Category: Lajme

Zëdhënësja e PD, Mirela Karabina në një deklaratë për mediat ka kërkuar largimin e anëtares së KLP-së, pas ngjarjes në Vlorë ku djali i saj qëlloi për vdekje 55-vjeçarion Armando Meshau.

Zëdhënësja tha se djali i anëtares së KLP-së vepronte si sekser duke përdorur emrin dhe prestigjin e postit të së ëmës ndaj dhe autoritet duhet të kërkojnë një hetim të thelluar.

Sakaq shtoi se “Çdo ditë që zj.Nurihan Meta mban detyrën e anëtares së KLP-së, përbën një cënim të rëndë të integritetit të KLP-së, si edhe bëhet pengesë për hetimin dhe zbardhjen e shpejtë dhe të plotë nga ana e prokurorisë, të kësaj ngjarje kriminale”.

Deklarata e plotë:

Për shkak të dhunës të ushtruar nga shtetasi Rei Meta, djali i anëtares së Këshillit të Lartë të Prokurorisë, Nurihan Meta, humbi jetën shtetasi Armando Meshau; si dhe faktet e bëra publike nga hetimet paraprake, të cilat dëshmojnë se djali i anëtares së KLP-së vepronte si sekser duke përdorur emrin dhe prestigjin e postit të së ëmës, kërkojnë një hetim të thelluar jo vetëm të krimit të kryer nga Rei Meta, por edhe të këtyre akuzave publike që sot rëndojnë mbi znj. Nurihan Meta. Prandaj, në respekt të ligjit dhe për shkak të detyrës të lartë që mbulon, Partia Demokratike i bën thirrje znj. Nurihan Meta të japë dorheqjen për t’i hapur rrugën drejtësisë.

Çdo ditë që zj.Nurihan Meta mban detyrën e anëtares së KLP-së, përbën një cënim të rëndë të integritetit të KLP-së, si edhe bëhet pengesë për hetimin dhe zbardhjen e shpejtë dhe të plotë nga ana e prokurorisë, të kësaj ngjarje kriminale. Prokuroria nuk mund të jetë nën presion për shkak të konfliktit të interesit që rëndon mbi të nga ana e anëtarëvë të KLP-së.

Partia Demokratike mbështet prokurorinë për një hetim të gjithëanshëm të kësaj ngjarje të rëndë në të cilën humbi jetën z. Armando Meshau, dhe në këto orë të trishta, ne shprehim ngushëllimet tona për familjen e të ndjerit.

Një ngjarje e pazakontë ka ndodhur në Itali, ku protagonist është bërë një shqiptar.

Sipas mediave italiane, shqiptari i cili ishte në arrest shtëpie ka telefonuar karabinierët, të cilëve u ka kërkuar që ta vrasin me plumb në kokë.

shqiptari u tha se nuk kishte më dëshirë të qëndronte në “arrest shtëpiak”, nga frika se nuk do të mund të kontrollonte instinktet e tij. Kjo sepse deri më tani, ai kishte dhunuar nënën dhe djalin e tij, me të cilët jetonte.

Burri u arrestua majin e kaluar për keqtrajtim, lëndim dhe dhunë seksuale ndaj partneres së tij 46-vjeçare, e cila ndërkohë është larguar nga shtëpia me djalin e saj të mitur.

I vendosur në arrest shtëpiak me nënën e tij të moshuar dhe djalin tjetër, 50-vjeçari ka shkelur masën duke u përfshirë në sjellje të pahijshme, duke ushtruar hdunë ndaj tyre.

Prej kohësh tashmë në rrjetet sociale po qarkullojnë thashethemet se mes bukuroshes Adrola Dushi dhe Capital T ka një lidhje dashurie.

Ndërkohë që ende nuk ka një konfirmim nga ana e dyshes, në rrjetet sociale qarkullojnë shumë video të dy personazheve të njohur, nën shoqërinë e njëri-tjetrit.

