Në vend që Këshilli Bashkiak dhe institucionet e qeverisjes vendore të ushtrojnë funksionet e tyre në përputhje me Kushtetutën dhe ligjin, bashkia është vënë nën kontrollin e drejtpërdrejtë të ekzekutivit qendror.

Në këtë kontekst, vërejmë:

1. Cenimin e autonomisë vendore – Neni 3 i Kartës Evropiane të Autonomisë Vendore përcakton qartë se autoritetet vendore duhet të jenë të lira nga ndërhyrjet e paligjshme të qeverisë qendrore. Megjithatë, veprimet e Kryeministrit tregojnë një kapje politike të institucioneve vendore.

2. Margjinalizimin e Këshillit Bashkiak – Pavarësisht se Këshilli Bashkiak është organi më i lartë përfaqësues në nivel vendor, ai është anashkaluar dhe nuk po ushtrohet roli i tij kushtetues dhe ligjor.

3. Manipulimin politik të administratës dhe burimeve publike – Ka shenja të qarta se ky kontroll i paligjshëm mbi Bashkinë Tiranë po përdoret për përfitime politike dhe ekonomike, duke përfshirë dhënien e lejeve të ndërtimit në mënyrë të dyshimtë dhe instrumentalizimin e administratës për zgjedhjet parlamentare të 11 majit 2024.

Për këto arsye, ne:

• Dënojmë fuqimisht ndërhyrjet e Kryeministrit në administrimin e Bashkisë Tiranë, të cilat janë në kundërshtim me standardet demokratike dhe parimet e qeverisjes së mirë.

• Inkurajojmë institucionet e drejtësisë që të vijojnë hetimet mbi çdo rast të korrupsionit dhe shkeljes ligjore të lidhur me administratën e bashkisë.

• Kërkojmë një distancim të menjëhershëm të qeverisë qendrore nga vendimmarrja në Bashkinë Tiranë dhe kthimin e autonomisë së saj tek organet legjitime të qeverisjes vendore.

• Bëjmë thirrje këshilltarëve bashkiakë të të gjitha forcave politike të mbajnë qëndrime të pavarura dhe të ushtrojnë funksionet e tyre në interes të qytetarëve të Tiranës.

Autonomia vendore dhe sundimi i ligjit janë themeli i një demokracie funksionale. Ndaj, kërkojmë nga Kongresi i Autoriteteve Lokale dhe Rajonale i Këshillit të Evropës që të shqyrtojë këtë situatë dhe të ndërmarrë hapa për mbrojtjen e standardeve demokratike në nivel vendor në Shqipëri.

Me respekt,

Grupi i Këshilltarëve Bashkiakë të Opozitës në Bashkinë Tiranë

Në një akt të dyshimtë, me firmën e zëvendëskryeministres Belinda Balluku, qeveria miratoi më 12 mars 2025 një vendim që i kalon shoqërisë shtetërore KAYO, pronësinë e godinave të ish-Uzinës së Autotraktorëve, të cilat ndodhen në zonën e Shkozës.

Qeveria ka revokuar të drejtën e pronësisë, të cilën vetë e kishte dhënë më parë me një vendim të mëparshëm për Bashkinë e Tiranës. Deri më tani, godinat ishin në pronësi të Bashkisë Tiranë dhe ishin caktuar për ndërtimin e banesave sociale. Por tani, pa pëlqimin e pronarit, ato kalojnë në duar të tjera, konkretisht në pronësinë e shoqërisë KAYO, nën juridiksionin e Ministrisë së Mbrojtjes.

