Category: Lajme

Detaje të reja janë zbardhur në lidhje me plagosjen e dy të miturve pasditen e sotme në plazhin e Llamanit, në Himarë.

Mësohet se të miturit me iniciale K. Xh., 16 vjeç dhe D. K., 17 vjeç janë plagosur nga përplasja e JetSki-ve me të cilat ishin duke shëtitur në det.

Njëri prej tyre është plagosur rëndë dhe është nisur me helikopter drejt spitalit të Traumës.

Ndërkohë rikujtojmë se policia në njoftimin e saj tha se të miturit ishin plagosur si pasojë e hedhjes me kokë nga shkëmbinjtë e plazhit.

Njoftimi i policisë:

Në Llaman, shtetasit D. K. dhe K. Xh., janë afruar te disa shkëmbinj dhe pasi kanë zbritur nga mjeti lundrues Jet Ski, kanë hipur në shkëmbinj, për t’u hedhur në det.

Shtetasi K. Xh., 16 vjeç, banues në Tiranë, kur është hedhur në det, ka pësuar dëmtime të rënda në fytyrë dhe në kokë, për shkak se ka rënë afër shkëmbit. Në këtë moment është hedhur në det edhe shoku i tij, shtetasi D. K., 17 vjeç, banues në Tiranë, për ta ndihmuar, por nuk ka mundur dot sepse është dëmtuar edhe ai vetë.

Shtetasi D. K. ndodhet jashtë rrezikut për jetën, ndërsa shtetasi K. Xh. po transportohet me helikopter në drejtim të Tiranës, për ndihmë mjekësore më të specializuar.

Reshje të dendura shiu dhe breshëri kanë përfshirë qytetin e Bulqizës pasditen e sotme, duke shkaktuar bllokim dhe përmbytje të rrugëve.

Shiu i rrëmbyeshëm i shoqëruar me erë të fortë krijoi probleme në lëvizjen e qytetarëve, të cilët u gjendën të papërgatitur. Shkak i vërshimit të ujit mësohet se është bërë bllokimi i pusetave të shkarkimit të ujërave të bardha. Ndërkohë problematike ka qenë dhe rruga e Arbrit mes dy lagjeve të Bulqizës, e cila u përmbyt nga sasia e madhe e ujit që mblidhej që nga Qafa e Buallit.

Bllokomi i rragës shkaktoi vështirësi në qarkullimin e automjeteve drejt Peshkopisë dhe lagjes së vjetër të qytetit të Bulqizës.

Gjunjët janë nyjet më të mëdha, më të forta të trupit. Ato mbajnë 80% të peshës trupore kur qëndroni në këmbë dhe 150% ose më shumë kur ecni. Për çdo kg peshë trupore më pak, stresi në gju reduktohet me 2.2 kg.

Si ndikon pesha në gjunjë?

Më shumë peshë ngarkon më shumë nyjet dhe kërcin që mbron skajet e kockave tuaja. Yndyra e tepërt trupore gjithashtu ndonjëherë rrit kimikatet në gjak duke inflamuar nyjet.

Të dyja këto mund të çojnë në osteoartrit (OA). Në këtë gjendje kërci i lëmuar dhe i rrëshqitshëm që mbulon skajet e kockave në një nyje zhduket ngadalë. Në vend që të rrëshqasin mbi njëra-tjetrën, kockat tuaja fërkohen me njëra-tjetrën.

Simptomat si dhimbja, ënjtja, ngurtësimi dhe humbja e lëvizjes shpesh përkeqësohen me kalimin e kohës.

Çfarë ndihmon?

– Mbajtja e një peshe të shëndetshme

Humbja e peshës mund të ndihmojë vërtet gjunjët tuaj. Hiqni 10 kg peshë nga trupi juaj dhe do të hiqni deri në 40 kg forcë të ushtruar mbi ta.

Nuk është vetëm pesha. Më pak qeliza yndyrore mund të nënkuptojnë më pak hormone për të inflamuar gjunjët dhe nyjet e tjera. Bisedoni me mjekun tuaj për indeksin tuaj ideal të masës trupore, një masë e yndyrës trupore bazuar në gjatësinë dhe peshën.