Një video e publikuar në profilin e Instagramit të Ardit Cunit, Adrola Dushi shihet teksa shijon koncertin e Capital T, duke kënduar dhe kërcyer këngët e artistit.

Adrola, gjithashtu shihet ta përkrah shumë artistin përmes postimeve të saj në Instagram, i cili pritet të japë koncertin e tij, më 11 gusht, në qytetin e Prishtinës.

Kujtojmë që Adrola Dushi, ka qënë figurante në klipin e këngës së njohur të Capital T, “C’est La Vie”, e publikuar rreth tre vite më parë. Madje thashethemet për një lidhje mes tyre, lindën pikërisht pas publikimit të këtij klipi.

Adrola, e cila është nëna e një djali nga martesa e mëparëshme me Adis Patushi, është një personazh mjaft i preferuar për publikun shqiptar, duke përcuar mjaft pozitivitet. Nga ana tjetër edhe Kapoja ka qënë gjithmonë larg skandaleve të shoubizit, kështu që padyshim përbëjnë ciftin perfekt dhe fansat po presin me padurim një foto mes tyre.

https://www.cdnimpuls.com/video/64d219002ede8.mp4?_=2

Trupi i pajetë i një koreani, që prej disa kohësh jetonte në Shkodër, është gjetur i pajetë në banesën që kishte marrë me qira.

Ngjarja në fjalë është zbuluar mbrëmë. Ka qenë pronari i banesës, shtetasi me inicialet A. V., 38 vjeç, ai që sinjalizoi policinë se në shtëpinë e tij në lagjen “Naim Gjylbegu” kishte gjetur trupin e shtetasit me inicialet D. K., të dekompozuar.

NJOFTIMI I POLICISE:

Mbrëmjen e djeshme, salla operative e Drejtorisë Vendore të Policisë Shkodër ka marrë njoftim nga shtetasi A. V., 38 vjeç, se në banesën që kishte lënë me qira, në lagjen “Naim Gjylbegu”, kishte gjetur të dekompozuar trupin e shtetasit D. K., 39 vjeç (qiramarrësi), lindur në Korenë e Jugut dhe banues në Shkodër (që nga muaji shkurt i vitit 2022).

Sipas deklarimeve të 38-vjeçarit, ai kishte shkuar në këtë banesë, pasi prej muajsh nuk kishte përgjigje nga qiramarrësi i saj, shtetasi D. K., dhe kur ka konstatuar trupin e dekompozuar të këtij shtetasi, ka njoftuar menjëherë Policinë.

Nga këqyrja paraprake e trupit të 39-vjeçarit, nuk janë konstatuar shenja dhune, ndërsa nga kontrollet e imtësishme në këtë banesë, janë gjetur disa doza të dyshuara të lëndëve narkotike. Paraprakisht dyshohet se shtetasi D. K. e ka humbur jetën nga mbidoza e lëndëve narkotike.

Grupi hetimor vijon punën për sqarimin e plotë të rrethanave të kësaj ngjarjeje.

Policia Rrugore njofton se gjatë kontrolleve të fundit ka vënë në pranga dy shtetas që drejtonin automjetet në efektin e lëndëve narkotike.

Që nga nisja e testimeve me aparatin AquilaScan, gjatë këtij viti janë arrestuar 26 drejtues mjetesh që kanë rezultuar nën efektin e narkotikëve në timon.

Shërbimet e Policisë Rrugore, në vijim të kontrolleve arrestuan në flagrancë shtetasit Xh. B., dhe S. L.

Këta shtetas u ndaluan për kontroll pasi janë konstatuar nga shërbimet e Policisë Rrugore, duke drejtuar automjetet e tyre, në mënyrë të parregullt. Pas testimit me aparatin AquilaScan, rezultoi se këta shtetas drejtonin automjetet, në efektin e lëndëve narkotike.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

https://www.facebook.com/watch/?v=1699973023784146

Rei Meta, autori i vrasjes së Armando Meshaut ditën e djeshme në Vlorë ka folur para policisë në lidhje me ngjarjen e rëndë.

