Category: Lajme

Një alarm është ngritur në Britani dhe Francë për shkak të stuhisë Ciaran, e cila pritet të prekë disa zona.

Sinoptikanët, sipas Guardian, po paralajmërojnë për një stuhi potencialisht kërcënuese për jetën në Anglinë jugore, duke sjellë erëra me shpejtësi deri në 80 mph. Zyra e Meteorologjisë lëshoi ​​një paralajmërim për erëra të enjten në pjesën më të madhe të bregut jugor.

Sipas parashikimit të motit, erërat shumë të forta veriperëndimore mund të shkaktojnë probleme në qarkullim dhe dëmtime në objekte. Rrugët, urat dhe linjat hekurudhore mund të mbyllen dhe mund të ketë vonesa në trena dhe avionë.

‘Stuhia Ciaran, e cila është formuar në anën tjetër të Atlantikut, do të forcohet gjatë 24 orëve të ardhshme’, tha François Gourad i Météo-France në një konferencë shtypi këtë pasdite. Ai theksoi se stuhia do të arrijë në Francë të mërkurën vonë.

Kalimi i stuhisë pritet gjithashtu të sjellë erëra me furtunë me shpejtësi deri në 130 km/h në Brittany, ndërsa rrebeshe mbi 100 km/h priten në pjesë të tjera të veriperëndimit.

Për shkak të motit të keq, shërbimet e trenave TER do të pezullohen të enjten në rajonin Hauts-de-France, por edhe në rajonet e Brittany, Center, Normandy dhe Pays de la Loire.

Avokati Spartak Ngjela i ka cilësuar të tepruara reagime te opozitës në sallën e Parlamentit. Dje pati skena dhune, ku deputetët që i rrinë pas Berishës u përplasën fizikisht me socialistët.

Sipas avokatit, e gjitha kjo bëhet për interes të Sali Berishës. Në një emision, avokati deklaroi se Berisha tani është në hall të madh për shkak të akuzave të SPAK dhe po nxit destabilizim për të shpëtuar nga akuzat. Por avokati u duk i bindur në qëndrimin e tij se kjo gjë nuk do e shpëtojë. Sipas tij, Berisha maksimumi do shkojë te greva e urisë, por nuk del dot në rebelime e protesta sepse nuk ka mbështetje.

“Është i pandehur kryetari i “Rithemelimit”. Është në proces penal. Të gjithë këta i bëjnë si pasojë e krizës mendore që po kalon kryetari i tyre. Pse? Sepse kuptohet dhe kur flet. Pse? Sepse është në akuzë. Ju them se çdo njeri që është nën akuzë nëse nuk ka një avokat që ta drejtojë bën gabime të rënda. Mendon se duke bllokuar Parlamentin do krijojë një involnim shoqëror për destabilizimin e Shqipërisë. Është një naivitet. Nuk do të ndodhë. Është e pamundur. Mund të bëjë dhe grevë urie se ky është stili i Saliut. Por nuk shoh ti drejtohet opinionit se nuk ka numër që i shkon pas. Sipas të dhënave i ka rënë mbështetja në nën 18 për qind”, tha avokati.

Duke u ndaluar te komisionet hetimore të kërkuar nga opozita, Ngjela tha se duhet parë objekti i çështjes. Po ashtu tha se për rastet që janë në hetim nga prokuroria nuk mund të ketë komision hetimor.

“Komisioni hetimor për një çështje që ka nisur procesi penal nuk mund të ngritët. Ti nuk del dot mbi prokurorinë dhe gjykatën”, tha ai.

Sali Berisha është vënë nën akuzë për korrupsion, ndërkohë që dhëndri i tij ndodhet në burg. Pas këtyre lëvizjeve është ashpërsuar aksioni opozitar. Berisha të premten kërkoi nga Këshilli Kombëtar që të përgatiten për reagim të fuqishëm, ku u fol dhe për grevë urie dhe protesta. Opozita kapet pas faktit se PS nuk lejon ngritjen e komisioneve hetimore, por sinjalet janë se Berisha po tenton të dërgojë mesazhe të SHBA dhe SPAK se ai është gati të shkaktojë trazira nëse merren me të dhe familjen e tij.

