Shqiperia Ime

Category: Lajme

  • Mbytet gomonia në brigjet e Italisë, 40 emigrantë të zhdukur

    Mbytet gomonia në brigjet e Italisë, 40 emigrantë të zhdukur

    Kërkimet për rreth 40 persona të zhdukur nga mbytja e një gomoneje në Ngushticën e Siçilisë, në brigjet e Tunizisë, rifilluan mëngjesin e sotëm.

    Pasditen e djeshme, rojat bregdetare dhe anijet patrulluese të ”Guardia di Finanza” zbarkuan 10 të mbijetuar dhe gjashtë trupa të gjetur në brigjet e ishullit Lampione në Lampedusa.

    Të humburit ishin në një gomone gjysmë të fundosur.

    Të mbijetuarit thanë se u nisën të dielën, 56 prej tyre, nga Sfax, Tunizi, me një gomone.

    Më pak se 24 orë më vonë, ndërsa ndodheshin në ujërat ndërkombëtare, raportohet se shumë emigrantë ranë në ujë gjatë kalimit, ndoshta për shkak të detit të trazuar.

    Varka ka vazhduar lundrimin dhe pasditen e djeshme, tashmë gjysmë e zhytur, është kapur në ujërat përballë ishullit Lampione.

    Gjashtë burra dhe katër gra do të merren në pyetje nga policia dhe do të bëhet një përpjekje për të rindërtuar më saktë atë që ndodhi dhe për të shqyrtuar historinë e tyre.

    Operacionet e shpëtimit u kryen nga varkat patrulluese CP324 të Rojes Bregdetare dhe V1302 të ”Guardia di Finanza”.

    Dje në Lampedusa janë regjistruar pesë zbarkime me 213 emigrantë. /ATSH-ANSA

  • Dh*në në familje, arrestohet babai i aktores së njohur

    Dh*në në familje, arrestohet babai i aktores së njohur

    Michael Lohan, babai i aktores Lindsay Lohan, është arrestuar përsëri në Palm Beach, Florida, për shkelje të dënimit me kusht, vetëm disa javë pasi u lëshua një urdhër arresti për sulm të dyshuar ndaj ish-bashkëshortes së tij, Kate Major.

    64-vjeçari u arrestua më 21 shkurt në Spring, Teksas, pas një incidenti me Major, e cila raportoi në polici se ai e kishte rrëzuar nga karrigia disa ditë më parë.

    Autoritetet thanë se ajo kishte mavijosje në trup dhe ndjente dhimbje pas sulmit.

    Lohan u ndalua pa rezistencë dhe u mbajt nën akuzën e dhunës së vazhdueshme në familje, me një garanci prej 30,000 dollarësh (rreth 27,500 euro).

    Ky nuk është problemi i tij i parë me ligjin. Në vitin 2022, ai u dënua në Florida për një skemë mashtrimi që përfshinte ndërmjetësimin e pacientëve në qendra rehabilitimi, për të cilën ishte në periudhë prove.

  • U eliminua nga gara, Vserlo u vendos epitete banorëve të shtëpisë: Lojën e fiton …

    U eliminua nga gara, Vserlo u vendos epitete banorëve të shtëpisë: Lojën e fiton …

    Vserlo, në intervistën e parë në studio pas daljes së tij nga formati, është shprehur se sulmet ndaj banorëve që me hyrjen në BBV i ka bërë me qëllim që të kuptonte terrenin dhe të kthehej në faktor në shtëpi, pavarësisht se nuk ja arriti.

    Ndër të tjera Vserlo ju ka vendosur disa epitete banorëve të BBV, duke theksuar debulesën e tij për Loredanën. Sakaq, i pyetur se kush do ta fitojë këtë edicion, ai tha Laerti, për inteligjencën dhe llogjikën për të përballuar gjithçka aty brenda.

    Vserlo: Për çdo person që hynë në muajin e dytë në shtëpinë e Big Brothe është thuajse mision i pamundur ti shkojë deri në fund. Kemi parë që kanë hyrë, kanë qëndruar vetëm një javë dhe janë larguar. Qëllimi im është të mësoja lojën që bëhej aty brenda dhe avash avash të kisha edhe unë një vend aty brenda në atë lojë. Sulmova që ditën e parë me qëllim që t’i bëja banorët aty që të hidhnin sytë te ky banori i ri. Patjetër që emocione ka pasur, ka pasur përplasje shumë të forta me të gjithë banorët aty brenda.

