Category: Lajme

“U bëjmë thirrje të gjithë shqiptarëve dhe njerëzve të ndjeshëm ndaj kësaj fatkeqësie që na ka ndodhur të na ndihmojnë në çdo mënyrë për të sjellë trupin e motrës në Shqipëri dhe gjithashtu të na ndihmojnë në çfarëdo mënyre për rehabilitimin që do t’u bëhet 4 fëmijëve të saj të mitur që la pas”.

Apeli është nga Erjon Kanolja, vëllai i Etleva Bodit, 31-vjeçares me origjinë shqiptare dhe nënë e 4 fëmijëve të vegjël që vdiq pasi u mbyt nga bashkëshorti i saj Selami Bodi, 41-vjeç, punëtor ndërtimi në Villapiana (Savona).

“Një ngjarje e rëndë që ndodhi mbrëmjen e 27 tetorit në Savona i mori jetën motrës sime të pafajshme Etleva, e cila ishte viktimë e të shoqit dhe episodeve të tij të sëmura xhelozie” shkruan Erjoni. “Atë mbrëmje nipi im vetëm 13 vjeç më mori në telefon duke më thënë “dajë, hajde shpejt”, ishte thirrja e tij”.

“Policia dhe mjekët u përpoqën të shpëtonin jetën e motrës sime, por ajo nuk mundi të mbijetonte. La pas 4 fëmijë, më i madhi prej të cilëve është vetëm 13 vjeç. Të 4 këta fëmijët janë tashmë në duart e drejtësisë.

Një ngjarje e tillë na la të tronditur, të paaftë për të pranuar realitetin. Një ngjarje si kjo na ka plagosur thellë në shpirt dhe do të mbetet një traumë e përjetshme si për ne ashtu edhe për fëmijët që ishin të pranishëm. Ju lutemi na ndihmoni të sjellim trupin e tij dhe të rehabilitojmë këta 4 jetimë” mbyllet apeli i tij.

Ish-deputeti Mark Frroku dhe 3 persona të tjerë janë përfshirë në sherr me disa banorë të fshatit Shetaj për një pronë tek Kepi i Rodonit, ku u përdoren dhe sendet e forta si edhe armët.

Sherri nisi pas Frroku dhe të tjerët nisën rrethimin e tokës me pretendimin se përfaqësonin Kishën Katolike dhe aty bëhej fjalë për pronën e kishës.

Ish-deputeti ndodhet ende në burg, ndërsa veprat penale që rëndojnë mbi të janë ‘kanosje” dhe ‘moskallëzim krimi’.“Mbi Mark Frrokun Antonio Lazari, Pal Doda, Martin Lazeri, rëndojnë veprat kansoje, moskallëzim krimi, veprime që pengojnë zhvillimin e të vërtetës dhe prishjen e rendit dhe të qetësisë publike.

Është proceduar në gjendje të lirë, Ndue Sokoli, për kallëzim krimi, ndërsa Besnik Thoma i cili dyshohet se ka qëlluar me armë, është shpallur në kërkim dhe ende nuk është arrestuar.

Ndërkohë që për Bajram Kaculi, Erjon Reka, Orgito Reka, Ylli Reka janë akuzuar me vepër të rëndë penale, plagosje e rëndë me dashje dhe vetëgjyqësi. Këto janë deri më tani akuzat që rëndojnë mbi këta persona”.

NIKOLETA KOVAÇI/ Mark Frroku është vënë në pranga bashkë me disa persona të tjerë pasi një sherri për rrethimin e një zone në vendin e quajtur Kepi i Rodonit.

