Category: Lajme

Deputetja e Partisë Demokratike, Jorida Tabaku është e para politikane që reagon publikisht për ngjarjen e rëndë të ndodhur në Hamburg të Gjermanisë, ku humbën jetën 4 punëtorë shqiptarë.

Tabaku shpreh keqardhjen për ngjarjen tronditëse, teksa shkruan në rrjetet sociale se katër djemtë e nënave shqiptare ikën të detyruar nga kushtet ekonomike ekstreme dhe për një jetë më të mirë.

Tabaku thotë se ndërkohë që një tragjedi kaq e madhe prek qytetarët, qeveria diskuton për ndarjen e milionave nga buxheti për kontrata koncesionare “kryekëput korruptive”.

Shqiptarët ishin duke punuar në të zezë në një zonë industriale të Hamburgut, teksa u shemb skela dhe një vinç duke i zënë poshtë.

Mesazhi i Tabakut:

I lehtë i qoftë dheu 4 djemve të nënave të këtij vendi që nuk u japin më gëzim familjeve të tyre

4 djem të nënave shqiptare, 4 baballarë a vëllezër humbën sot jetën duke punuar në një kompleks ndërtimi në Gjermani me leje të përkohshme pune, mbas një udhëtimi me peripeci, me punë të pasigurtë, 3 muaj këtu e 3 muaj atje për më shumë mundësi për familjet e tyre nga Mati e Dibra.

Askush nuk largohet me dëshirë nga familja, askush nuk lë fëmijët e prindërit me dëshirë kjo ndodh në kushte ekstreme varfërie, në kushte ekstreme ekonomike kjo ndodh nga pamundësia për të siguruar një jetë më të mirë për familjen këtu.

Ndërkohë që parlamenti duhet të diskutojë buxhetin, kur shikon miliona euro në kontrata koncesionare marramendëse të gjitha kryekëput korruptive, në ndërkohë shqiptarët janë të detyruar të largohen në kërkim të një jete më të mirë. Këtë kanë nevojë sot të dëgjojnë qytetarët se çfarë do bëjmë ne ndryshe, më mirë më shumë se si do e ndalojmë këtë largim masiv, se si do krijojmë punë e mundësi për të gjithë e jo pakicën! Kjo është beteja e opozitës.

Një i ri nga Shkodra ka ndërruar jetë në mesnatë në banesën e tij, teksa dyshohet se shkak është bërë një arrest kardiak.

“Rreth mesnatës, ka humbur jetën, në banesë, në prani të familjarëve të tij, shtetasi M. G., 31 vjeç, banues në lagjen “Partizani”.

Nga hetimet e deritanishme dyshohet se 31-vjeçari e ka humbur jetën për shkak të arrestit kardiak”, njofton policia.

Grupi hetimor vijon punën për të dokumentuar ligjërisht shkakun e vdekjes së këtij shtetasi.

Lajmi që qarkulloi dje se Arbana Osmani mund të mos prezantojë ‘Big Brother Vip 3’ bëri shumë bujë.

Në lidhje me këtë çështje ka reaguar së fundmi me lezet vetë moderatorja.

Ajo ka publikuar një foto duke pirë kafe, Lori Caffe në ambientet e Top Channel, duke hedhur në këtë mënyrë poshtë zërat që qarkullojnë.

Megjithatë, duhet të presim akoma për të parë nëse do të jetë apo jo Arbana ajo që do të moderojë “BBVA3”.

Gjykata britanike ka marrë vendimin duke dënuar me burg tre shqiptarët dhe mikun e tyre të cilët tentuar të kontrabandonin 139 kilogram kokainë në Mbretërinë e Bashkuar, duke e fshehur atë në një kontenier babanesh.

Sipas mediave britanike, koka e këtij grupi, Mirgert Shahu, është dënuar me 18 vjet burg.

Gjithashtu, për kalimin e kokainës me vlerë 11 milionë paund, kishte ndihmuar dhe një anglez, Robert Ball.

Dy bashkëpunëtorët e tyre, Florjan Ibra u dënua me 13.5 vite burg dhe Arman Kaviani me 12 vite e nëntë muaj.

Autoritetet kishin konstatuar drogën në port, dhe e kishin hequr, por kamionin e kishin lënë të kalonte, për të parë se kush e posedonte lëndën narkotike.

