Category: Lajme

LAJM I FUNDIT/ Të shtëna me armë zjarri në Sarandë

Detaje të reja janë mësuar nga vrasja e 26-vjeçarit Dritan Manjani në fshatin Shupenzë të Bulqizës. 26-vjeçari u qëllua me kaçavidë para shtëpisë së tij nga 30-vjeçari Dorjan Dema me të cilin pati një konflikt mbrëmjen e së hënës në një lokal.

Autori dhe viktima ishin në të njëjtin lokal, por në tavolina të ndryshme. Autori ishte në tavolinë me disa persona të tjerë ku po konsumonte alkool.

Ndërkohë, 26-vjeçari ishte i vetëm dhe po konsumonte kafe dhe në një moment pati një zënkë mes dy të rinjve, por që u duk se u mbyll aty.

Më vonë viktima shkoi në banesë për të konsumuar darkë me familjen. Në momentin që ai po hante darkën, dy makina të cilat i binin borive shkuan përpara banesës së tij.

I riu doli jashtë për të parë kush ishte dhe u ndesh me 30-vjeçarin me të cilin u konfliktua në lokal.

Dorjan Dema e qëlloi me kaçavidë përpara banesës dhe u largua për t’u kapur pak më vonë nga policia.

Sakaq 26-vjeçari nuk mundi t’i mbijetonte plagëve të marra dhe ndërroi jetë në spital.

Nga Skënder Minxhozi

Si do të reagonte një nxënës i fillores nëse një pedagog i universitetit do ta ndalonte në rrugë dhe do ta kërcënonte fytyrngrysur: kur të vish në fakultet, do të të rrezoj në lëndën time?! Me siguri i vogli do të ngrinte supet e do të vazhdonte rrugën shpërfillshëm. Kjo fabul banale shkollore duket se po konsumohet edhe një herë më tepër mes Greqisë fqinje dhe shtetit shqiptar. Në stilin e njohur të kërcënimit me bllokim të procesit integrues (BE ose NATO, sipas rastit), Athina ka disa muaj që bën presion mbi qeverinë shqiptare për të liruar nga burgu kryebashkiakun e Himarës Fredi Beleri, i akuzuar për manipulim të procesit zgjedhor përmes blerjes së votave. Po na kërcënon se do të na vonojë hyrjen në BE, megjithëse ne ende nuk dimë asnjë datë sado të përafërt se kur do të hyjmë në Union. Një kërcënim i projektuar në të ardhmen e largët është objektivisht një kërcënim i dobët.

Siç ka ndodhur edhe në të shkuarën me Himarën, sensibiliteti i politikës greke u provua edhe një herë të jetë maksimal dhe pa dorashka. Kryebashkiakët e Athinës dhe Selanikut nuk hezituan t’i vihen në krye një mitingu në qytetin e vogël bregdetar, prej nga ju drejtuan të pranishëmve sikur po flisnin në njërën nga lagjet e qyteteve që drejtojnë. I trajtuan praktikisht himariotët si qytetarë të tyret, paçka se reciprociteti në këtë rast le shumë për të dëshëruar. Një gjest i tillë, fjala vjen nga kreu i bashkisë së Gjirokastrës, në një qytet të Epirit, do të ishte thjesht fantazi filmash!

Për t’ju kthyer fabulës me nxënësin e fillores dhe profesorin e universitetit, Athina po kërcënon Tiranën se nëse Beleri nuk lihet i lirë të marrë detyrën e kreut të bashkisë Himarë, Greqia do të bllokojë procesin e integrimit të Shqipërisë në Bashkimin Evropian. Diçka e ngjashme si me bllokimin shumëvjeçar të anëtarësimit të Maqedonisë në NATO për shkak të emrit.

Ka vetëm një problem, që e rrëzon të gjithë teoremën e shkopit dhe karrotës që Athina kujton se po luan me Tiranën: Edi Rama nuk është nxënësi i shkujdesur i fillores. Krejt e kundërta. Janë të gjitha gjasat që në vend që të frikësohet, ai të jetë duke fërkuar duart nga kërcënimi grek. Ashtu siç është duke e shfrytëzuar maksimalisht rastin Beleri në planin e brendshëm.