– Dieta

Ushqimi i shëndetshëm zvogëlon inflamacionin që ndonjëherë shkakton dhimbje të kyçeve. Në veçanti rekomandohen ushqimet e pasura me acide yndyrore omega-3 (peshqit yndyrorë si salmoni, toni, skumbri, dhe harenga) së bashku me arrat, domatet, vajin e ullirit, perimet me gjethe jeshile, mishi i pulës pa lëkurë pa harruar frutat e freskëta dhe drithërat si bollgur, oriz kaf ose bukë me drithëra të plota.

– Aktiviteti i rregullt fizik

Është një ide e mirë të përpiqeni të përzieni llojet e ushtrimeve tuaja:

– Ushtrimet aerobike, ecja, noti, mund të zvogëlojnë inflamacionin dhe të rrisin qëndrueshmërinë tuaj.

– Ushtrimet rezistente forcojnë dhe stabilizojnë muskujt rreth nyjës së gjurit.

– Shtrirja e muskujve dhe indit lidhës rreth gjurit ndihmon në rritjen e diapazonit tuaj të lëvizjes, ose distancën që mund të lëvizni një nyje.

Lëvizja Vetëvendosje, partia më e madhe në Kosovë, e ka përjashtuar të martën nga partia Besnik Mujecin, i cili është arrestuar në Shqipëri nën dyshimet për shpërndarje droge.

Mujeci, 40-vjeçar është asamblist i Vetëvendosjes në Kuvendin Komunal të Prishtinës.

Të martën, autoritetet shqiptare kanë thënë se Mujeci është në mesin e pesë të arrestuarve, të cilët dyshohen se kanë shpërndarë drogë të llojit ekstazi në lokalet e e natës në zonën e ish-Bllokut në Tiranë, pasi kanë trafikuar lëndë narkotike nga Kosova në Shqipëri.

Ministrja e Drejtësisë në Kosovë, Albulena Haxhiu, ka thënë pas përjashtimit të Mujecit se njerëz të tillë “nuk kanë vend në Lëvizje”.

“Komisioni Disiplinor mori vendim për përjashtimin e Besnik Mujecit nga Lëvizja VETËVENDOSJE! Veprimet për të cilat është arrestuar Besnik Mujeci janë krime të rënda dhe institucionet e drejtësisë duhet ta marrin dënimin e merituar!”, ka thënë ajo përmes një postimi në Facebook.

Sipas autoriteteve të Shqipërisë, vlera e drogës me të cilën janë kapur të dyshuarit shkon në 400 mijë euro.

Të arrestuarit e tjerë janë Mithat Ramadani 30 vjeç, banor i Prishtinës, si dhe Kalem Picari, 24 vjeç, Ambra Myftari 28 vjeçe dhe Daniel Avdija 26 vjeç, të tre banorë të Tiranës.

Të dyshuarit janë kapur me një dërgesë me lëndë të dyshuar narkotike prej 11.300 tabletave ekstazi MDMA, me peshë 5.093 kilogramë. /REL

Shkruan Aida Topalli

Cannabis sattiva, apo siç njihet tradicionalisht, hashashi, kokaina, heroina dhe çdo drogë tjetër, tashmë po shndërrohen në një mit.
Herë pas here jemi përpjekur të paralajmërojmë shpërthimin e një lloji të ri droge, ajo sintetike. Ndër të parët që folëm publikisht, kur sapo kishte nisur të kthehej në trend.

Treguam efektet dhe pasojat. Dhe më e rënda, se si grupmoshat e reja u nisën me vrull ta provonin, e më pas të ktheheshin në përdorues të rregullt.
Janë të vështira për t’u dalluar. Ngjajnë me produkte farmaceutike. Por janë të dëmshme shumë herë më shumë sesa drogërat e tjera, të njohura botërisht, si tradicionale.

