Category: Lajme

Një vit pas ndarjes nga jeta të monarkes më jetëgjatë në historinë e Britanisë së Madhe, misteri i letrës mbretërore ka “pushtuar” mediat sociale.

Detaji i vetëm që është zbuluar është fakti që marrësi i kësaj letre të mbyllur në zarf është populli australian. Mbretëresha Elizabeth II e pëlqente shumë Australinë dhe e ka vizituar këtë kontinent zyrtarisht mbi 16 herë gjatë jetës së saj.

Monarkja e ka shkruar letrën në vitin 1986 gjatë një vizite në Sidnei për të festuar restaurimin e ndërtesës së mbretëreshës Victoria. Në zarf, Elizabeth shkroi udhëzime për kryetarin e bashkisë që do të ishte në detyrë në vitin e caktuar, pra dikush që as nuk kishte lindur në atë kohë: “Në një ditë të zgjedhur nga ju në vitin 2085 ju mund ta hapni këtë zarf dhe të përcillni mesazhin tim për qytetarët e Sidneit,” ka cilësuar mbretëresha, që ka lënë dhe nënshkrimin në zarf “Elizabeth R.”, që specifikon në latinisht dhe jo në anglisht se ajo është mbretëresha e Anglisë.

Zarfi iu dorëzua administratës së qytetit në atë kohë, e cila e vendosi në një kuti qelqi, ndërsa kjo e fundit u ruajt në një kasafortë bronzi brenda ndërtesës së mbretëreshës Victoria.

Çfarë shkroi Elizabeta në letër? Misteri është shumë i madh sepse asnjë nga pjesëtarët e stafit të mbretëreshës nuk e kanë idenë më të vogël për përmbajtjen e saj. Por, hamendësimet janë nga më të ndryshmet, nga zbulimi historik i diçkaje të bujshme, deri te rrëfimi i një sekreti që lidhet me familjen mbretërore dhe popullin australian.

Ndoshta, është thjesht një letër mirënjohjeje për këtë vend ose një “marifet” i mbretëreshës për të mbajtur zgjuar vëmendjen e australianëve rreth figurës së saj dhe familjes mbretërore. Ku i dihet…Duhet të presim deri në 2085-ën që të hapet letra!

Rudina Dembacaj ka folur së fundmi rreth pretendimeve të bashkëshortit te saj se vajza nuk e takon, duke u shprehur se gjithçka është një “show” dhe se do që të përfitojë nga fama e saj.

Edhe pse fillimisht ndarja e Rudina Dembacaj dhe Aleksandër Varfaj është dukur miqësore, kohët fundit ish-çifti ka përfunduar në gjyq dhe duket se shkak për këtë është bërë vajza e tyre.

Sipas pretendimeve të ngritura, Aleksandri nuk e takon vajzën e tij shpesh dhe shkak për këtë është Rudina, e cila mesa duket nuk dëshiron që Viktoria të takojë të atin.

Disa muaj më parë, Aleksandri pretendoi se kishte një vit pa e takuar vajzën e tij ndërsa Rudina në atë kohë u betua se për kokën e vajzës së saj, që nuk e ka ndaluar kurrë vajzën të takohet me babain e saj.

Ndërkaq në korrikun e këtij viti, Aleksandri bëri një postim në profilin e tij të Instagramit, duke treguar se pas shumë kohësh, më në fund kishte patur mundësinë të takonte vajzën e tij.

Në një intervistë të dhënë së fundmi, e pyetur në lidhje me pretendimet e bashkëshortit të saj, Rudina është shprehur:

“Unë nuk kam absolutisht aspak problem tashmë kur njerëzit kërkojnë vëmendje dhe famë, t’i injoroj. Patjetër që e drejta është shumë e thjeshtë për t’u gjendur dhe do e gjejmë të drejtën se kush mendon që i ka rënë në qaf njëri-tjetrit apo çdo njeri që shënjestron dikë.

Eshtë e rëndësishme që të ketë tentuar ta zgjidhë njëherë përtej poraleve. Nëse unë dal sot dhe bëj ‘show’. E di çfarë më kujton kjo situatë, ishte një blogere e huaj në rrjetet sociale që jepte këshilla për fëmijët dhe ndërkohë fëmijët e vet i abuzonte, i linte pa ngrënë etj. Pra me pak fjalë çfarë shfaqim ne dhe çfarë bëjmë në realitet është shumë relative”.

Aktorja e njohur është pyetur gjithashtu nëse ndihet keq për këtë situatë të krijuar, kur njerëzit duan të përfitojnë nga fama e saj.

