Category: Lajme

“1 herë Mat” është një program investigimi për tradhtitë bashkëshortore.

Ai bazohet në ngjarje të vërteta, por personazhet, vendet dhe faktet jane totalisht të fshehur për të ruajtur anonimatin. Thelbi është e vërteta dhe përballja me faktet.

Ervin Kurti dhe Shkënda Lili kanë treguar disa detaje të reja në lidhje me emisionin që do të nisë në “E Diell” nga data 28 Maj.

Ervin Kurti: Një gjë mund të ua zbulojmë, që tradhtitë nuk bëhen më si dikur nëpër hotele, por ku bëhen Shkënda?

Shkënda: Nëpër shpia private.

Ervin Kurti: Marrin shpia me qira, këtë mund ta themi. Janë disa vende që unë tani i kam zbuluar, sepse Shkënda i dinte edhe më parë, që shërbejnë si strofulla tradhtie.

Shkënda: Në këto shpia nuk shkojnë kurrë bashkë, por njëri para e tjetri pas.

Sot i dha fund arratisë, duke u dorëzuar në polici, autori i dyshuar i vrasjes së 47-vjeçarit Arjan Gosa.

Habib Rexha, 31 vjeç, u vetëdorëzua, pas negociatave të vazhdueshme të policisë, gjatë dy ditëve të fundit me familjen e tij, por edhe në pamundësi për t’u larguar nga vendi.

31-vjeçari që ekzekutoi për hakmarrje me një plumb në kokë Arjan Gosën do të përballet me drejtësinë për krimin e kryer pasditen e vonë të së dielës në Kavajë. Viktima u vra ndërsa ndodhej në lokal së bashku me babain e tij të moshuar, dëshmia e të cilit është pjesë e dosjes hetimore për ngjarjen.

Babë e bir qenë ulur shkujdesur në pjesën e jashtme të lokalit dhe po ndiqnin një ndeshje futbolli. Të dy kanë qenë me kurriz nga rruga, ndaj nuk e kanë parë autorin kur ka hyrë në lokal.

“Ishim duke parë ndeshjen. Dëgjova vetëm një krismë dhe e pashë djalin që ra në tokë dhe dikë që iku me vrap.” Kaq ka mundur të dëshmojë, 78-vjeçari Osman Gosa i cili në më pak se dy muaj humbi dy djemtë e tij, Edmondin 43 vjeç dhe Arjanin 47.

I tronditur nga gjithçka përjetoi në moshë të thyer, Osman Gosa nuk e kishte menduar se do të humbiste dhe djalin tjetër si pasojë e krimit në të cilin u përfshi i biri Edmondi dhe që i mori jetën. Vëllai i Habibit, Altin Rexha u qëllua nga Edmond Gosa në prani të djalit të mitur, teksa po kthehej në shtëpi me të.

Meqë të dyja palët e përfshira në konfliktin e 29 marsit, Edmond Gosa dhe Altin Rexha vranë njëri-tjetrin, familja Gosa nga Kavaja nuk e kishte dyshuar hakmarrjen, që nuk vonoi. Pas dorëzimit, Habib Rexha pritet të dalë para gjykatës për caktimin e masës së sigurimit personal./Top Channel

Dedektivja private Shkenda Lili ishte e ftuar ditën e sotme në emisionin “Shqipëria LIVE”, ku ka folur për rastet e tradhtisë në vendin tonë.

Ajo deklaroi se në eksperiencën e saj, shumica e çifteve shqiptare, edhe pasi marrin vesh tradhtinë nuk ndahen.

Ajo shprehu keqardhje për ato gra që përveç tradhtisë, vazhdojnë të qëndrojnë në një familje ku ka dhe dhunë.

“Jo gjithmonë shkojmë drejt ndarjes, në eksperiencën që kam, çiftet nuk ndahen. Më vjen keq ta them sepse kur diçka ka shkaur aty ku… ka marrë fund, duhet t’i japin drejtim. Por spidomos femrat shqiptare, që unë jam femër vetë, në momentin që ka dhunë, gratë vazhdojnë dhe qëndrojnë në atë familje. Për shkaqe ekonomike, të opinonit.”- tha ajo.

Për ditën e Mërkurë vendi ynë do të vijojë të ndikohet ndikohet nga kushte relativisht të paqëndrueshme.