Meta ka thënë se 55-vjeçari e ka ofenduar teksa ishin duke debatuar dhe pretendon se e ka goditur për vetëmbrojtje.

“Debatuam, ai më shau i pari. Nuk kisha për qëllim ta vrisja, e bëra për vetëmbrojtje”, ka deklaruar Rei Meta.

Ngjarja ndodhi mesditën e djeshme (7 gusht) në një qendër interneti, pranë Gjykatës së Vlorës. Meta e ka goditur viktimën me 2 grushte, në fytyre dhe pas koke dhe Armando Meshau ka rënë në tokë, ku ka goditur kokën në pllaka dhe kjo ka rezultuar fatale për të.

Autori i ngjarjes është larguar nga skena e krimit dhe u kap rreth 4 orës pas vrasjes, në zonën e Lungomares.

Britania e Madhe që nga dita e djesme ka filluar të zhvendosë disa emigrantë, përfshirë edhe shqiptarë, duke i vendosur ata në platforma lundruese në brigjet e saj jugore.

Mediat britanike kane publikuar pamjet e atyre qe tashme quhen “burgje lundruese”. Vendimi është pjesë e planeve për të kursyer fonde, duke u hequr mundësinë e dërgimit nëpër hotele të migrantëve që arrijnë në Britani me varka të vogla.

Kryeministri Rishi Sunak e ka bërë goditjen kundër emigracionit të paligjshëm një përparësi kryesore të qeverisë së tij, përpara zgjedhjeve të përgjithshme, që do të mbahen vitin e ardhshëm.

Në përpjekje për të penguar shtetas të huaj të hyjnë në Britani pa dokumente, qeveria po i zhvendos emigrantët në vende ushtarake të papërdorura, si edhe në ndërtesa lundruese trekatëshe gri, në Portland, ku mund të strehojë rreth 500 njerëz në më shumë se 200 dhoma gjumi.

Është mbushur plot 1 vit nga zhdukja në Shijak e Ervis Martinaj, njeriut që jetonte mes biznesit të lojrave të fatit dhe botës të krimit të organizuar.

Pikërisht në 9 gusht 2022, 41-vjeçari humbi kontaktet me rrethin e tij shoqëror dhe familjar, çka solli që një ditë më pas në 10 Gusht xhaxhai i tij Rakip Martinaj të kallëzonte në policinë e Laçit, rastin e humbjes së kontaktit me nipin.

Shijaku ishte pika e fundit e ndalesës së tij, duke hyrë në banesën e një të njohuri A.A. Shijaku mban të fshehur misterin nëse Ervis Martinaj është gjallë apo e kanë vrarë.

“Ora News” ka siguruar një video, ku njeriu më i kërkuar nga policia, Ervis Martinaj, shfaqet teksa noton në Lagunën e Patokut në Laç.

Në video duket qartë Ervis Martinaj, teksa bën lëvizje të krahëve dhe më pas zhytet në ujërat e Lagunës.

E teksa noton disa metra, del me urgjence nga uji, duke bërtitur: “…o ka gafore…”.

Për një periudhë 1-vjeçare emri i Ervis Martinajt, ka ngjallur kureshtje, duke e ndarë opinionin publik, median dhe policinë, mes misterit nëse është i gjallë apo është i vdekur.

Prokuroria e Laçit dhe më pas ajo e Lezhës, prej 1 viti po kryen hetime për akuzën e “Rrëmbimit dhe zhdukjes së personit”.

Por deri në këtë fazë nuk është bërë e mundur të gjendet asnjë provë apo sinjalizim, rreth fatit të njeriut që jetonte mes botës së lojrave te fatit dhe Krimit të Organizuar.

Njerëzit e fundit që shoqëronin Ervis Martinaj nga Tirana në Durrës dhe anasjelltas, ishin e dashura e tij Sadete Kokomani dhe punonjësi i policisë, Jeton Lami.

