Këngëtarja e njohur, Adelina Tahiri, ka bërë një rrëfim të fortë, duke treguar për herë të parë se ka qenë viktimë e dhunës fizike nga ish-partneri i saj, me të cilin ishte në një moshë. Tahiri ka treguar se ish-partneri i saj ishte djali i një funksionari të lartë politik në Maqedoni dhe se për shkak të kësaj fatkeqësie ajo u njoh me burrin e saj aktual, i cili ishte avokati që e mbrojti nga dhunuesi.
“Unë kam qenë me dikë të moshës time. A më ka pyetur dikush se si më ka trajtuar ai? Ose pse jam ndarë? Nuk jemi përshtatur, ndoshta ka pasur dhunë ndaj meje. Babai i tij ka qenë funksionar i lartë politikë. Kam qenë 19 vjeçe, ka qenë shumë e vështirë dhe nuk i kam treguar as familjes. I vetmi person që i kam treguar ka qenë avokati im, i cili sot është burri im. Dhe mua askush nuk më është ndalur të më pyesë: ‘Prit, pse?’ Ai ka qenë krah për mua në çdo aspekt”, tha ajo.
Kaq mjaftoi që rrjeti të çmendej rreth djalit që Adelina po fliste. E në fakt, djaloshi në fjalë nuk është i panjohur, pasi të shumta ai i ka pasur angazhimet në politikë, por edhe në jetën private. Pak vite më parë, emri i tij u përfol për një tjetër lidhje me një vajzë të njohur në vendin tonë.
Lidhja mes tij dhe vajzës nga Shqipëria nuk u konfirmua kurrë, ndonëse dyshja qëndroi bashkë disa muaj. Megjithatë, lidhja e tij dhe e Adelinës nuk u mësua kurrë nga publiku. Adelina shpesh ka përjetuar paragjykime për martesën e saj me një burrë maqedonas dhe më të madh në moshë, gjë që e ka bërë të ndihet e mbyllur në një rreth të ngushtë.
“Kam dalë gjithmonë e hapur për lidhjen time, ndryshe nga shumë këngëtare të tjera”, theksoi ajo, duke zbuluar forcën e saj përballë gjykimeve të papërgjegjshme. Duke komentuar marrëdhënien e saj me bashkëshortin, Adelina e ka përshkruar atë si një person që ka qenë krah i saj në çdo hap të jetës.
“Sot jetoj shumë e lumtur, dhe edhe nëse do të ndahesha, do të ndahesha me paqe me burrin tim. Ai është një mbështetje e madhe për mua dhe dinë t’i japin një vlerë lidhjes sonë,” tha ajo. Adelina ka qenë e heshtur për këtë periudhë të errët të jetës së saj.
“Nuk kam dashur të flas sepse nuk kam pasur dëshirë t’i jap emra. Ndoshta do ta bëj një ditë, por jo tani,” tha ajo, duke shtuar se historia e saj lidhet ngushtë me korrupsionin dhe abuzimet e pushtetit. Ajo bëri thirrje për të ndaluar paragjykimet dhe komentet negative, duke theksuar se shumë njerëz nuk e dinë se çfarë fshihet pas një fotografie në rrjetet sociale.
“Megjithatë, gjithmonë kam dalë me buzëqeshje dhe shumë e fortë, pavarësisht vështirësive,” tha ajo, duke inkurajuar të tjerë të mos gjykojnë pa njohur historinë e plotë të dikujt. Ajo tregoi se problemi mes saj dhe bashkëshortit kishte zgjatur për gjashtë muaj, duke e bërë atë një periudhë sfiduese për çiftin.
Edhe pse nuk dha shumë detaje mbi arsyet e krizës, Adelina pranoi se çdo marrëdhënie ka vështirësitë e veta dhe se ky ishte një moment që kërkoi durim dhe mirëkuptim. Megjithatë, ajo theksoi se situata është tejkaluar dhe se tashmë gëzon një raport të qëndrueshëm me partnerin e saj.