Një ngjarje e rëndë ka ndodhur në Greqi, ku një 42-vjeçar shqiptar bashkë me dy djemtë e tij janë dhunuar brutalisht nga 7 grabitës në zonën e Kolonos, Athinë.

42-vjeçari shqiptar ishte ulur me dy djemtë e tij, 23 dhe 17 vjeç, në një stol në shesh, kur anëtarët e bandës iu afruan të veshur me rroba të zeza dhe kapuç. Sipas policisë një prej tyre ishte i pamaskuar, çka ngjall shpresë për identifikimin e tij.

Ishte ai që iu afrua familjes shqiptare dhe me ton të fortë i kërkoi babait t’i jepte 5000 euro. 42-vjeçari shqiptar iu përgjigju se nuk do t’i japë paratë që kërkon dhe më pas gjashtë autorët e tjerë kanë filluar ta godasin me grushte dhe shkelma në kokë, derisa ai ra përtokë i gjakosur.

Njëri prej grabitësve i ka rrëmbyer celularin, ndërsa anëtarët e tjerë të bandës kanë sulmuar edhe djemtë e tij. 23-vjeçari ka mbetur i plagosur në brinjë dhe i është marrë varësja e floririt nga qafa.

Autorët janë larguar me vrap, ndërsa viktimat janë dërguar në Kryqin e Kuq, ku iu është dhënë ndihma e parë. Sipas dëshmive të viktimave, kreu i bandës është bashkëkombësi i tyre dhe vetëm 18 vjeç. Siç konstatuan punonjësit e policisë së Kolonos, nga dosja e tij, ai është me precedentë të tjera për krime të ngjashme.

Një ditë pas aksidentit të tmerrshëm në Hamburgu, një nga punëtorët e ndërtimit ende nuk është shpëtuar nga rrënojat.

Të martën(31 Tetor), në mëngjes, shpëtimtarë të panumërt mbërritën në kantierin e ndërtimit për të vazhduar operacionin sfidues të shpëtimit teknik. Shpëtimtarët e zjarrfikësve në lartësi të mëdha dhe alpinistë industrialë nga një kompani e specializuar siguruan vendin e aksidentit për të vazhduar shpëtimin.

Kujtojmë se skela u shemb të hënën, ndërsa ra nga kati i 8-të në një bosht ashensori.

Si pasojë e këtij aksidenti, të paktën tre punëtorë humbën jetën ndërsa përfunduan nën pjesët e shembura.

Për shkak se personi i katërt i cili duket se ka përfunduar në fund të boshtit, e bën shpëtimin më të vështirë.

Sipas policisë, të tre viktimat dhe një punëtor ndërtimi i plagosur rëndë janë shtetas shqiptarë.

Ndonëse më herët, senatorja e ndërtimit Karin Pein njoftoi të hënën pasdite se ata ishin bullgarë.

Hetuesit nga Zyra e Policisë Kriminale Shtetërore të Hamburgut vazhduan punën e tyre në vendin e krimit në Chicagostrasse të martën, por nuk ishin ende në gjendje të depërtonin në të gjitha zonat e prekura.

Sipas informacioneve të BILD, skela mund të mos ishte vendosur siç duhet ndërsa mbi të ishin vendosur edhe 80 blloqe betoni, secila me peshë 20 kilogramë.

Moti i keq me reshje të dendura shiu ka pushtuar qytetin e Shkodrës, mbrëmjen e kësaj të marte.

Si pasojë e reshjeve intensive mësohet se janë bllokuar disa segmente rrugore.

Konkretisht raportohet se ka vështirësi në qarkullimin e mjeteve në segmentin Isa Boletini-Ura Dervish Beg dhe te Pallati i Rinisë në Parrucë.

