Category: Lajme

Gazetari Arian Çani e ka cilësuar Fredi Belerin një të burgosur politik.

Sipas tij bën vaki fiton Tirana zyrtare.

“Përtej Belerit, sepse Beleri vuan personalisht, vuan familja e tij, ky është një raport force që Shqipëria po luan me një shtet fqinj, me Greqinë. Kush do ta fitojë në fund këtë betejë? Kjo mbetet për t’u parë. Jam shumë kurioz ta shoh, bën vaki fiton Tirana zyrtare, fiton kryeministri aktual, bën vaki fitojnë ata. Cilat do të jenë pasojat? I kemi ca përgjigje, por s’dua të monopolizoj kohën e debatit,” – u shpreh Çani.

TIRANË- E pazakontë ajo që shihet nga video e servirur nga policia për arrestimin e personave gjatë operacionit antidrogë. Në njërën prej tyre shfaqet Saimir Rexhepi, i ashtëquaqjturi ‘Ujku i Cërrikut’.

Ai është një nga të arrestuarit e megaoperacionit policor ‘Tempulli’ ditën e sotme. Rexhepi, për publikun e gjerë njihet me nofkën ‘Ujku i Cërrikut’ është një nga fenomenet e rrjeteve sociale. Ai është bërë i njohur nga emisioni ‘Zonë e Lirë’, teksa e quan vetën ujk.

Rexhepi, i cili jeton në Cërrik, shpesh shihet në rrugët e Tiranës me një kurorë që mban në kokë. Dhe në momentin e arrestimit të tij, Ujku i Cërrikut, nuk e ka hequr kurorën. Siç shihet dhe nga videoja e mëposhtme, Rexhepi në momentin që shoqërohet në polici, është me kurorë në kokë dhe ulëret.

Në kuadër të operacionit që zgjati rreth 8 muaj janë bllokuar sasi të mëdha droge që do të hidheshin në treg në doza të vogla Policia ka sekuestruar 829 kg kanabisi një pjesë e përpunuar në formë çokollatë, 61 kg kokainë, 15 kg heroinë, 15 kg drogë ekstazi. Gjithashtu 1541 shtetas janë proceduar në gjendje të lirë për shitje lëndësh narkotike, janë ushtruar kontrolle në 356 ambjente të ndryshme, janë goditur 23 grupe kriminale, 214 masa sigurie janë ekzekutuar, në kërkim janë shpallur 82 persona, 19 persona janë arrestuar ne flagrancë. Policia ka sekuestruar edhe aparate celularë, makina, armë, para dhe mjete që përdorenin për peshimin e drogës dhe ndarjen në doza të vogla. Sipas Rrumbullakut, një pjesë e madhe e të arrestuarve janë anëtarë të 23 grupeve kriminale, në qytete si Tirana, Durrësi, Korça, Elbasani e Vlora.

https://www.cdnimpuls.com/video/650351f2be465.mp4?_=2

Gazetari Artan Hoxha ka hapur arkivat dhe ka publikuar një artikull të 20 marsit 1995, ku gazeta greke raportonte për sulmin e dështuar të komandos terroriste me emrin “Pirro 1”. Duke iu referuar artikullit, Hoxha thotë se pjesëtar i komandos terroriste ishte edhe Fredi Beleri, kryebashkiaku i zgjedhur i Himarës. Ai deklaron se Beleri, bashkë me disa pjesëtarë të tjerë të komandos ishin të armatosur deri në dhëmbë kur u kapën nga policia.

Postimi i plote:

E ruaj ende ne arkive gazeten greke “Ta Nea” te dates 20 mars 1995, nje dite pas sulmit te deshtuar te komandos terroriste me emrin “Pirro 1”, pjese te ashtuquajturit MAVI (Fronti per Çlirimin e Vorio Epirit).

Me titullin: “U kapen 7 provakotore te kufirit”

Gazeta me e madhe greke ne ate kohe, pasqyronte qe ne faqen e pare, skemen sesi nje komando terroriste synoi te asgjesonte repartin kufitar te ushtrise shqiptare, ne fshatin Llongo te Gjirokastres.

E njejta skuader synoi te perseriste ate qe beri me 10 prill 1994, kur gjate sulmit ne Repartin ushtarak te fshatit Peshkepi, vrau dy Deshmoret e Atdheut, Fatmir Shehu dhe Arsen Gjini, si dhe plagosi 3 ushtare te tjere.

Per here te pare emrin e Fredi Bejlerit e kam lexuar ne kete gazete greke, ku paraqitej si nje nga pjestaret e komandos se armatosur deri ne dhembe, te cilet ishin arrestuar nga policia greke ndersa po leviznin me dy mjete ne afersi te kufirit te Republikes se Shqiperise….