    Ledioni: Por edhe ata nuk është se të kanë kursyer…

    Ledioni: Nëse Big Brotheri yt do të ishte një këngë, si do të quhej? Do të ishte një këngë fitore, një këngë melankolie apo dashurie?

    Vserlo: Arrita të bëja ato ndërhyrjet e mia, ndoshta edhe pa sukses por që sikurse e thashë edhe më parë, në muajin e dytë të lojës aty aleancat janë krijuar.

    Neda: Nuk mendoj se ke patur një sukses të vërtetë. Ke qenë një personazh shumë ekstravagant, është për tu vlerësuar karakteri yt luftarak, megjithatë ke treguar që këtë lojë doje ta luaje edhe në kufijtë e etikës dhe dukshëm kjo nuk u pëlqye nga publiku. Nëse do kishe dashur një inteligjencën tënde dhe karakterin tënd stoik ta kishe vënë në dispozicion të lojës, qoftë edhe për të krijuar linjën tënde, mbase do të ishe pëlqyer dhe publiku do të kishte lejuar të vazhdoje më gjatë.

    Arbri: Unë i vlerësoj përpjekjet e tua për tu bërë pjesë e lojës. Ti hyre si një uragan dhe u ktheve në një shi të lehtë vere. Unë mendoj se në pjesën më të madhe të sulmeve, edhe banorët të kanë sulmuar dhe reagimi yt ka qenë shumë i ashpër.

    Ledioni: Unë do të të them emrin e një banori dhe vendosi një epitet. Aldo…

    Vserlo: Manipuluesja në tentativë e shtëpisë.

    Vserlo: Opinionistja e shtëpisë.

    Vserlo: Femra me klas e shtëpisë.

    Vserlo: Zhurmuesja e shtëpisë.

    Vserlo: Meriton dy epitete sepse ishte një tjetër Egli në fillim, dhe tjetër u kthye tani. Por që ‘e dashururara e shtëpisë’ po ja lëmë epitetin.

    Vserlo: Për të kam pasur dhe vazhdoj të kem një dashuri shumë të madhe që u trazua shumë për shkak të sjelljeve dhe lojës aty brenda, por që “shoqa ime aty brenda” do të thoja. Nëse është e hapur për sqarim rreth lojërave që kemi pasur aty brenda, do të isha dakord që të ruanim miqësinë edhe jashtë.

    Vserlo: ‘Batuta e shtëpisë’.

    Arbri: Kush e fiton Big Brother?

    Vserlo: Do të doja Laertin për shkak se është shumë koherent në ato që thotë brenda shtëpisë. Ka inteligjencën dhe llogjikën për të përballuar gjithçka aty brenda.

  • Shtëpi bari në Tiranë, nën suportin e punonjësit të OSHEE

    Shtëpi bari në Tiranë, nën suportin e punonjësit të OSHEE

    Zbulohet laborator droge në Laknas, arrestohen dy vëllezër, procedohet babai dhe punonjës i OSHEE-së

    Tiranë – Policia tha sot se ka finalizuar operacionin e koduar “Llamba”, duke goditur një rast të kultivimit të kanabisit në ambiente të mbyllura, në një banesë të përshtatur në fshatin Laknas, Tiranë.

    Dy vëllezër u arrestuan, babai i tyre u procedua penalisht, ndërsa një punonjës i OSHEE-së përfundoi në pranga për shpërdorim detyre, pasi dyshohet se ka ndihmuar duke mos evidentuar lidhjen e paligjshme të energjisë elektrike.

    Çfarë u gjet në banesë?

