Category: Lajme

Shumë prindër që bëjnë fëmije të së njëjtës gjini, pyesin veten pse ndodh kjo. 60% e prindërve në SH.B.A. kanë më shumë se një fëmijë dhe shumë njerëz janë kuriozë të dinë pse lindin më shumë fëmijë të së njëjtës gjini dhe jo një vajzë dhe një djalë.

1.Është e pamundur të kesh një gjen “vajzë” ose “djalë” të pazbuluar.

Ndërsa shumica e familjeve kanë një raport të çekuilibruar seksi, prindërit mendojnë se lindin fëmijë vetëm të një gjinie për shkak të gjeneve. Por studiuesit ende nuk kanë gjetur asnjë provë që vërteton nëse disa familje mund të kenë vetëm meshkuj ose femra për shkak të gjeneve të tyre. Në një moment tjetër ndoshta shkencëtarët mund të ndryshojnë mendimin e tyre, por për tani, nuk ka asnjë mënyrë që gjenet e familjes suaj të ndikojnë në tek gjinia e fëmijës sipas Bright Side.

Gjinia përcaktohet nga babai.

Ndërsa disa njerëz besojnë se gjinia e një fëmije varet nga nëna sepse është ajo që e mbart atë, në të vërtetë, është në duart e babait. Meqenëse spermatozoidi mbart kromozome për të dy gjinitë, disa spermatozoide mbajnë kromozome X për vajzat, ndërsa të tjerët bartin kromozome Y për djemtë. Ndërsa një grua mbart 2 kromozome X, gjinia e një të porsalinduri varet nga spermatozoza (X ose Y) që hyn në vezën femërore.

Në kohë stresi, foshnjat femra janë më të zakonshme.

Shkencëtarët kanë gjetur disa faktorë që mund të ndikojnë në gjini. Është provuar që pas periudhave stresuese, si fatkeqësitë natyrore, raporti i gjinisë do të ndryshojë, duke pasur më shumë vajza të porsalindura. Kjo mund të jetë për shkak të stresit që janë ekspozuar nënat e ardhshme.

Ngrënia e ushqimit specifik mund të çojë në shanse më të mëdha për të pasur një vajzë.

Është e vërtetuar se ngrënia e disa ushqimeve rrit shanset e krijimit të një vajze. Për shembull, ulja e kripës dhe ngrënia e shumë produkteve të qumështit mund të rrisin shanset për të pasur një vajzë. Nga ana tjetër, nënat dietat e të cilave janë plot me ushqime të pasura me natrium dhe kalium ka më shumë të ngjarë të lindin djem.

Zakonisht nëse një nënë ka fëmijë vetëm të një gjinie, është thjesht një rastësi.

Dihet me siguri se ekuilibri gjinor ka qëndruar i njëjtë për shekuj, dhe nuk ka aspekte që mund ta ndryshojnë atë në mënyrë të konsiderueshme. Familjet që kanë shumë fëmijë të së njëjtës gjini janë të rralla, por mund të shpjegohen statistikisht. Secili fëmijë ka 50% mundësi të jetë djalë apo vajzë. Kështu, për shembull, për 3 fëmijë, shansi që të gjithë të jenë meshkuj është: 0,5 X 0,5 X 0,5 = 0,125, ose 12,5%.

Lavdie Merlika (Ndreu), vajza e vetme e Dali Nderut dhe Liri Gegës, dy figurave të njohura të lidershipit historik të dënuar me vdekje në mesin e viteve ‘50, e rindërton ndarjen tragjike me prindërit duke veçuar tri momente kulmore: çastin e arrestimit, lajmin për vdekjen e tyre dhe pushkatimin e nënës shtatzënë.

Ka qenë vetëm tetë vjeçe atëherë, por mban mend me detaje rrethanat e tragjedisë dyfishe. Sa kishim shkuar te xhaxhai në Sllovë, kur erdhën dhe i arrestuan papritur, kujton ajo. Thanë se i kapën në kufi duke u arratisur. Pas disa muajsh, mbërriti lajmi se i dënuan me vdekje si armiq të popullit. Çfarë ndodhi më tej, ishte një fatkeqësi më vete, shton Lavdija, duke rrëfyer kalvarin e vuajtjeve në kampin e Shtyllasit, përçudnimin e të tjerëve si familjarë të armiqve e tradhtarëve dhe stërmundimet sfilitëse në kërkim të eshtrave të prindërve që nuk i gjetën kurrë.

Sidoqoftë, për të, pushkatimi i nënës shtatzënë, ka qenë brenga më e madhe. Përtej mëdyshjeve për këtë akt makabër, të denoncuar zyrtarisht nga Hrushovi, vajza e çiftit të dënuar me vdekje, s’ka as dilemën më të vogël për faktin rrëqethës se nëna e saj është pushkatuar shtatzënë. Me dëshmi e prova të pakontestueshme, ajo të krijon bindjen se ka ndodhur pikërisht kështu, pavarësisht përpjekjeve të regjimit për të pohuar të kundërtën…

Zonja Lavdie, prindërit tuaj, dy nga personazhet e njohura të lidershipit komunist, janë pushkatuar në një ditë, me akuzën për tradhti ndaj atdheut dhe tentativë arratisje. Çfarë kujtoni nga ndarja tragjike me ta?