Gjithashtu, edhe korsia e biçikletave në këto segmente ka pasur vështirësi.

Rebelët Houthi të Jemenit për herë të parë morën përsipër sulmet me raketa dhe dronë ndaj Izraelit.

Houthi-t ishin të dyshuar për një sulm në fillim të këtij muaji që synonte të godiste Izraelin duke lëshuar raketa dhe drone mbi korsinë e rëndësishme të anijeve të Detit të Kuq, një sulm që thuhet se u interceptua nga Marina amerikane.

Në një deklaratë për media të publikuar në rrjetet sociale, një zëdhënës ushtarak i rebelëve Houthi Gjenerali Yahya Saree mori përsipër sulmi dhe tha se të tjera sulme do pasojnë.

“Forcat tona të armatosura lëshuan një numër të madh raketash balistike dhe një numër të madh dronësh në objektiva të ndryshëm të armikut izraelit.

Forcat e Armatosura të Jemenit konfirmojnë se ky operacion është operacioni i tretë në mbështetje të vëllezërve tanë të shtypur në Palestinë dhe konfirmojnë se ne do të vazhdojmë të kryejmë sulme më cilësore me raketa dhe dronë derisa të ndalet agresioni izraelit”, tha ai.

“Shpresoj që Allahu të më falë”, këto janë fjalët që 41-vjeçari shqiptar Selami Bode tha pasi vrau bashkëshorten e tij Etleva Bode (Kanolja).

31-vjeçarja shqiptare, pas gati dy ditësh në koma të thellë, ndërroi jetë mbrëmjen e së dielës e shtruar në reanimacionin e spitalit San Paolo në Savona, Itali. Ajo la jetimë katër fëmijë të moshës 5 deri në 13 vjeç.

Ditën e djeshme Selami Bode duhej të merrej në pyetje në burgun e Marasit, ku po mbahet për akuzën e vrasjes së rëndë për shkaqe të parëndësishme dhe për faktin se vepra është kryer ndaj bashkëshortes së tij. Megjithatë, kjo nuk ishte e mundur pasi burri është në fakt në izolim mjekësor për shkak të dyshimit për tuberkuloz.

Ndërkohë hetimet e koordinuara nga prokurori publik po ecin përpara, duke kërkuar elemente të reja për të gërmuar në jetën e çiftit.

Prokurori kërkon të dijë nëse ka pasur akte dhune në të kaluarën, para se të ndodhte vrasja. Sipas elementeve të para që dalin nga dokumentet, elementi fetar mund të ketë një rol në motivin e krimit.

41-vjeçari shqiptar i cili ishte i besimit mysliman, cilësohej si një njeri shumë i ashpër, afër formave të radikalizmit. Ai ishte vizitor i rregullt në xhaminë e Savonës, ndërsa gruaja e tij vishte gjithmonë fustane të gjatë dhe në shumë raste mbulonte edhe kokën dhe shpatullat me shami. Ajo ishte shtëpiake që dilte vetëm me të dhe me katër fëmijët e saj, për të cilët kujdesej çdo ditë. Edhe përdorimi i celularit pas një kohe të caktuar ishte i ndaluar.

Mbrëmjen në të cilën ndodhi krimi, Selami Bode dhe gruaja e tij ishin grindur: më pas gruaja ishte mbyllur në dhomën e saj për të bërë një telefonatë. Burri, duke dëgjuar zërin, hapi derën dhe i vuri duart në qafë derisa e mbyti.

Kur e pa në tokë, i frikësuar, thirri për ndihmë. Tetëdhjetë minuta u deshën për ta ringjallur gruan, ajo filloi të merrte përsëri frymë, por dëmi i pësuar ishte shumë i madh. Pas gati dy ditësh në koma ajo vdiq.

Itali është përfshirë së fundmi nga moti i keq, teksa së fundmi në disa qytete është dhënë alarmi për përmbytje.

