Category: Lajme

Në dëshminë e saj, gruaja që u shfaq në video-skandalin në zyrën e kryebashkiakut të Kukësit tha me siguri se nuk është hera e parë dhe e vetme që një situatë e tillë ka ndodhur në zyrat e shtetit. Ajo tha me bindje se Gjici ishte abuzues dhe femrat e tjera e kanë frikë prandaj heshtin dhe nuk reagojnë.

Ajo foli pa dorashka, teksa nuk nguroi të përmend edhe sekretaren e Safet Gjicit, për të cilën tha se “hynte e trukuar në zyrë dhe dilte e patrukuar.”

“Unë nuk jam e para, çdo femër atje… sepse këtu kanë frikë të denoncojnë dhe stepen. Unë e mora guximin dhe e demaskova një njeri të tillë. Më vjen keq edhe për sekretaren e atij, pasi hynte e trukuar dhe dilte e patrukuar. Pse ajo heshti: Pse ajo duhet ta suportonte dhe kapercente këtë fenomen? Ne jetojmë me frikë…” tha Kaçi.

Bandat e kontrabandës së emigrantëve kanë përgjysmuar çmimin e kalimeve me gomone në Angli.

Kontrabandistët kurdë e kanë ulur çmimin e gomoneve për në Angli në vetëm 1500 paund, tarifa më e lidhë për kalimin në kanalin e La Manshit që prej fillimit të këtij lloji transporti në vitin 2018. Çmimi është më shumë se gjysma e çmimit aktual standard prej 3,500 paundsh dhe më shumë se një e treta e tarifës mesatare prej 5,000 £ vitin e kaluar.

Sipas mediave të huaja, shkak për këtë ëhstë bërë fakti, që numri i shqiptarëve që kalojnë Kanalin ka rënë me 90 për qind pasi Britania e Madhe nënshkroi një marrëveshje të re për dëbimin e shpejtë me Shqipërinë, në dhjetor të vitit të kaluar.

Ministrat besojnë se masat kanë vepruar si një pengesë për shqiptarët, të cilët përbënin një të katërtën e 45,755 emigrantëve që kaluan Kanalin vitin e kaluar. Të hënën, shifrat e Home Office treguan se gati 24,000 emigrantë kanë kaluar deri më tani Kanalin për këtë vit.

Reklamat që ofronin kalim nëpër Kanal për 1500 £ u postuan në Instagram, me titullin: “Rruga nga Franca për në Mbretërinë e Bashkuar. Vlera e një personi £ 1,500.”

“Oferta” doli nga një bandë e kontrabandës kurde, e cila është specializuar në transportin e shqiptarëve. Çmimi më i ulët pasqyron gjithashtu një ndryshim në taktikat e kontrabandistëve të njerëzve, të cilët po porosisin varka më të mëdha, që transportojnë nga 50 deri në 60 emigrantë, gjë që rrit fitimet e tyre.

Alma Kaçi pak muaj më parë tronditi opinionin publik pasi u shfaq në video me ish-kryetarin e bashkisë Kukës, Safet Gjicin në momente intime.

Në një intervistë për Ora News, ajo ka treguar nga takimi i parë më të dhe të gjithë historinë e ngjarjes. Kaçi kërkon që në këtë episod të mos merren me djalin e saj të mitur, për shkak edhe të paragjykimeve. Thirrja e saj është vetëm drejtësi

Alma Kaçi flet për herë të parë të vërtetën e saj pse e regjistroi Safet Gjicin në momente intime në zyrën e kryebashkiakut të Kukësit.

Alma Kaçi: “Normalisht, motivimi ishte për të demaskuar një titullar, që qytetarët presin atje tek dera për të qarë hallin e tyre dhe ai abuzon me zyrën e shtetit”.

Tregon se tenderi rahabilitimit të qenve ka qënë kamuflim pasi qëllimi i saj ka qënë deskriditimi i zyrtarëve që abuzojën më detyrën.

