Category: Lajme

Italia është goditur sërish nga moti i keq, pas përmbytjeve të javëve të fundit, këtë herë në zonën Macerata. Shiu i dendur i ditës së djeshme zgjati ploty tre orë dhe përmbyti rrugë, banesa e shkatërroi pemë.

Zonat e Macerata, Pollenza dhe Tolentino ishin më të prekurat, teksa situata është më kritike në fshatrat Villa Potenza dhe Sforzacosta ku ka disa njerëz të evakuuar nga katet e poshtme të ndërtesave.

Sipas meteorologut Lorenzo Tedici, zonat më të prekura përkatësisht Deti i Poshtëm Tirren dhe Emilia Romagna.

Tedici tha se janë duke u përballur me një fazë të jashtëzakonshme të motit, duke thënë më tej se një periudhë e tillë me shi nuk ka ndodhur përgjatë 20 viteve të fundit, duke përjashtuar vitet e jashtëzakonshme si 2013 dhe 2019. “Në këto zona të vendit tonë ra shi, ra dhe do të bjerë në mënyrë të jashtëzakonshme. Tokat janë të ngopura, nuk thithin më shi dhe përmbytjet e shpeshta do të ndodhin. Alarmi ka qenë i kuq prej ditësh në Itali, për shkak të motit të keq që godet vazhdimisht. Më parë kishte pak ujë me një thatësirë dramatike, tani ka shumë. Ndoshta edhe faji i ndryshimit të klimës”, tha ai.

Probleme pati gjithashtu edhe në Pollenza dhe Casette Verdini, për shkak të përmbytjeve të rrugëve, kopshteve, dhomave të bodrumit dhe katit përdhes të shtëpive, rrëshqitjeve së baltës dhe pemëve të rëna në rrugë.

Deri më tani nuk raportohet për persona të lënduar apo të zhdukur.

Të paktën 42 persona kanë mbetur të vdekur në Haiti pash reshjeve të dendura të shiut që shkaktuan përmbytje gjatë fundjavës, thanë autoritetet e emergjencës të Haitit.

Njëmbëdhjetë të tjerë raportohet se janë ende të zhdukur dhe mbi 13.000 janë detyruar të zhvendosen nga shtëpitë e tyre të dëmtuara nga vërshimet.

Qyteti i goditur më së rëndi është Leogane, në jug-perëndim të kryeqytetit Port-au-Prince, ky tre lumenj kanë dalë nga shtretërit.

Në përgjithësi, gjysma e zonave në vendin e varfër të Karaibeve janë prekur nga këto vërshimet.

Vendasja Phania Cange e humbi shtëpinë e saj, e cila u rrëmbye nga vërshimet. Ajo arriti ta shpëtojë njërin nga fëmijët e saj, por fëmija tjetër i saj, tre vjeç, vdiq nga përmbytjet.

“Rrezikova t’i humbisja dy fëmijët, por Zoti ma la tjetrin të varur për një pemë”, tha Cange.

Kryetari i zonës së Leogane, Ernson Henry, tha se banorët e qytetit ishin “të dëshpëruar”

“Ata kanë humbur gjithçka. Ujërat ua kanë shkatërruar fushat, ua kanë shpërndarë kafshët shtëpiake”, tha ai për agjencinë e lajmeve, AFP.

Raportohet se numri i të vdekurve mund të rritet.

Kryeministri Ariel Henry tha se qeveria e tij, bashkë me partnerët ndërkombëtarë, po “merrte masa urgjente” për ta luftuar këtë katastrofë.

Programi Botëror i Ushqimit (ËFP) tha se do të fillonte t’i furnizonte të gjithë njerëzit e zhvendosur me racione të ushqimit të nxehtë.

Infrastruktura e vendit është dëmtuar nga tërmetet e shumta të mëdha. Operacionet e shpëtimit vështirësohen nga problemet e vazhdueshme të Haitit me bandat kriminale, që kontrollojnë shumë zona të vendit./REL

E ftuara në studion e “Vila24”, moderuar nga Brunilda Lahe, ish-zv. ministrja e Arsimit Nora Malaj, e ftuar në cilësinë e sociologes është ndalur tek puna e papaguar e grave në Shqipëri dhe përmasat alarmante të abuzimit ekonomik.

Në një panel me gazetaren Aurora Golemi, Malaj iu referua shembullit konkret të trajtimit të gruas në realitetin shqiptar, kur tha se ajo edhe pse në funksione të larta shtetërore, si pjesë e komisionit të Shanseve të Barabarta, i varur nga Këshilli i Ministrave, pasi e kanë larguar nga puna nuk ka mundur dot të marrë paratë e dëmshpërblimit edhe pas fitimit të çështjes 16 vite të shkuara.