Qindra vajza të reja, kanë rënë pre e kësaj droge, duke humbur vetëdijen e duke u kthyer kështu në objekt seksi për grabitqarët seksualë. Mes tyre edhe vajza politikanësh, biznesmenësh e njerëzish të drjtesisë. Histori që flenë në familjet e gjithësecilit, por asnjëherë nuk kanë përfunduar në dyert e policisë. Për një arsye të thjeshtë, ruajtja e nderit dhe moralit.

Por kjo mbajtje në fshehtësi, ka bërë që shumë vajza të tjera të mos kenë dijeni dhe të bien pre e këtyre sulmeve, që mund të konsiderohen nga më të frikshmet, për shkak se nuk mban mend asgjë çfarë ka ndodhur.

Janë me dhjetëra video që qarkullojnë, filmuar nga grabitqarët seksualë, të vajzave të reja, nën efektin e drogërave sintetike, të cilat kanë përfunduar në inbox-et e baballarëve dhe vëllezërve, si forma shantazhi, herë për të marrë para në këmbim, e herë për të përfituar të tjera gjëra.

Madje, një nga videot e bëra, në të cilën abuzohet me vajzën e një punonjësi të drejtësisë, gjithçka është bërë vetëm për ego.

Operacioni i finalizuar një ditë më parë nga seksioni kundër Narkotikëve në DVP Tiranë, nuk duhet parë kaq cekët.

Në gamën e gjerë të analizës, kemi të bëjmë me shpërbërjen e një grupi që më duart e tyre, furnizonin të rinjtë me një substancë që të humbet vetëdijen dhe kontrollin. Pas konsumimit je i aftë të bësh gjithçka, dhe në fund nuk mund të mbash mend asgjë. Duke rënduaar kështu psikozën rinore.

Duke ngritur skuta të errëta, që nuk ndriçohen kurrë në memorie.

Pa shtuar këtu edhe varësinë që krijojnë. Njëmbëdhjetë mijë kokrra ekstazi, është njëlloj si të shpëtosh të paktën 5 mijë të rinj nga përdorimi.

Ndoshta nuk është folur mjaftueshëm për efektet kaq negative dhe pasojat kaq të rënda të kësaj droge, dominuese e shekullit të ri. Kjo sepse herë-herë është si një thikë me dy presa, ti jep inforacion për pasojat, por kureshtarët tentojnë të shuajnë kureshtjen dhe të provojnë këto efekte në trupin e tyre.

Asnjë instancë nuk është e aftë që ta ndalojë njëherë e mirë shpërndarjen dhe konsumimin. Për një arsye të thjeshtë, sepse gjithçka nis nga personalja. Jemi ne ata që vensdosim nëse do ta konsumojmë apo jo.

Dhe nëse vendoset të konsumohet, atëherë do të përdoret çdo mënyrë për ta gjetur. Sado grupe të shkatërrohen, të tjerë do të ngrihen e përhapen. Andaj, në kësisoj rastesh, lufta është me veten… mes të rinjve…

Disa avari të njëpasnjëshme në avion detyruan ministren e jashtme gjermane, Annalena Baernock të ndërpriste udhëtimin për në Australi, Zelandën e Re dhe ishujt Fitxhi.

Pas një ndalese në Abi Dhabi dështoi edhe tentativa e dytë e vazhdimit të udhëtimit.

“Ne verifikuam, dhe planifikuam të vazhdonim turin por në fund, për fat të keq, nuk qe e mundur të avanconim me opsionet në dispozicion për udhëtimin në Indo-Paqësor pas daljes nga funksioni të avionit qeveritar”, u shpreh një zëdhënës i ministrisë.

Politikania e gjelbër mendoi se mund ta vazhdonte rrugëtimin me avion linje normale drejt Sidneit nga Abu Dhabi ku po qëndronte për shkak të defektit, por një zgjidhje e tillë nuk u konsiderua praktike, thanë pjesëtarë të delegacionit.

Avioni qeveritar ka mbetur për momentin në tokë në Abu Dhabi. Ka pasur edhe më parë raste të përsëritura të avarive me këta avionë, të cilat kanë shkaktuar reagime të forta në Gjermani.

Në një udhëtim po të kryediplomates, Baerbock në vendet e Gjirit Persik në maj, për shkak të problemeve teknike, avioni Airbus nuk mundi të ngrihej në ajër dhe asaj iu desh ta zgjaste udhëtimin në Katar me një ditë.

