Category: Lajme

Gazetari Artan Hoxha tha se kryebashkiaku Erion Veliaj ka dejtuar mbledhje me video-call nga burgu. I ftuar në një emision televiziv, Veliaj theksoi se ka pasur komunikime me njerëzit e tij gjatë qëndrimit në qeli, e kjo madje ka shkaktuar që në paraburgimin e Durrësit të bëhen kontrolle e të mblidhen të gjithë telefonat.

“Ai thotë që ia keqinterpretuan vendimin. Po si ia keqinterpretuan? Ai fliste me drejtorin juridik, pse u shkarkua drejtori juridik, gjithashtu edhe nënkryetarja e bashkisë që donte të emëronte ai. Këta janë vetëm ata që janë publikuar po në bashki është bërë nami, janë shkarkuar dhe të tjerë. Tjetra, Erion Veliaj në mirëbesim e sipër duke menduar se ishte njeriu i pushtetshëm, ka komunikuar dhe nga burgu, ka bërë mbledhje nga burgu. Ai nuk e ka bërë me celularin e policëve, por për shkak të tij tani janë mbledhur gjithë telefonat e burgut. Ai është mbajtur si burgu më liberal deri më tani në Shqipëri. Por kur ti vjen dhe bën atë luftë që bën me prokurorin dhe nga ana tjetër kërkon të bëjë mbledhje me stafin e tij nga burgu”, tha Hoxha.Më tej Hoxha shtoi se që me daljen e listave të kandidatëve për deputet të Partisë Socialiste, Veliajt i janë rralluar vizitat në burg nga kolegët e bashkëpunëtorët.

“Tani i janë rralluar fare vizitat, më parë i shkonin mbështetës. Që kur ka dalë lista e Ramës për deputetët për Tiranën, një pjesë e mirë e tyre, që kanë qenë njerëz të afërt të tij, nuk i shkojnë më”, tha Hoxha.

Dy persona humbën jetën dhe një i mitur ka mbetur i plagosur në Shkupi, pas të shtënave me armë zjarri që u regjistruan mëngjesin e së hënës.

Ngjarja ndodhi rreth orës 09: 00 në vendin e njohur si Volkovë. Një qiramarrës ka qëlluar disa herë pronarin e shtëpisë ku jetonte, duke e lënë të vdekur. Sipas ministrisë së Brendshme të Maqedonisë së Veriut, më pas autori ka vrarë edhe veten.
Si pasojë e të shtënave, plumbat kanë prekur edhe djalin e mitur të pronarit të banesës, duke e lënë të plagosur. Ky i fundit është transportuar për mjekim në Qendrën Klinike “Nënë Tereza”.

Si pasojë e të shtënave, plumbat kanë prekur edhe djalin e mitur të pronarit të banesës, duke e lënë të plagosur. Ky i fundit është transportuar për mjekim në Qendrën Klinike “Nënë Tereza”.
Sipas informacioneve nga spitali, i mituri ndodhet në gjendje të qëndrueshme. Mbeten ende të paqarta motivet që çuan autorin në këtë akt të rëndë ndaj pronarit te banesës ku ai jetonte. Hetimet vijojnë zbardhjen e plotë të ngjarjes së rëndë.

Autoritetet në Maqedoninë e Veriut njoftojnë se nga rreth 200 të lënduar në tragjedinë në Koçan, tetë nga 115 persona që po marrin trajtim jashtë vendit janë në gjendje kritike për jetën.

Ndërsa në spitalet e vendit 55 pacientë janë në gjendje të qëndrueshme. Shifrat u paraqitën nga ministri i Shëndetësisë, Arben Taravari, i cili interesimit të mediave ju përgjigj se është i fokusuar te shërimi i pacientëve dhe se nuk ka ndërmend të japë dorëheqjen. Ndërkohë priten informacione nga ecuria e mëtejshme e hetimeve ku të dyshuar janë gjithsej 34 persona përgjegjës për tragjedinë e Kocanit.