Moti parashikohet fillimisht me kthjellime dhe alternime vranësirash kalimtare. Duke filluar nga orët e mesditës deri ato të pasdites moti parashikohet me vranësira mesatare deri të dendura dhe intervale të herëpashershme me diell.

Në relievet kodrinore – malore pas orëve të mesditës vranësirat do të shoqërohen me reshje shiu të herëpashershme me intensitet të ulët deri mesatar në formën e shtrëngatave shoqëruar me shkarkesa elektrike.

Në pjesën tjetër të territorit reshjet do të jenë me intenistet të ulët dhe afatshkurtra.

Era do të fryjë me drejtim verilindje – veriperëndim me shpejtesi mesatare 1-10m/s, shoqëruar me valëzim në dete të forcës 1 ballë.

Temperaturat parashikohen

në zonat malore 11 deri 27°C

në zonat e ulëta 12 deri 30°C

në zonat bregdetare 15 deri 28°C

Juristi Kreshnik Spahiu tha se konfirmon 100% vërtetësinë e raportit të CIA-s, sipas të cilit në vitin ’95, presidenti i Shqipërisë në atë kohë, Sali Berisha, ishte kundër pavarësisë së Kosovës.

I ftuar në Euronews Albania ai tha se këto dokumente janë të vërteta dhe nuk është rastësi që ato po shfaqen pikërisht tani.

Sipas tij SHBA është duke publikuar dosjen e Berishës të cilat verifikojnë lidhjet e këtij të fundit me Serbinë dhe me Moskën dhe po e bëjnë tani pas zgjedhjeve, pasi ky është një standard që të mos ndërhyjnë në fushatën elektorale.

“Unë jam këtu për të konfirmuar 100% vërtetësinë e dokumenteve të CIA-s. Shtetet e Bashkuara të Amerikës sapo kanë filluar luftën me Sali Berishën. SHBA nuk e ka mbaruar luftën me Berishën. Shtetet e Bashkuara të Amerikës luftën e tyre e ashpërsojnë pas zgjedhjeve. Këtë gjë bënë edhe në vitin 2021 kur e shpallën ‘non grata’ 2 javë pas zgjedhjeve.

Këtë gjë po bëjnë Shtetet e Bashkuara të Amerikës edhe këtë herë. Ato kanë një standard, nuk ndërhyjnë në fushatë elektorale dhe nuk ndërmarrin vendime të njëanshme politike para procesit zgjedhor për të respektuar votuesit dhe zgjedhësit. Sot SHBA kanë filluar procedurën e dytë të planit ‘B’ me Sali Berishën për të publikuar lidhjet e Sali Berishës me Serbinë dhe me Moskën”,-tha për Euronews Albania juristi Kreshnik Spahiu.

Është publikuar momenti ku Habib Rexha vetëdorëzohet në Komisariatin e Policisë së Kavajës. Rexha është autori i vrasjes së Arian Gosës dy ditë më parë në Kavajë.

Ngjarja ka ndodhur rreth orës 18.30 të së dielës në lagjen Nr. 1, në Kavajë, teksa Gosa ka qenë i ulur në lokal duke pirë kafe me babanë e tij.

Rexha është afruar dhe e ka qëlluar me një plumb në kokë, i cili ishte fatal dhe i mori jetën 48-vjeçarit.

Shkak i vrasjes dyshohet se është hakmarrja, pasi më 29 mars ndodhi një vrasje e dyfishtë, ku pas një sherri banal vdiqën Edmond Gosa, vëllai i Arjan Gosës, dhe Altin Rexha vëllai i Habib Rexhës.

Mbrëmjen e kaluar një 17-vjeçar u aksidentua për vdekje në Baldushk, Tiranë pasi humbi kontrollin e mjetit tip ‘Benz’ me të cilin po udhëtonte.

17-vjeçari Shyqeri Vrapi ishte duke udhëtuar me vëllain dhe dy shokë të tij kur në kthesë ka humbur drejtimin e makinës dhe është përplasur me bordurat anësore.

Nga ky aksident 17-vjeçari që lëvizte pa patentë humbi jetën në vendngjarje, ndërsa vëllai dhe shokët e tij u plagosën lehtë.

Ka dyshime se shkak për këtë aksident tragjik është bërë shpejtësia tej normave të lejuara gjatë momentit që makina ka hyrë në këtë kthesë.

