Category: Lajme

Gjashtë shtetas shqiptarë kanë rënë në prangat e policisë në Britaninë e Madhe, pas zbulimit të një ferme gjigante me kanabis.

Zbulimi u bë gjatë një aksioni të policisë në një godinë të braktisur në Fieldhouse Ëalk, Moortoën, brenda së cilës u zbuluan bimë narkotike me vlerë 448,050 paund.

Të arrestuarit janë Alitor Deda, 30-vjeç, Erijon Gjoka, 21-vjeç, Edison Markeci, 21-vjeç, Agostin Marku, 36-vjeç, Ali Qerfozi, 41-vjeç, dhe Andi Teta, 32-vjeç.

Ata dolën para gjykatës së Leeds, ku iu dha masa e paraburgimit për prodhim kanabisi dhe do të qëndrojnë pas hekurave deri në seancën e radhës në 5 janar.

Zbardhen të tjera detaje në lidhje me vrasjen e ndodhur sot në Fier, ku viktimë mbeti një 41-vjeçar.

Viktima, Elton Javori, dhe autor i dyshuar, që është në arrati, Agim Gashi, kanë pasur një sherr dy javë më parë, që sot rezultoi me këtë ngjarje tragjike.

Sakaq, viktima kishte vetëm pak kohë që kishte ardhur nga Gjermania, ku ishte emigrant.

Aktualisht policia është në kërkim të 35-vjeçarit që dyshohet se është arratisur drejt Vlorës.

Seanca e sotme e parlamentit ishte me të njëjtin skenar. Tym, flakadanë, përmbysje karrigesh dhe përplasje të forta me Gardën. Buxheti kaloi me 7 minuta, pa diskutime, pa debate. “Revolucion karrigesh, qesharake”. Kështu e cilësoi kryetari i grupit të PS-së, Bledi Çuçi.

Por në seancën e sotme, ku Sali Berisha, Gazment Bardhi dhe katër deputetë të tjerë nuk ishin për shkak të përjashtimit, PS futi me procedurë të përshpejtuar ndryshimet në rregulloren e Kuvendit.

Pas draftit të dorëzuar në Kuvend për ndryshimet në komisionet hetimore, mazhoranca ka kërkuar ndryshimin e rregullores së Kuvendit nisur nga sjella e disa deputetëve të opozitës gjatë seancave të fundit. PS kërkon ashpërsim të masave disiplinore dhe përjashtimin e deputetëve deri në 60 ditë nga seancat nëse përdorin flakadanë apo kapsolla, si sot.

Jo vetëm kaq. Por Bledi Çuçi u kujdes që t’i kujtonte opozitës përmes mediave edhe atë që ndodh në parlamentin italian duke sjellë shembullin e Vitorio Sgarbit që e nxorën jashtë në ajër duke e ngritur peshë nga krahët dhe këmbët.

“E kemi parë parlamentin italian se si e kapin Zgarbin ata punonjësit, dy prej këmbësh, dy prej duarsh” u tha Çuçi gazetarëve. Mesazhi është i qartë, PS jo vetëm që nuk tërhiqet, por ndodhet në sulm.

Gazetari Miliam Zeka foli në lidhje vrasjen që Naim Murseli planifikoi dhe kreu ndaj bashkëshortes së tij Liridona Ademaj.

Zeka tha se shumë pista të pavërteta po hidhen mbi ngjarjen.

Gazetari pohon se pas ngjarjes, shumë mesazhe i kanë ardhur nga shqiptarët e diasporës të cilët i kanë treguar mesazhet me Naim Murselin, ku ky i fundit u kërkonte lekë borxh.

“Unë nuk po mundem ta deshifroj vrasjen, por diçka e kam shumë të sigurt, e kam me fakte, që ky njeri u ka kërkuar shumë personave para borxh. Kam SMS nga një amerikan, ku ky i thotë: “A mundesh të më gjesh 8 mijë euro borxh dhe pas 4 muajsh do të t’i kthej 8 mijë”.

Dhe ky amerikani i përgjigjet: “Jo nuk mundem, se kam blerë shtëpi”. Pastaj Naimi i thotë: “A mundesh të më japësh 3 mijë euro borxh?” tha ai te Euronews. Miliam Zeka paralajmëroi se për këtë dosje do të ketë arrestime të tjera. “Unë flas ato që di për hetuesit dhe lajmi i ditës është që do të ketë arrestime të reja rreth rastit të Liridonës” tha ai.

Gazetari Miliam Zeka ishte i ftuar këtë të enjte në Euronews Albania, ku foli në lidhje vrasjen që Naim Murseli planifikoi dhe kreu ndaj bashkëshortes së tij Liridona Ademaj.

Zeka tha se shumë pista të pavërteta po hidhen mbi ngjarjen, teksa personalisht ende nuk ka mundur dot t’i deshifroj motivet.

Por ai solli në vëmendje disa fakte në lidhje me karakterin e Naim Musrelit.