    Gjatë kontrollit, policia sekuestroi:

    20 bimë kanabisi, rreth 60 cm të larta

    Një sasi droge e përpunuar

    Llamba speciale, ventilatorë dhe pajisje për rritjen e bimëve

    Sistem elektrik i modifikuar për të shmangur faturimin e energjisë

    Të arrestuarit dhe të proceduarit:

    Në pranga:

    Shkëlqim Matraxhi, 38 vjeç dhe Fatmir Matraxhi, 28 vjeç – dyshohet se kishin përshtatur banesën për rritjen e kanabisit

    Endrit Paja, 29 vjeç – punonjës i OSHEE-së, për shpërdorim detyre

    Procedohet në gjendje të lirë:

    Z. M., 66 vjeç – babai i të arrestuarve, dyshohet se kishte dijeni për aktivitetin, por nuk e raportoi

  • Kristjan Asllani tregon sekretin se si ndalen anglezët, garanton motivimin e Kombëtares kuqezi

    Kristjan Asllani tregon sekretin se si ndalen anglezët, garanton motivimin e Kombëtares kuqezi

    Kristjan Asllani shihet si një nga lojtarët më të mirë të skuadrës tonë përfaqësuese. Ai ka besim se Shqipëria do ta nisë mbarë aventurën e saj në kualifikueset e Kupës së Botës, duke shtuar se kuqezinjtë janë të motivuar dhe do të bëjnë më të mirën në lojën e tyre për të marrë pikë ndaj “Tre Luanëve”. Asllani foli për përgatitjet e skuadrës për dy ndeshjet e para në kualifikueset e Kupës së Botës ndaj Anglisë dhe Andorrës.

    Asllani tha se atmosfera brenda ekipit është shumë e mirë dhe të gjithë lojtarët janë të fokusuar, ndërsa theksoi se Shqipëria do të japë maksimumin ndaj Anglisë për një rezultat pozitiv. Në fund, ai i bëri thirrje tifozëve të mbështesin skuadrën dhe të mbushin shkallët e stadiumit në “Arenën Kombëtare” për ndeshjen ndaj Andorrës.

    Një nga pyetjet që iu bë Asllanit ishte: Me Interin në Botërorin e Klubeve në Amerikë, sa i sigurtë je që do shkosh vitin tjetër në Botërorin e vërtetë me Kombëtaren? Përgjigja e tij ishte sa diplomatike aq dhe pragmatiste. “Këtu jemi për Kombëtaren, kemi një grup të vështirë, e dimë. Tani po stërvitemi dhe jemi gati për ndeshjen e parë”, theksoi ai.

    Sekreti për të ndalur “Tre Luanët”

    Më tej mesfushori kuqezi foli për praninë e tij tek Interi dhe ambiciet me skuadrën zikaltër. Në këtë pikë Asllani u ndal edhe tek vështirësia e lojtarëve anglezë për të cilët ai tha se i njeh e janë shumë të rrezikshëm. Sipas tij, sekreti për t’I ndalur anglezët është që përfaqësuesja jonë të luajë me zemër. “Janë një skuadër shumë e fortë, skuadër fizike dhe shumë teknike. Lojtarët e tyre i njohim shumë mirë. Besoj se nuk duhet të mendojmë shumë, por të luajmë me shpirt e zemër. Të mos shkojmë atje si turistë se gjithmonë kur hyjmë në fushë, futemi për fitore. E dimë që është e vështirë, por do të punojmë edhe këto 2-3 ditë dhe do shkojmë aty me shumë shpirt”, nënvizoi mesfushori kuqezi.

    Mendimi në funksion të ekipit

    Për Asllanin përfaqësuesja është gjë shumë speciale dhe ai tha se mendonte tërë kohën për ekipin, ku loja në grup duhet të shpërblehet. “Nuk e di çfarë prisni nga Asllani. Mendoj për ekipin, nuk jam këtu për të luajtur vetëm për veten time. Jemi një grup, një skuadër. Në kombëtare duhet të luajmë të gjithë së bashku. Kemi një ndeshje të vështirë. Po punojmë këto ditë, dje erdhëm.

