Category: Lajme

Babë e bir janë qëlluar me breshëri plumbash në zonën e njohur si “Mali i Shoshit

Detaje të reja janë zbardhur nga ngjarja e rëndë e ndodhur pak më parë në Dukagjin, ku është bërë atentat ndaj babë e bir.

Mësohet se viktimë e të shtënave ka mbetur Zef Guri, teksa djali i tij, Gjin Guri ndodhet në gjendje të rëndë. Ndaj dy personave është qëlluar me breshëri plumbash nga persona që ende nuk janë identifikuar.

Babai nuk ka mundur t’i mbijetojë plagëve të rënda të mara, teksa gjin Guri ëhstë transportuar në spital.

Ky është atentati i tretë, brenda pak ditësh në vend, duke regjistruar tashmë 3 viktima, pas ngjarjeve në Rrëshen dhe Sukth.

Pas ngjarjes së rëndë në Rrëshen dhe në Sukth, një tjetër atentat është regjistruar sot në Dukagjin

Një ngjarje e rëndë ka ndodhur pak më parë në Dukagjin, ku babë e bir janë qëlluar me armë zjari.

Ngjarja ka ndodhur në Malin e Shoshit, teksa paraprakisht raportohet se i vdekur ka mebtur babai, ndërsa djali i tij ndodhet në gjendje të rëndë.

Nuk dihen rethanat e plota të ngjarjes, teksa pritet dhe reagimi i policisë.

Kujtojmë se dy ditë më parë në Rrëshen u qëllua për vdekje Martin Bardhi, e po ashtu mbrëmjen e djeshme në Sukth u vra me breshëri plumbash Fatjon Dervishi.

Shoqata e Naftëtarëve tregon se çmimin e derivateve e përcakton Bursa dhe organizata prodhuese OPEC, dhe se për çmimet në ditët në vijim, se çfarë çmime do të kemi s’mund të paragjykojë sepse herë pas here po ka lëvizje të madh në tregje ndërkombëtare dhe Bursa.

Nga vendet e rajonit Kosova pas Maqedonisë së Veriut ka çmimet më të lira. Kosovë, nafta 1.49 cent benzina 1.48 cent. Shqipëria, nafta 1.93 cent benzina. 1.91 cent. Serbia, nafta 1.69 cent Benzina 1.76 cent. Mali i zi, nafta, 1.59 cent benzina 1.63 cent. Bosnja, nafta 1.50 cent benzina 1.49 cent. Kroacia, nafta 1.59 cent benzina 1.60 cent. Maqedonia veriore, nafta 1.35 cent benzina 1.42 cent.

Çmimet e derivateve në Kosovë po pësojnë rritje herë pas here. Aktualisht, në shumicën e pikave karburantet shiten me 1.49 cent dhe 1.48 cent.

Ndërsa në disa vende nafta po shitet edhe më 1.58 cent. Kjo sipas Shoqatës së Naftëtarëve është normale në një treg të lirë, siç e ka Kosova.

“Tregu është i lirë, jemi shteti më i vogël në botë me më së shumti pika karburanti. Jemi 1.8 milionë banorë i kemi 800 pika karburanti, ku qytetari mund të zgjedh ku të furnizohet më lirë dhe më mirë”.

Aktualisht çmimet e derivateve në Kosovë janë afërisht 1.60 cent.

“Sa i përket çmimeve sot në Kosovë sillen përafërsisht nafta 1.49 cent deri 1.55 cent, benzina 1.48 cent deri 1.52 cent”, u shpreh ai.

Shoqata e Naftëtarëve se çmimet për standardin e qytetarëve janë të larta.

“Çmimi i derivateve për standardin tonë për qytetarët tonë është i lartë, çmimi real për qytetarët tonë kishte me qenë 1.€ po kjo nuk varet nga ne po as nga Qeveria çmimin e përcakton Bursa dhe organizata prodhuese Opec”.

Nga vendet e rajonit Kosova pas Maqedonisë së Veriut ka çmimet më të ulta.