Pala greke ka gjetur kërcënimin e gabuar me Ramën, kur i tregon derën e mbyllur të BE. Së pari sepse Rama e di që janë të gjitha gjasat që kjo puna e aderimit në Union të shkojë përtej afateve kohore të karrierës së tij politike. Ashtu si të tjerë para tij, edhe Rama e di se hyrja në BE është një “punë e ngatërruar të ardhmes”. Tonet e shpenguara, deklaratat shpesh herë tallëse dhe acide ndaj evropianëve, zbulojnë indirekt faktin se Edi Rama e di se rruga drejt Brukselit është e gjatë dhe jashtë trajektores së tij politike. Sillet me ta i çliruar nga komplekset e kohës dhe të afateve.

Kur Greqia kërcënon kryeministrin shqiptar me lënien jashtë Evrope, është duke kërcënuar një lider politik që nuk e do fare hyrjen në BE. Të paktën për momentin aktual, kur i duhet të thithë investime nga pjesë të botës larg Unionit, të ndërtojë porte marinash si ai i Durrësit me para nga Gjiri Persik, apo të bëjë amnisti fiskale në shifra të konsiderueshme. Që të gjitha procese që Evropa e Bashkuar i pengon dhe i shkurajon me të gjitha kompetencat e saj. Rama nuk e do Evropën e tabelave dhe të semaforëve. I duket një ngrehinë burokratike që ja komplikon gjithëfuqinë politike që gëzon brenda vendit.

Edi Rama po ndërton një shtet që retorikën e ka evropiane, kurse sjelljen vijon ta ketë thellësisht ballkanike. Një vend të tillë nuk e kërcënon dot se do ta lesh pas gardhit, pasi ai do të qëndrojë i tillë me vullnetin e tij të lirë, edhe për ca vjet të tjera.

Së dyti, Edi Rama duket se e kuptoi lojën e pisët që Berisha dhe Meta bënë kur kandiduan në Himarë një figurë të diskretituar dhe me precedente aspak të pastra si Fredi Beleri. E nëse dyshja e opozitës e hodhi Belerin në vorbullën e zgjedhjeve lokale me qëllim që të prishte klimën mes dy vendeve, vetë Rama e vuri në qendër të fushatës retorikën kundër Belerit, për ta përdorur atë tek ajo pjesë e popullsisë që gdhihet e ngryset me eposin patriotik në mendje. Edhe në këtë plan presioni grek relativizohet e tkurret, pasi përtej incidentit me palën greke për Himarën, pozita ndërkombëtare e Edi Ramës është sot më e fortë se kurrë më parë.

Kohërat e reja ku kemi hyrë diktojnë edhe sjelljet e fqinjëve mes tyre. Kur operacionet e debimit kolektiv të refugjatëve shqiptarë janë tashmë një kujtim i së shkuarës, Athinës i duhet të gjejë rrugë e mjete të tjera presioni për të realizuar interesat e saj në Shqipëri. Dalja në mbrojtje të figurave të diskretituara ose kërcënimi-klishe me sabotimin e integrimit në Evropë janë gjithashtu të tejkaluara. As Beleri, as vonesa e hyrjes në BE nuk janë karta të vlefshme. Për të parin shqiptari i zakonshëm ka mendim të keq, kurse për të dytën, Evropën e Bashkuar, është e vështirë të frikësohesh se po të zgjasin një rrugë të cilës ti nuk i di ende stacionin e fundit./Javanews.al

5 persona janë vënë në pranga këtë të Martë. Gazetarja e Klan News Glidona Daci bën me dije se të prangosurit transportonin lëndë narkotike nga Kosova në Tiranë dhe më pas e shpërndanin në plazhe.

Po sipas gazetares, ata janë mbajtur nën vëzhgim prej disa muajsh dhe dyshohet se kanë shitur drogë më herët edhe në zonën e Ish-Bllokut. 2 prej të kapurve janë shtetas nga Kosova.

Mësohet se policia u ka sekuestruar 10 mijë doza ekstazi. Të arrestuarit janë: Mithat Ramadani, Besnik Mujeci, Kalem Picari, Ambra Myftari dhe Daniel Avdia.

