Category: Lajme

Në rrënojat e shtëpive dhe automjeteve të karbonizuara në Maui, mund të gjenden 10 deri në 20 viktima çdo ditë. Është ky paralajmërimi i zymtë i guvernatorit të Hauait, shtet i gjunjëzuar nga zjarret katastrofike.

Bilanci i viktimave ka shkuar në 99, duke e bërë këtë, tragjedinë me vdekjeprurëse të këtij lloji në më shumë se një shekull. Guvernatori Josh Green tha se mund të duhen 10 ditë për të pasur një shifër të saktë të viktimave. Mbi 1300 persona konsiderohen të zhdukur sipas tij.

“Siç e thashë edhe më herët shkalla e shkatërrimit është e pabesueshme. Dhimbja në zemrat tona bëhet edhe më e madhe teksa viktimat vijnë duke u shtuar. 2200 godina janë shkatërruar, 86 përqind e të cilave rezidenciale.”

Autoritetet thonë se vetëm 25 përqind e zonës së prekur nga zjarret është kontrolluar për viktima të mundshme.

Flakët e ferrit, siç u pagëzuan, shkrumbuan thuajse plotësisht qytezën bregdetare të Lahainas në Maui. Pamje që tregojnë imazhet para dhe pas zjarreve, janë dëshmie dramës ka goditur komunitetin atje.

Qyteza numëronte 12 mijë banorë, shumë prej të cilëve mundën të largohen, ndërsa të tjerët, më të pafat u dogjën bashkë me banesat ose automjetet.

Siç thuhet, identifikimi i shumë prej viktimave do të kërkojë kohë. Autoritetet inkurajojnë familjarët e personave të zhdukur, të ofrojnë monstra ADN-je për të ndihmuar në përpjekje e kërkimit.

Një padi u dorëzua kundër kompanisë më të madhe elektrike në Hauai, mes pretendimeve se linjat e rrëzuara elektrike kontribuuan për zjarret.

Kompania akuzohet se nuk i nxori jashtë përdorimit linjat e rrëzuara pavarësisht paralajmërimeve se Hawai kërcënohej nga zjarret pyjore.

Tjetër skandal i rëndë është zbuluar në strukturën e Forcës së Posaçme Operacionale, që drejtohej nga Oltian Bistri, i cili tashmë është në burg, pasi u arrestuar në kuadër të operacionit “Metamorfoza”.

News24 zbardh të tjera detaje në lidhje me këto hetime top sekrete, ku AMP ka depozituar një kallëzim në prokurorinë e Tiranës Forcën e Posaçme Operacionale. Nga hetimet e AMP-së u verifikua një linjë tjetër interneti e paautorizuar, e cila thuhet se mund të jetë përdorur për transferim të dhënash.

Kallëzimi i AMP është bërë para se ish-shefi i Operacionales, Oltian Bistri të arrestohej. Nuk dihet nëse ky kallëzim do të rëndojë apo jo akuzën për Bistrin, i cili në dosjet e SPAK u shfaq duke bashkëpunuar me personazhe të botës së krimit dhe biznesmenin Pëllumb Gjoka, ky i fundit i arrestuar si porositës i disa vrasjeve. Por nuk përjashtohet mundësia që Bistri ta ketë përdorur këtë linjë të dyshimtë.

BalkanËeb po ju sjell si më poshtë detaje nga dosja hetimore e SPAK mbi komunikimet e zbardhura falë përgjimeve të kryera përmes ‘zbërthimit’ të aplikacionit SKY.

Përgjimi i datës 22.02.2022 i bisedës mes Pëllumb Gjokës dhe Oltian Bistrit, i cili ishte shkarkuar nga detyra e kreut të Operacionales pak kohë më parë se të arrestohej.

Bistri-Gjokës: O vëlla, keq puna me këto. Më thirrën lart, se mbajmë dot pikën aty. A t’ju q*sh robt këtyre. Se di. Më duket se është interesuar Leshi vetë, por mos fol me asnjë. Lidhet shoqërore e jotja, etj. Sigurohu që s’të ndjek njeri dhe eja lart te fshati sos, pallati i Brigadave.

Bistri i dërgon një foto Gjokës dhe e pyet: E njeh këtë? I ka dal urdhri për paketim, por mos i thuaj njeriu ta dish për vete. Se mendova se e ke shok ndaj ta thash, qendra e kërkon.