“Qytetarët tanë janë duke u furnizuar me çmime më të lira në rajon përveç Maqedonisë së Veriut e cila ka akcizën për naftë më të ulët se ne për 22 cent ndërsa benzinën e kanë si tek ne çmimet në rajon”.

Kosovë – Nafta 1.49 cent Benzina 1.48 cent

Shqipëria – Nafta 1.93 cent Benzina 1.91 cent

Serbia – Nafta 1.69 cent Benzina 1.76 cent

Mali i Zi – Nafta 1.59 cent Benzina 1.63 cent

Bosnjë-Hercegovina – Nafta 1.50 cent Benzina 1.49 cent

Kroacia – Nafta 1.59 cent Benzina 1.60 cent

Sllovenia – Nafta 1.66 cent Benzina 1.65 cent

Maqedonia e Veriut – Nafta 1.35 cent Benzina 1.42 cent.

Shoqata e Naftëtarëve tregon se çmimin e derivateve e përcakton Bursa dhe organizata prodhuese OPEC, dhe se për çmimet në ditët në vijim, se çfarë çmime do të kemi s’mund të paragjykojë sepse herë pas here po ka lëvizje të madh në tregje ndërkombëtare dhe Bursa.

Ndërkohë, nga Ministria e Tregtisë, kanë thënë se janë duke analizuar çmimet e derivateve, dhe se varësisht nga situata, do të mund të ketë edhe ndonjë vendim të ri rreth kësaj.

“Vendimi i MINT ka qenë në fuqi nga data 03/08/2023 – 03/09/2023, pasi që mbi bazën e një analize në treg është konstatuar se kishte lëvizje të paarsyeshme të çmimeve të derivateve në treg;

Gjatë periudhës sa Vendimi ishte në fuqi, Inspektorati i Tregut në bashkëpunim me Inspektoratin e ATK-së kanë realizuar 30 inspektime ku është bërë analiza e çmimeve të furnizimit dhe është kalkuluar marzha tregtare;

Nga gjithsej 30 inspektime, është konstatuar se 14 operatorë ekonomik nuk kanë respektuar vendimin e MINT për rregullimin e çmimit të produkteve të naftës;

Ndaj të gjitha subjekteve të lartcekura, të cilat nuk kanë respektuar marzhën tregtare të përcaktuar me Vendim, është iniciuar lëndë në Gjykatën Themelore dhe pritet të shqiptohen ndëshkime meritore;

Aktualisht jemi duke analizuar sërish lëvizjet e çmimeve dhe gjatë ditëve në vijim do të konstatohet nëse është e arsyeshme që të ketë një vendim të ri.

Vlen të theksohet se çmimi i furnizimit është rritur ndjeshëm megjithatë kjo në asnjë mënyrë nuk duhet të keqpërdoret nga operatorët ekonomik që t’i rrisin çmimet jo proporcionalisht me çmimin e furnizimit”.

Pas rritjes së vazhdueshme nga kompanitë, ministria e Industrisë kishte ndërmarrë vendime të ndryshme për çmimet e derivateve, duke vendosur edhe çmim tavan të përditshëm./MONITOR

E paimagjinueshme është tragjedia që ndodhi në një dasmë në qytetin Nineveh të Irakut, ku vendi mori flakë, e për pasojë humbën jetën 114 persona, e ndërsa 150 të tjerë mbetën të plagosur.

Në mesin e të vdekurve është edhe çifti i sapomartuar, ndërsa rreth qindra njerëz raportohet të kenë qenë të pranishëm kur shpërtheu zjarri. Të paktën 50 nga të plagosurit janë në gjendje kritike.

Një video, nga një kënd tjetër i lokalit tregon zanafillën e zjarrit.

Ashtu si kurse shihet në pamje, shkak kanë qenë fishekzjarrët që i kanë vënë flakën abazhurit gjigand në qendër të lokalit.

Shumica e të plagosurve ose kanë djegie ose kanë probleme me frymëmarrjen nga tymi.

“Nuk mund të shihnim asgjë. Nuk merrnim dot frymë, nuk dinim si të dilnim”, tha 17-vjeçarja Rania Ëaad, e ftuar në dasmë.

