Category: Lajme

Një krim brenda familjes ka tronditur Italinë.

Në Cavernago, Bergamo, një burrë tridhjetë vjeçar goditi me thikë babanë e tij, 64-vjeçarin Umberto Gaibotti, në kopshtin e shtëpisë së tyre.

Vrasja ka ndodhur në kulmin e një sherri, mes prindit dhe fëmijës. Alarmi u dha nga fqinjët të cilët dëgjuan klithmat, por kur ndihma mbërriti në vend nuk mund të bënin asgjë më shumë për burrin. Djali është marrë menjëherë nga policia.

Viktima ishte ndarë nga gruaja dhe jetonte me djalin e tij. Kryetari i bashkisë së Cavernago, Giuseppe Togni, foli për një “tragjedi të paralajmëruar”.

Gjatë muajve të fundit, tridhjetë vjeçari në fakt kishte dhënë shenja të ndryshme paqëndrueshmërie, për shkak të varësisë nga droga.

Sigurohet dosja hetimore e operacionit policor ‘Metamorfoza’ në kuadër të të cilit ranë në pranga. ish-drejtori i forcave operacionale në policinë e shtetit Oltion Bistri, drejtuesi i prokurorisë së Kukësit Xhevahir Lita, biznesmeni Pëllumb Gjoka si edhe disa shtetas të tjerë.

Në dosje janë të përshkruara të gjitha akuzat e ngritura ndaj grupit kriminal ndërsa janë zbardhur edhe ngjarjet kriminale për të cilat ato akuzohen.
Në ndër ngjarjet e zbardhura është edhe vrasja e 2 gushtit 2020 e Gjin Ndojit (Boriçit).

Referuar dosjes, hetimet nisën pas një kallëzimi të bërë nga 2 banorë të Velipojës për tjetërsim të pronave kundrejt biznesmenit Gjoka. Përgjimet e nisura për rastin, nxorën në pah komunikimet mes disa personave të përfshirë në botën e krimit, mes tyre Behar Brajoviq, Ervis Martinaj, Pellumb Gjoka, Denis Brajoviq, Edmond Preka, Klaodor Hakaj, Preke Kodra, Astmer Bilali,Aleks Ndreka, Bardhyl Mavraj,Eljon Hato,Arsad Bashli, Ardrit Hasanbegaj, Oltian Bistri, Xhevahir Lita, Nuredin Dumani.

Sa i përket vrasjes së 2 gushtit 2020, përgjimet kanë zbardhur të gjitha levizjet e personave të përfshirë në këtë krim, vendi ku do të kryhet ekzekutimi, rruga e pershkruar përpara ekzekutimit, rruga qe do te pershkruhet nga ekzekutoret mbas realizimit te vrasjes, personat qe dote realizojne largimin e ekzekutoreve nga vendi ku dote digjej automjeti i perdorur ne ngjarje dhe strehimi i tyre.

Më konkretisht roli i secilit prej të dyshuarve në kryerjen e veprave penale:
1-Shtetasi Ervin Marinaj ka pasur rolin e porositësit për vrasjen e shtetasit Gjin (Borici) Ndoj duke kontraktuar shtetasin Behar Brajoviç dhe lidhjet e tij. Në këmbim të vrasjes së Gjin Ndojit, Ervis Martinaj do të realizonte vrasjen e Klenat Musabelliu.
2-Shtetasi Behar Brajoviç ka pasur rolin e organizuesit dhe koordinimit të të gjithë personave të përfshirë në vrasjen e Gjin Boriçit.
3- Shtetasi Denis Brajoviq, në bashkëpunim me persona ende të paidentifikuar kanë pasur rolin e ndjekjes dhe ekzekutimit të Gjin Boriçi (Ndoj), marrjen e aparatit telefonik të viktimës, djegien e automjetit që do të realizohej vrasja dhe fshehjen e armës së krimit.
4-Edmond Preka, në bashkëpunim me persona të tjerë ende të paidentifikuar ka pasur rolin e transportimit të ekzekutorëve nga vendi ku do të digjej automjeti në një vend të sigurt për të kaluar natën.
5-Biznesmeni Pëllumb Gjoka ka pasur dijeni të plotë që do të realizohej vrasja e organizuar nga Behar Brajoviq dhe ka ndihmuar këtë të fundit duke u interesuar për fshehjen e automjetit që do të përdorej nga ekzekutorët për realizimin e vrasjes. Gjithashtu edhe dhënien e ndihmës për ekzekutorët pas realizmit të vrasjes. Pikërisht ky shtetas ishte ai që në këmbim të vrasjes së shtetasit Gjin (Boriçi) Ndoj, priste nga bashkëpunëtori tjetër Ervis Martinaj që të realizonte vrasjen e shtetasit Kleanti Musabelliu (i cili kishte plagosur pak vite më parë Pëllumbin)

Moti i keq përfshin Vlorën. Duke marrë shkas nga situata, Policia Kufitare i ka bërë apel drejtuesve të mjeteve lundruese që të mos dalin në det.