“Të drejtat e grave vështirë të njihen. U bëra deputete dhe nuk i mora dot paratë e mia…”-rrëfen ajo për herë të parë publikisht mbi këtë çështje.

Duke marrë shkasë nga një raport i Un Woman se puna e papaguar e grave në Shqipëri i ka sjellë një humbje prej 324 mln euro në vit, Malaj dhe Golemi sollën përvojat e grave shqiptare që për shkak të çalimit të punës së institucioneve përkatëse detyrohen të qëndrojnë në shtëpi e të kujdesen vetë për fëmijët, të moshuarit apo edhe personave më aftësi të kufizuara.

“Gjatë punës për hartimin e ligjit që favorizonte gratë jam takuar me shumë të tilla në rrethe të ndryshme të vendit. U habita kur më thanë se kishin nostalgji për kooperativat. Si sociloge u bëra kurioze, ndërsa më thanë se atëherë të paktën kishin motiv të takonin shoqet, të krihnin flokët e të vinin buzëkuq, ndërsa tani vrap të punojnë tokën, të gatuajnë, të kujdesen për fëmijët…e në fund të ditës janë të rraskapitura. Pra kemi të bëjmë më gra në depresion.”-shprehet Malaj.

Një 17-vjeçar shqiptar ka humbur jetën në një aksident tragjik në Greqi.

Mediat fqinje raportojnë se nxënësi 17-vjeçar, Enea Topi ka humbur jetën në një aksident trafiku mëngjesin e sotëm në Kavallë. Ai ishte duke ecur me motor me një person tjetër, kur motori është futur në rrotat e një kamioni të madh të bashkisë Kavallë.

Kamioni i plehrave po shkonte drejt landfillit të bashkisë Kavallë, kur i riu duket se ka humbur kontrollin dhe ka përfunduar nën rrotat e mjetit të madh.

Stafi arsimor i shkollës shprehu dhimbjen e thellë për ngjarjen tragjike.

Njoftimi i shkollës për vdekjen e shqiptarit:

Dhimbja na pushtoi kur pak kohë më parë u njoftuam për vdekjen e nxënësit tonë në një aksident trafiku në zonën e Agios Tryphons. Studenti ynë është Enea Topi, drejtues i motorit që u fut nën një kamion plehrash të Bashkisë së Kavallës. Një fëmijë i lumtur, i dashur nga të gjithë, sportist, lojtar i ekipit të futbollit të shkollës sonë. Zoti ia prefte shpirtin dhe i dhente kurajo familjes.

Theksojmë edhe një herë, se fëmijët i drejtojnë motoçikletat e tyre herë me patentë, herë pa leje, të pamatur dhe me rrezikshmëri të lartë brenda dhe jashtë qytetit. Ata nuk janë të vetëdijshëm për rrezikun dhe mund të pësojnë në çdo kohë. Këtë vit nxënësit e shkollës janë përfshirë në të paktën 7 aksidente të rënda. Shkolla është në zi dhe nuk është hera e parë… Le të shpresojmë të jetë e fundit.

Italia do të përballet me një tjetër zemërim të fortë të motit. Faqja e parashikimit “ilmeteo.it” thekson se në fundjavë do të ketë stuhi dhe reshje të forta.

“Nga e shtuna e 10 qershorit vendi do të gjendet në këtë “zonë konvergjence” në të cilën ndërveprojnë rryma të ndryshme ajrore.

Për shkak të sasisë së madhe të energjisë së përfshirë (lagështia dhe nxehtësia në shtresat e poshtme të atmosferës) do të krijohen kushtet ideale për zhvillimin e stuhisë së afta për të lëshuar në nivel lokal erë të fortë dhe stuhi breshëri” shkruan faqja “ilmeteo.it”.

“Pas një muaji maji të freskët dhe me shi” shpjegon më tej, Lorenzo Tedici, meteorolog i ilmeteo.it – ??Qershori gjithashtu filloi me stuhi dhe temperatura nën mesataren e asaj periudhe. Presioni i lartë mungon totalisht, siç nuk ka ndodhur prej vitesh këtë sezon”.

“Anticikloni i Azores”, shpjegon Tedici, “është i vendosur prej ditësh në Ishujt Britanikë dhe do të qëndrojë atje për një kohë më të gjatë” tha ai.

Euro po këmbehet gjatë së martës me 107 lekë.ky është niveli rekord i dobësimit të monedhës europiane ndaj lekut i paregjistruar më parë në kursin e këmbimit në vendin tonë.