Gazetari pohon se pas ngjarjes, shumë mesazhe i kanë ardhur nga shqiptarët e diasporës të cilët i kanë treguar SMS-të me Naim Murselin, ku ky i fundit u kërkonte lekë borxh.

“Unë nuk po mundem ta deshifroj vrasjen, por diçka e kam shumë të sigurtë, e kam me fakte, që ky njeri u ka kërkuar shumë personave para borxh. Kam SMS nga një amerikan, ku ky i thotë: “A mundesh të më gjesh 8 mijë euro borxh dhe pas 4 muajsh do të të kthej 8 mijë”. Dhe ky amerikani i përgjigjet: “Jo nuk mundem, se kam blerë shtëpi”. Pastaj Naimi i thotë: “A mundesh të më japësh 3 mijë euro borxh?”

Më kanë lajmëruar me dhjetëra njerëz edhe nga Stockholmi, edhe nga Zvicra që ky njeri ka abuzuar me emrin e Behgjet Pacollit, ka luajtur me emrin e Behgjet Pacollit.

Jami i bindur dhe diçka e them me bindje se Naimi ka qenë shkaktari i armiqësimit të Behgjet Pacollit me shumë njerëz. Ka qenë një njeri mashtrues dhe intrigant dhe kjo ka qenë arsyeja pse e kam refuzuar atë njeri të ulet në tavolinën time kur kam shkuar në hotelin e Pacollit. Unë e kam njohur shumë mirë Naimin. Ishte tip imponues dhe të afrohej”, tha ai.

Deputetja e Partisë së Lirisë, Monika Kryemadhi, ka ankimuar në Gjykatën e Posaçme një sekuestrim të kryer nga ana e SPAK, nuk dihet nëse bëhet fjalë për pasuri apo send në emër të saj.

Ende nuk dihet se çfarë është vendosur në sekuestro ndërsa seanca po zhvillohet në Gjykatën e Posaçme nga gjyqtari, Erjon Çela dhe prokurorin e posaçëm Sotir Kllapi.

Mësohet se Kryemadhi nuk është paraqitur këtë të enjte por përfaqësohet nga avokati, Redi Llanaj.

SPAK ka nisur më herët verifikim në lidhje me një kallëzim për disa ndërhyrje estetike që ka kryer Kryemadhi ndërsa nuk ka deklaruar pagesat që ka kryer.

Rreth orës 11:00 në lagjen “16 prilli” në Fier është vrarë me armë zjarri 41-vjeçari Elton Javori.

Ai kishte vetëm pak kohë që kishte ardhur nga Gjermania. Në vendin e ngjarjes kanë shkuar edhe familjarët e viktimës, në lot, të tronditur.

Shërbimet e Policisë, sapo kanë marrë njoftim, kanë shkuar menjëherë në vendngjarje, kanë identifikuar autorin dhe po punojnë për kapjen e tij.

Janë ngritur pika kontrolli në çdo aks rrugor, si dhe vijon intensivisht krehja e zonës.

Ndërkaq, grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes dhe kapjen e autorit.

Në emisionin “Bardh a Zi”, u diskutua për vendin se ku përfundojnë pasuritë, të cilat konfiskohen nga bota e krimit.

Eksperti i kriminalistikës, Ervin Karamuço, u shpreh se në dy tre raste konfiskimesh të pronave në bregdet, ato janë kthyer përmes ankandeve sërish tek të afërmit e atyre që kishin pronat në fjalë.

“Në dy tre raste konfiskimesh që kemi vënë re në bregdet, nuk të lë njeri t’i marrësh, sepse i kanë marrë po vetë ato, familjarët tyre. Ata futen në ankand dhe ku shkojnë ato prona? Shkojnë prapë tek ato.”, tha ai.

Ai theksoi se janë rrteh 24 makina, të cilat janë konfiskuar, por sot janë zhdukur dhe nuk dihet se ku kanë përfunduar dhe kush i përdor ato.

“Është frika. Ka makina, por 24 të tilla mungojnë, nuk e di ku janë, janë zhdukur, nuk dua ta besoj se ato makina i mban krimi dhe në dokumente i ka shteti. Asetet e vendosura përmes aktiviteti kriminal sipas ligjit sekuestrohen, për më pas shteti vendos se ku do shkojnë. Kemi probleme 33 vjeçare me moszbatimin e ligjit”, tha ai.

Personi që shikoni në foto është Agim Gashi, autori i vrasjes së 41-vjeçarit Elton Javori, ngjarje e ndodhur mesditën e së enjtes në lagjen “16 prilli” në Fier.

Sigurohet fotoja e 35-vjeçarit, i cili kreu vrasjen, por edhe të makinës së tij, tip “Benz”, që e përdori për t’u larguar nga vendngjarja.

Viktima është qëlluar me dy plumba pistoletë teksa ka hapur derën e makinës tip “Porsche”.