“Të them të drejtën, unë dua të shoh anët pozitive. Mua më vjen jashtëzakonisht mirë që kam një fëmijë të shëndetshëm, të lumtur, që kalojmë shumë kohë bashkë. Patjetër që ka shumë problematika në rritjen e një fëmije por sot unë ia kam dalë që me ndihmën e shumë profesionistëve, Viktoria të jetë një fëmijë i qetë dhe nuk dua që në rrjetet apo në tituj të qarkullojnë lajme se si Viktoria e ka kaluar këtë“, shton aktorja.

Rudina dhe Aleksandri kurorëzuan dashurinë e tyre në martesë në vitin 2016-të dhe u ndanë në vitin 2019-të.

Në rajonin tonë ende po ndikon cikloni i cili po sjellë reshje intensive në shumë pjesë të Greqisë dhe Turqisë, por ndikimi i tij në territoret tona është shumë i dobët sidomos në Kosovë ku dominant kemi ndikimin anticiklonik.

Sidoqoftë, të premten do të ketë fuqizim të këtyre masave ciklonike në rajonin tonë por jo në tërë territoret tona. Zhvillime të rrebesheve lokale të shiut me vetëtima dhe bubullimë pasditen e së premtes parashihet të ketë në gjysmën jugore të Shqipërisë, sidomos në zonat kontinentale e me theks të veçantë në zonat kodrinore-malore. Rrebeshet lokale pritet të përfshijnë gati tërë lindjen e Shqipërisë deri afër kufirit me Republikën e Kosovës si dhe zhvillime parashihen edhe në perëndim të Maqedonisë së Veriut.

Këto zhvillime mund të arrijnë deri në skajin jugor të Kosovës ku mund të ketë ndonjë rrebeshe lokal shiu me vetëtima dhe bubullimë. Të gjitha këto zhvillime do të janë kalimtare dhe të karakterit lokal, pra nuk priten reshje me ndonjë intensitet të lartë dhe që zgjasin shumë.

Në anën tjetër në fundjavë do të kemi një front të dobët të ftohtë ajror i cili do të arrijë deri në territorin e Republikës së Kosovës duke sjellur shtim të vranësirave dhe ndonjë rigë lokale shiu. Do të ketë rritje të përkohshme të intensitetit të erërave dhe ulje e përkohshme e temperaturave.

Ky front do të jetë kalimtar dhe nuk do të jetë i pasur me lagështi, prandaj nuk priten reshje, përpos ndonjë rrebesh ose rigave lokale kalimtare.

Në përgjithësi vazhdon mot kryesisht stabil vjeshtor, përpos rajoneve të lartëcekura ku do të ketë zhvillime kalimtare lokale. Reshje atmosferike që do të mund të zbusin thatësinë ende nuk shihen në horizont.

Ngjarje tragjike në Roterdam.

Disa persona kanë humbur jetën pas disa të shtënave me armë zjarri në qytetin holamdez raporton The guardian.

Numri i viktimave nuk është raportuar akoma.

Mësohet se fillimisht autori ka hapur zjarr në një banesë dhe më pas në një qendër mjekësore në qytetin holandez. Autoritetet holandeze bëjnë me dije se në lidhje me ngjarjen është arrestuar një 32-vjeçar, si i dyshuar.

Policia njoftoi se i dyshuari kishte veshur rroba “të stilit ushtarak”, me flokë të zeza dhe mbante një çantë shpine.

Dëshmia e Artan Tafanit për bandën e Laert Haxhiut ka zbardhur detaje të reja edhe për një ngjarje kriminale, ku është i përfshirë artisti Rigels Rajku, i njohur si NOIZY.

Mësohet se pikërisht “killeri” nga Lushnja qëndron pas vendosjes së tritolit në biznesin në pronësi të babait të Noizy-t, Bashkim Rajkut. Personat që kanë vendosur tritolin në lokal kanë qenë vetë Laert Haxhiu, Artan Tafani si dhe dy anëtarët e tjerë të bandës së Lushnjës, Lulzim Spahija, i njohur si “Arapi” dhe Erisiano Abedini.

Por çfarë e shtyu Laert Haxhiun drejt kësaj ngjarjeje?

Gjithçka ka nisur pas sherrit të Noizyt me reperin Keviol Ahmeti, i njohur si Cllevio, me këtë të fundit që është shok me Laert Haxhiun.