Dobësimi i euros ka qenë i fortë dhe brenda një muaji ka humbur rreth 7 pikë. Tendenca rënëse e euros nisi në mes të muajit maj për të vijuar me ritme më të shpejta në ditet e para të qershorit.

Ekspertët paralajmërojnë se futja e flukseve të eurove nga turizimi dhe remitancat gjate veres do të ndikoj në forcimin e mëtejshëm të lekut shiqeptar ndaj euros.

Kjo ecuri paralajmëron se edhe niveli i inflacionit për këtë muaj do të pësoj rënie duke qene se dobësimi i euros reflektohet direkt në çmimet e të cilat shiten produktet.

Dobësimi i euros ka efekte të forta në uljen e nivelit të borxhit të qeverisë shqiptare.

Ndërkohë që qytetarët edhe bizneset që kanë kredi në euro tashmë do të paguajnë më pak për këstet mujore.

Por ata që presin remitanca nga të afërmit do të përfitojnë më pak.E njëjta situatë është edhe për eksportuesit të cilët do të marin më pak fitime.Për këtë kategori qeveria ka miratuar disa lehtësi fiskale për ti mbështetur në këtë periudhë.

Gazetari Artan Hoxha ka reaguar sërish në rrjetet sociale, po këtë herë ndryshe në lidhje me rënie drastike të euros dita-ditës.

Duke ironizuar situatën, Hoxha ka nxjerr një video nga makina, ku para ka një gomar të hipur mbi një kamion, ku sipas gazetarit e kanë shitur dhe kjo është shenjë që Shqipëria po ndryshon, prandaj dhe euro po shkon drejt “gropës”.

Reagimi i plotë:

Shqiperia po ndryshon….

Edhe ju thoni pse po shkon euro grope???!!!

Keta kane nxjerre nga qarkullimi edhe gomeret me gjithe samar ne kurriz…

Shefja e Epidemiologjisë dhe Sëmundjeve Infektive në Institutin e Shëndetit Publik, Silva Bino pasi doli nga SPAK refuzoi të prononcohej për gazetarët e pranishëm. Bino e revoltuar u kërkoi gazetarëve t’i hapnin rrugën.

“Po jo re, tani ju lutem. Ore jo fare, kam ardhur për punë tjetër. Po jo ore tani ju lutem a jeni në vete, jo,”- tha Bino dhe u largua.

Bino u thirr në SPAK në Ministrinë e Shëndetësisë, ku u arrestua Sekretarja e Përgjithshme e Ministres së Shëndetësisë, Joana Duro dhe zyrtarja tjetër, Laureta Sheta.

Të dyja akuzohen për korrupsion dhe shpërdorim detyre. Duro nuk e ka pranuar akuzën, dhe ka deklaruar se ka kryer vetëm detyrën.

Një ngjarje e rëndë ka ndodhur në Pogradec.

Bëhet me dije nga njoftimi i policisë se është gjetur pa shenja jete në banesë një 56-vjeçare.

Kjo e fundit me iniciale A. V., dyshohet se është vetëvrarur në shtëpinë e saj për shkaqe që ende nuk dihen. Ndërkohë nga hetimet paraprake në trupin e të ndjerës nuk janë gjetur shenja dhune.

Njoftimi:

Sot, rreth orës 11:00, në fshatin Udënisht, Pogradec, në banesë, është gjetur pa shenja jete, dyshohet e vetëvarur shtetasja A. V., 56 vjeçe.

Nga këqyrja paraprake e trupit të viktimës, nuk janë konstatuar shenja dhune. Grupet hetimore po punojnë për sqarimin e rrethanave të ngjarjeve dhe përcaktimin e shkakut të vdekjes së këtyre dy shtetasve.

I ftuar ditën e sotme në ‘Shqipëria Live’ ka qenë avokati Jordan Daci, në cilësinë e avokatit të Alma Beqirit, gruas nga Korça e cila u arrestuar si mashtruese me miliona euro në një postë.

Daci është shprehur se policia ka mashtuar në raportimin e saj dhe dhënien e informacionit kundrejtë audiencës.

Ndër të tjera në cilësinë e avoktatit Daci u shpreh se klientja e tij nuk ka kryer asnje vepër penale.

“Policia ka mashtruar sepse kallëzimi është bërë në datë 29 maj, jo para 2 muajsh siç shprehehn. Në 2023 nuk ka asnjë aktvititet sepse në vitin e shkuar në nëntor nuk ka patur më marrdhënie tregtare pas një page prej 500 eurosh që ka marrë.

Detyrimi që subjekti pretendon nga Alama Beqiri kalon totalin e xhiros vjetore nga biznesi.

Zonja nuk ka kryer asnje vepër penale.”- tha avokati Jordan Daci.