Per te gjithe ata qe kane dyshime, se e kemi inat Bejlerin nga Progonati pse ndihet grek dhe i kemi rene per 30 vite me qafe kot, ja ku eshte prova…

Emrin e Fredit qe nuk ishte bere akoma Dhionisios, te perfshire ne Masakren e Peshkepise, e publikuan greket, jo Artan Hoxha…

Dhe per kete patjeter u detyrohemi grekeve, sepse nese nuk do ta kishin publikuar ata komandon shoviniste te MAVI, keta koloqithjet tane, ketej kufirit(qe nga Berisha, presidenti ne detyre ne ate kohe) mund ta kishin bere jo vetem kryetar bashkie te Himares, por edhe president te Republikes…
Jasu palikari…
Zito ALVANIA

Një pallat 10 katësh në rrugën e Kavajës në Tiranë u përfshi nga flakët. Forcat zjarrfikëse pas ndërhyrjes arritët që pas disa orësh të neutralizonin flakët, ndërsa zona u mbulua nga shtëllunga tymi. Më herët drejtori i zjarrfikëses në Tiranë Shkëlqim Goxhaj sqaroi se zjarri fillimisht ka rënë në katin e dyti dhe jo në katet e sipërme siç u dyshua pasi ra zjarri.

Gjithashtu gazetari Igli Çelmeta sqaroi se fillimisht zjarri ka rënë në katin e dytë, më pas është përhapur nga pjesa anësore e ndihmuar edhe nga materiali i fasadës së pallatit që të përhapet më shpejt, duke mbërritur në katin e 9, ku ka marrë flakë e gjithë tarraca. Më pas nga aty zjarri ka përfshirë sërish fasadën duke zbritur deri në katin e pestë në pjesën tjetër të pallatit.

“Disa nga banorët janë marrë nga përfaqësues të Bashkisë së Tiranë dhe i është komunikuar që bashkia e Tiranës do t’i ndihmojë. Gjithashtu janë ngritur tre grupe ekspertësh të shërbimit zjarrfikës dhe Bashkia e Tiranës që kanë komunikuar me familjet që janë djegur banesat”, raportoi gazetari Igli Çelmeta.

Bëhet me dije se ndërtuesi i pallatit është Tanush Mehilli. Ndërkohë në katin e katërt ka qenë një grua shtatzënë me dy fëmijë dhe nënën e saj. Fatmirësisht kanë arritur që të dalin jashtë sa më shpejt. Pallati ka vetëm një vit që është ndërtuar, ndërsa banorët në katin e pestë kishin vetëm një muaj që kishin hyrë në këtë pallat.

Sakaq pas më shumë se 3 orësh zjarri u vu në kontroll, ndërsa u lënduan 3 zjarrfikës dhe pasi kanë marrë ndihmën e parë janë në gjendje të mirë shëndetësore. Dëmet materiale gjithashtu janë të mëdha.

Klan News raporton se është arrestuar shtetasi i njohur me pseudonimin “Ujku i Cërrikut”.

Nga pamjet e siguruara nga gazetarja Glidona Daci, duket “Ujku i Cërrikut” i cili ulërin në momentet e shoqërimit nga forcat e policisë.

Akoma nuk është bërë e ditur arsyeja e arrestimit të tij.

Detaje të tjera priten në vijim./tvklan.al

Një ngjarje e rëndë ka ndodhur pasditen e sotme në kryeqytet.

Policia bën me dije se një 45 vjeçare është vetëhedhur nga kati i pestë i banesës së saj.

Si pasojë 45-vjeçarja është dëmtuar dhe ka përfunduar në spital.

Njoftimi i policisë:

Tiranë/Informacion paraprak

Më datë 14.09.2023, rreth orës 19:25, në rrugën “Muhamet Gjollesha”, dyshohet se është vetëhedhur nga kati i pestë i banesës së saj shtetasja S. Xh., 45 vjeçe, e cila si pasojë është dëmtuar, dhe ndodhet në spital nën kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të ngjarjes.

Një ngjarje e rëndë ka ndodhur pasditen e sotme në kryeqytet.

Policia bën me dije se një 45 vjeçare është vetëhedhur nga kati i pestë i banesës së saj.

Si pasojë 45-vjeçarja është dëmtuar dhe ka përfunduar në spital.

Njoftimi i policisë:

Tiranë/Informacion paraprak

Më datë 14.09.2023, rreth orës 19:25, në rrugën “Muhamet Gjollesha”, dyshohet se është vetëhedhur nga kati i pestë i banesës së saj shtetasja S. Xh., 45 vjeçe, e cila si pasojë është dëmtuar, dhe ndodhet në spital nën kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të ngjarjes.

Vetëm muret kanë mbetur në një nga hyrjet e pallatit që u përfshi nga flakët mesditën e sotme në rrugën “Sali Butka” në Tiranë. Duke qenë se operacioni për shuarjen e flakëve ka përfunduar, dëmet e shkaktuara si pasojë e zjarrit janë të mëdha.