Arrestimi i Shahut, Ball dhe dy shqiptarëve të tjerë Florjan Ibra dhe Arman Kaviani, është bërë në prill të 2022 teksa po shkarkonin drogën në çatinë e kontejnerit, që besonin se e kishin ende

Ball dhe Shahu u dhanë udhëzime Kavianit dhe Ibrës në oborrin e magazinimit, të cilët përdorën një kamion forklift për të hipur në majë të kontejnerit.

Ata hapën çatinë duke përdorur një levë dhe filluan të shkarkonin pakot, por në proces e sipër NCA dhe oficerët e policisë mbërrijnë për t’i arrestuar.

Të katër burrat u akuzuan për trafikim të lëndëve narkotike, ndërsa Kaviani u akuzua gjithashtu për posedim me qëllim furnizimi pasi u gjet në shtëpinë e tij meta kristal me vlerë 500,000 paund.

Këshilli Mbikëqyrës i BSH vendosi të rrisë normën bazë të interesit për herë të parë që nga muaji mars i këtij viti, nga 3% në 3.25%.

Gazetari Neritan Gjergo shpjegoi se kjo do të ndikojë tek ata konsumatorë që kanë marrë një kredi.

Sipas tij të gjithë do të paguajnë këstin e kredisë në bankën ku e kanë marrë, por shuma që do të paguajnë do të jetë më e lartë.

“Ajo që dihet me siguri, por duke ju referuar dhe vendimmarrjeve të mëhershme, sepse norma e interesit është rritur 3.25% duke nisur që nga vitit 2022, pas muajit prill. Pra, pas çdo vendimmarrje ka pasur një rritje me 0.5% dhe i ka shtrenjtuar gjithnjë e më tepër kreditë. Mund të themi se me vendimmarrjen e parë që mori banka vitin e kaluar, dikush që kishte një kredi, po themi 35 mijë lekë, i duhej të paguante gjatë muajit të ardhshëm diku te 42 mijë lekë. Pra niveli i kredive rritet dhe e bën dhe më të vështirë pagesën për konsumatorët. Secili paguan kredinë që i takon, në bankën që ai e ka marrë, por e sigurt është që pësojnë rritje,” – u shpreh Gjergo.

Shqiptari Jani Zoto, 54-vjeç, i cili u akuzua për vrasjen me thikë të 43-vjeçares Aciu Flopjca-Aurica, ka folur së fundmi për median greke Protothema.gr.

Ai ka thënë: “askush nuk më besonte se isha i pafajshëm, më futën në burg padrejtësisht”.

“Në fund të fundit ka një Zot. Zoti pati mëshirë për mua dhe më ndihmoi të zbulohej e vërteta. Në të vërtetë, tani mund të them se ndihem i shfajësuar pas shumë vuajtjeve. Askush nuk më besonte se isha i pafajshëm. Të gjithë menduan se e vrava dhe më futën në burg padrejtësisht”, tha Zoto.

Zoto po ashtu ka rrëfyer edhe për 3 vitet që ka kaluar në burg. Ai tha “kalova në burg kur isha i pafajshëm dhe qaja por askush nuk më dëgjonte. Ishin vitet më të vështira të jetës sime, nuk ka gjë më mizore se të quhesh vrasës pa kryer asnjë krim”.

“Tre vite të jetës sime i kalova në burg kur isha i pafajshëm dhe qaja por askush nuk më dëgjonte. Ishin vitet më të vështira të jetës sime. Nuk ka gjë më mizore se të quhesh vrasës pa kryer asnjë krim. Ndjeva se po më shkatërrohej nderi dhe dinjiteti dhe nuk mund të bëja asgjë. Fëmijët e mi u mërzitën kur dëgjuan se babai i tyre ishte një vrasës”, tha Zoto.

Po ashtu ai shtoi: “Kjo grua ishte shoqja ime, unë jetoja me të dhe nuk mund të dëmtoja dikë. Dua të vazhdoj jetën time dhe të lë pas këtë makth që do të më shënojë përgjithmonë”.

Sipas zbulimit të gazetës “Demokratiki”, një pakistanez i arrestuar korrikun e kaluar në Gjermani për vjedhje dyqanesh është autori i vrasjes së 43-vjeçarit. Zbulimi u bë nga gjurmët e pëllëmbës së tij, ku më pas pasoi në rrëfimin e krimit.

Një i ri shqiptar që jeton në Greqi është zhdukur prej tri ditësh, ndërsa autoritetet lokale raportojnë se ai rezulton i humbur prej mëngjesit të së dielës.

Mësohet se 29-vjeçari Angelo Avdiu, baba i një fëmije, jetonte në Agios Konstantinos Fthiotidas dhe sipas mediave greke ai ka mbërritur në zonë mbrëmjen e së shtunës, ku ka qëndruar me një të afërm.