Bistri i shkruan Gjokës: Se di ca do bëjnë këta motërq*rat. Urdhri është të godasin ty dhe mua bashkë. Duan foto të të dyve bashkë. Po të pyetën thuaj se njoh. Janë legena o vëlla, se ke idenë. Thuaj se njoh fare atë, bile më shaj.

Mbrëmja e djeshme ishte tragjike në Bulqizë. Një i ri 26 vjeç u vra në mesnatë. Viktima është Dritan Manjani. Autori i dyshuar për ngjarjen është Dorjan Mema, i cili është arrestuar disa orë pas ngjarjes. Dy nga fqinjët kanë rrëfyer si ndodhi vrasja. Kafen e fundit dhe fjalët e viktimës.

“Ishin duke ngrënë, duke pirë 5 veta. Unë piva një kafe me të ndjerin, por unë u largova dhe e lash të ndjerin në lokal. Autori ishte me 4 veta të tjerë duke ngrënë meze e duke pirë birra. Se di se çfarë ndodhi më pas.

Ai nuk u bashkua me ata, por ishte tavolinë tjetër. Thonë se ka nisur konflikti në lokal, por aty kanë ndërhyrë dhe i kanë ndarë. Më pas viktima, rreth orës 9 e gjysmë e kanë thirrur te shtëpia. Ai ishte duke ngrënë bukë” tha njëri prej banorëve.

Një tjetër i moshuar rrëfeu se viktima ishte duke ngrënë bukë kur e thirrën për të dalë jashtë dhe më pas e vranë.

“Ishte djali më i mirë, nuk bën më nëna. Ka punuar në Greqi, me nder. I ka djemtë shumë të mirë. Nuk ishte i martuar, dhe nuk di të kenë pasur konflikt apo probleme. Nuk kanë hapur kurrë probleme. Për ngjarjen di që kanë qenë duke pirë. I kanë parë të tjerë dhe më pas morëm vesh që ndodhi kjo ngjarje.

Ishin në të njëjtën vend me autorin tek lokali. Por thanë që më mbrapa kanë ardhur dy makina, e kanë thirrur këtë djalin. Ai ka dalë jashtë dhe më pas ka ndodhur edhe vrasja. Kanë ardhur natën nga ora 21:45, me makina me dy makina, thonë ata që i kanë parë unë nuk i kam parë.

Nëna vet i ka thënë; ‘dil or djalë se mos keni zënë rrugën’ se mos është duke ardhur ndonjë makinë tjetër. Ka qenë duke ngrënë bukë, dhe më pas ka ndodhur ajo që ndodhi. Vetëm nëna e vet. I thoshte, “oj nënë mos u bëj merak se do të përmirësohem, duke shkuar për në spital” tha banori.

Policia ka kryer një operacion të madh kundër trafikimit dhe shpërndarjes së lëndëve narkotike duke arrestuar pesë persona, ndërsa janë kapur më shumë se 1 000 tableta MDMA, ose siç njihet një gjuhën e përditshme, ekstazi.

Shqipëria është kthyer në një parajsë të trafikantëve dhe shpërndarësve të lëndëve narktoike duke u renditur në vendet e para të tabelës për konsumin e kokainës, ndërsa vitet e fundit është shtuar ndjeshëm edhe përdorimi i asaj që duhet “droga e të rinjve” ose ekstazia, e cila përdoret kryesisht gjatë festave, mbrëmjeve nëpër club-e dhe ambiente të ngjashme, raporton AlbEu.com.

Shpesh, nëpër rrjetet sociale qarkullon edhe një legjendë, për tableta që u hidhen vajzave në pije gjatë festave, me qëllim përfitimin prej tyre për të kryer marrëdhënie seksuale.

Pavarësisht masave të rrepta nga Britania, trafikantët shqiptarë nuk dorëzohen dhe kanë gjetur mënyrë tjetër për të futur emigrantët në tokën angleze. Sipas Telegraph, bandat po ofrojnë të kontrabandojnë njerëz me kamionë nga Spanja në Portsmouth. Pra, është kthyer sërish trendi i kamionëve.

Kostoja është shumë më e lartë sepse rruga ka më pak rreziqe dhe ka më shumë siguri për mbërritjen në Britani

“Kontrabandistët shqiptarë po sigurojnë kalimin nga Santander në bregun verior të Spanjës në portin e bregdetit jugor të Portsmouth për 14,000 £ për person si një alternativë përkundrejt transportit me varka të vogla.