    Kemi edhe dy ditë për të punuar, fokusi është te ndeshja me Anglinë”, nënvizoi më tej Asllani. ai komentoi më pas mesfushën e skuadrës angleze, gjithnjë duke e krahasuar me tonën. por Asllani e pranoi se Anglia ka një skuadër shumë të fortë, ku të gjitha repartet e daj janë të kompletuara dhe me lojtarë shmë cilësorë. pra ai e pranoi se kjo ndeshje do të ishte e vështirë për Shqipërinë. “Mesfusha e Anglisë është shumë e fortë. Gjithë skuadra angleze është shumë e fortë. Do jetë ndeshje e vështirë. Do të luajmë si ekip, me shpirt dhe zemër siç kemi luajtur”, shtoi Asllani.

    Në fund ai pranoi se një barazim do të ishte rezultat i mirë për ekipin tonë. “Nuk isha në Kombëtare në ndeshjen ndaj Anglisë katër vite më parë. Ne do të hyjmë në fushë dhe do të luftojmë që nga minuta e parë. E dimë që do na sulmojnë se kanë lojtarë shumë të shpejtë. Do të luajmë siç kemi luajtur në ndeshjet para Europianit”, përfundoi Asllani.

  • Temperaturat ulen deri në -2°C! Kthjellime dhe vranësira, si parashikohet moti për sot

    Temperaturat ulen deri në -2°C! Kthjellime dhe vranësira, si parashikohet moti për sot

    Vijon qarkullimi i masave ajrore me origjinë verilindore duke diktuar kushtet e motit në vendin tonë.

    Për pasojë vija bregdetare dhe zonat e ulëta do të dominohen nga moti i kthjellët dhe vranësira të lehta, ndërsa kthjellime dhe vranësira disi më të shpeshta do të ketë në zonat malore përgjatë shtrirjes Lindore të Shqipërisë megjithatë mundësia për reshje është thuajse zero.

    Temperaturat e ajrit do të pësojnë rënie të ndjeshme në vlerat minimale POR rriten maksimumet duke luhatur vlerat ditore nga -2°C vlera minimale e shënuar në qytetin e Bulqizës deri në 14°C vlera maksimale e cila pritet në Fier dhe Kucovë.
    Era do të fryjë mesatarisht me shpejtësi mbi 45 km/h nga drejtimi permanent Verilindor, duke krijuar në brigjet detare dallgëzim 3 ballë.

  • Natë surprizash, Danja emocionohet teksa takon të motrën, Ertila: Jam shumë krenare për ty, ndrin si Diell…

    Natë surprizash, Danja emocionohet teksa takon të motrën, Ertila: Jam shumë krenare për ty, ndrin si Diell…

    Natë surprizash në Big Brother VIP. Pas Rozanës, edhe Danja është përlotur dhe shkak për këtë është bërë ardhja e motrës për ta takuar në BBV.

    Sapo e pa që këndonte në skenën e improvizuar në “Storm Arena”, Danja nuk ka pyetur për lojën ngriva-shkriva, por menjëherë ka shkuar ta përqafojë duke i thënë sa e bukur ishte.

    Danja: O Zot sa e bukur je, më kishte marrë malli të shihja fytyrën tënde.

    Ertila: Bravo, bravo… Më ke pëlqyer jashtë mase, ndrin je si Diell. Ke treguar një maturi dhe një karakter të fortë. Jam shumë krenare, të gjithë të ndjekim. Unë dhe Gabrieli flemë dhe zgjohemi me ty.

    Danja: Po djali, sa ka ndryshuar? Të ngjan ty apo Edit?

    Danja qesh: O Edi, kunati im, ti je shumë i bukur, por e di ti…

    Ertila: Jam shumë e lumtur për gjithçka ti përfaqëson dhe të falenderoj pafund sepse ti më ke ndihmuar shumë në momentet e mija…

    Danja: Gjithmonë do të të ndihmoj, unë jam këtu gjithmonë për ty.

    Ledioni: Sa kohë kishit pa u takuar me njëra-tjetrën?

    Danja: Ne takohemi gjithmonë. Ertila nuk më le asnjëherë vetëm. E ka bërë atë rrugën Tiranë-Milano, si Tiranë-Durrës. Jemi gjithmonë në telefon bashkë dhe të them të drejtën mua më kishte marrë shumë malli për zërin e saj. Unë zërin e saj e kam njëlloj sikur të dëgjojë cicërima në parajsë. E kam qetësi, paqe, dashuri, fjalë të ëmbël…

    Ledioni: Ngaqë ti ke përmendur shpesh motrën e madhe, Ertila u bë xheloze dhe tha do vij unë. Nuk do të vijë ajo. Ertila ti me lindjen e bebit, je tërhequr pak nga skena…

    Ertila: Po jam tërhequr pak, por javës që vjen do të dalë kënga ime më e re. Ma mbani mirë këtë zemrën time… Motrush më ke bërë shumë krenare, vazhdo kështu dhe të presim me fitore.