Ka qenë nëna e Haxhiut që e ka njoftuar kreun e bandës së Lushnjës për sherrin dhe sipas të penduarit Artan Tafani, ajo ishte shqetësuar shumë sepse ngjarja ishte bërë mediatike. Pas kësaj, Haxhiu ka telefonuar Tafanin dhe i ka kërkuar të gjejë lëndën plasëse për ta vendosur te lokali.

Lëndë plasese e përdorur në biznesin e Noizyt mësohet se ishte marrë në Tepelenë dhe ishte dërguar në Durrës nga personat e dyshuar.

Ngjarja ndodhi mëngesin e 8 qeshorit 2022 dhe fatmirësisht nga shpërthimi pati vetëm dëme materiale.

Ministria e Punëve të Jashtme dhe Diasporës në Kosovë për mes një postimi në llogarinë zyrtare në Facebook ka njoftuar se një shqiptar i Kosovës është gjetur pa shenja jete në territorin e Serbisë.

MPJD bën të ditur se rrethanat e vdekjes së tij nuk janë sqaruar ende krejtësisht ndërsa ka shtuar se deri tani ndonjë informacion që të jetë shkaktuar nga ana e autoriteteve serbe.

“Ministria e Punëve të Jashtme dhe Diasporës ka udhëzuar Zyrën Ndërlidhëse të Republikës së Kosovës në Serbi që të ndërmarrë të gjitha hapat e nevojshëm dhe veprimet e duhura sa i përket riatdhesimit të trupit të pajetë dhe është në kontakt të vazhdueshëm me familjen e viktimës për t’i ofruar atyre mbështetjen e nevojshme institucionale”, thuhet në njoftim.

Kreu i Prokurorisë së Posaçme Altin Dumani ka pasur sot një takim me gazetarët e kronikës së zezë, teksa gazetarja Klodiana Lala ka zbuluar disa nga temat dhe informacionet e marra nga ky komunikim.

Lala u shpreh ndër të tjera tregoi detajet sesi u arrit të zbërthej një grup i strukturuar kriminal, me në krye Laert Haxhiun, i njohur si kundërshtarë i Alfdo Bares.

“Bëhet fjalë për të një penduar të drejtësisë, Artan Tafani. Është arrestuar nga forcat Operacionale, të cilët kishin arritur me metoda speciale, është një pajisje përgjuese që po përdoret për lokalizimin e personave që janë në kërkim për vepra penale. Në fillim ishte i dyshuar për një grabitje, por gjatë gjurmimit të tij, policia zbuloi se një servis, ku dyshohej se automjetet e përdorura në vrasje të ishin çmontuar aty, dhe në shenjat e gishtave doli dhe Tafani. Ai u rrëfye për vrasjen e parë që ka kryer, vrasjen e Elton Mermalit, pjesë e bandës së Aldo Bares.

Nëna e Elton Mermalit edhe pse e moshuar deklaroi në prokurori se autor i vrasjes së djalit ishte Laert Haxhiu dhe dha detaje. Ka pasur një reagim të tmerrshëm nga babai i Laert Haxhiut duke insistuar se faktet nuk ishin të vërtete, por koha i dha të drejtë. Tafani e pranoi vrasjen, rezultojnë 6 vrasje të kryera prej tij. Grupi drejtohej nga Laert Haxhiu, një personazh i jashtëzakonshëm i botës së krimit. Është dënuar me 18 vite burg për një vrasje. Më 2017 tentoi të vriste nipin e Aldo Bares, Xhulio Shkurtin. Ai arriti të shpëtonte, por u vranë tre të tjerë. Janë dy të dënuar me burg të përjetshëm për masakrën e Lushnjës.

Është arrestuar edhe e dashura e tij, (e Laert Haxhiut), e cila akuzohet për moskallëzim krimi dhe dhënie ndihme. Ajo i ka dhënë ndihmë që të fshihej”, u shpreh gazetarja Lala.

Kreu i SPAK, Altin Dumani ka zhvilluar një takim informal me gazetarët e kronikës së zezë gjatë ditës së sotme.

Në takim Dumani nuk i ka shpëtuar interesit të gazetarëve për disa nga çështjet më të nxehta në Shqipëri, ku padiskutim një interes të veçantë kishte dhe fati i Ervis Martinajt.

I pyetur nga gazetarët se çfarë po ndodh me Martinajn, i zhdukur që prej 9 guhtit të vitit të kaluar, Dumani tha se për sa kohë grupi hetimor vijon hetimet ai konsiderohet i gjallë.