Kostoja është katërfishi, por rruga është më pak e rrezikshme dhe, nëse është e suksesshme, emigrantët kanë më pak gjasa të kapen dhe të kthehen në Shqipëri. Emigrantët që kalojnë Kanalin me gomone merren nga Forcat Kufitare, japin informacionet e tyre në zyrën e emigrancionit dhe më rikthehen në Shqipëri”, shkruan Telegraph.

Kjo do të thotë se emigrantët kanë më pak gjasa të identifikohen dhe të deportohen përsëri në vendin nga kanë udhëtuar.

Kryeministri i Mbretërisë së Bashkuar, Rishi Sunak, ka fajësuar bandat kriminale për mbytjen e të paktën gjashtë refugjatëve afganë në Kanalin Anglez kur anija e vogël me të cilën po udhëtonin u përmbys në orët e para të së dielës.

“Përgjegjësia për tragjedinë që kemi parë në Kanalin anglez ditët e fundit është e bandave kriminale që shfrytëzojnë jetën e njerëzve për përfitime,” u tha gazetarëve një zëdhënës Sunak.

“Kjo është një tragjedi e tmerrshme dhe mendimet e presidentit janë para së gjithash me familjet dhe miqtë e atyre që humbën jetën. Qeveria duhet të veprojë urgjentisht dhe të marrë të gjitha masat e mundshme për mbylljen e kësaj rruge”, përfundoi ai.

Qeveria e Sunak është përballur me kritika të ashpra nga grupet e të drejtave të emigrantëve lidhur me politikën e saj për anijet e vogla që kalojnë Kanalin Anglez, pasi kohët e fundit ndaloi refugjatët që mbërrinin ilegalisht të kërkonin azil dhe nxiti planet për t’i dërguar menjëherë në Ruanda.

Të dy planet janë pezulluar përkohësisht në pritje të një vendimi gjyqësor mbi ligjshmërinë e tyre, por varkat e vogla nga Franca ende vazhdojnë të vijnë. Ka pasur gjithashtu kritika të forta për vendimin për të strehuar të paktën 500 emigrantë në “Bibby Stockholm” në Portland, Anglia jugperëndimore

50 migrantët e parë u sollën në bord, por, në një kthesë të paparashikuar që ekspozon sërish autoritetet, ata duhej të hiqeshin pasi u gjetën baktere në ujin e rrjedhshëm të anijes.

Edhe pse autoritetet përkatëse njoftuan të premten se do t’i dëgonin menjëherë emigrantët në një vend të ri të sigurt, raportet në Britani zbulojnë se ekzistenca e mikroorganizmit potencialisht vdekjeprurës dihej të paktën katër ditë më parë. Ministria e Brendshme njoftoi megjithatë se të gjithë refugjatët, kryesisht nga Afrika Sub-Sahariane, janë në gjendje të mirë shëndetësore.

Në të njëjtën kohë, dhe në vazhdim të listës së gjatë të tragjedive që përfshijnë emigrantë dhe refugjatë, një varkë e vogël peshkimi prej druri, që transportonte një numër të panjohur njerëzish nga Senegali në Spanjë, u përplas me shkëmbinj pasi u ndoq nga roja bregdetare dhe u fundos.

Numri tragjik: 16 të vdekur. Anija nuk kishte pasur kohë të largohej nga ujërat e vendit afrikan, kur roja bregdetare vendase, në bashkëpunim me atë të Spanjës, e ndoqën në errësirë ??totale, duke rezultuar në fundosjen e saj pak jashtë kryeqytetit Dakar.

Përveç kësaj, të paktën pesë emigrantë tunizianë kanë vdekur dhe shtatë të tjerë janë zhdukur pas mbytjes së anijes në qytetin e Sfax, në Tunizinë qendrore-lindore, dje në mëngjes.

Kryeministri i Polonisë Mateusz Morawiecki propozoi dje mbajtjen e një referendumi në të cilin qytetarët do të pyeteshin nëse dëshironin që vendi të pranonte emigrantë të paligjshëm apo jo.

Morawiecki zbuloi në një fjalim të filmuar se data më e mundshme për referendumin është 15 tetori, në të njëjtën ditë me zgjedhjet parlamentare.

