Category: Lajme

Zbardhen rrethanat e aksidentit që ndodhi sot në Rrugën e Kombit me pasojë humbjen e jetës së efektivit Gëzim Lazri ndërsa janë plagosur disa të tjerë. Automjeti tip “Chevrolet” me drejtues shtetasin malazez me inicialet M. F., është përplasur me automjetin tip “Benz” të drejtuar nga 56-vjeçari Liçi.

Ai ishte efektiv policie pranë Komisariatit të Policisë Mirditë dhe sapo kishte lënë shërbimin e po kthehej në banesë.

Paraprakisht, grupi hetimor dyshon se shkaku i aksidentit rrugor ka qenë parakalimi i gabuar në shkelje të rregullave të qarkullimit i automjetit tip “Chevrolet” që drejtohej nga shtetasi M.F.

Policia informoi më herët se ‘rreth orës 07:20, në aksin rrugor Rrëshen-Rrubik, automjeti tip “Chevrolet” me drejtues shtetasin malazez M. F., është përplasur me automjetin tip “Benz” me drejtues shtetasin G. L. 56 vjeç, (efektiv policie pranë Komisariatit të Policisë Mirditë i cili sapo kishte lënë shërbimin dhe po kthehej në banesë).

Si pasojë e këtij aksidenti, ka humbur jetën punonjësi i policisë shtetasi G. L.

Ndërsa drejtuesi i automjetit tjetër shtetasi M.F., ndodhet në spital për ndihmë mjekësore.

Paraprakisht, dyshohet se shkaku i aksidentit rrugor ka qenë parakalimi i gabuar në shkelje të rregullave të qarkullimit i automjetit tip “Chevrolet” që drejtohej nga shtetasi M.F.

Grupi hetimor ndodhet në vendin e ngjarjes dhe nën drejtimin e Prokurorit, vijon hetimet për zbardhjen e plotë të rrethanave dhe shkakut të aksidentit’.

Pas operacionit antidrogë ku u shkatërruan 23 banda të drogës në qytete të ndryshme të vendit kanë dalë detaje të reja nga hetimet të cilat quan në arrestimin e 233 personave.

Ditën e sotme janë zbardhur hetime nga dosja e megaoperacionit “Tempulli” të cilat sollën ekzekutimin e suksesshëm për kapjen e trafikuesve.

Gjithçka është zbuluar pas futjes në aksion të një agjenti të infiltruar i cili ka futur në kurth shpërndarësit e drogës duke u kërkuar t’u blinte drogë.

Agjenti me emrin e koduar “Koli” ka kontaktuar me trafikantin e arrestuar Stiven Faqollin ku më pas 07.09.2023 në Qukës të Librazhdit.

Koli ka marrë Faqollin në lokalin e tij me makinë dhe më pas janë nisur në drejtim të Librazhdit ku janë takuar me dy persona të tjerë që do të shisnin drogën.

Në vendin e quajtur “Ura e Bushtricës” në Librazhd, agjenti bashkë Stiven Faqollin kanë takuar dy persona në makinë, njëri prej tyre Glidi Ballolli që është në burg dhe Mikel Poçi.

Agjenti ka blerë një sasi kanabisi tek Badolli dhe më pas është larguar.

Pjesë nga përgjimi i zbardhur nga Report Tv

Gildi Ballolli (G): Sa të duhen ty?

Agjenti (K): A është e mirë ?

Gildi Ballolli: Dy të plota, ke dhe një zero dyshe…

Agjenti (K): Ok vetëm të jenë të mira

Gildi Ballolli: Mallin e kë super, ma kanë pëlqyer të gjithë

Agjenti (K): O S është naj çik e mirë kjo ?

S (Stiven Faqolli): Për zotin po, për kokën time.

Agjenti (K): Epo se ku e kam parë këtë cunin që mi dha mua…

Stiven Faqolli: Ktu rri ky në Librazhd

Agjenti (K): Si e ka emrin ky ?