Alma Kaçi: “Prezantimi i projektit dhe vetë projekti ka qenë thjesht një fabul”.

Kaçi prej gati 4 muajsh po përballet me dy sfida në jete atë më drejtësinë dhe me përballjen me opinionin publik.

Kërkon që nga kjo vorbull reagimesh të mbajë larg djalin e mitur për të cilin thotë se denoncoi abuzimet.

Alma Kaçi: “Është një fëmijë që po i përjeton të gjitha, pavarësisht se nuk di gjë, sepse e kam shkëputur nga rrjetet sociale. Por jam e sigurt që opinioni publik do të thotë se pse nuk mendove për fëmijën, e kështu e ashtu. Jo. Sepse ky brez i ardhshëm të mos ndeshen me abuzime të tilla”.

Thirrja e vetme e ALMA K., siç u bë e njohur është që të bëhët drejtësi.

Alma Kaçi: “I drejtohem vetëm drejtësisë, që të paktën po privohet e drejta e fëmijës tim. Të paktën t’i japë të drejtën të jetojë ai. Dhe të jetosh nuk do të thotë që vetëm duhet të marrësh ajër. Të jetojë me të gjitha këndvështrimet siç jeton një fëmijë”.

Alma Kaçi po hetohet me masën e sigurisë arrestit në banesë pas video-skandalit me kryebashkiakun e Kukësit, Safet Gjici. Për shkak se ka një fëmijë të mitur, ajo kërkon të vijojë procesi në gjendje të lirë.

Avokati Fatjon Softa ndërsa ishte i ftuar sot në “Shqipëria Live” ka komentuar në lidhje me disa çështje të rëndësisë së madhe për krimin në vend.

Eksperti foli edhe në lidhje me enigmën për zhdukjen e Ervis Martinajt, ku duke paralelizuar me “metodat” e mafias ai komentoi, se trupat në historinë e tyre betonoheshin në shtylla betoni, shtroheshin poshtë autostradave, etj.

“Mafia i ka pasur në karakter. Për të zhdukur trupat ato i betononin në koloba betoni ose i vendosnin poshtë autostradave. E gjitha kjo bëhej që të vendosej nderi në vend”, tha Fatjon Softa eksperti i sigurisë për “Shqipëria Live”.

Një ngjarje e rende ka ndodhur ne qytetin e Beratit vetëm pak jave më parë ku një 40-vjeçare pas operacionit të lindjes së fëmijës së tretë ka hasur në shqetësime të rënda, të cilat vetëm pak ditë më vonë i morën jetën.

Ka qenë bashkëshorti i saj, Fisnik Habibi, i cili ka hedhur akuza të rënda ndaj mjekes gjinekologe që ka kryer operacionin, pasi ai rrëfen se pas lindjes bashkëshortja e tij e ndjerë nuk ndihej mirë dhe kishte shqetësime të rënda.

Pas këtyre shqetësimeve, sipas familjarëve të të ndjerës fshihej gabimi fatal i mjekes, Edlira Shkëmbi, e cila sipas tyre, nuk kishte kryer procedurën siç duhej duke i shkaktuar 40-vjeçares komplikacione serioze, e cila iu nënshtrua një operacioni të dytë. Në një rrëfim për emisionin ‘Me zemër të hapur’ bashkëshorti i të ndjerës pohoi se pas operacionit, gruaja e tij u ndje keq.

Ndaj ata u detyruan që ta çonin nënën e re drejt Italisë, ku mjekët i komunikuan se kishte marrë infeksion të rëndë. Ata thanë se për vdekjen e 40-vjeçares ishin përgjegjës mjekët shqiptarë. Nëna e tre fëmijëve ndërroi jetë vetëm 3 ditë me parë, ndërsa dje u përcoll për në banesën e fundit.

“Kishte dhimbje, vetëm dhimbje. Na thanë se ishte normale. I rrinte temperature 37.4. Qëndroi mbi 1 muaj në spitali e Beratit. Mjekët në Itali më thanë se faji është i mjekëve shqiptarë. Dua që të mbajnë përgjegjësi.