Pritet të mësohen detaje të tjera në vijim./tvklan.al

Policia e Bulqizës ka marrë në mbrojtje familjen e Dorjan Demës, autorit të vrasjes së 26-vjeçarit Dritan Manjanit mbrëmjen e së hënës.

Banesa ku jetojnë viktima dhe autori ndodhet në fshatin Homesh të Bulqizës.

Në pamjet e publikuara shihen punonjës të policisë që qëndrojnë para portës së banesës së autorit për të shmangur ndonjë konflikt të mundshëm mes dy familjeve.

Dorjan Dema u arrestua disa orë pas ngjarjes së rëndë.

Si ndodhi vrasja:

Autori dhe viktima ishin në të njëjtin lokal deri në orët e vona të mbrëmjes së të hënës.

Pasi kanë dalë nga lokali, ata janë zënë në hyrje të fshatit Shupenzë, ku edhe më pas krimi degjeneroi në vrasje.

Nuk dihen ende arsyet e krimit të rëndë, ku Dorjan Dema i mori jetën 26-vjeçarit Dritan Manjani.

“Në orët e vona të mbrëmjes, në Shupenzë shtetasi D.D., 30 vjeç, banues në fshatin Homesh, për motive të dobëta është konfliktuar me shetasin D.M., 26 vjeç, banues në Homesh. Gjatë konfliktit 30-vjeçari e ka goditur me kaçavidë 26-vjeçarin, i cili si pasojë e plagëve ka humbur jetën në spital.

Shërbimet e Policisë falë reagimit në kohë, lokalizuan, kapën dhe arrestuan autorin e ngjarjes shtetasin D.D. Grupi hetimor nën drejtimin e Prokurorisë vijojnë hetimet për zbardhjen dhe dokumentimin e plotë të rrethanave të ngjarjes”, raportoi policia.

Gazetari Artan Hoxha ka bërë një tjetër reagim në rrjetet sociale në lidhje me protestën e djeshme në Himarë që u mbajt për lirimin e Fredi Belerit.

Hoxha i bën thirrje autoriteteve shqiptare që të japin drejtësi për dy “Dëshmorët e Atdheut”, Fatmir Shehu dhe Arsen Gjini, të cilët mbetën të vrarë në “Masakrën e Peshkëpisë”.

Postimi i plotë:

Ndersa ne shetitoren e Himares, nje grusht shqiptaresh greqisht-foles, bashke me kryebashkiaket e Athines dhe Selanikut, i bejne thirrje autoriteteve greke te nderhyjne per te liruar Fredi Belerin,

ne hyrje te Himares, u behet apel autoriteteve te Shqiperise te japin drejtesi per dy “Deshmoret e Atdheut”, Fatmir Shehu dhe Arsen Gjini, te vrare ne masakren e Peshkepise….

O sot o kurre, ka ardhur koha per te vendosur njehere e mire DREJTESI ne kete vend….

Per te sqaruar njehere e mire kush jane MARTIRET e vertete dhe kush jane “heronjte” e rreme…

https://www.facebook.com/100000830338157/videos/618239700164852/

KOSOVË- Një aksident fatal ka ndodhur orët e para të mëngjesit në Prishtinë. Një makinë ka dalë nga mbikalimi dhe ka përfunduar në aksin e nënkalimit, ku për pasojë një 17 vjeçar ka ndërruar jetë.

Sipas raportimit nga mediat e Kosovës, mësohet se ngjarja ka ndodhur rreth orës 03:00 të mëngjesit të së hënës, ku në makinë po udhëtonin 3 persona, mes tyre edhe i mituri që humbi jetën. Shef i repartit të Mjekimit Intensiv në Kosovë, Shaqir Uka tha se 17-vjeçari nuk mund të mbijetonte pasi kishte marrë plagë të rënda.

“Tek ne ka qenë një 17-vjeçar. Fatkeqësisht nuk ka mundur t’ju bëjë ballë pasojave të lëndimeve. I njëjti ka ndërruar jetë rreth orës 22:00”, tha Uka.

Mediat e Kosovës kanë ndarë video pas aksident, ku shihet mjeti që ka përfunduar në rrugë pasi ka rënë ka mbikalimi.