Pyetja, siç do të shfaqet në fletët e votimit, do të thotë: “A e mbështesni lejimin e mijëra emigrantëve të paligjshëm nga Lindja e Mesme dhe Afrika që po dërgohen në Poloni si pjesë e mekanizmit europian?

LAJM I FUNDIT/ Të shtëna me armë zjarri në Sarandë

Detaje të reja janë mësuar nga vrasja e 26-vjeçarit Dritan Manjani në fshatin Shupenzë të Bulqizës. 26-vjeçari u qëllua me kaçavidë para shtëpisë së tij nga 30-vjeçari Dorjan Dema me të cilin pati një konflikt mbrëmjen e së hënës në një lokal.

Autori dhe viktima ishin në të njëjtin lokal, por në tavolina të ndryshme. Autori ishte në tavolinë me disa persona të tjerë ku po konsumonte alkool.

Ndërkohë, 26-vjeçari ishte i vetëm dhe po konsumonte kafe dhe në një moment pati një zënkë mes dy të rinjve, por që u duk se u mbyll aty.

Më vonë viktima shkoi në banesë për të konsumuar darkë me familjen. Në momentin që ai po hante darkën, dy makina të cilat i binin borive shkuan përpara banesës së tij.

I riu doli jashtë për të parë kush ishte dhe u ndesh me 30-vjeçarin me të cilin u konfliktua në lokal.

Dorjan Dema e qëlloi me kaçavidë përpara banesës dhe u largua për t’u kapur pak më vonë nga policia.

Sakaq 26-vjeçari nuk mundi t’i mbijetonte plagëve të marra dhe ndërroi jetë në spital.

Nga Skënder Minxhozi

Si do të reagonte një nxënës i fillores nëse një pedagog i universitetit do ta ndalonte në rrugë dhe do ta kërcënonte fytyrngrysur: kur të vish në fakultet, do të të rrezoj në lëndën time?! Me siguri i vogli do të ngrinte supet e do të vazhdonte rrugën shpërfillshëm. Kjo fabul banale shkollore duket se po konsumohet edhe një herë më tepër mes Greqisë fqinje dhe shtetit shqiptar. Në stilin e njohur të kërcënimit me bllokim të procesit integrues (BE ose NATO, sipas rastit), Athina ka disa muaj që bën presion mbi qeverinë shqiptare për të liruar nga burgu kryebashkiakun e Himarës Fredi Beleri, i akuzuar për manipulim të procesit zgjedhor përmes blerjes së votave. Po na kërcënon se do të na vonojë hyrjen në BE, megjithëse ne ende nuk dimë asnjë datë sado të përafërt se kur do të hyjmë në Union. Një kërcënim i projektuar në të ardhmen e largët është objektivisht një kërcënim i dobët.

Siç ka ndodhur edhe në të shkuarën me Himarën, sensibiliteti i politikës greke u provua edhe një herë të jetë maksimal dhe pa dorashka. Kryebashkiakët e Athinës dhe Selanikut nuk hezituan t’i vihen në krye një mitingu në qytetin e vogël bregdetar, prej nga ju drejtuan të pranishëmve sikur po flisnin në njërën nga lagjet e qyteteve që drejtojnë. I trajtuan praktikisht himariotët si qytetarë të tyret, paçka se reciprociteti në këtë rast le shumë për të dëshëruar. Një gjest i tillë, fjala vjen nga kreu i bashkisë së Gjirokastrës, në një qytet të Epirit, do të ishte thjesht fantazi filmash!

Për t’ju kthyer fabulës me nxënësin e fillores dhe profesorin e universitetit, Athina po kërcënon Tiranën se nëse Beleri nuk lihet i lirë të marrë detyrën e kreut të bashkisë Himarë, Greqia do të bllokojë procesin e integrimit të Shqipërisë në Bashkimin Evropian. Diçka e ngjashme si me bllokimin shumëvjeçar të anëtarësimit të Maqedonisë në NATO për shkak të emrit.

Ka vetëm një problem, që e rrëzon të gjithë teoremën e shkopit dhe karrotës që Athina kujton se po luan me Tiranën: Edi Rama nuk është nxënësi i shkujdesur i fillores. Krejt e kundërta. Janë të gjitha gjasat që në vend që të frikësohet, ai të jetë duke fërkuar duart nga kërcënimi grek. Ashtu siç është duke e shfrytëzuar maksimalisht rastin Beleri në planin e brendshëm.