Gruaja më la 3 fëmijë, për ta do të luftojë. Për ata jam sot unë. Jam këtu për krejt motrat e tjera, bllokojeni atë spital mbylleni. Edhe borxh kam marrë për gruan, që të shërohej. Për gocën e vogël kujdeset nëna e Milenës. Vajzat kërkojnë nënën, nuk di ta shpreh, shpirti im e di. Po më plas shpirti”, tha burri i 40-vjeçares.

Të paktën dy persona kanë humbur jetën, ndërsa disa persona janë lënduar në një aksident që ka ndodhur ditën e sotme në rrugën Cetinje – Budvë në Malin e Zi.

Informacionet e para nga Drejtoria e Policisë janë se kanë humbur jetën tre persona, por mjekët deri më tani kanë konfirmuar vetëm vdekjen e dy pasagjerëve.

“Vijesti” shkruan se autobusi ku ndodheshin nga 30 deri në 35 pasagjerë ka dalë nga rruga duke rënë në humnerë. Shoferi i autobusit u dërgua në polici dhe u ndalua

Rasti i rëndë që ndodhi në çerdhen “Gëzimi Ynë” në Fushë Kosovë, ku edukatoret e kopshtit dhunuan një fëmijë, ka tronditur opinionin publik.

Ajo çka e bën edhe më të tmerrshëm incidentin, është se pas denoncimit publik dhe më pas në organet ligjzbatuese të rastit, shumë persona të tjerë kanë ngritur zërin dhe rrëfyer se edhe fëmija i tyre është dhunuar gjatë kohës sa ka qenë në atë çerdhe; duke insistuar se ky është rast i përsëritur.

Për “Shqipëria Live”, Drejtori i Zyrës Arsimore të Fushë Kosovës, Fatlum Berisha deklaroi se institucioni që ai drejton nuk ka pasur ankesa nga prindrit apo personeli i edukimit që punon në brendësi të tij.

“Në Drejtorinë e Zyrës Arsimore të Fushë-Kosovës unë bëj tani dy muaj që jam zgjedhur, por nga kontaktet që kam pasur me drejtues të mëhershëm, ne nuk kemi pasur asnjë ankesë nga prindrit apo edukatëore për çerdhet derisa rasti u bë publik sot”- tha Fatlum Berisha.
Në përgjigje të këtyre komenteve, e ëma e fëmijës së dhunuar, Fitore Geci deklaroi se ajo që drejtori i Zyrës Arsimore të Fushë-Kosovës tha nuk është plotësisht e vërtetë. Sipas Gecit, ka miliona ankesa për gjendjen në çerdhet publike, por nuk janë marrë masa.
“Ka ankesa, por unë e kam sjellë fëmijën në shtetëror për shkak të rrogave që në Kosovë janë shumë të ulëta. Ke ankesa edhe nga prindër të tjerë, miliona ankesa por nuk janë shqyrtuar. Mua më vjen keq që nuk janë shqyrtuar sepse në dhoma të gjumit për fëmijët duhen kamera. Pastërtia në çerdhe është zero”- tha Geci.
“Unë kam për t’i shkuar drejtësisë deri në fund. Nuk kam për t’u dorëzuar. Kam avokatin tim, kështu që nuk do ta lë si çështje me kaq”- përfundoi Geci, mesazh ky të cilin Berisha e pasoi duke thënë: “Po Fitore, mos u dorëzo. Unë të siguroi që kam për të qenë mbështetësi jot deri në fund. Mos e lërë me kaq.”/ Top Channel

Këtë të martë ka dalë para gjykatës së Pireut 68-vjeçarin grek i cili vrau 39-vjeçarin pas një zënke për një vend parkimi.