  • Tërmet i fortë në Francë, sa ishte magnituda

    Tërmet i fortë në Francë, sa ishte magnituda

    Një tërmet me magnitudë 4.1 ka goditur zonën pranë qytetit të Nices, në jug të Francës, mbrëmjen e sotme, sipas njoftimit të Qendrës Sizmologjike Mesdhetare Evropiane.

    Sipas tyre, tërmeti ndodhi 16 kilometra në veri të Nicës, një qytet me rreth 340,000 banorë, i cili kishte një thellësi prej 10 kilometrash, shkaktoi shqetësim mes banorëve të zonës, por aktualisht nuk ka pasur raporte për dëme materiale.

    Autoritetet lokale vazhdojnë të monitorojnë situatën dhe mbeten në gatishmëri për çdo mundësi pasgoditjesh.

  • “Nëse nesër nuk jam më…”/ Këngëtari që vdiq si hero në përpjekjen për të shpëtuar fansat në Koçan, i njohur për aktet humanitare dhe ndihmën ndaj personave në nevojë

    “Nëse nesër nuk jam më…”/ Këngëtari që vdiq si hero në përpjekjen për të shpëtuar fansat në Koçan, i njohur për aktet humanitare dhe ndihmën ndaj personave në nevojë

    Andrej, anëtar i grupit popullor maqedonas DNK, humbi betejën për jetën në zjarrin tragjik në Koçan, aty ku u kthye për të shpëtuar më shumë njerëz të bllokuar mes ferrit të flakëve.

    Me këtë veprim, ai u shndërrua në hero. Por, edhe gjatë jetës, Andrej nuk i kishte kursyer kurrë gjestet humanitare. Vetë artisti dhe grupi muzikor DNK, ku bënte pjesë, vazhdimisht u bënin thirrje ndjekësve të ndihmojnë familjet dhe individët që luftojnë me sëmundjen dhe varfërinë. Mbështetja dhe humanizmi i tyre ishin një tjetër tregues se pas gjithë asaj drite në skenë fshihej një dëshirë e vërtetë për të përmirësuar shoqërinë.

    Andrej la gjurmë në muzikën maqedonase dhe për ata që shijonin muzikën e tij, ai do të mbahet mend për vetëmohimin, talentin dhe përkushtimin ndaj të tjerëve.

    Hiti i grupit DNK, “If Tomorrow I’m Gone”, është një kujtesë e faktit sa e brishtë është jeta dhe sa e rëndësishme është çdo mundësi për të treguar dashuri dhe mbështetje.

  • Emocione të forta për Rozanën, ikona e lajmeve Tefta Radi i bën surprizë në Big Brother: Të dua shumë, jam krenare për ty!

    Emocione të forta për Rozanën, ikona e lajmeve Tefta Radi i bën surprizë në Big Brother: Të dua shumë, jam krenare për ty!

    Një surprizë shumë emocionuese ishte ajo e Rozana Radit që iu bë këtë mbrëmje në shtëpinë e Big Brother, teksa i erdhi një mesazh nga një njeri shumë i dashur i saj.

    Ikona e lajmeve, Tefta Radi, bashkëshortja e xhaxhait të saj Françesk Radit, nga Australia mbërriti brenda shtëpisë për ta përqafuar dhe për ti thënë se është krenare për të.

    “E njoh Rozin si një vajzë me mendje të hapur, që u ngrit nga dhimbja e humbjes së prindërve, si një vajzë me zemër të madhe dhe që na ka bërë krenarë në rrugëtimin e saj. Rozana të dua shumë dhe jam krenare për ty, mezi pres të të takoj”, ishte mesazhi i Tefta Radit përpara se ato të përqafoheshin.