Vëllai i tij ka zbuluar se 29-vjeçari ka ardhur në fshat për të biseduar me ish-bashkëshorten dhe nënën e fëmijës së tij në përpjekje për të rregulluar marrëdhëniet mes tyre.

“Erdhëm të bisedonim me ish-bashkëshorten e tij që ishte divorcuar. Të dielën në mëngjes ishim duke pirë kafe dhe befas ai u largua pa i thënë asgjë askujt. Të gjitha gjërat i la në shtëpi dhe celularin. Bëjmë apel që të gjendet vëllai im sepse nuk ka qenë shumë mirë së fundmi. Ai ka edhe një djalë të vogël, 9 vjeç”, tha ai.

Aktori i njohur i humorit Agron Llakaj ka dhënë lajmin e hidhur për ndarjen nga jeta të motrës së tij.

Duke shprehur edhe falënderimin e tij për mesazhet ngushëlluese që ndjekësit e tij i kanë dërguar aktori i njohur gjen rastin të përcjell edhe një mesazh lidhur me virusin “Covid19”.

Llakaj shprehet se edhe pse motra e tij i beri të dy vaksinat mbrojtëse nga covid-i, ajo përsëri nuk ja doli. Ndaj ai u bën thirrje të gjithëve të kenë kujdes, të ruani veten dhe njerëzit tuaj. Më tej ai shton se virusi është i vërtetë dhe i rrezikshëm.

“Të dashur miq por jo vetëm, ju falënderoj nga zemra për të gjitha mesazhet e ngushëllimit më rastin e largimit nga jetë te motrës time të shtrenjtë, Fatbardhës.

Ishte vetëm 65-vjeçe i bëri të dyja vaksinat por zoti na e mori është “covid-i”i pabesë bashkë me falënderimin më lejoni t’ju them kini kujdes ruani vetën dhe njerëzit tuaj është me të vërtete vrasës i rrezikshëm dhe i vërtetë.

Zoti ju ruajt paçi shëndet dhe bekime në familjet tuaja, mirënjohje dhe respekt!“- shprehet në video aktori, Agron Llakaj.

Publikimi i një video, ku shihet Saimir Rexhepi, personazhi i njohur në rrjetet sociale me pseudonimin “Ujku i Cërrikut” duke u shoqëruar nga policia, pak pas finalizimit të megaoperacionit “Tempulli”, gjatë të cilit ranë në pranga disa persona për shpërndarje të lëndëve narkotike, u ka kushtuar shtrenjtë disa efektivëve të policisë së Elbasanit.

Burime pranë policisë së Elbasanit thanë për A2CNN së ndaj efektivëve që kanë marrë pjesë në arrestimin e tij është aplikuar një masë ndëshkimore, duke iu shtyrë afatin e gradimit me një vit.

Gjatë operacionit të trumbetuar edhe nga ministri i Brendshëm ranë në pranga 246 persona, ndërsa u pretendua se u shkatërruan 23 grupe kriminale.

Në total u sekuestruan 134 kg kanabis, 1.2 kg kokainë dhe tableta ekstazie.

Droga e sekuestruar sipas policisë shitej në afërsi të shkollave, por “Ujku i Cërrikut” ka rezultuar se nuk është pjesë e 23 grupeve kriminale të pretenduara nga uniformat blu.

Policia ndoshta nuk e njihte, por u kujdes që video nga momenti i shoqërimit në komisariat të shpërndahej në media si një prej arrestimeve të “Tempullit”, ku “Ujku i Cërrikut” shihet teksa del nga automjeti i prangosur dhe me kurorë në kokë.

Një 31-vjeçar në Shkodër ka humbur jetën sot dhe shkak dyshohet të jetë bërë arresti kardiak.

Blutë e Shkodrës bëjnë me dije se M. G., 31 vjeç, ka humbur jetën në sy të familjarëve të tij, në banesë.

Grupi hetimor ka nisur punën për zbardhjen e shkakut të vdekjes.

Rreth mesnatës, ka humbur jetën, në banesë, në prani të familjarëve të tij, shtetasi M. G., 31 vjeç, banues në lagjen “Partizani”. Nga hetimet e deritanishme dyshohet se 31-vjeçari e ka humbur jetën për shkak të arrestit kardiak.

Grupi hetimor vijon punën për të dokumentuar ligjërisht shkakun e vdekjes së këtij shtetasi.