Policia tha se ish-deputetin dhe personat që ishin me të i ka referuar në prokurori nën katër akuza, mes të cilave edhe prishje të rendit dhe të qetësisë publike. Në fakt, ajo që ka ndodhur mesditën e së dielës mes palëve të përfshira në një konflikt ende nuk është qartësuar nga policia për shkak se të dyja pretendojnë se kanë dy palët certifikata pronësie.Referuar të dhënave të hetimit mësohet se në dëshminë e tij, Frroku ka mohuar të kishte lidhje me pronën, por ai ishte kontraktuar nga ana e Kishës për të ngritur murin rrethues për mbi 5 mijë metër katrorë tokë, që Kisha thotë se e ka me certifikatë pronësie, ashtu siç edhe pretendon një familje vendëse, me të njëjtin fakt.

Konflikti mes Kishës dhe familjeve nuk është i ri dhe në dijeni të tij kanë qenë të gjitha autoritetet vendore dhe shtetërore, por nuk është ndërhyrë për ta zgjidhur, ndërkohë që ende nuk ka një vendim dhe reagim nga IMT-ja e Durrësit. Mark Frroku është shoqëruar dhe më pas është arrestuar bashkë me tre persona të tjerë, ndërkohë që një tjetër është shpallur në kërkim.

Bëhet fjalë për personin që pretendohet se ka qëlluar me armë në ajër dhe më pas është larguar. Konflikti Konflikti për pronat në bregdet ka çuar në pranga 8 persona, mes tyre edhe ishdeputeti Mark Frroku, të cilët janë përfshirë në një sherr masiv ditën e diel. Përfaqësues të Kishës Katolike Françeskane kanë qenë duke rrethuar këtë pjesë toke për të kufizuar pronën e tyre, të cilën e kanë me certifikatë pronësie. Por pronësinë e saj e pretendojnë dhe banorë të zonës.

Familja Kaculi ka një tjetër certifikatë pronësie dhe pretendon se e ka fituar atë përmes ligjit 7501. Të dyja palët u përfshinë në një konflikt fizik mes të cilëve dhe ish-deputeti Mark Frroku, po vendosnin gardhin për të rrethuar pronën e tyre.

Ndaj ish-deputetit Mark Frroku, që ishte në rolin e sipërmarrësit dhe përfaqësuesve të tjerë të Kishës Françeskane rëndojnë akuzat për “Kanosje”, “Veprime që pengojnë zbardhjen e së vërtetës”, “Prishje e rendit dhe qetësisë publike”, si dhe “Moskallëzim krimi”. Ndërkohë banorët e arrestuar akuzohen për “Vetëgjyqësi” dhe “Plagosje me dashje”.

Në kërkim është shpallur një tjetër person, nga grupi i përfaqësuesve të kishës që dyshohet se qëlloi me armë zjarri në vendin e ngjarjes. Rreth një muaj më parë IMT e Bashkisë Durrës pezulloi punimet për rrethimin e tokës derisa të sqarohet nga Kadastra pronësia e tokës. Ndërsa ASHK nuk ka kthyer ende një përgjigje, përfaqësuesit e kishës janë rikthyer për të rrethuar tokën të dielën.

Kjo situatë është kthyer në konflikt fizik, ku disa persona mbetën të plagosur lehtë nga goditjet. Konfliktet mes banorëve të zonës dhe kishës françeskane janë të hershme, ndërsa kisha përmes përfaqësuesit ligjor të saj bëri të ditur se ka ndërprerë kontratën me përfaqësuesen e mëparshme të saj Ana Shtjefni, e cila në konfliktin mes palëve ka kaluar në mbështetje të banorëve duke deklaruar se të drejtën e pronës mbi tokën e ka familja Kaculi. Gjithsesi, do të jenë autoritetet përgjegjëse, fillimisht Kadastra, që do të përcaktojë situatën e tokës në konflikt dhe në rast se do të ketë mbivendosje prone, çështja do të kalojë në gjykatë.

POLICIA

U konfliktuan me sende të forta me njëri-tjetrin, në Kepin e Rodonit për motive pronësie, arrestohen në flagrancë 8 shtetas (nga të dyja palët në konflikt). Vijon puna për kapjen e shtetasit që dyshohet se qëlloi me armë zjarri, në ajër, gjatë konfliktit.

