Category: Lajme

Kombëtarja Shqiptare do të përballet mbrëmjen e sotme me Andorrën në kuadër të raundit të dytë të kualifikueseve “Botërori 2026”. Kjo sfidë e cila nis në orën 20:45 do të zhvillohet në stadiumin “Air Albania”.

Gazetari i Klan News, Maksi Rama, i cili ndodhet në terren na sjell më nga afër atmosferën në kryeqytet pak orë para ndeshjes. Siç shihet edhe në pamjet e transmetuara në Klan News ndryshe nga herët e tjera, kjo e ndikuar edhe nga kushtet atmosferike, numri i tifozëve në rrugët e kryeqytetit është më i vogël.

Duket se nuk ka grumbullim të tifozëve për shkak të reshjeve të shiut dhe ndryshe nga herët e tjera tifozët kanë zgjedhur të shkojnë në grupe të vogla në stadium jo me marshimin klasik.

Tifozët shprehen optimist për ndeshjen e sotme ku njëri prej tyre parashikon që ndeshja e sotme do të mbyllet 3-0 në favor të Shqipërisë.

“3 me 0. Ta shikojmë ne e kemi pasion Kombëtaren. Me Brojën presim gjithmonë por ta shohim ishalla. Të dali edhe ai nga dëmtimi. Ne vijmë nga Gjermania dhe erdhëm ta shikojmë kombëtaren. Ishalla fitore!” u shpreh një tifoz.

Ndeshjen Shqipëri-Andorra mund ta ndiqni falas dhe ekskluzivisht në Tv Klan./tvklan.al

Drama nuk ndodh vetëm brenda katër mureve të shtëpisë më të famshme në Shqipëri, ajo vazhdon edhe jashtë, në rrjetet sociale, aty ku një follow ose një unfollow mund të peshojë shumë.

Kësaj radhe, protagonistja është Egli, e cila pas rikthimit të saj në shtëpi ka ndryshuar qasjen ndaj Gjestit. Dhe nëse në shtëpi kjo është përkthyer në një sjellje më të ftohtë dhe një gjuhë të ashpër ndaj tij, jashtë ka pasur pasoja të tjera: motra e Gjestit ka vendosur të mos e ndjekë më në Instagram.

Dhe si për ta bërë këtë më pikant, Egli ende e ndjek atë.

Valbona ka agravuar debatet pas ndarjes nga Laerti me gjithë banorët e tjerë. Një tjetër debate me tone të larta ka qenë mes saj dhe Gertës.

Teksa Gerta e quante intrigante, ajo e ka thumbuar: Nuk rri unë në zyrë deri në 12 të natës duke pirë alkool.

Në anën tjetër të dyja kanë vazhduar duke zbuluar më tej detaje nga njohja e tyre jashtë.

Një ngjarje tragjike ka ndodhur gjatë së hënës në fshatin Stanoc të Vushtrrisë, ku një grua është vrarë dhe autori i dyshuar ka kryer vetëvrasje. Nga vendi i ngjarjes, familjari i viktimës, Rrahim Ajeti, ka dhënë detaje mbi rastin. Sipas tij, dyshohet se vrasja ka ndodhur për shkak se viktima kishte ndërruar vendin e punës dhe nuk punonte më te dorasi.

“Nuk ka pasur ndonjë lidhje familjare. Ka qenë grua shembullore. Viktima dhe bashkëshorti i saj kanë punuar vite më parë te biznesi i të dyshuarit. Nuk janë burrë e grua”.

“Rrethanat se si ka ardhur deri te vrasja nuk i dimë akoma. Por dyshohet se shkaku kryesor të jetë xhelozia se pse ka shkuar në një vend tjetër pune dhe e ka lënë tek unë”, deklaroi Ajeti para gazetarëve.

Pamjet nga vendi i ngjarjes tregojnë një numër të madh të forcave të policisë që kanë rrethuar zonën, ndërsa banorët e shqetësuar janë mbledhur përreth, të tronditur nga ajo që ka ndodhur. Dyshohet se akti ka ndodhur brenda objektit por jo brenda furrtarisë. Megjithatë, policia ende nuk kanë dhënë ende detaje zyrtare mbi motivin e kësaj tragjedie.

Kjo është vrasja e dytë që trondit Vushtrrinë brenda 24 orëve, pasi vetëm një ditë më parë një 19-vjeçar u vra në rrethana të tjera.

Edhe për gjatë ditës së martë në të gjithë territorin do të mbizotërojë moti i paqendrueshëm.

Në pjesën më të madhe të vendit do të ketë reshje shiu me intensitet mesatar.