Nisur nga situata meteorologjike që parashikohet për ditën e sotme, sipas së cilës pritet përkeqësim i motit dhe rritje e dallgëve në det, në përmasa të mëdha, të cilat mund të rrezikojnë jetën dhe shëndetin e pushuesve që lundrojnë me mjete lundruese turistike apo argëtuese, Policia Kufitare apelon:

Për pushuesit që duan të lundrojnë përgjatë ditës së sotme, me mjete lundruese turistike apo argëtuese, t’i shmangin këto aktivitete pasi deti ka dallgë me përmasa të mëdha që mund të rrezikojnë seriozisht jetën e tyre.

Gjithashtu, Policia Kufitare apelon për të gjithë operatorët turistikë që përdorin mjete lundruese, të shmangin daljen në det përgjatë ditës së sotme, pasi situata meteorologjike është e pafavorshme dhe mund të rrezikojë jetën e drejtuesve të mjeteve lundruese dhe të shtetasve në bordet e mjeteve, si dhe fundosjen e këtyre mjeteve.

Policia Kufitare e Vlorës dhe Njësia Policore Detare, përgjatë ditës së sotme, kanë kaluar në gatishmëri të plotë dhe do të jenë prezente me shërbime nga toka dhe deti, në funksion të rritjes së sigurisë së pushuesve.

Një 19-vjeçar është shpëtuar në vendin e quajtur “Shpella e Piratëve” në Dhërmi, ku kishte rënë nga një shkëmb.

Shërbimet e Stacionit të Policisë Kufitare Dhërmi, me njësi nga toka dhe nga deti, të pajisura me 2 mjete lundruese dhe të asistuara nga shërbime mjekësore, kanë mbërritur në zonën e sinjalizuar, me qëllim ofrimin e ndihmës për 19-vjeçarin.

Si rezultat i ndërhyrjes së shpejtë të shërbimeve të specializuara, 19-vjeçari u nxorr nga një terren shumë i vështirë mbi shkëmbinj dhe mbi gurë. Këtij shtetasi iu ofrua asistencë mjekësore në vendngjarje, ndërsa më pas, u transportua në spital, për të marrë asistencë më të specializuar, ku ndodhet në gjendje të mirë shëndetësore.

Shërbimet e Policisë Kufitare ftojnë çdo qytetar/pushues që gjendet në nevojë që lidhet me detyrat funksionale të Policisë së Shtetit, të kërkojë ndihmë, dhe ndërhyrja nga shërbime të specializuara për secilin rast, do të jetë e menjëhershme.

Personi që shihni në foto është 39-vjeçari që humbi jetën si pasojë e të shtënave me armë në një lokal në një lokal në Prishtinë. Ngjarja ndodhi lokalin “Bon Vivant”, ndërkohë që 39-vjeçari Kastriot Ramadani ndërroi jetë në spital në orët e para të mëngjesit të sotëm.

“Po, ka vdekur një prej personave të plagosur mbrëmë, një 39-vjeçar. ishte nën kujdesin intensiv kishte intervenim kirurgjik por për shkak të lëndimeve të mëdha, fatkeqësisht ka vdekur në orët e hershme të mëngjesit të sotëm”, tha doktori Shaqir Uka për mediat.

Ndërkohë, 21 persona kanë mbetur të lënduar pas të shtënave me armë zjarri në një lokal në qendër të Prishtinës, katër prej të cilëve nga arma e zjarrit dhe të tjerët nga copa xhami apo sende të tjera. Po ashtu raportohet se ngjarja ka ndodhur pas një mosmarrëveshje. Mes personave të plagosur, 14 janë gra.

Një aksident i rëndë është regjistruar mbrëmjen e shkuar, rreth orës 23:00 në Kroaci ku y makina janë përplasur me njëra-tjetrën.

Ngjarja ka ndodhur në autostradën A1, në afërsi të daljes së Ravçes në drejtim të Dubrovnikut ku si pasojë e përplasjes së makinave kanë ndërruar jetë tre persona.

Gjithashtu raportohet se dy persona janë transportuar në spital dhe janë në gjendje të rëndë shëndetësore.