Specialistët për Hetimin e Krimeve të Stacionit të Policisë Manzë, në vijim të veprimeve hetimore dhe procedurale të kryera në drejtimin e Prokurorisë së Durrësit, për konfliktin e ndodhur ditën e djeshme, te kepi i Rodonit, kanë arrestuar në flagrancë shtetasit:

Bajram Kaculi, Erjon Reka, Orgito Reka dhe Ylli Reka për veprat penale “Plagosja e rëndë me dashje” dhe “ Vetëgjyqësia”.

Ndërkohë nga pala tjetër janë arrestuar Mark Frroku, Antonio Lazeri, Pal Doda dhe Martin Lazeri për veprat penale “Kanosja”, “Moskallëzim i krimit”, “Veprime që pengojnë zbulimin e së vërtetës” dhe “Prishja e rendit dhe qetësisë publike”.

Kryebashkiaku i Shkodrës ka kryer një ndërhyje kirurgjikale ditën e sotme.

Lajmin e ka bërë të ditur vetë Benet Beci, përmes një postimi në Facebook, ku falënderon të gjithë ata që janë i kanë dërguar mesazhe.

Nuk dihet se çfarë lloj ndërhyrjeje ka kryer, por gjendja e tij shëndetësore është e mirë.

Postimi:

Të nderuar bashkëqytetarë,

më lejoni t’ju falënderoj për çdo mesazh që më keni përcjellë për t’u interesuar për ndërhyrjen kirurgjikale që kam realizuar sot pranë Spitalit të Shkodrës.

Faleminderit gjithsecilit, por në mënyrë të veçantë bluzave të bardha të Spitalit të Shkodrës, me në krye drejtorin e institucionit Dr. Senad Halluni, mjekët kirurgë të Shkodrës, Dr. Gëzim Galiqi, Dr. Shpëtim Ymeri dhe mjekun anestezist Ervin Troshani, për gadishmërinë dhe kujdesin e treguar.

Faleminderit dhe gjithë stafit infermier, veçanërisht Vjollcës, motër Martës dhe Julit.

Mirënjohje pafund.

Pak kohë më parë u bë me dije se aktori i humorit, Olsi Bylyku prej më shumë se 4 muajsh është në një lidhje me gazetaren, Denada Lura.

Lajmi për të dashurën e re bëri bujë shumë shpejt, mirëpo, duket se vajzës në fjalë nuk i ka pëlqyer aspak kjo vëmendje e madhe, ndaj ka marrë vendimin e papritur.

Pasi iu bë emri i ditur, Denada ka vendosur të mbyllë llogarinë e saj në Instagram.

Edhe pse nuk dihen zyrtarisht shkaqet e këtij vendimi, duket se fluksi i komenteve për këtë lidhje ka qenë i papërballueshëm.

Shkencëtarët kanë bërë një zbulim emocionues pasi kanë gjetur një mënyrë për të qenë në gjendje të lexojnë ëndrrat.

Ekipi i shkencëtarëve nga ATR Computational Neuroscience Laboratories në Kioto, Japoni, përdori një makinë të modifikuar të imazhit të rezonancës magnetike (MRI) dhe një makinë elektroencefalograme (EEG) që ishte në gjendje të ekzaminonte ëndrrat.

Studimi u krye me 3 pjesëmarrës, me shkencëtarët që monitoruan aktivitetin e trurit të tyre gjatë gjumit. Kjo u bë duke i vendosur pjesëmarrësit në një MRI në disa blloqe kohore 3-orëshe, mbi 10 ditë. Ata gjithashtu kishin pajisjen EEG të lidhur në kokat e pjesëmarrësve për të marrë sinjalet e vogla elektrike të gjeneruara nga truri.

Në të njëjtën kohë, makina MRI u projektua për të siguruar matje funksionale MRI, duke zbuluar ndryshimet në rrjedhën e gjakut duke regjistruar imazhe në faza të ndryshme të gjumit.