Stiven Faqolli: Gia

Agjenti (K): Ishte dhe me një tjetër ky

Stiven Faqolli: Ai është Mikel Poçi

/5pyetjet.al

Avokati, Naim Hasani, në një intervistë dha më shumë detaje në lidhje me vendimin e Britanisë së Madhe për rritjen e tarifave të vizave për emigrantët.

Avokati bëri me dije se nga data 4 tetor lejet hyrëse apo edhe lejet e qëndrimit do të rriten me 15- 20% për të gjithë emigrantën që duan të futen apo të qëndrojnë në Britani.

Hasani tha se nga 1560 paund që paguanin për dy vite e gjysmë, tani duhet të paguajnë 2584 paund për një leje.

Ai shtoi se nga ky vendim preken të gjithë emigrantët e huaj përfshirë dhe ata shqiptarë.

‘Do të ketë rritje 15-20% të të gjitha tarifave për shërbimet, për marrjen e lejeve hyrëse, ose leje qëndrimi për qytetarët e huaj. Padyshim kjo prek drejtpërdrejtë qytetarët shqiptarë që kanë lejeqëndrimi në Britani, ose që duan të bëjnë bashkim familjar, por dhe aplikimet për të drejtat e njeriut, ose aplikimet që bëjnë për të qëndruar me fëmijët e tyre. Pra një kategori të madhe të qytetarëve shqiptarë do të ketë një rritje që nga data 4 tetor. Dua të kujtoj se ligji për emigracionin në Britani është i tillë që amendamentet ligjore, hyjnë në fuqi në mënyrë të drejtpërdrejtë, pa pasur nevojë për miratimin e parlamentit, mjafton që brenda një jave të paraqiten në parlament dhe do të përfundojnë në fletoren zyrtare” tha Hasani.

Gazetarja dhe drejtuesja e njohur prej shumë vitesh e emisionit televiziv “Ditari” të Zërit të Amerikës, Rudina Dervishi, u nda nga jeta të martën, më 12 shtator, në moshën 53-vjeçare, pas një beteje dy vjeçare me kancerin e gjirit.

Ikja e saj e parakohshme, është një humbje e madhe për familjen dhe për kolegët e saj të Shërbimit Shqip të Zërit të Amerikës.

Për më shumë se 25 vjet, Rudina dha një kontribut të çmuar me profesionalizmin e saj si një gazetare e apasionuar, duke mbuluar tema të shumëllojshme nga ekonomia, politika, të drejtat e njeriut dhe të gruas, e deri tek arti.

Ne, kolegët e saj të Zërit të Amerikës, do ta mbajmë mend Rudinën për mprehtësinë, dinamikën, humorin dhe përkushtimin e saj.

Ajo la pas bashkëshortin, tre djemtë dhe nënën.

Ish-deputeti, Vasil Sterjovski, në një intervistë të dhënë nga Bashkia minoritare e Pusteçit foli në lidhje me censusin e popullsisë që pritet të nis këtë të hënë.

Ai foli edhe për çështjen e pasaportave bullgare, të çilat janë kthyer në një biznes tashmë në Shqipëri.

Sterjovski tha se çmimet për të përfituar një pasaportë bullgare variojnë nga 5 deri në 25 mijë euro.

“Unë e kam thënë publikisht. Pasaporta bullgare është një biznes shumë fitimprurës në Shqipëri, është më fitimprurës se mbjellja e marihuanës në Shqipëri. Për një pasaportë bullgare, komuniteti maqedonas mund të paguaj 5 mijë euro, ndërsa për shqiptarët mund të shkojë edhe deri në 25 mijë euro.

Në Shqipëri ka me mijëra qytetarë shqiptarë që kanë aplikuar për pasaportë bullgare, pjesa më e madhe janë me origjinë shqiptare që e kanë përfituar këtë pasaportë bullgare kundrejt pagesës, për të përdorur privilegjet e Bashkimit Europian. Vitet e fundit, ky trend është edhe te komuniteti maqedonas, prap këto lekë janë shumësepse 5 mijë euro nuk i ka çdo familje”, tha Sterjovski.

