Category: Lajme

Një 20-vjeçar dhe dy të mitur janë arrestuar në Shkodër pasi kanë vjedhur çantë me para dhe sende personale.

Mësohet se paratë 2 të miturit së bashku me 20-vjeçarin i vodhën një pronari të një berberane.

“Vodhën çantën me para dhe sende personale, të një klienti në një berberhane në lagjen “Perash”, arrestohen një 20-vjeçar dhe 2 shtetas të mitur.Vijojnë hetimet për të dokumentuar vjedhje të tjera që mund të kenë kryer këta shtetas. Si rezultat i administrimit të menjëhershëm të kallëzimit të pronarit të një berberhane, se në subjektin e tij, 3 shtetas kishin vjedhur çantën me para dhe sende personale të një klienti, shërbimet e Komisariatit të Policisë Shkodër, në kuadër të operacionit “Door”, identifikuan dhe vunë në pranga autorët e dyshuar të rastit.

Konkretisht, u arrestuan shtetasi K. P., 20 vjeç dhe dy 17-vjeçarë.

Materialet procedurale iu referuan Prokurorisë së Shkodrës, për veprime të mëtejshme, për veprën penale “Vjedhja”, kryer në bashkëpunim”, njofton policia.

Një 30-vjeçare me inicialet M.H, ka humbur jetën teksa po transportohej me ambulancë nga Përmeti në drejtim të spitalit të Gjirokastrës.

Ende nuk janë të qarta shkaqet që çuan në vdekjen e të resë, ndërsa nga konstatimet paraprake në trupin e saj nuk janë gjetur shenja dhune apo dëmtime të tjera.

Sakaq Prokuroria ka nisur hetimet për të zbuluar rrethanat e plota që çuan në vdekjen e 30-vjeçares.

“Nga këqyrja paraprake e trupit të kësaj shtetaseje, nuk janë konstatuar shenja të dukshme dhune apo dëmtimesh të tjera.

Një grup i posaçëm hetimor, në drejtimin e Prokurorisë, po punon për të sqaruar dhe dokumentuar rrethanat e rastit”, tha policia, por pa dhënë detaje rreth shkaqeve të mundshme.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, teksa po pyeten familjarët dhe pritet përfundimi i ekspertizës mjeko-ligjore.

Në Apelin e Gjykatës së Posaçme po zhvillohet prej 4 orësh seanca për shyrtimin e ankimimit të masës së sigurisë të kryebashkiakut Erion Veliaj.

Sipas raportimeve, deri më tani kanë përfunduar mbrojtjen avokatët e kryebashkiakut, Ermir Beta dhe Artur Selmani.

Ata kanë kërkuar shfuqizim të masës arrest me burg ose një masë më të butë sigurie, me argumentin se nuk mund të prishë provat.

Në të njëjtën seancë, janë paraqitur për ankimin e masës edhe katër biznesmenët, Elman Abule që ndodhet në arrest me burg dhe tre të tjerët Shkëlqim Fusha, Gentian Sula dhe Meriman Palushi që ndodhen në detyrim paraqitjeje.

Bëhet me dije se aktualisht avokatja e Abules, Romina Zano po bën mbrotjen para gjykatës. Në ambientet e GJKKO u paraqit para nisjes së seancës dhe avokati amerikan joshua Roberts, i cili po këshillon kryebashkiakun Veliaj, por nuk u lejua të futej në sallën e gjyqit.

Në përfundim të mbrojtjes, Prokuroria e Posaçme do japë qëndrimin e saj sa i përket kërkesave të avokatëve që kanë ankimuar masën.

Në fund të seancës që pritet të zgjasë disa orë, gjyqtari Engert Pëllumbi do tërhiqet në dhomë këshillimi për të shpallur më pas vendimin, nëse do lërë në fuqi vendimin e datës 12 shkurt të GJKKO apo në rast se do ndryshojë vendimin e shkallës së parë.

Kryebashkiaku i Tiranës Erion Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”.

Bashkëshortja e kryebashkiakut, Ajola Xoxa është lënë në masë sigurimi “detyrim paraqitje”.

Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga personat nën hetim, specifikisht Veliaj edhe bashkëshortja e tij është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme.

Një zjarr në një apartament në lagjen Pavarësia, Vlorë ka rrezikuar banorët pasi tra bombola gazi kanë rrjedhur duke krijuar një situatë të rëndë për banorët por dhe për vetë zjarrfikësit.

Në katin e tretë të pallatit ku për fat të mirë nuk ka pasur banorë tre bombola gazi kanë rrjedhur dhe dy nga ato kanë shpërthyer duke bërë që flakët të djegin një dhomë të apartamentit si dhe tymi por dhe flaka të dëmtojë dhe fqinjët.

Ndërhyrja e zjarrfikësve por dhe forca të shumta të policisë të cilët larguan banorët bënë që zjarri të shuhet dhe mos të kishte dëmtime te banorët , ndërkohë që dëmet materiale ishin të shumta. Policia po merr në pyetje banorët si dhe pronarët e apartamentit.

Kapitaneria e portit detar të Vlorës ka vendosur të pezullojë lundrimin detar për mjetet e vogla dhe ato mjetet e peshkimit nga ora 02:00 të mëngjesit të kësaj të marte e deri në 08 të mëngjesit të së mërkurës Shkak për këtë është bërë era e fortë bregdetare, që shkon deri 20 metër për sekondë në det të hapur.