Procesi i “leximit” të ëndrrës

Ekipi e bazoi atë në fazën e parë të gjumit jo-REM, pak minutat e gjumit ku shpesh ndodhin halucinacione të shpejta dhe sporadike. Sipas Unilad, pjesëmarrësit u zgjuan pasi hynë në fazën e parë të gjumit dhe iu kërkua të përshkruanin atë që kishin ëndërruar (kjo u bë rreth 200 herë).

Shkencëtarët regjistruan gjërat më të zakonshme për të cilat pjesëmarrësit ëndërronin dhe më vonë u treguan atyre fotografi nga interneti të atyre objekteve ndërsa ishin ende në aparatin MRI, por këtë herë, kur ishin zgjuar.

Për të kuptuar modelin e ëndrrave, ekipi krahasoi skanimet e trurit të pjesëmarrësve nga aparati MRI kur ata ishin zgjuar dhe kur ishin duke fjetur dhe duke ëndërruar.

Të dhënat e mbledhura u analizuan nga një program i inteligjencës artificiale (AI), me rezultatet e algoritmit duke ndihmuar shkencëtarët të krijojnë imazhe kryesore të ëndrrave të cilat i grupuan në video.

Kryeministri izraelit, Benjamin Netanyahu ka hedhur poshtë çdo thirrje për një armëpushim ose ndërprerje të armiqësive me Hamasin, raportojnë mediat e huaja.

“Izraeli nuk do të pajtohet me një ndërprerje të armiqësive… thirrjet për një armëpushim janë thirrje për Izraelin që t’i dorëzohet Hamasit, t’i dorëzohet terrorizmit, t’i dorëzohet barbarizmit. Kjo nuk do të ndodhë,” thotë ai.

Ushtria izraelite deklaroi se ka vazhduar operacionet e saj tokësore në Rripin e Gazës, gjatë orëve të fundit. Izraeli pretendon se ka shkatërruar infrastrukturën e Hamasit, duke përfshirë pozicionet antitank dhe ato të lëshimit. Gjithashtu raportohet se katër komandantë të lartë të Hamasit, përfshirë kreun e forcës detare të grupit, u vranë.

Strategjia e IDF-së, për momentin, duket e fokusuar në izolimin e pjesëve të enklavës palestineze: popullsisë i është bërë thirrje të shkojë në pjesën jugore të Rripit, e cila duhet të ndahet nga zona veriore ku do të zhvillohen shumica e luftimeve.

Zona nga Wadi Gaza deri në kufirin verior duhet të ndahet më pas në “sheshe” me anë të parregullta, brenda të cilave ushtarët izraelitë do të neutralizojnë njësitë armike shtëpi për shtëpi.Tani që është hyrë në “një fazë të re”, grupet prej rreth 100-200 ushtarësh, do të synojnë të shkatërrojnë ndërtesa dhe struktura të larta të afta për të ndihmuar terroristët në betejën e gjatë për kontrollin e Rripit. Krahas këtyre grupeve të betejës, buldozerët e blinduar do të mbulojnë hyrjet në strehëza dhe do të ngrenë barriera në rast se Hamasi do të përdorë kamikazët.

Shumica e ushtrisë së thirrur për të luftuar këtë luftë janë rezervistë, ekipe speciale që nuk do të luftojnë në front, por do të përdoren për misione specifike si eliminimi i objektivave të nivelit të lartë.

Në seancën e sotme plenare në Kuvendin e Shqipërisë përveç zhurmës dhe të bërtiturave ka patur edhe dhunë fizike mes një detuteti të opozitës dhe një tjetri të mazhdorancës.

Ndërkohë që ndodhnin të gjitha këto, ish-Presidenti i vendit Ilir Meta, njëherësh edhe kryetari i Partisë së Lirisë, së bashku me deputetin Petrit Vasili janë fotografuar duke darkuar në shoqërinë e një personi të tretë.