Pala greke ka gjetur kërcënimin e gabuar me Ramën, kur i tregon derën e mbyllur të BE. Së pari sepse Rama e di që janë të gjitha gjasat që kjo puna e aderimit në Union të shkojë përtej afateve kohore të karrierës së tij politike. Ashtu si të tjerë para tij, edhe Rama e di se hyrja në BE është një “punë e ngatërruar të ardhmes”. Tonet e shpenguara, deklaratat shpesh herë tallëse dhe acide ndaj evropianëve, zbulojnë indirekt faktin se Edi Rama e di se rruga drejt Brukselit është e gjatë dhe jashtë trajektores së tij politike. Sillet me ta i çliruar nga komplekset e kohës dhe të afateve.

Kur Greqia kërcënon kryeministrin shqiptar me lënien jashtë Evrope, është duke kërcënuar një lider politik që nuk e do fare hyrjen në BE. Të paktën për momentin aktual, kur i duhet të thithë investime nga pjesë të botës larg Unionit, të ndërtojë porte marinash si ai i Durrësit me para nga Gjiri Persik, apo të bëjë amnisti fiskale në shifra të konsiderueshme. Që të gjitha procese që Evropa e Bashkuar i pengon dhe i shkurajon me të gjitha kompetencat e saj. Rama nuk e do Evropën e tabelave dhe të semaforëve. I duket një ngrehinë burokratike që ja komplikon gjithëfuqinë politike që gëzon brenda vendit.

Edi Rama po ndërton një shtet që retorikën e ka evropiane, kurse sjelljen vijon ta ketë thellësisht ballkanike. Një vend të tillë nuk e kërcënon dot se do ta lesh pas gardhit, pasi ai do të qëndrojë i tillë me vullnetin e tij të lirë, edhe për ca vjet të tjera.

Së dyti, Edi Rama duket se e kuptoi lojën e pisët që Berisha dhe Meta bënë kur kandiduan në Himarë një figurë të diskretituar dhe me precedente aspak të pastra si Fredi Beleri. E nëse dyshja e opozitës e hodhi Belerin në vorbullën e zgjedhjeve lokale me qëllim që të prishte klimën mes dy vendeve, vetë Rama e vuri në qendër të fushatës retorikën kundër Belerit, për ta përdorur atë tek ajo pjesë e popullsisë që gdhihet e ngryset me eposin patriotik në mendje. Edhe në këtë plan presioni grek relativizohet e tkurret, pasi përtej incidentit me palën greke për Himarën, pozita ndërkombëtare e Edi Ramës është sot më e fortë se kurrë më parë.

Kohërat e reja ku kemi hyrë diktojnë edhe sjelljet e fqinjëve mes tyre. Kur operacionet e debimit kolektiv të refugjatëve shqiptarë janë tashmë një kujtim i së shkuarës, Athinës i duhet të gjejë rrugë e mjete të tjera presioni për të realizuar interesat e saj në Shqipëri. Dalja në mbrojtje të figurave të diskretituara ose kërcënimi-klishe me sabotimin e integrimit në Evropë janë gjithashtu të tejkaluara. As Beleri, as vonesa e hyrjes në BE nuk janë karta të vlefshme. Për të parin shqiptari i zakonshëm ka mendim të keq, kurse për të dytën, Evropën e Bashkuar, është e vështirë të frikësohesh se po të zgjasin një rrugë të cilës ti nuk i di ende stacionin e fundit./Javanews.al

5 persona janë vënë në pranga këtë të Martë. Gazetarja e Klan News Glidona Daci bën me dije se të prangosurit transportonin lëndë narkotike nga Kosova në Tiranë dhe më pas e shpërndanin në plazhe.

Po sipas gazetares, ata janë mbajtur nën vëzhgim prej disa muajsh dhe dyshohet se kanë shitur drogë më herët edhe në zonën e Ish-Bllokut. 2 prej të kapurve janë shtetas nga Kosova.

Mësohet se policia u ka sekuestruar 10 mijë doza ekstazi. Të arrestuarit janë: Mithat Ramadani, Besnik Mujeci, Kalem Picari, Ambra Myftari dhe Daniel Avdia.

Pritet të mësohen detaje të tjera në vijim./tvklan.al