Në vendngjarje ndodheshin disa zjarrfikëse dhe disa ambulanca, sipas index.hr. Autoritetet kroate kanë nisur hetimet në lidhje me shkaqet që sollën këtë aksident.

Ndërkohë që seksioni i autostradës midis Zagvozdit dhe Ravçes, në drejtim të Dubrovnikut është mbyllur për orë të tëra.

Një ngjarje e rëndë ka ndodhur në një familje nga Zelanda e Re të cilët kishin shkuar me pushime në Fixhin perëndimor. Media te huaja shkruajnë se një çift, duhet që të gatuante drekën dhe për këtë vajzën 13 muajshe e kanë lënë të lidhur me shpresën që do të ishte e sigurtë, por e vogla ka arritur që të lirohej dhe të nisej në drejtim të detit ku dhe humbi jetën.

Kur janë kthyer prindërit kanë parë trupin e vogëlushes në ujë.

Thuhet se vogëlushja në momentin që ato e lanë ishte e ulur te lodrat e saj dhe po shikonte kukulla, por në një moment ajo është ngritur dhe ka arritur që të çlirohet nga pengesa e prindërve dhe të përfundojë në det.

Familja, e cila mbërriti në Musket Cove pak ditë më parë, ishte nisur nga Zelanda e Re

Ish-kryeministri Sali Berisha ka publikuar një foto, të ish-ministrit të Brendshëm, Saimir Tahiri kur ka qenë në burg.

Në foto shihet Saimir Tahiri, Klement Balili, Safet Bajri dhe një person tjetër, të cilët janë duke ngrënë.

Berisha shprehet se këta persona kanë privilegjin të bëjnë turizëm edhe në burg, ndërsa thekson se në qeli vdesin ata që janë arrestuar për lekët e dritave.

Berisha shkruan se këta persona, ngrenë dolli për kapon e tyre, që siç shkruan ai i bëri sheikët e vendit më të varfër në Evropë.

“Jo të gjithë shqiptarët vdesin nëpër burgjet e Edi Ramës, vdesin ata që janë aty për lekët e dritave por jo ata që janë aty si hajdutë e trafikantë.

Këta të fundit kanë privilegjin të bëjnë turizëm në burg, në kavalishencën e tyre qeveritare, madje edhe të ngrenë dolli shëndeti për kapon e tyre, që i bëri sheikët e vendit më të varfër në Europë.

Në foto, Saimir Tahiri, Klement Balili, Safet Bajri gëzojnë privilegjet e partisë”, shkruan Berisha.

https://www.facebook.com/SaliBerisha/posts/936339887847114?ref=embed_post

Një tjetër person është arrestuar pas vrasjes së 32-vjeçares Luljeta Preza te ura e “Dajlanit’ në Durrës.

24-vjeçari Eridon Patlli ka rënë në prangat e policisë pasi 15-vjeçarja e proceduar për moskallëzim krimi, ka treguar se i riu e ka shfrytëzuar për prostitucion gjatë kohës që kanë bashkëjetuar.

Edhe e ndjera Luljeta Preza që u vra nga dy shtetasit Aldo Ibrahimi 22 vjeç dhe Ylli Grabovari 45 vjeç, dyshohet se shfrytëzohej për prostitucion dhe vrasja e saj ka nxjerrë zbuluar edhe persona të tjerë të përfshirë në këtë aktivitet të paligjshëm.

Njoftimi i policisë:

Në vijim të hetimeve të thelluara të kryera nga strukturat hetimore të Drejtorisë Vendore të Policisë Durrës, në bashkëpunim me Prokurorinë e Durrësit, për dokumentimin e plotë ligjor të përgjegjësisë penale të secilit prej shtetasve të proceduar penalisht për vrasjen e shtetases L. P., 32 vjeçe, trupi i së cilës u gjet poshtë urës së Dajlanit, më datë 02.08.2023, rreth orës 10:35, ju bëjmë me dije se:

Specialistët për Hetimin e Trafiqeve të Paligjshme dhe Narkotikëve të DVP Durrës arrestuan në flagrancë shtetasin Eridon Patlli, 24 vjeç, banues në Durrës, pasi më datë 02.08.2023, ka kallëzuar shtetasja 15 vjeçe, e proceduar në gjendje të lirë, për veprën penale “Moskallëzimi i krimit”, ditën e djeshme, në kuadër të operacionit policor të koduar “Deluzion”, se gjatë kohës që ka bashkëjetuar me shtetasin E. P., ky i fundit e ka shfrytëzuar për prostitucion. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.