Për rrjedhojë në det të hapur dallgët shkojnë deri në 2.5 metra duke e bërë të pamundur lundrimin e mjeteve të peshkimit dhe atyre të vogla. Era do të fryjë me drejtim Jug-Jug Lindje, duke shkaktuar forcën e detit në det të hapur deri në 8 ballë.

Tragetet e linjës me Brindisin sipas kapitanerisë së portit detar do të vazhdojnë lundrimin e tyre në normalitet. Situata hidrometeorologjike pritet që të përmirësohet duke nisur nga data 12 mars pas orës 08:00 të mëngjesit kohë kur mendohet se do të lejohen mjetet e peshkimit dhe ato lundruese të dalin në det.

Në Apelin e Gjykatës së Posaçme ka përfunduar mbrojtja e avokatëve të kryebashkiakut Erion Veliaj. Mësohet se mbrojtja ka kërkuar dhënien e garancisë pasurore kundrejt lirimit të Veliajt. Seanca në GJKKO po zhvillohet prej 4 orësh seanca për shyrtimin e ankimimit të masës së sigurisë të kryebashkiakut Erion Veliaj. Gjithashtu sipas raportimeve, deri më tani kanë përfunduar mbrojtjen edhe avokatët Ermir Betas dhe Artur Selmanit. Ata kanë kërkuar shfuqizim të masës arrest me burg ose një masë më të butë sigurie, me argumentin se nuk mund të prishë provat.

Në të njëjtën seancë, janë paraqitur për ankimin e masës edhe katër biznesmenët, Elman Abule që ndodhet në arrest me burg dhe tre të tjerët Shkëlqim Fusha, Gentian Sula dhe Meriman Palushi që ndodhen në detyrim paraqitjeje. Bëhet me dije se aktualisht avokatja e Abules, Romina Zano po bën mbrotjen para gjykatës. Në ambientet e GJKKO u paraqit para nisjes së seancës dhe avokati amerikan joshua Roberts, i cili po këshillon kryebashkiakun Veliaj, por nuk u lejua të futej në sallën e gjyqit.

Në përfundim të mbrojtjes, Prokuroria e Posaçme do japë qëndrimin e saj sa i përket kërkesave të avokatëve që kanë ankimuar masën. Në fund të seancës që pritet të zgjasë disa orë, gjyqtari Engert Pëllumbi do tërhiqet në dhomë këshillimi për të shpallur më pas vendimin, nëse do lërë në fuqi vendimin e datës 12 shkurt të GJKKO apo në rast se do ndryshojë vendimin e shkallës së parë.
Kryebashkiaku i Tiranës Erion Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”. Bashkëshortja e kryebashkiakut, Ajola Xoxa është lënë në masë sigurimi “detyrim paraqitje”.

Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga personat nën hetim, specifikisht Veliaj edhe bashkëshortja e tij është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme.

Një i mitur është larguar nga Shtëpia e Fëmijës në Shkodër.

Kallëzimi në polici është bërë nga përgjegjësja e Shtëpisë së Fëmijës.

16-vjeçari rezulton i humbur që më datë 10 mars. Në njoftimin e uniformave blu theksohet se po punohet për gjetjen e adoleshentit.

“Ditën e djeshme, ka kallëzuar shtetasja me iniciale M. B., 38 vjeçe, me detyrë përgjegjëse në Shtëpinë e Fëmijës, se me datë 10.03.2025, është larguar nga kjo qendër, 16-vjeçar. Punohet për gjetjen e të miturit“, thuhet në njoftimin e policisë.

Rikthehen në Kukës reshjet e shiut pas më shumë se një muaj mungese.

Reshjet me intensitet mesatar nisin këtë mesditë, por deri më tani nuk raportohet për problematika në rrugë, të cilat në kohë me reshje janë në rrezikun e rrëshqitjes së dheut dhe gurëve.

Si pasojë e reshjeve, në Gjinaj të Hasit një automjet ka dalë nga rruga, por fatmirësisht pa pasoja për drejtuesin e mjetit, i cili ishte vetëm dhe pa pasagjerë.

Reshjet janë të mirëpritura për përmirësimin e situatës hidrike në kaskadën e Drinit, pasi për shkak të mungesës së reshjeve të shiut dhe dëborës ka pasur rënie të nivelit të ujit në Fierzë, uji mbledhës më i madh në vend, nga ku varet edhe prodhimi i energjisë elektrike.

Aktualisht, niveli i ujit në liqenin e Fierzës është 266 metra mbi nivelin e detit dhe prurjet nga dy lumenjtë kryesorë, Drini i Bardhë dhe Drini i Zi, janë të pakta, deri në 80 metra kub në sekondë.

Hidrocentrali i Fierzës gjatë kësaj periudhe pa reshje ka punuar me turbina të alternuara për ruajtjen e rezervës ujore, por gjithashtu edhe nga importi i energjisë elektrike. Aktualisht, Fierzë punon me tre turbina nga katër që ka gjithsej.

GJKKO ka dënuar me 4 vite burg ish-deputetn e PS-së, Alqi Ballko për inceneratorin e Tiranës.

Ish-sekretari i Përgjithshëm i Ministrisë së Mjedisit përfiton nga gjykimi i shkurtuar dhe do të vuajë 2.8 vite burg.

Vijon…