Në një deklaratë, agjencia e mbrojtjes civile e Irakut tha se ndërtesa përmbante paleta “të bëra nga materiale shumë të ndezshme në kundërshtim me të gjitha rregulloret e sigurisë”.

Standardet e sigurisë në sektorët e ndërtimit dhe transportit të Irakut shpesh shpërfillen dhe infrastruktura vendit është në gjendje të keqe pas dekadash konflikti, është rregullisht skena e zjarreve dhe aksidenteve fatale.

Drejtori i përgjithshëm i Policisë së Kosovës, Gazmend Hoxha, bashkë me stafin e tij, sot vizitoi familjen Bunjaku dhe në emër të Policisë së Kosovës shprehu ngushëllime për rreshterin Afrim Bunjaku i cili me 24 shtator 2023, ra heroikisht në shërbim të mbrojtjes së vendit dhe sigurisë publike, integritetit dhe sovranitetit, si dhe rendit kushtetues të Republikës së Kosovës.

Në njoftimin e policisë thuhet se drejtori Hoxha, familjes së heroit Afrim Bunjaku i ndau medaljen “Mburojë e Policisë”, si dhe në emër të ministrit të punëve të brendshme të Republikës së Shqipërisë, Taulant Balla i dorëzoi flamurin e Republikës së Shqipërisë si nderim për veprën heroike të rreshter Afrim Bunjaku.

“Ky ishte edhe një mesazh tjetër i Drejtorit të Përgjithshëm që në këso kohë të vështira të qëndrojmë bashkë dhe të mbështesim familjen Bunjaku dhe të gjithë pjesëtaret e Policisë që me dedikim e sakrificë përkushtohen në mbrojtjen e paqes dhe sigurisë në Republikën tonë”, thuhet në njoftim.

Qeveria greke po planifikon t’i mundësojë qindra mijëra emigrantëve, aktualisht pa dokumente, që të punojnë në bujqësi, ndërtim dhe turizëm.

Greqia, si shumë vende të tjera europiane, kërkon urgjentisht të plotësojë boshllëqet në tregun e punës, veçanërisht pasi shumë njerëz u larguan nga fuqia punëtore gjatë pandemisë COVID-19.

Ministri grek i migracionit, Dimitris Kairidis, ka bërë të ditur se qeveria po shqyrton mundësinë e lejimit të emigrantëve ende të paregjistruar të punojnë në disa sektorë, për të adresuar mungesat.

Plani, i cili është i ngjashëm me një reformë në Itali në vitin 2020, pritet të prekë rreth 300,000 emigrantë që janë pa dokumente ose të cilëve u ka skaduar leja e qëndrimit.

“Duhet të shohim se çfarë mund të bëjmë me popullsinë që është tashmë në vendin tonë, pa krijuar magnete të tjera që të tjerë të vijnë ilegalisht”, tha Kairidis në një intervistë për televizionin grek.

Ministri grek pritet të përshkruajë nismën në një takim të kabinetit muajin e ardhshëm, tha një zyrtar i ministrisë së Migracionit për Reuters.

Ministri i Bujqësisë, Lefteris Avgenakis, thotë se vendi ka nevojë për rreth 180,000 punëtorë për tokat çdo vit. Në të kaluarën, disa nga këto vende pune janë plotësuar duke përdorur skemat e punëtorëve me Shqipërinë, Bangladeshin, Indinë dhe Egjiptin, por vonesat e shkaktuara nga burokracia kanë çuar në mungesa, sipas ministrit.

Banorët e disa zonave të Greqisë morën mesazhe përmes numrit evropian të urgjencës 112 të martën, duke i paralajmëruar për stuhi të forta dhe stuhi breshëri të fenomenit të motit ‘Elias’ që pritet të nisë gjatë natës.

Paralajmërime për të kufizuar lëvizjen në natyrë dhe për të ndjekur udhëzimet e autoriteteve iu dërguan banorëve të Cefalonisë, Itakës dhe Zakinthos, rajoneve të Greqisë qendrore Evrytania, Fthiotida, Fokida, Viotia dhe Magnisia, Evia veriore dhe zona të Peloponezit, dhe banorëve të rajonit të Karditës në Thesali, raporton ANA-MPA.