Era nga kuadrati i jugut me shpejtësi deri në 10-12m/s, përgjatë vijës bregdetare e lugina pritet të fitojë shpejtësi deri në 25m/s.

Era nga kuadrati i jugut me shpejtësi deri në 10-12m/s, përgjatë vijës bregdetare e lugina pritet të fitojë shpejtësi deri në 25m/s.

Është zbardhur dëshmia e dy të rinjve që dhunuan barbarisht 43-vjeçarin Fabjol Hysi, me aftësi te kufizuara (shurdh-memec), i cili vijon të jetë i shtruar ne spitalin e Traumës në Tiranë pas goditjes që ai mori në kokë.

Dy dhunuesit e arrestuar, Enea Korreshi (17 vjeç) dhe Irdi Nasufi (20 vjeç), kanë pranuar fajin në polici, duke treguar dhe se si ka ndodhur ngjarja.

Dy të rinjtë në Lushnje goditën me gurë 43-vjeçarin, sa doli nga xhamia/ Nëna e Fabjol Canit: Djalit i kanë çarë kafkën, gjendja e tij mbetet kritike!

Ata kanë thënë se mbrëmjen e 20 marsit janë shkëmbyer me 43-vjeçarin, të cilin e njihnin më parë, dhe se ai, sipas tyre, i ka ofenduar.

Enea Korreshi dhe Irdi Nasufi thonë se fillimisht ka nisur një talljeje me të për shaka, por në momentin që Fabjol Hysa i ka ofenduar, aty e kanë goditur me grushte.

Dyshohet se për shkak të dhunës, 43-vjeçari ka përplasur kokën në një cep muri, çka i ka sjellë edhe dëmtimin e rëndë në kokë.

Deri më tani ai është gjendje stabël, por vijon të jetë nën kontrollin intensiv të mjekëve.

Policia e Lushnjës ka sekuestruar kamerat e sigurisë në zonë, për të zbardhur dinamikën e plotë të ngjarjes, ndërsa Gjykata e Fierit caktoi masën e sigurisë “arrest në burg” për 20-vjeçarin Irgi Nasufi dhe “detyrim paraqitjeje” për 17-vjeçarin, Enea Korreshi.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin

Gazetari Artan Hoxha tha se kryebashkiaku Erion Veliaj ka dejtuar mbledhje me video-call nga burgu. I ftuar në një emision televiziv, Veliaj theksoi se ka pasur komunikime me njerëzit e tij gjatë qëndrimit në qeli, e kjo madje ka shkaktuar që në paraburgimin e Durrësit të bëhen kontrolle e të mblidhen të gjithë telefonat.

“Ai thotë që ia keqinterpretuan vendimin. Po si ia keqinterpretuan? Ai fliste me drejtorin juridik, pse u shkarkua drejtori juridik, gjithashtu edhe nënkryetarja e bashkisë që donte të emëronte ai. Këta janë vetëm ata që janë publikuar po në bashki është bërë nami, janë shkarkuar dhe të tjerë. Tjetra, Erion Veliaj në mirëbesim e sipër duke menduar se ishte njeriu i pushtetshëm, ka komunikuar dhe nga burgu, ka bërë mbledhje nga burgu. Ai nuk e ka bërë me celularin e policëve, por për shkak të tij tani janë mbledhur gjithë telefonat e burgut. Ai është mbajtur si burgu më liberal deri më tani në Shqipëri. Por kur ti vjen dhe bën atë luftë që bën me prokurorin dhe nga ana tjetër kërkon të bëjë mbledhje me stafin e tij nga burgu”, tha Hoxha.Më tej Hoxha shtoi se që me daljen e listave të kandidatëve për deputet të Partisë Socialiste, Veliajt i janë rralluar vizitat në burg nga kolegët e bashkëpunëtorët.

“Tani i janë rralluar fare vizitat, më parë i shkonin mbështetës. Që kur ka dalë lista e Ramës për deputetët për Tiranën, një pjesë e mirë e tyre, që kanë qenë njerëz të afërt të tij, nuk i shkojnë më”, tha Hoxha.

Dy persona humbën jetën dhe një i mitur ka mbetur i plagosur në Shkupi, pas të shtënave me armë zjarri që u regjistruan mëngjesin e së hënës.

Ngjarja ndodhi rreth orës 09: 00 në vendin e njohur si Volkovë. Një qiramarrës ka qëlluar disa herë pronarin e shtëpisë ku jetonte, duke e lënë të vdekur. Sipas ministrisë së Brendshme të Maqedonisë së Veriut, më pas autori ka vrarë edhe veten.
Si pasojë e të shtënave, plumbat kanë prekur edhe djalin e mitur të pronarit të banesës, duke e lënë të plagosur. Ky i fundit është transportuar për mjekim në Qendrën Klinike “Nënë Tereza”.