Kjo nuk është hera e parë që të miturit marrin makinat e të afërmve, lëvizin pa patentë dhe shkaktojnë aksidente në disa raste edhe tragjike.

Kujtojmë se pak javë më parë, në Lezhë një 14-vjeçar përplasi për vdekje një 60-vjeçar pasi po lëvizte me makinën e babait. Edhe në Poliçan, rreth një muaj më parë 15-vjeçari Afisaldo Zylyftari humbi jetën pasi vëllai i tij 15-vjeçar Francesko humbi kontrollin e automjetit “Alfa Romeo” me të cilën po lëvizte. Nga ky aksident mbeti i plagosur vetë shoferi 15-vjeçar dhe dy vajza të mitura.

Aksidente të tilla duket se do shtohen edhe më tepër nëse autoritetet përkatëse nuk reagojnë dhe nuk marrin masa.

Mjekët kanë paralajmëruar “bota nuk është e përgatitur” për atë që do të vijë, pasi dy gra janë konfirmuar se janë infektuar me rastet e para të një sëmundje kërpudhore shumë ngjitëse.

Qendrat për Kontrollin dhe Parandalimin e Sëmundjeve (CDC), konfirmuan se pacientët e paidentifikuar në Shtetet e Bashkuara, të moshës 28 dhe 47 vjeç, janë prekur me rastet e para të njohura të krimbit të ziles rezistente ndaj ilaçeve, i njohur gjithashtu si tinea.

Të dy gratë pësuan lezione në qafë, mollaqe, kofshë dhe bark, me simptoma që vuajnë edhe anëtarët e familjes.

David Denning, Profesor i Sëmundjeve Infektive në Shëndetin Global në Universitetin e Mançesterit, zbuloi se infeksioni, i cili mund të transmetohet lehtësisht në shkolla dhe shtëpi, po përhapet nëpër vende.

Ai tha: Infeksionet mykotike të lëkurës transmetohen nga një person te tjetri në shkolla, shtëpi dhe me kontakte intime. Kjo kërpudhat e re rezistente ndaj terbinafinës është një specie e re e quajtur Trichophyton indotineae dhe e identifikuar për herë të parë në Indi.

Gruaja 28-vjeçare raportoi për herë të parë skuqje që u shfaqën në trupin e saj në verën e vitit 2021 dhe kërkoi kujdes mjekësor në dhjetor pasi kishte skuqje të mëdha me luspa në të gjithë trupin e saj.

Denning shtoi: Infeksioni në vetvete është i dukshëm për t’u parë dhe shumë inflamator në lëkurë. Një dermatolog e diagnostikoi atë me tinea dhe i përshkroi trajtim antimykotik në janar 2022 pasi lindi foshnja e saj. Megjithatë, sipas mjekëve, kjo nuk bëri ndonjë ndryshim. Më pas asaj iu dha një kurs katër-javor i itrakonazolit antifungal, i cili përfundimisht e eliminoi skuqjen.

Pacienti nuk kishte qenë jashtë vendit kohët e fundit, prandaj zyrtarët besojnë se infeksioni është përhapur në nivel lokal në SHBA. Ndërkohë, një grua e dytë, 47 vjeç, filloi të kishte skuqje të mëdha ndërsa udhëtonte në Bangladesh.

Por, pavarësisht aplikimit të kremrave për të ndihmuar në skuqjen e saj pas kthimit të saj në SHBA, nuk bëri asnjë ndryshim. Ajo shkoi kërkoi ndihmë mjekësore në fund të vitit 2022 pasi skuqjet e saj filluan të përhapeshin.

Dermatologët përfundimisht dhanë dy kurse mjekimi katër-javore të cilat ndihmuan në përmirësimin e skuqjes me 80 për qind.

Sipas CDC, 47-vjeçarja, e cila jeton me burrin dhe djalin e saj, po përjetonte gjithashtu simptoma, duke përfshirë skuqje të përhapura në formë unaze me luspa në kofshët dhe të pasmet e tyre.

Denning tha se mjekët kishin trajtuar me sukses infeksionet derisa mbërriti një specie e re kërpudhore.

Ai tha: Për dy dekada ne i trajtojmë këto infeksione me terbinafinë orale për 3 javë, me shumë sukses, derisa erdhi kjo specie e re mykotike. Shpjegimi më i besueshëm për shfaqjen e tij është përdorimi i shpeshtë në Indi i terbinafinës topike (krem dhe pomadë), e cila nuk mbulon plotësisht zonën e infektuar ose depërton thellë në lëkurë, duke lejuar ikjen e varianteve rezistente.