“Nuk kemi prova se ai ka vdekur. Për aq kohë sa e konsiderojmë të gjallë, po hetohet”, tha Dumani.

Ervis Martinaj, është konsideruar si një nga njerëzit më të rrezikshëm në Tiranë, i akuzuar për vrasje dhe i dyshuar për disa ngjarje të rënda, që kanë tronditur kryeqytetin. Ervis Martinaj është përmendur edhe në Gjyqin ndaj Emiliano Shullazit.

Martinaj ka qenë pronar i disa pikave të basteve dhe kazinove dhe është përmendur në 2016 për ngjarje të rënda kriminale.

Emri i tij u lakua edhe për vrasjen e bankierit Artan Santo. Gjatë kontrollit në magazinën e tij në Fushë-Kuqe u gjetën dy skafandra të ngjashme me ato që përdorën vrasësit e bankierit, por ai nuk u implikua në këtë rast, sepse nuk kishte prova.

Po ashtu Martinaj ishte i përfshirë në vrasjen e ndodhur në Bllok, ndërsa pas kësaj ngjarje ai u arrestua por më pas u la i lirë pasi pagoi një shumë të madhe parash. Emri i Ervis Martinajt, doli në skenë edhe pas dëshmisë së vrasësit me pagesë Nuredin Dumani. Ai rrëfeu se Martinaj i kishte ofruar 500 mijë euro, për eliminim e Endrit Dokles, numrit 2 të Bandës së Durrësit.

Gazetari Sokol Dema zbardh të tjera detajet të reja në lidhje me arrestimin e anëtarit të grupit të Leart Haxhisë, Artan Tafani i cili është bërë i penduari i drejtësisë.

Kujtojmë se Tafani ka qenë në kërkim për grabitjen e 30 mijë eurove në Astir, ndërsa gazetari dema thotë se në momentin e arrestimit ka pasur armë me vete me fishek në fole gati për qitje. Tafani është arrestuar nga policia e Lushnjës, ndërsa në momentin e ndërhyrjes ai ka pasur edhe një tentativë për t’u larguar.

“Duket se ka qenë një vazhdë e nisur tre muaj më parë ka patur një ngjarje në Astir, për grabitjen e një exchange. Dukej se ishte një çështje që nuk ishte thjesht grabitje, ka patur një tendencë për të mbajtur të fshehtë hetimet, raportohej për një lidhje të tij me grupet kriminale. Rezultati i ditës së sotme është për tu përshëndetur.

Rrëfimi i Tafanit ka çuar deri në ekzekutimin e urdhër-arresteve përgjatë ditës së djeshme. Kemi të bëjmë disa vrasje që ishin arkivuar më herët. Policia ka patur informacion dhe e dinte se kush i kishte kryer porosi për ti provuar ishte e vështirë. Me rrëfimin dhe provat ka patur dhe përputhshmëri. Pasi ishte shpallur në kërkim Tafani, fillimisht kanë qenë agjentët e komisariatit numër 6 që zbardhën ngjarjen e Astirit përmes krahasimit të AND-së dhe më pas ka pasur gjurmim të celularit me urdhër të prokurorisë dhe ditën e shtunë është bërë ndërhyrja.

Fillimisht ka patur një tentativë për t’iu larguar, ka rezultuar por ka qenë i bllokuar. Është arrestuar me armë pa leje, ka qenë me fishek në fole gati për të qëlluar dhe me sasi lëndësh narkotike. Ka patur bindje për ta kthyer në bashkëpunëtorë të drejtësisë dhe ka rrëfyer gjithçka”, tha gazetari Dema.

Bëhet me dije nga njoftimi i policisë se një i moshuari ka ndërruar jetë në kryeqytet.

Një aksident me vdekje është regjistruar ditën e sotme në Tiranë.

Bëhet me dije nga njoftimi i policisë se një i moshuari ka ndërruar jetë në kryeqytet.

Policia bën të ditur gjithashtu se personi me inicialet I. Q., 30 vjeç, banues në Tiranë, duke drejtuar automjetin, në Rrugën e Dibrës, ka aksidentuar shtetasin I. Q., 74 vjeç, banues në Tiranë, i cili ka ndërruar jetë më pas, në spital.

NJOFTIMI I POLICIS

“I. Q., 30 vjeç, banues në Tiranë, pasi duke drejtuar automjetin, në Rrugën e Dibrës, ka aksidentuar shtetasin I. Q., 74 vjeç, banues në Tiranë, i cili ka ndërruar jetë më pas, në spital”