Jo shumë larg ambienteve të Parlamentit, Meta i veshur sportive, me një xhaketë jeans, duket mjaft i qetë dhe i fokusuar tek biseda.

Kujtojë se vetëm pak ditë më parë u tha në media se ish-Presidenti i vendit Ilir Meta është arratisur nga Shqipëria si pasojë e një fjetë-arresti prerë nga SPAK. Duket se kjo nuk është aspak e vërtetë meqë edhe Meta edhe bashkëshortja e tij Monika Kryemadhi janë të dy brenda territorit të Shqipërisë dhe ditën e sotme të dy kanë bërë dalje publike.

Gazetarja, Klodiana Lala ka reaguar lidhur me ngjarjen e ndodhur në “Kepin e Rodonit” ku disa persona u konfliktuan për pronat.

Lala thotë se mafia e pronave e ka kapur për fyti shtetin dhe se në “Kepin e Rodonit” po përplasen grupet më të fuqishme kriminale.

Sipas saj dokumentat tregojnë një histori të frikshme që një zot e di sa kosto të renda do të ketë.

“Mafia e pronave e ka kapur për fyti shtetin. Në ‘Kep të Rodonit’ po përplasen grupet më të fuqishme kriminale. Sapo ka nisur e gjitha. Dokumentat tregojnë një histori të frikshme që një zot e di sa kosto të renda do të ketë.”, shkruan Lala në rrjetet sociale.

Këtë të hënë u vu në pranga ish-deputeti Mark Frroku lidhur me konfliktin në fjalë dhe mbi të rëndojnë akuzat Kanosja”, “Moskallëzimi i krimit”, “Veprime që pengojnë zbulimin e së vërtetës” dhe “Prishja e rendit dhe qetësisë publike”.

Si ndodhi ngjarja?

Policia bëri publike sherrin e ndodhur një ditë më parë në “Kepin e rodonit”.

Disa banorë të fshatit Shetaj, konkretisht shtetasit B. K., E. R., Y. R. dhe O. R. janë konfliktuar me sende të forta, me përfaqësues të kishës katolike, shtetasit N. S., M. F., M. L. dhe P. D.

Konflikti ka nisur gjatë kohës kur përfaqësuesit e kishës katolike po bënin rrethimin e pronës për të cilën kanë certifikatë pronësie. Banorët e zonës nuk i kanë lejuar që të bëjnë këtë rrethim pasi edhe ata kanë një certifikatë pronësie, që pretendojnë se e kanë po për këtë pronë.

Konflikti midis këtyre shtetasve ka agravuar me përdorimin e sendeve të forta, pas konfliktit me grushte. Në vendngjarje gjithashtu është gjetur dhe 1 gëzhojë arme zjarri.

Si pasojë e konfliktit me sende të forta kanë pësuar dëmtime të lehta disa nga shtetasit e përfshirë në konflikt, të cilët pasi kanë marrë ndihmë mjekësore, janë shoqëruar bashkë me shtetasit e tjerë të përfshirë në konflikt, me qëllim kryerjen e veprimeve për sqarimin e rrethanave të ngjarjes.

Vijon puna për sqarimin dhe dokumentimin e plotë ligjor të rastit.

Hamburg- Tre punëtorë kanë humbur jetën në një kantier ndërtimi në HafenCity të Hamburgut, Gjermani.

Ata po punonin mbi skela në ashensor, kur papritmas skela u shemb.

Pesha e madhe mund të ketë shkaktuar aksidentin fatal, shkruajnë mediat gjermane.

Ndërkohë ekipet e shpëtimit po vazhdojnë kërkimin për punëtorët që mund të kenë mbetur ende nën rrënoja në boshtin e ashensorit.

Raportohet se personat e aksidentuar janë punëtorë shqiptarë, megjithatë pritet të dalë versioni i saktë i policisë.