Mesazhe paralajmëruese kanë marrë edhe disa banorë të përhershëm të Qarkut të Atikës, por moti i tillë i ashpër nuk pritet në atë rajon, njoftojnë mediat greke.

Ditë kyçe në luftën kundër trafikut të marijuanës në Katalonjë. Aktualisht po zhvillohen dy operacione policore në zona të ndryshme të vendit. Ajo e Gardës Civile fokusohet në provincën e Tarragona-s dhe ajo e Mossos d’Esquadra në Maresme dhe Barcelona.

Qëllimi i forcave të armatosura spanjolle është çmontimi i një bande me bazë në Kataloni që ka trafikuar drogë në shkallë ndërkombëtare prej vitesh ndërsa organi katalanas kërkon të çmontojë një grup kriminal që shet marijuanë dhe hashash në makinat shitëse duke pretenduar se është CBD (një produkt legal që përmban parimin aktiv të kanabisit që nuk ka efekte psikoaktive, por terapeutike). Deri tani Garda Civile ka 21 të arrestuar dhe Mossos 3.

Sipas burimeve policore, Garda Civile ka shënjestruar prej dy vitesh një grup kriminal të krijuar kryesisht në Tarragonès që trafikon marijuanë. Ata janë, sipas të njëjtave burime, një organizatë me origjinë shqiptare që ka një strukturë hierarkike dhe sisteme shumë të sofistikuara (si mbrojtje ashtu edhe prodhim). Pas muajsh përgjim dhe monitorim, policia ka mundur të identifikojë tetë plantacione kanabisi në ambiente të mbyllura të kontrolluara nga ky grup, të drejtuar nga një burrë me origjinë shqiptare i cili tashmë është arrestuar.

Plantacionet ndodhen në ndërtesa industriale dhe vila dhe janë shumë të mbrojtura. Burimet policore bëjnë me dije se kanë gjetur kamera të shumta sigurie, madje edhe sensorë lëvizjeje që lajmërojnë bandën për çdo prani në afërsi.

Sipas burimeve kërkimore, grupi kriminal kishte pikën kryesore të prodhimit të drogës në Katalonjë. Më pas, megjithatë, nuk u përdor për ta shpërndarë në të gjithë vendin, por iu dedikua trafikut ndërkombëtar. Kreu i grupit, kishte një standard të lartë jetese falë fitimeve të krijuara nga biznesi i drogës dhe jetonte në vila të mëdha.

Në total, sot në mëngjes, Garda Civile kreu 16 kontrolle në vende të ndryshme si Bisbal del Penedès, Salou, Perafort, Palau Solità dhe Plegamans ose Cambrils. Në qytetin e fundit, policia, e cila ka në dispozicion më shumë se 200 oficerë, gjeti dy armë zjarri dhe një silenciator.

Operacioni i Mossos, nga ana tjetër, fokusohet në një organizatë kriminale që shiste kryesisht drogë në Katalonjë dhe që e bënte këtë në një mënyrë të rrallë. Në thelb, sipas burimeve policore, ata shisnin në objekte tregtare të gjitha produktet që, në letër, ishin bërë me CBD, një derivat i marijuanës që nuk ka veti narkotike.

Në të vërtetë, megjithatë, këto produkte bëheshin me marijuanë dhe hashash. Deri më tani janë bërë tre arrestime dhe priten të tjerë. Kontrollet janë fokusuar në Maresme, në qytete të tilla si Santa Susanna ose Canet de Mar. Në të njëjtën kohë, kontrolle janë bërë edhe në disa objekte tregtare që kishin makina shitëse për këto produkte

Më datë 27.09.2023, rreth orës 11:45, në rrugën “Altin Basha”, dyshohet se si pasojë e një defekti në bombolën e gazit, ka rënë zjarr në një banesë private.

Si pasojë është dëmtuar shtetasja S. Xh., 85 vjeçe, dhe ndodhet në spital nën kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të ngjarjes./tvklan.al