Në rrënojat e shtëpive dhe automjeteve të karbonizuara në Maui, mund të gjenden 10 deri në 20 viktima çdo ditë. Është ky paralajmërimi i zymtë i guvernatorit të Hauait, shtet i gjunjëzuar nga zjarret katastrofike.

Bilanci i viktimave ka shkuar në 99, duke e bërë këtë, tragjedinë me vdekjeprurëse të këtij lloji në më shumë se një shekull. Guvernatori Josh Green tha se mund të duhen 10 ditë për të pasur një shifër të saktë të viktimave. Mbi 1300 persona konsiderohen të zhdukur sipas tij.

“Siç e thashë edhe më herët shkalla e shkatërrimit është e pabesueshme. Dhimbja në zemrat tona bëhet edhe më e madhe teksa viktimat vijnë duke u shtuar. 2200 godina janë shkatërruar, 86 përqind e të cilave rezidenciale.”

Autoritetet thonë se vetëm 25 përqind e zonës së prekur nga zjarret është kontrolluar për viktima të mundshme.

Flakët e ferrit, siç u pagëzuan, shkrumbuan thuajse plotësisht qytezën bregdetare të Lahainas në Maui. Pamje që tregojnë imazhet para dhe pas zjarreve, janë dëshmie dramës ka goditur komunitetin atje.

Qyteza numëronte 12 mijë banorë, shumë prej të cilëve mundën të largohen, ndërsa të tjerët, më të pafat u dogjën bashkë me banesat ose automjetet.

Siç thuhet, identifikimi i shumë prej viktimave do të kërkojë kohë. Autoritetet inkurajojnë familjarët e personave të zhdukur, të ofrojnë monstra ADN-je për të ndihmuar në përpjekje e kërkimit.

Një padi u dorëzua kundër kompanisë më të madhe elektrike në Hauai, mes pretendimeve se linjat e rrëzuara elektrike kontribuuan për zjarret.

Kompania akuzohet se nuk i nxori jashtë përdorimit linjat e rrëzuara pavarësisht paralajmërimeve se Hawai kërcënohej nga zjarret pyjore.

Tjetër skandal i rëndë është zbuluar në strukturën e Forcës së Posaçme Operacionale, që drejtohej nga Oltian Bistri, i cili tashmë është në burg, pasi u arrestuar në kuadër të operacionit “Metamorfoza”.

News24 zbardh të tjera detaje në lidhje me këto hetime top sekrete, ku AMP ka depozituar një kallëzim në prokurorinë e Tiranës Forcën e Posaçme Operacionale. Nga hetimet e AMP-së u verifikua një linjë tjetër interneti e paautorizuar, e cila thuhet se mund të jetë përdorur për transferim të dhënash.

Kallëzimi i AMP është bërë para se ish-shefi i Operacionales, Oltian Bistri të arrestohej. Nuk dihet nëse ky kallëzim do të rëndojë apo jo akuzën për Bistrin, i cili në dosjet e SPAK u shfaq duke bashkëpunuar me personazhe të botës së krimit dhe biznesmenin Pëllumb Gjoka, ky i fundit i arrestuar si porositës i disa vrasjeve. Por nuk përjashtohet mundësia që Bistri ta ketë përdorur këtë linjë të dyshimtë.

BalkanËeb po ju sjell si më poshtë detaje nga dosja hetimore e SPAK mbi komunikimet e zbardhura falë përgjimeve të kryera përmes ‘zbërthimit’ të aplikacionit SKY.

Përgjimi i datës 22.02.2022 i bisedës mes Pëllumb Gjokës dhe Oltian Bistrit, i cili ishte shkarkuar nga detyra e kreut të Operacionales pak kohë më parë se të arrestohej.

Bistri-Gjokës: O vëlla, keq puna me këto. Më thirrën lart, se mbajmë dot pikën aty. A t’ju q*sh robt këtyre. Se di. Më duket se është interesuar Leshi vetë, por mos fol me asnjë. Lidhet shoqërore e jotja, etj. Sigurohu që s’të ndjek njeri dhe eja lart te fshati sos, pallati i Brigadave.