Gjykata e Pireut ka lënë në paraburgim vrasësin e 39-vjeçarit shqiptar, Brigen Limka në Greqi. Ngjarja ndodhi pak ditë më parë. 68-vjeçari grek, i cili akuzohet për vrasje, por edhe për armëmbajtje pa leje, është shtruar në repartin psikiatrik të burgut të Korydallos, ku ka shumë gjasa që hetuesi të urdhërojë ekzaminimin psikiatrik të tij.

Ai gjatë kërkimit të faljes ka deklaruar se i vinte keq për ngjarjen, ndërsa shtoi se kishte qenë gabimi i tij më i madh, duke shtuar se ndiente keqardhje për aktin ekstrem. “Jam penduar. Sinqerisht kërkoj falje, ishte gabimi më i madh i jetës sime. Dhe për këtë uroj dënimin tim”, tha në dëshminë e tij I moshuari.

68-vjeçari njihej në lagje si problematik për sjelljen e tij. Fqinjët pohuan pas vrasjes së babait të tre fëmijëve se ai kishte kërcënuar shumë persona të tjetër në lagje. Gjithçka nisi pas një sherri për parkingun në lagje, ku edhe punonte shqiptari.

Thellohet tragjedia në Lipjan. Nga shpërthimi në datë 5 shtator i një bombole gazi në shtëpi, tre ditë më parë vdiq gruaja në spital dhe dje ka ndërruar jetë edhe burri.

“Lidhur me rastin është raportuar se me datën 18.09.2023 rreth orës 19:17 viktima mashkull kosovar i cili ka qenë në trajtim mjekësor në QKUK ka ndërruar jetë.

Me vendim të prokurorit trupi i pajetë është dërguar në IML për obduksion”, njofton Policia.

Një ngjarje e rëndë ka ndodhur në orët e vona të pasdites së djeshme në Frati di Camaiore.

Mediet italiane bëjnë me dije se një punëtor nga kompania Ceragioli Costruzioni në Camaiore humbi jetën pas një aksidenti që ndodhi teksa po transportonte një ekskavator me traktor.

Bëhet fjalë për 43-vjeçarin me origjinë shqiptare, i identifikuar si Roland Çizmja.

Ai është i martuar dhe baba i tre fëmijëve të vegjël.

Sipas hetimeve paraprake punëtori kishte marrë një ekskavator nga kompania dhe po e transportonte me një traktor, kur rreth orës 18:00, ndodhi tragjedia.

“Nga ajo që mësuam sapo mbërrita në vend, punonjësi ynë kishte marrë ekskavatorin dhe po e transportonte, kur për shkak të një dege peme që kishte ngecur, ai zbriti nga traktori për ta zhbllokuar dhe ka rënë duke marrë një dëmtim në kokë. Vëllai im nuk është në gjendje të thotë asgjë për momentin, ne jemi tmerrësisht të tronditur nga ajo që ndodhi”, thotë Rita Ceragioli, motra e Stefanos Ceragioli, pronar i kompanisë.

Policia është ende duke kryer hetimet por sipas kompanisë, punonjësi në atë moment nuk duhej të ishte në punë dhe pronarët thonë se nuk ishin në dijeni pse Çizmja kishte ardhur.

Tragjedia ndodhi në via Colletto Santuçi, një rrugë e ngushtë e vendosur në një zonë kodrinore në zonën Frati, një fshat disa qindra metra larg qendrës historike të Camaiore.

Nga kqyrja e trupit doli në pah një dëmtim në kokë, por metodat dhe shkaqet e sakta të vdekjes ende duhet të kuptohen.

Për momentin mësohet se traktori ka qenë duke ecur buzë rrugës, kur ekskavatori i transportuar në pjesën e pasme është ngatërruar në degët e një peme. Burri është ngjitur në rimorkio dhe në përpjekje për të zhbllokuar eskavatorin mund të ketë humbur ekuilibrin, duke rënë nga pjesa e pasme e mjetit dhe duke përfunduar në kanalin e ujërave të zeza në anë të rrugës./Albeu.com.