Ende nuk dihet arsyeja e aksidentit, policia po heton në vendin e ngjarjes.

Në tregun e këmbimit valutor shqiptar sot një dollar amerikan do të blihet me 94.8 lekë dhe do të shitet me 96.3 lekë.

Euro do të blihet me 103.6 lekë dhe do të shitet me 104.7 lekë, ndërsa franga zvicerane do blihet me 107.6 lekë dhe do shitet me 109.2 lekë.

Ndërkohë paundi britanik sot do blihet me 119.6 lekë dhe do shitet me 121.4 lekë.

Ministrja e Arsimit dhe Sportit, Evis Kushi përmes një postimi në rrjete sociale bëri të ditur datat e regjistrimit në klasa të para dhe të dhjeta, për të gjithë ata që nuk kanë arritur ta bëjnë gjatë fazës së parë përmes sistemit e-Albania.

“Të gjithë prindërit që mendojnë se fëmijët e tyre, edhe pse ende nuk i kanë mbushur 6 vjeç e kanë tashmë zhvillimin dhe përgatitjen e duhur, si dhe kanë dëshirë t’i regjistrojnë ata në klasë të parë, janë të ftuar të aplikojnë në sistemin e-Albania nga data 21 gusht deri më 1 shtator”, shkruan Kushi.

Postimi i plotë i ministres Kushi:

Me ndryshimet që miratuam në Ligjin për Arsimin Parauniversitar, edhe vogëlushët që mbushin 6 vjeç deri në datën 31 dhjetor do të kenë mundësi të ?regjistrohen në klasë të parë për vitin e ri shkollor 2023 – 2024.

Të gjithë prindërit që mendojnë se fëmijët e tyre, edhe pse ende nuk i kanë mbushur 6 vjeç e kanë tashmë zhvillimin dhe përgatitjen e duhur, si dhe kanë dëshirë t’i regjistrojnë ata në klasë të parë, janë të ftuar të aplikojnë në sistemin e-Albania nga data 21 gusht deri më 1 shtator. Ky afat vlen edhe për të gjithë ata prindër që nuk kanë arritur dot të bëjnë gjatë fazës së parë regjistrimet për fëmijët e tyre në klasën e parë dhe të dhjetë.

Gjatë kësaj jave na pret mot i këndshëm veror. Kryesisht do të jemi nën ndikimin e masave stabile anticiklonike që do të kushtëzojnë mot me diell dhe me pak reshje atmosferike, megjithatë parashihet të kemi edhe një masë të dobët ajrore të paqëndrueshme që do të kushtëzojë ca reshje atmosferike në zona të caktuara.

Kjo masë e paqëndrueshme ajrore pritet të jetë aktive në fillim të javës, gjegjësisht ditën e martë kur priten rrebeshe lokale shiu me vetëtima dhe bubullimë. Këto reshje nuk do të përfshijnë tërë territorin, madje as gjysmën e territoreve tona. Më së shumti rrebeshe priten në Mal të Zi, pastaj në juglindje dhe lindje të Shqipërisë, disa vise në Maqedoninë Veriore dhe pjesërisht në Kosovë. Në të gjitha rastet reshjet do të janë të kufizuara vetëm në rajone të caktuara ku në ndonjë rajon parashihen rrebesh intensive po kalimtare.

Rrebeshe kalimtare priten edhe në disa zona në pjesët qendrore, veriore dhe verilindore të Shqipërisë si dhe në perëndim të Maqedonisë së Veriut.

Nga mesi i javës rritet ndikimi anticiklonik dhe zbehet masa e paqëndrueshme ajrore. Në përgjithësi priten ditë me diell, por nuk do të mungojnë disa vranësira dhe disa gjasa për ndonjë zhvillim të ndonjë rrebeshi të izoluar shiu me ndonjë vetëtimë dhe bubullimë.

Temperaturat maksimale pritet të arrijnë deri në 30 gradë Celsius në Kosovë ose ndonjë gradë mbi këtë shifër. Në Shqipëri dhe Maqedoninë Veriore parashihet të jetë pak më nxehtë, ndërsa për fundjavë temperaturat do të shënojnë rritje edhe për ndonjë shkallë më lartë.