Organizatat kriminale shqiptare po shfaqin një rrezikshmëri të lartë dhe gjithashtu një përfshirje gjithnjë e më të thellë në aferat e paligjshme, sidomos në trafikun e drogës dhe të armëve. Kështu thuhet në raportin e Drejtorisë Hetimore të Antimafias, për gjysmën e dytë të vitit 2022. Sipas dokumentit të siguruar nga Euronews, grupet shqiptare janë të mirëstrukturuara dhe e ruajnë pushtetin e tyre falë lidhjeve familjare. Në të njëjtën kohë, ato rezultojnë teknikisht të pajisura dhe në gjendje të kryejnë aktivitete kriminale përmes grupeve më të vogla, të cilave u besohen detyra të caktuara.

“Për të gjitha këto arsye, këto shoqata kriminale shfaqen shumë të rrezikshme dhe luftarake”, thotë raporti. Gjithashtu, organizatat shqiptare janë të mirorganizuara edhe në nivel ndërkombëtar, përveçse të afta të ndërmjetësojnë në mënyrë direkte me kartelet amerikano-jugore për importin e sasive të mëdha të kokainës, që më pas u shpërndahen celulave bashkëkombëse që veprojnë në zonat kryesore të shpërndarjes së narkotikëve të Italisë.

Për këtë arsye, sikurse kanë treguar operacione të shumta antidrogë të kryera në rajone të ndryshme të Italisë, grupet shqiptare veprojnë në sinergji me ato kriminale autoktone italiane. Sipas raportit, të ardhurat që shoqatat kriminale shqiptare kanë siguruar ndër vite nga trafiku i marijuanës, përmes të ashtuquajturit “aksi ballkanik”, janë investuar në trafikun e kokainës, lëndë e cila importohet përmes porteve tregtare në Anversa, Roterdam dhe Hamburg, ku me kalimin e kohës kanë arritur të infiltrohen në mënyrë efikase. Raporti i DIA-s thotë më tej se, pozita gjeografike e brigjeve shqiptare përballë atyre puljeze vazhdon të luajë një rol të rëndësishëm dhe është një nga arsyet përse grupet kriminale të dy vendeve punojnë me njëra-tjetrën. “Rrjedhimisht, grupe të tilla përbëjnë një realitet të vërtetë e të mirëfilltë kriminal”, thotë raporti. Në të shtohet më tej se klanet shqiptare luajnë një rol të rëndësishëm edhe në trafikun e emigracionit klandestin dhe atë të qenieve njerëzore.

Mesohet dëshmia e autorit të vrasjes së 39-vjeçarit shqiptar në Greqi. Ndonëse dëshmitarët okularë deklaruan se 68-vjeçari grek kishte deklaruar në vendngjarje se “Mbarova me ty tani”, autori i dyshuar i krimit kishte shfaqur pendesë për aktin.

Në polici i moshuari deklaroi se nuk kishte dashur që të përfundonte kështu ngjarja. “Nuk doja që të përfundonte kështu”, tha autori i penduar para policisë.

68-vjeçari, pas vrasjes në Pire të 39-vjeçarit Brigen Limka, baba i tre fëmijëve, që tronditi gjithë Greqinë, shkoi në shtëpinë e tij, në një pallat aty pranë, ku u arrestua pak më vonë.

Arma e gjahut me të cilën ai kreu krimin, ishte pa leje.

Sipas informacioneve të MEGA-s, autori kur ka mbërritur në nëndrejtorinë e Sigurisë së Pireut u ka thënë punonjësve të policisë: “Kishim vite që fërkoheshim.

Makinat i vendosin nga parkingu edhe në trotuar. Ata po bllokonin rrugët. E kisha shprehur indinjatën time shumë herë. Nuk doja që të përfundonte kështu”, mësohet të jetë shprehur ai.

Të moshuarit i mjaftuan vetëm 9 sekonda për të ekzekutuar shqiptarin, pas një debat verbal që ata kishin pasur. Tashmë ai ndodhet pas hekurave në pritje të masës së sigurisë.