Bëhet me dije nga mediat e huaja se dëme dhe shqetësime për shkak të shiut, erërave të forta dhe stuhive në rajone të ndryshme të Italisë kanë ndodhur ditën e sotme.

Alarm i kuq për mot të keq në Veneto, portokalli në Emilia Romagna, Friuli Venezia Giulia, Liguria, Lombardi dhe Trentino Alto Adige; e verdhë në Abruzzo, Campania, Lazio, Molise dhe Toscana në media.

Në Venecia, uji i lartë arrin kulmin prej 154 centimetrash. Autobrennero u mbyll në vendkalim për shkak të një rrëshqitje dheu në Austri. Italia është përfshirë me nivel të lart përmbytje në disa qytete kryesore të vendit.

Gazetari Roland Qafoku tha në një intervistë për Euronews Albania se Ilir Meta ka një qasje krejt ndryshe nga Sali Berisha për drejtësinë.

Sipas tij, ndryshe nga Berisha që e ka shpërfillur gjithmonë prokurorinë duke nxjerrë alibi nga më të ndryshmet, Meta s’e ka pasur kurrë problem të shkojë në prokurori edhe pa e thirrur.

Meta ndryshon katërcipërisht, Berisha e ka shpërfillur gjithmonë prokurorinë, ai bën autogol edhe me atë që thotë po zbatoj kushtetutën se ai nuk e ka njohur kushtetutën.

Meta nuk e ka këtë qasje. Meta për çështjet për të cilat është akuzuar, s’e di për çfarë mund të thirret se ai ka bërë disa padi vetëm, edhe Kryemadhi dhe mund të thirren.

Nuk mund flasim për statusin e një personi në hetim kur nuk kemi asnjë provë. Por mendoj se nuk është e jashtëzakonshme që ta thërrasin në SPAK se janë bërë pjesë e SPAK duke denoncuar dhe ata vetë i kanë denoncuar të tjerë, por qasja e Metës është shumë më normale ndaj drejtësisë, tha Qafoku.

Tollumbacet me azot që po përdoret shumë sidomos nga të rinjtë në lokale të ndryshme të vendit, do të ndalohen me ligj në Shqipëri. Oksidi i azotit do të kategorizohet i ndaluar për t’u konsumuar.

Komisioni parlamentar i Shëndetësisë vendosi që ai të përfshihet në listën e lëndëve psikotrope që ndalohen për konsum. Në debatin në komision mori pjesë ministri i brendshëm, Taulant Balla, që tha se këtë vit është shtuar ndjeshëm përdorimi i këtyre lëndëve të ndaluara.

“Janë disa lëndë psikotrope që nuk përfshiheshin deri më tani, ku ndër to është edhe përdorimi i peroksidit të azotit, që nga ekspertët thuhet se sjell problem shqetësues për shëndetin. Kemi bërë sekuestrimin e bombolave për të shmangur përdorimin e pautorizuar. Aktualisht në legjislacionin bazë këto lëndë, jo vetëm peroksidi i azotit nuk konsiderohen si lëndë narkotike apo psikotrope. “, tha Balla.

Peroksidi i azotit njihet ndryshe si droga tollumbace. Shumë persona, përfshirë dhe të rinj e të mitur, kanë nisur ta përdorin duke dashur të provojnë gjendjen euforike që përfiton prej saj. Por më pas vjen ankthi dhe probleme të tjera më të rënda të shqisave dhe reagimit. Mjekët thonë se në raste të caktuara mund të arrihet deri në paralizë apo në humbje jete.

Në lokale dhe markete të ndryshme, bombolat me azot ofrohen shumë lirshëm për shkak të mungesës së ndalimit me ligj. Por çdo kush që e shet apo përdor, do të ketë penalitete pasi edhe ligjërisht peroksidi i azotit të cilësohet me votën e ligjvënësit lëndë e ndaluar psikotrope.