Gjithashtu informacion pritet për inspektimet në objektet publike në të gjithë vendin, për të cilat komunat do të koordinohen përmes Bashkësisë së Njësive të Vetëqeverisjes Lokale. 24 personave u është caktuar masa e paraburgimit përfshirë edhe tre krerët e Komunës së Koçanit, kryetari në largim Ljupço Papazov, ish-kryetarët Ratko Dimitrovski e Nikolço Iliev si dhe ish-ministri i Ekonomisë Kreshnik Beksteshi.

Një djalë 19-vjeçar u vra me armë zjarri nga një djalë tjetër të dielën mbrëma (23 mars) në qytetin verilindor të Kosovës, Vushtrri.

I dyshuari është kapur pak kohë pas aktit dhe është dërguar në mbajtje, ku thuhet ta ketë pranuar fajësinë.

Motivet e vrasjes nuk dihen ende, derisa autoritetet thanë se po kryejnë hetime të vazhdueshme.

Çfarë ndodhi?

I dyshuari qëlloi me armë zjarri në drejtim të 19-vjeçarit Ardit Zymeri mbrëmjen e së dielës në rrugën “Galip Badivuku” në Vushtrri, duke i shkaktuar plagë vdekjeprurëse, tha Policia e Kosovës të hënën.

Viktima u dërgua në Spitalin e Vushtrrisë, ku nga autoritetet spitalore u konfirmua vdekja e tij, tha Policia pas një hetimi fillestar.

Zëdhënësi i Prokurorisë Themelore të Mitrovicës, Valon Preteni, tha për Radion Evropa e Lirë se i dyshuari është ndaluar për 48 orë nën akuzën për vrasje të rëndë.

Preteni shtoi se i dyshuari e pranoi fajësinë për kryerjen e vrasjes, gjatë dhënies së deklaratës.

Policia tha se si prova materiale ka gjetur tre gëzhoja dhe se e ka konfiskuar një revole që dyshohet se është përdorur nga i dyshuari në kryerjen e vrasjes.

“Në shtëpinë e të dyshuarit është realizuar bastisje ku është gjetur dhe konfiskuar edhe një armë e gjatë me pesë (5) fishek”, tha Policia.

Motivet ende nuk dihen

Preteni tha se nuk mund të flasë për motivet e mundshme të vrasjes dhe se për këtë janë duke u kryer hetime të vazhdueshme.

Policia e Kosovës, ndërkohë, tha se është duke i vazhduar hetimet në bashkëveprim me prokurorin e rastit, për t’i zbardhur të gjitha rrethanat që ndërlidhen me rastin e vrasjes.

Xhaxhai i viktimës, Nysret Zymeri, tha për media në vend se familja nuk e njeh autorin dhe nuk ka pasur telashe me njerëz të tjerë.

“Nuk e dimë se si ka ndodhur. Të keqe nuk kemi pasur me askënd. Nuk kemi pasur me njeri të gjallë asnjë fjalë të keqe, ne nuk e kemi pritur… Kjo na ka ndodhur, informatën e kemi marrë mbrëmë, nuk e kemi njohur autorin, as tani nuk e njohim”, ka thënë ai.

Preteni theksoi se prokurori do të kërkojë nga gjykata shqiptimin e masës së paraburgimit për të dyshuarin./REL/

Një konflikt me sende të forta mes disa personave ka ndodhur këtë të hënë në Kamëz. Ngjarja ka ndodhur në rrugën “OSBE” ku për motive të dobta janë përfshirë në konflikt dy drejtues automjetesh. Si pasojë, është dëmtuar me sende të forta 38-vjeçari Redi Vata, i cili ndodhet në spital, jashtë rrezikut për jetën.

Sikurse duket nga pamjet në vendin e ngjarjes, një automjet tip “Benz” është qëlluar në xhamin e parë.

Në vendin e ngjarjes është gjetur një gëzhojë, ndërsa burime nga policia bëjnë me dije se gjatë sherrit janë përdorur gurë dhe sende të tjera.

Policia thotë se po punohet për identifikimin dhe kapjen e drejtuesit të automjetit tjetër të përfshirë në konflikt.

Kushtet e këqia atmosferike në gjirin e Durrësit dhe brigjet italiane sollën pezullimin e lundrimit të trageteve ditën e diel.