Detaje të reja janë bërë publike për mediat nga operacioni i koduar ‘Tempulli’. Mes tyre është arrestuar edhe personazhi i njohur i internetit ‘Ujku i Cërrikut”, Saimir Rexhepi. Në përgjime, kapet momenti kur Rexhepi siguron klientin e tij, që në fakti ishte agjenti i policisë se drogën e kishte shumë të mirë, madje ja kërkonte i gjithë Cërriku.

Përgjimi:
Agjenti (K): Hë ujk, e more? Gjysmë është?

Saimir Rexhepi (Ujku): Tall k….., e ke k…derre fare

K: E ke mall të mirë lali?

Ujku: Nuk të bëj be kot ty unë

K: A është i mirë të paktën o vëlla ?

Ujku: Ore qafsha të gjithë e merr gjithë Cërriku.

Kujtojmë se operacioni policor “Tempulli” u zhvillua në kuadër të masave për garantimin e sigurisë në shkolla.

“Prej disa ditësh janë impementuar një sërë masha të reja, për sigurinë në shkollë. Një nga masat është parandalimi i shitjes së narkotikëve pranë shkollave. ‘Tempulli’ për goditjen e aktivitetit kriminal të shpërndarjes së lëndëve narkotike pranë shkollave, bareve, lokaleve, restoranteve”, u shpreh drejtori i Përgjithshëm i Policisë së Shtetit, menjëherë pas arrestimeve të bujshme.

Trafikantët e fusnin hashashin në konserva dhe më pas e shpërndanin. Kanabisi që tregtonin ishte i prodhuar me llamba dhe kushtonte 3000 lekë, tre herë më shtrenjtë se kanabisi klasik.

Nga fillimi i vitit dhe deri më tani, sipas policisë, janë finalizuar 116 operacione lidhur me prodhimin dhe shpërndarjen e lëndëve narkotike në vend, pas të cilave janë ndaluar, arrestuar dhe vënë nën hetim 1541 shtetas për shitje të drograve në afërsi të shkollave, në bare, lokale nate dhe në bregdet gjatë sezonit veror.

Në total, janë sekuestruar 829 kg kanabis (një pjesë e së cilës ishte përpunuar në formë kanabisi), 1.5 kg heroinë, 15.5 kg kokainë dhe 5.2 kg ekstazi.

Prej tre vitesh, Kledis Xhulaj nga Fieri është i paralizuar pas një aksidenti në punë ku ka dëmtuar dhe palcën kurrizore.

Pavarësisht operacionit në Spitalin e Traumës, Kledisi, babai I një djali të vogël, nuk ka mundur që të ngrihet në këmbë. Shpresa e vetme për përmirësimin e shëndetit të tij, është një operacion që kushton përtej mundësive financiare të familjes, por që është shpresa e vetme që ai të ringrihet.

Për shkak të financave të këqija, Kledisi i bën thirrje kujtdo që ka mundësi që të ndihmojë për të plotësuar shumën e nevojshme për të kryer operacionin në Turqi.

“Jam Kledis Xhulaj, jetoj në qytetin e Fierit. Jam 32 vjeç, kryefamiljar, baba i një djali 3 vjeç. Para 3 vitesh kam bërë aksident, kam rënë nga ulliri duke punuar dhe kam dëmtuar palcën kurrizore.

Jam bërë operim te Spitali i Traumës në Tiranë nga shtylla kurrizore dhe nga mezi e poshtë nuk ndjej asgje. Jam me pelena me karoter dhe doktori në Turqi më ka thënë për transplant palce.

Te këmba e majtë më ka dalë kycci, te legeni duhet protezë. Doktorët më kanë komunikuar që këtu në Shqipëri legenin e bëjnë, po nuk kemi mundesi financiare për ta kryer si operim.

Një ngjarje e rëndë ka ndodhur këtë të shtunë në Ksamil, ku një 37 vjeçar është gjetur i vetëvarur në dhomën e një hoteli.

Sipas policisë mësohet se ngjarja e rëndë ka ndodhur paraditen e kësaj të shtune, ku 37 vjeçari banues në Korçë, dyshohet se është vetëvarur, në dhomën e hotelit ku qëndronte.

Grupi hetimor po kryen veprimet për sqarimin e plotë të rrethanave të ngjarjes.