Si pasojë e të shtënave, plumbat kanë prekur edhe djalin e mitur të pronarit të banesës, duke e lënë të plagosur. Ky i fundit është transportuar për mjekim në Qendrën Klinike “Nënë Tereza”.
Sipas informacioneve nga spitali, i mituri ndodhet në gjendje të qëndrueshme. Mbeten ende të paqarta motivet që çuan autorin në këtë akt të rëndë ndaj pronarit te banesës ku ai jetonte. Hetimet vijojnë zbardhjen e plotë të ngjarjes së rëndë.

Autoritetet në Maqedoninë e Veriut njoftojnë se nga rreth 200 të lënduar në tragjedinë në Koçan, tetë nga 115 persona që po marrin trajtim jashtë vendit janë në gjendje kritike për jetën.

Ndërsa në spitalet e vendit 55 pacientë janë në gjendje të qëndrueshme. Shifrat u paraqitën nga ministri i Shëndetësisë, Arben Taravari, i cili interesimit të mediave ju përgjigj se është i fokusuar te shërimi i pacientëve dhe se nuk ka ndërmend të japë dorëheqjen. Ndërkohë priten informacione nga ecuria e mëtejshme e hetimeve ku të dyshuar janë gjithsej 34 persona përgjegjës për tragjedinë e Kocanit.

Gjithashtu informacion pritet për inspektimet në objektet publike në të gjithë vendin, për të cilat komunat do të koordinohen përmes Bashkësisë së Njësive të Vetëqeverisjes Lokale. 24 personave u është caktuar masa e paraburgimit përfshirë edhe tre krerët e Komunës së Koçanit, kryetari në largim Ljupço Papazov, ish-kryetarët Ratko Dimitrovski e Nikolço Iliev si dhe ish-ministri i Ekonomisë Kreshnik Beksteshi.

Një djalë 19-vjeçar u vra me armë zjarri nga një djalë tjetër të dielën mbrëma (23 mars) në qytetin verilindor të Kosovës, Vushtrri.

I dyshuari është kapur pak kohë pas aktit dhe është dërguar në mbajtje, ku thuhet ta ketë pranuar fajësinë.

Motivet e vrasjes nuk dihen ende, derisa autoritetet thanë se po kryejnë hetime të vazhdueshme.

Çfarë ndodhi?

I dyshuari qëlloi me armë zjarri në drejtim të 19-vjeçarit Ardit Zymeri mbrëmjen e së dielës në rrugën “Galip Badivuku” në Vushtrri, duke i shkaktuar plagë vdekjeprurëse, tha Policia e Kosovës të hënën.

Viktima u dërgua në Spitalin e Vushtrrisë, ku nga autoritetet spitalore u konfirmua vdekja e tij, tha Policia pas një hetimi fillestar.

Zëdhënësi i Prokurorisë Themelore të Mitrovicës, Valon Preteni, tha për Radion Evropa e Lirë se i dyshuari është ndaluar për 48 orë nën akuzën për vrasje të rëndë.

Preteni shtoi se i dyshuari e pranoi fajësinë për kryerjen e vrasjes, gjatë dhënies së deklaratës.

Policia tha se si prova materiale ka gjetur tre gëzhoja dhe se e ka konfiskuar një revole që dyshohet se është përdorur nga i dyshuari në kryerjen e vrasjes.

“Në shtëpinë e të dyshuarit është realizuar bastisje ku është gjetur dhe konfiskuar edhe një armë e gjatë me pesë (5) fishek”, tha Policia.

Motivet ende nuk dihen

Preteni tha se nuk mund të flasë për motivet e mundshme të vrasjes dhe se për këtë janë duke u kryer hetime të vazhdueshme.

Policia e Kosovës, ndërkohë, tha se është duke i vazhduar hetimet në bashkëveprim me prokurorin e rastit, për t’i zbardhur të gjitha rrethanat që ndërlidhen me rastin e vrasjes.

Xhaxhai i viktimës, Nysret Zymeri, tha për media në vend se familja nuk e njeh autorin dhe nuk ka pasur telashe me njerëz të tjerë.

“Nuk e dimë se si ka ndodhur. Të keqe nuk kemi pasur me askënd. Nuk kemi pasur me njeri të gjallë asnjë fjalë të keqe, ne nuk e kemi pritur… Kjo na ka ndodhur, informatën e kemi marrë mbrëmë, nuk e kemi njohur autorin, as tani nuk e njohim”, ka thënë ai.

Preteni theksoi se prokurori do të kërkojë nga gjykata shqiptimin e masës së paraburgimit për të dyshuarin./REL/