Ky i fundit u arrestua për “Shpërdorim detyre” dhe më pas u dënua nga gjykata e Lezhës me dy vjet e 10 ditë burgim.

E megjithëse Prokuroria e Lezhës, për rastin Martinaj po kryen hetime në pistën e rrëmbimit dhe zhdukjes së personit, nga ana tjetër SPAK, brenda 1 viti ka iniciuar 4 procedime penale kundër tij, duke i vendosur 2 masa sigurimi “Arrest në burg”.

Nga maji 2022 deri në korrik 2023, Ervis Martinaj është shpallur dy herë në kërkim nga SPAK, si person i implikuar në sigurimin e kushteve për të vrarë Endrit Doklen, Kleant Musabelliut dhe vrasjen e Gjin Boriçit në Shkodër.

Një masë tjetër është dhe inicimi i një hetimi pasuror, duke vendosur sekuestrimin e pasurive të biznesmenit dhe familjarëve të tij.

Ndërkohë një proces tjetër është iniciuar në SPAK pas dyshimeve të përfshirjes së tij në trafikun e kokainës nga Amerika Latine në Europë.

Njëherësh në prokurorinë e Lezhës, në shtator 2022 Martinaj rezulton të jetë marë i pandehur së bashku me Nikolin Nikën, për “Heqjen e paligjshme të lirisë” ndaj 64-vjeçarit Nikoll Buna.

Por pas të gjitha këtyre dosjeve penale të lindura brenda 1 viti, Ervis Martinaj, nuk ka dhënë asnjë sinjal që ekziston.

Për fatin e tij është interesuar personalisht dhe kryeministri i vendit Edi Rama, i cili gjatë një takimi në Ministrinë e Brendshme, me krerët më të lartë të policisë, lëshoi ultimatumin se brenda 3 muaj policia duhet të kishte zbardhur enigmën.

“…është e papranueshme që me javë të tëra mëngjeset dhe darkat e shqiptarëve, ekran më ekran dhe faqe më faqe janë bërë si një “Big Brother” i kronikës së zezë. Jo u vra, jo s’u vra ai që ishte i shumëkërkuar nga drejtësia dhe çfarë nuk dëgjojnë njerëzit, lloj-lloj legjendash me luanë, me bamirësa, me oligarkë, shto ujë e shto miell si një serial absurd për një nga figurat më të zeza të botës së krimit shqiptar”, – u shpreh në 7 shtator 2022, Edi Rama.

Por edhe pas ultimatumit që i dha drejtorit të sapormëruar Muhamet Rrumbullaku se brenda 3 muaj, policia duhet të dilte me një version zyrtar për fatin e Ervis Martinaj, është mbushur 1 vit që Policia e Shtetit dhe organet e tjera të inteligjencës nuk kanë një version zyrtar për fatin e Martinaj.

Sot, më 8 Gusht 2023, dollari amerikan blihet me 93.7 lekë dhe shitet me 95.1 lekë.

Euro blihet me 103.3 lekë dhe shitet 104.3 lekë.

Paundi britanik blihet me 118.8 lekë dhe shitet me 120.8 lekë.

Franga zvicerane blihet me 106.7 lekë dhe shitet me 108.4 lekë.

Dollari kanadez blihet me 69.5 lekë dhe shitet me 72 lekë.

Më poshtë, po sjellim të dhënat e këmbimit valutor, për të gjitha monedhat e huaja:

Shaban Guri nga Kaçaniku kishte bërë bujë në rrjetet sociale,
duke treguar publikisht kursimet e tij.

Sipas përshkrimit të tij, ai këto kursime i ka bërë duke e lënë duhanin.

“Kush thotë se duhani dë mton shëndetin gabon,

duhani dëmton edhe buxhetin.

Këto kursime janë nga ndalimi i duhanit”, kishte thënë Guri,

duke publikuar monedhat 2-euroshe që ka kursyer.

Ndaj fillo nje jete te re dhe largojeni nga jeta juaj pasi do te shpetoni ju dhe familja juaj.