Bistri i dërgon një foto Gjokës dhe e pyet: E njeh këtë? I ka dal urdhri për paketim, por mos i thuaj njeriu ta dish për vete. Se mendova se e ke shok ndaj ta thash, qendra e kërkon.

Bistri i shkruan Gjokës: Se di ca do bëjnë këta motërq*rat. Urdhri është të godasin ty dhe mua bashkë. Duan foto të të dyve bashkë. Po të pyetën thuaj se njoh. Janë legena o vëlla, se ke idenë. Thuaj se njoh fare atë, bile më shaj.

Mbrëmja e djeshme ishte tragjike në Bulqizë. Një i ri 26 vjeç u vra në mesnatë. Viktima është Dritan Manjani. Autori i dyshuar për ngjarjen është Dorjan Mema, i cili është arrestuar disa orë pas ngjarjes. Dy nga fqinjët kanë rrëfyer si ndodhi vrasja. Kafen e fundit dhe fjalët e viktimës.

“Ishin duke ngrënë, duke pirë 5 veta. Unë piva një kafe me të ndjerin, por unë u largova dhe e lash të ndjerin në lokal. Autori ishte me 4 veta të tjerë duke ngrënë meze e duke pirë birra. Se di se çfarë ndodhi më pas.

Ai nuk u bashkua me ata, por ishte tavolinë tjetër. Thonë se ka nisur konflikti në lokal, por aty kanë ndërhyrë dhe i kanë ndarë. Më pas viktima, rreth orës 9 e gjysmë e kanë thirrur te shtëpia. Ai ishte duke ngrënë bukë” tha njëri prej banorëve.

Një tjetër i moshuar rrëfeu se viktima ishte duke ngrënë bukë kur e thirrën për të dalë jashtë dhe më pas e vranë.

“Ishte djali më i mirë, nuk bën më nëna. Ka punuar në Greqi, me nder. I ka djemtë shumë të mirë. Nuk ishte i martuar, dhe nuk di të kenë pasur konflikt apo probleme. Nuk kanë hapur kurrë probleme. Për ngjarjen di që kanë qenë duke pirë. I kanë parë të tjerë dhe më pas morëm vesh që ndodhi kjo ngjarje.

Ishin në të njëjtën vend me autorin tek lokali. Por thanë që më mbrapa kanë ardhur dy makina, e kanë thirrur këtë djalin. Ai ka dalë jashtë dhe më pas ka ndodhur edhe vrasja. Kanë ardhur natën nga ora 21:45, me makina me dy makina, thonë ata që i kanë parë unë nuk i kam parë.

Nëna vet i ka thënë; ‘dil or djalë se mos keni zënë rrugën’ se mos është duke ardhur ndonjë makinë tjetër. Ka qenë duke ngrënë bukë, dhe më pas ka ndodhur ajo që ndodhi. Vetëm nëna e vet. I thoshte, “oj nënë mos u bëj merak se do të përmirësohem, duke shkuar për në spital” tha banori.

Policia ka kryer një operacion të madh kundër trafikimit dhe shpërndarjes së lëndëve narkotike duke arrestuar pesë persona, ndërsa janë kapur më shumë se 1 000 tableta MDMA, ose siç njihet një gjuhën e përditshme, ekstazi.

Shqipëria është kthyer në një parajsë të trafikantëve dhe shpërndarësve të lëndëve narktoike duke u renditur në vendet e para të tabelës për konsumin e kokainës, ndërsa vitet e fundit është shtuar ndjeshëm edhe përdorimi i asaj që duhet “droga e të rinjve” ose ekstazia, e cila përdoret kryesisht gjatë festave, mbrëmjeve nëpër club-e dhe ambiente të ngjashme, raporton AlbEu.com.

Shpesh, nëpër rrjetet sociale qarkullon edhe një legjendë, për tableta që u hidhen vajzave në pije gjatë festave, me qëllim përfitimin prej tyre për të kryer marrëdhënie seksuale.