Për fat të mirë, itrakonazoli në një dozë prej 400 mg në ditë është zakonisht efektiv. Por të dish nëse kërpudhat është apo jo kjo specie e pazakontë dhe nëse është rezistente ndaj terbinafinës apo jo, kërkon testim të specializuar në një laborator mikologjik.

Denning zbuloi se “bota nuk është ende e përgatitur” për atë që do të bëhet një epidemi e infeksioneve të lëkurës për shkak të temperaturave më të larta të nxitura nga ndryshimet klimatike dhe mjekimi rezistent.

Ai shtoi: Nuk ka mjaft laboratorë të tillë, por ka teste të shpejta për rezistencën e disponueshme në treg. Bota nuk është ende e përgatitur për atë që ka të ngjarë të bëhet një epidemi ngadalë evoluar e këtyre infeksioneve të lëkurës.

Spartak Ngjela ka reaguar në llogarinë e tij në ‘Facebook’ pas vendimit që Beleri duhet të qëndrojë në burg.

“Sipas shenjave politika e lartë greke ka frikë se mos Beleri, nën arrest, pranon që paratë për të blerë votat ia ka dhënë qeveria greke”, është shprehur avokat Ngjela duke hedhur dyshime në çështjen Beleri.

Postimi i plote:

Çfarë ka kështu qeveria e Greqisë që na qenka shqetësuar kaq shumë për arrestimin e një individi të zakonshëm qe quhet Beleri dhe që ka shkelur ligjin penal shqiptar?

Pse me thirrje qesharake do lirohet një kriminel nga burgu?

E dinë këta që Shqipëria është shtet sovran, dhe SPAK-u nuk ka lidhje me qeverinë shqiptare?

Por…

Sipas shenjave politika e lartë greke ka frikë se mos Beleri, nën arrest, pranon që paratë për të blerë votat ia ka dhënë qeveria greke.

E bukur do të jetë po të dalë kjo.

Por edhe e turpshme, sigurisht.

Po ku ka grekë në Himarë, o ditëzinj!!

Aaa, po, ka të blerë si Beleri…

Dhe kjo është qesharake.

Por të shohim nga i ka marrë paratë ky Beleri.

Sepse shenjat e acarimit të qeverisë greke tregojnë frikë për pagesën.

SPAK-u e ka në dorë. Prandaj do presim.

Por, prokurori i Prokurorisë së Posaçme, a do ta pyesë së kush e ka financuar dhe për kë ka punuar një palaço antishqiptar që ka blerë vota në Himarë?Sigurisht që po… Por, për faktin që e kanë arrestuar, shenjat janë se kanë prova nga kush është financuar i arrestuari.

E pra, “këtu fle lepuri”, thonë shumë bukur në Gjirokastër për një çështje të fshehur.

Prandaj të presim.

“Na grinë këta të dyshekëve mo aman …”, plas e qeshura në komision pas deklaratës së Korreshit

Shqetësimi i deputetit demokrat Saimir Korreshi në Komisionin për Çështjet Ligjore, Administratën Publike dhe të Drejtat e Njeriut, ka skaktua të qeshura tek kolegët e tij.

Korreshi ishte i shqetësuar nga telefonatat e vazhdueshme të kompanive që shsin dyshekë, duke thënë se nuk po gjen qetësi.

“Ore ju marrin edhe ju këta të dyshekëve? Vdiqa o burri i dheut”, u shpreh ai, teksa kolegët e tij nuk e mbajtën të qeshurën.

Ndërkohë Korreshi ngriti dhe një tjetër shqetësim, që ëhstë përdorimi i të dhënave nga ana e këtyre kompanie.

“Nuk e di, a ju kanë marrë ju në telefon, na grinë ata të dyshekëve nëpër telefon. Edhe, vdiqa mor burrë i dheut. Këta të telefonisë, a mbajnë ndonjë përgjegjësi? Për dyshekët, na grinë në telefon. E shoh që marrin për kategori të caktuara, për grupmosha të caktuara, për qytete të caktuara. E shoh që krahas numrit të telefonit kanë edhe të dhëna të tjera. S’ka nga e merr nëse nuk e merr nga këta të telefonisë”, u shpreh ai.