Fatmirësisht nuk raportohet për të lënduar në njerëz, ndërsa ende nuk dihen shkaqet e zjarrit. Disa kate ishin më të dëmtuarat nga zjarri, në të cilin flakët u përhapën masivisht.

Më herët, shefi i zjarrfikësve, Shkëlqim Goxhaj, tha se zjarri në pallatin 9-katësh në rrugën “Sali Butka” në Tiranë është vënë nën kontroll dhe nuk ka banorë të lënduar.

Në një deklaratë për mediat, Goxhaj ka theksuar se dyshemeja ka rënë në katin e dytë të pallatit dhe më tej është përhapur në verandën e katit të fundit.

“Më datë 14.09.2023, rreth orës 14:20, në rrugën “Sali Butka”, ka rënë zjarri në ballkonin e një banese, në katin e fundit të një pallati. Në vendngjarje ndodhen shërbimet e policisë dhe zjarrfikësja. Të cilat po punojnë për shuarjen e zjarrit. Grupi hetimor po punon për zbardhjen e rrethanave të ngjarjes ”, thuhet në njoftimin paraprak për mediat nga Policia e Tiranës.

Ish-këshilltari i Olta Xhaçkës dhe njëkohësisht biznesmeni Amant Josifi është arrestuar në Dubai i akuzuar ndërkombëtarisht për mashtrim me bursat dhe call center-at.

Nëpërmjet gjurmimit të rrjeteve kompjuterike, hetuesit spanjollë arritën t’i gjenin adresat e protokollit të internetit nga ku funksiononte platforma “universe-markets.com” në Shqipëri, Ukrainë dhe Serbi.

Gjithashtu zbuluan një duzinë platformash mashtruese të ngjashme të krijuara nga një organizatë kriminale ndërkombëtare e njohur si “Milton Group”, e cila përdorte qendra thirrjesh dhe operatorë në Shqipëri, Bullgari, Gjeorgji, Maqedoni të Veriut dhe Ukrainë.

Më 8 dhe 9 nëntor 2022, në bashkëpunim me Eurojust dhe Europol, SPAK bastisi 6 qendra thirrjesh telefonike në Shqipëri të lidhura me “Milton Group” dhe arrestoi 4 të dyshuar. Këto qendra ishin në pronësi të tre kompanive të lidhura me biznesmenin Amant Josifi.

Ai nuk ishte mes të arrestuarve nga operacioni policor, edhe pse ishte shpallur në kërkim ndërkombëtar nga autoritet spanjolle.

“Milton Group” është një organizatë kriminale ndërkombëtare e dyshuar si e përfshirë në krimin kibernetik, mashtrime dhe pastrim parash në Europë që nga viti 2016.

Ndryshe nga sa premtojnë, organizata i mashtron viktimat e saj pasi fiton besimin e tyre nëpërmjet teknikave të inxhinierisë sociale. Organizata ka mashtruar qindra-mijëra viktima prej vitit 2018, duke siguruar të ardhura me vlerë 50 milionë euro çdo tremujor.

Këto pamje vijnë nga pallati 10-katësh në zonën e ish-parkut të autobusëve në Tiranë i cili u përfshi nga flakët mesditën e sotme.

Sikurse duket nga pamjet, gjithçka brenda banesës është shkrumbuar dhe dyshemeja është mbuluar nga uji që ka shuar zjarrin.

Sipas drejtorit të zjarrfikëses në Tiranë, situata po normalizohet dhe fatmirësisht nuk ka banorë të lënduar. Ende nuk dihet sesi u shkaktua zjarri dhe nga ku nisi që u përhap më pas në disa apartamente dhe dogji fasadën e jashtme të pallatit të ri.Parashikimi i FORTË i Alfred Cakos: Më 23 shtator pritet të ndodhë një…

“Në këto momente nuk mund të flasim për shkakun e zjarrit dhe rezultatet përfundimtare. Do jemi të gjithë këtu deri në përcaktimin e shkakut të zjarrit dhe deri sa të sigurohemi që nuk kemi humbje jete qytetarësh. Zjarri ka qenë i shtrirë në pjesën e jashtme të objektit, dyert janë të blinduara. Të dëmtuara janë vetëm banesat që janë hapur dritaret.

Është dëmtuar fasada e objektit. Zjarret në pallate në Tiranë ndodhin në një banesë dhe në 0.5% të rasteve kur zjarri ka kaluar nga një banesë në tjetër. Ky rast ishte i rrallë dhe ka bërë që këtu të mblidhen të gjithë punonjësit e zjarrfikësit, Tiranës, Vorës dhe Kamzës. Është dashur një kohë e gjatë për të vënë në kontroll. Fasada e objektit e ka përhapur zjarrin. Nuk kemi zjarrfikës të dëmtuar. Situata e zjarrit është nën kontroll. Zjarri ka qenë në katin e dytë të objektit dhe në pjesën e sipërme, por kjo mbetet për tu parë sesi është përhapur zjarri.”-deklaroi Hoxha./ Top Channel