Sipas këtij vendimi, godinat do të përdoren për ndërtimin e një fabrike që do të prodhojë armë dhe municione. Vendimi i qeverisë për kalimin e pronësisë shtetërore të godinave të ishUzinës së Autotraktorëve është marrë pa miratimin e Këshillit Bashkiak të Tiranës. Sipas nenit 58 të rregullores së Këshillit Bashkiak dhe nenit 54 të ligjit për qeverisjen vendore, çështja duhej të kalonte me jo më pak se 3/ 5 e votave të anëtarëve të Këshillit, por kjo as që është diskutuar në mbledhje. Kalimi i pronësisë ka shkelur gjithashtu ligjin për pasuritë shtetërore, duke krijuar një precedent të rrezikshëm për trajtimin e pronave shtetërore në të ardhmen.

Përveç kalimit të pronësisë në shkelje të ligjit, një tjetër shqetësim i madh është ndërtimi i kësaj fabrike në një zonë të banuar me densitet të lartë popullsie, duke rrezikuar seriozisht sigurinë dhe jetën e qytetarëve, shkollave, kopshteve dhe bizneseve që operojnë në zonë. Ky vendim ka ngritur alarmin për mundësinë e një “Gërdeci” të dytë, ku një aksident apo shpërthim i mundshëm mund të shkaktojë tragjedi të tmerrshme. Për realizimin e projektit është miratuar një buxhet fillestar prej 3 milionë eurosh për shoqërinë KAYO dhe ajo do të ketë mundësinë të bashkëpunojë me biznese private për prodhimin e armëve dhe municioneve, një hap që thellon dyshimet për transparencën dhe qëllimet reale të këtij projekti.

Nëse ky vendim zbatohet pa u ndaluar, do të kemi një tjetër provë të dhunimit të ligjit dhe të interesave të qytetarëve, që po injorohen nga ata që duhet të mbrojnë ligjin dhe sigurinë publike. Pas këtij vendimi, çdo qytetar që jeton në zonën e Shkozës dhe afër saj ka arsye të shqetësohet për të ardhmen e tij. Kjo është një shkelje flagrante e të drejtave të qytetarëve dhe një goditje tjetër për transparencën dhe përgjegjshmërinë e administratës qeveritare.

/Gazeta Panorama

Tërmeti i fuqishëm në Mianmar me magnitudë 7.7 goditi disa vende në Azinë Juglindore: Bangladesh, Indi, Laos, Tajlandë.

Ndërkohë, Qendra e Rrjeteve të Tërmeteve të Kinës (CENC) tha se tronditja ishte me magnitudë 7.9, sipas agjencisë së lajmeve Xinhua, me një postim në mediat sociale nga CENC duke thënë se “dridhjet u ndjenë në Yunnan”.

Agjencia e lajmeve AFP raportoi nga kryeqyteti i Myamar, Naypyidaë, se rrugët u çanë nga forca e lëkundjeve dhe copa tavanesh ranë nga ndërtesat.

Në kryeqytetin fqinj të Tajlandës, Bangkok, banorë të befasuar dolën nga ndërtesat e larta. Dëshmitarët thanë se lëkundjet ishin mjaft të forta.

“E dëgjova dhe isha duke fjetur në shtëpi, vrapova sa më shumë me pizhame nga ndërtesa,” i tha AFP Duangjai, një banor i qytetit turistik të njohur verior Chiang Mai.

Disa shërbime të metrosë dhe hekurudhave të lehta u pezulluan në Bangkok.

Kryeministrja tajlandeze Paetongtarn Shinawatra tha të premten se kishte ndërprerë një vizitë zyrtare në ishullin jugor të Phuket për të mbajtur një “takim urgjent” pas një tërmeti të fuqishëm, sipas një postimi në X.

Deputetja Monika Kryemadhi ndodhet në një intervistë në emisionin “Opinion” në Tv Klan, nga ku ndër të tjera ka folur edhe për procesin e divorcit të saj me ish-Presidentin Ilir Meta. Kryemadhi gjatë intervistës shprehet se nuk do të marrë pjesë as në seancën tjetër të divorcit pasi sipas saj ajo e ka të qartë pozicionin e saj, teksa shton se procesin le ta komandojnë ato persona që e kanë iniciuar.