Për shkak të erës së fortë, kompanitë e lundrimit njoftuan se se si pasojë e kushteve të paqendrueshme të motit, lundrimet e linjës Durrës-Bari dhe anasjelltas të parashikuara për nisje më datë 23.03.2025, do të pezullohen.

Lundrimi i trageteve në të dy brigjet do të rinisë normalisht mbrëmjen e së hënës, në orën 22:00, pasi parashikimet atmosferike flasin për përmirësim të kushteve të motit. I vetmi që ka lundruar pa probleme përgjatë ditës së diel ka qenë trageti i linjës Ankona-Durrës-Ankona.

Mbrëmjen e së dielës nuk ka patur lundrime as nga Durrësi dhe as nga Bari, ndërkohë, procesi i përpunimit të anijeve ka rifilluar mëngjesin e sotëm, përkatësisht në Terminalin Perëndimor, Lindor dhe atë të Konteinerëve, sipas planizimit të Dispecerisë së Portit.

Nga ana tjetër, vijon të mbetet i pezulluar aktiviteti i flotës së peshkimit, pasi kushtet e motit në det të hapur nuk janë ende optimale për të lejuar lundrimin e peshkarexhave.

Një 38-vjeçar në Greqi ka përfunduar në spital, pasi duke ngrënë oktapod ka gëlltitur tre grepa. Ai iu nënshtrua një operacioni i cili zgjati më shumë se një orë.

“U bëra blu në fytyrë, nuk merrja dot frymë”, thotë Nikos Stamoulis për mediat greke.

Në momentin që shkoi në spital, mjekët s’po u besonin syve kur panë grafinë dhe konstatuan tre grepa në fyt. Por pas mjekimit, 38-vjeçari ndodhet në gjendje të mirë shëndetësore.

Një ngjarje tragjike ka tronditur Vushtrrinë, ku një 19-vjeçar, Ardit Zymeri, humbi jetën pas një sulmi me armë zjarri mbrëmjen e së dielës.

Autori i dyshuar i vrasjes, Bleon Dibrani, gjithashtu 19 vjeç, është arrestuar nga policia, ndërsa hetimet për motivet e ngjarjes vijojnë.

Mes dhimbjes dhe trishtimit të familjarëve dhe miqve, një mesazh i ndjerë nga Jona, vajza që pretendon se ishte e dashura e viktimës, ka prekur zemrat e shumë njerëzve.

“Pse qaj plumb s’erdh te unë, po te ti?” – shkroi ajo në një postim në TikTok, duke shprehur dhimbjen e saj të thellë.

Ngjarja ka shkaktuar reagime të shumta në komunitet, duke ngritur pikëpyetje mbi rrethanat dhe arsyet e këtij akti të rëndë. Policia vijon hetimet për zbardhjen e plotë të krimit.

“Shpirti jem i bardh qe ko mu kan me mu ton jeten tem 🤍

A pate shum dhiḿt zemra jem?
Pse qaj plum s’erdh te un po te ti?
Mke than gjith qe duhna me kan e fort per gjithçka e sot pe merr kuptimin kjo fjal.
Mke than gjith qe zoti i merr veq ata qe i don, e vertet koka aj t’dashti mashum se na e t’murr ty afer vetit 😢.

Arditi jem, faleminderit per gjdo kshill qe ma ke jep e qe kan mem majt ton jeten kto fjal̈t e tua qe mike than –
mke than qe duhet mu kon e fort gjith une jom, por per engjullin tem qe o tum pa prej naltit tash e tutje 👼🏻.

O drit, zani jot osht tum mungu qashtu qysh jom msu me nïj̈ diẗ nat e mem kallxu hala qe ti ki me kon me mü
lavdisḧt gido t’keqe qe munet me na ardh n’jet..

Arditi jem, mfal qe skesh afer teje po shpirti jot i bardh ko me kon n trupin tem shpirtnisht 🤲🏼.

Ti e din qe Jona jote s’t’harron kurr …

Pusho i qetë melaqja jem” shkruan vajza në postim.