Monika Kryemadhi ndër të tjera ka treguar detaje se kur është thyer raporti i tyre. Kryemadhi thekson se lajmin për divorcin e ka marrë nga mediat ku përmend një telefonatë të një gazetari që e pyeste lidhur me këtë gjë.

Pjesë nga intervista:

Blendi Fevziu: Ka dalur lajmi publik që edhe në rrugë zyrtare divorci juaj me Metën po zyrtarizohet. Çafrë ndodhi në raportin tuaj me Ilir Metën, pasi dikur thoshit se jeni gati të bëni krim pasioni.

Monika Kryemadhi: Po dhe ashtu ka qenë gjithmonë dhe sot e kësaj ditë unë… Unë kur e kam njohur Ilir Metën kam qenë 17 vjeç dhe kur jemi lidhur bashkë kam qenë pa bërë 20 vjeç. Jemi lidhur në Janar të vitit ‘94 dhe përtej kësaj ne në 11 Prill kemi sencën tjetër dhe unë përsëri nuk do të paraqitem në gjyq se jam shumë e qartë në gjithë pozicionin tim qoftë personal apo politik që personat që e iniciuan divorcin le ta komandojnë. Kush e inicioi le ta komandojë.

Blendi Fevziu: Kush e inicioi, zoti Meta? Zoti Meta është në qeli sot.

Monika Kryemadhi: Nuk e di. Ai që e ka iniciuar le ta komandojë si proces. Pastaj pjesa tjetër e momentit të marrëdhënies personale është një gjë që sa i përket familjes time marrëdhënieve tona personale. Kështu që çështja e divorcit nuk jam as e para dhe as e fundit që i ndodh kjo gjë.

Blendi Fevziu: Raporti juaj ishte sa një raport familjar, bashkëshortor aq edhe politik. Çështja juaj ishte më e komplikuar.

Monika Kryemadhi: Zoti Fevziu unë çështjen po e quajmë politiko-personale nuk dua t’i diskutoj më në aspektin emocional apo personal.

Blendi Fevziu: Prej sa kohës ishte thyer raporti juaj zonja Kryemadhi?

Monika Kryemadhi: Raporti është thyer me 1 Prill të vitit të kaluar dhe unë pastaj kam qenë edhe në studion tuaj ku kam thënë që raporti jonë është i ngrirë dhe pastaj nuk kam pas më asnjë dalje tjetër televizive.

Blendi Fevziu: Cili ka qenë shkaku kryesor i divorcit?

Monika Kryemadhi: Nuk e kam kuptuar asnjëherë zoti Fevziu.

Blendi Fevziu: Si nuk e keni kuptuar nuk e keni biseduar me zotin Meta këtë gjë?

Monika Kryemadhi: Jo. Unë edhe informacionin e divorcit e kam parë në media dhe ka qenë një gazetar i Zërit të Amerikës që më ka marrë në telefon dhe më ka thënë këtë gjë. Madje kam qenë duke parë ndeshjen Itali-Francë dhe sigurisht nuk më erdhi mirë.

Blendi Fevziu: A patët ndonjë moment ju që u ulët me bashkëshortin për një shpjegim?

Monika Kryemadhi: Mendoj që nuk është ndonjë risi në emisioni tuaj për të diskutuar për këtë gjë. Mendoj që zotit Meta i mbaroi marrëdhënia emocionale shpirtërore me mua. I drejtohet padisë civile në gjykatëdhe sigurisht kjo është. Unë uroj që të gjithëve koha të na bëjë të kuptojmë problemet që kemi. Sepse mos harrojmë një gjë që jo nuk është koha shëruesi më i mirë, por ne mësohemi me problemin dhe mendoj se në aspektin njerëzor zoti Meta morri një vendim personal dhe mendoj që në aspektin politik sigurisht…

Blendi Fevziu: Ku ishte thyer raporti juaj?

Monika Kryemadhi: Unë nuk mendoja që ishte thyer, por mesa kam dëgjuar nga intervistat ka qenë djegia e mandateve.