Kanë kaluar vite e dekada qysh atëherë. Isha vajzë e brishtë, kur mbeta jetime, pa nënë e baba. Tashmë jam bërë nënë e gjyshe. Koha shumë gjëra i ka venitur, vitet kanë bërë të tyre, por palca e ndodhive, pasojat, nuk mund të shqiten lehtë. Tri janë momentet kulmore që ruaj nga ajo ndarje tragjike: Çasti i arrestimit të prindërve, lajmi për vdekjen e tyre dhe pushkatimi i nënës shtatzënë. Jam rritur me brengën dhe dhimbjen e tyre. Kam qenë e vogël, shumë e vogël kur jam ndarë me prindërit. Pa përkujdesjen e njerëzve të babait, nuk do të isha kjo që jam. Xhaxhallarët, por sidomos gratë e tyre, kanë bërë gjithçka për të kompensuar dashurinë e prindërve të vërtetë. E them me plotë gojën që jetën time ua dedikoj atyre, përkushtimit dhe përkujdesjes së pakursyer që treguan për mua. Megjithatë…

Megjithatë, pas asaj që ndodhi, “nënë” e “babë” nuk ti nxuri më goja…

Nuk e di çka ka ndodhur në raste të ngjashme, por në rastin tim, fjalët “nënë” e “babë” nuk i kam shqitur kurrë nga vetja. Në shqiptimin e tyre, kam ndjerë gjithnjë diçka hyjnore, të shenjtë. Po, po. Si mund t’u flisja ndryshe atyre që s’më lanë kurrë pa ngrohtësi atërore. Paçka se edhe vet jetonin në mjerim e terror të skajshëm. I kam thirrur baba me plotë gojën, me gjithë shpirt xhaxha Beshirit dhe nënë Mynyres, gruas së tij. Për ta u bëra fëmija i tetë, por më e privilegjuara ndër shtatë të tyre…

E keni fjalën për kohën kur keni humbur prindërit. Po kur jetonit me ta, u kujtohet?

Patjetër që më kujtohet. Me ta jam ndarë kur isha tetë vjeçe. Asokohe jetonim në katin e dytë të një shtëpie private te Rruga e Kavajës. Prindërit kishin ardhur aty fill pas luftës. Babai, me sa mbaj mënd, ishte drejtor i ndërmarrjes së ndërtimit, po shpesh i flisnin gjeneral. Mamaja punonte mësuese në shkollën pedagogjike te rruga e Elbasanit. Unë vazhdoja shkollën te “Hasan Vogli”.

Si fëmijë, kuptohet nuk kisha si t’i dija peripecitë që kishin kaluar prindërit deri atëherë. Ajo që ndjeja ishte rrallimi i vizitave të miqve AFRIM IMAJ Lavdie Merlika (Ndreu), vajza e vetme e Dali Nderut dhe Liri Gegës, dy figurave të njohura të lidershipit historik të dënuar me vdekje në mesin e viteve ‘50, e rindërton ndarjen tragjike me prindërit duke veçuar tri momente kulmore: çastin e arrestimit, lajmin për vdekjen e tyre dhe pushkatimin e nënës shtatzënë. dhe shokëve të tyre, të cilët dikur hynin e dilnin shpesh.

Pra, një pjesë të fëminisë e keni kaluar në Tiranë, madje në kushte relativisht komode po të kemi parasysh kohën…

Si fëmijë i dy zyrtarëve, krahasuar me moshatarët e tjerë, kuptohet jetoja më mirë. Të tjerët, në pjesën më të madhe, nuk e kishin këtë privilegj. Kam mbresat më të bukurat nga ajo periudhë. Ndër to mbaj mënd dhuratat e prindërve për ditëlindje. Babai, sidomos ishte shumë i dhënë për to. Kur mbusha shtatë vjeçe ai më bleu një fizarmonikë. E ruaj edhe sot atë. Është e vetmja relikë që kam nga ato vite.

Me të u futa në një kurs muzike. Ishte dëshira e babit të bëhesha instrumentiste. Mamaja nga ana tjetër kujdesej të isha e rregullt në shkollë, por edhe në veshje e sjellje. Ajo ishte shumë e dhënë pas guzhinës. Gatimin e kishte pasion. Mbaj mënd sidomos byrekun me shumë petë. E hullonte vet, e përgatiste me kujdes dhe i rrinte te koka deri sa piqej. I hidhte pak yndyrë. Shpesh për këtë babai e xhaxhallarët e thumbonin me shaka, duke i kujtuar origjinën si gjirokastrite. Shumë herë mamaja më merrte me vete në shkollën e saj. Aty më linte për orë të tëra në shoqërinë e vajzave të pedagogjikes. Pak a shumë kështu rrodhi ajo pjesë e fëminisë deri ditën kur ata i arrestuan…

Keni qenë e pranishme ju kur janë arrestuar prindërit?

Atë skenë e kam parë nga afër. Atëherë isha tetë vjeçe. Ato momente i kam në sy edhe tani…

Në dokumentet e sigurimit rezulton se ata janë arrestuar gjatë një tentative për të kaluar kufirin për në Maqedoni…

Ky është një mashtrim i paskrupull. Ata janë arrestuar në oborrin e shtëpisë së xhaxhait në Sllovë të Peshkopisë. A mund t’i thuash kufi shtetëror, portës së gjyshit ku kishim shkuar për të qëndruar disa ditë?! Marrëzi, marrëzi pafund…

Cila ishte arsyeja që kishit shkuar në Sllovë?

Arsyeja që kishim shkuar aty lidhej me shëndetin e vëllait, Sokolit. Ai ishte dy vjeç dhe vunate nga një sëmundje kronike. Ishte kuruar për të disa herë në spitalin e Tiranës. Mjekët më në fund kishin rekomanduar të frekuentonte klimë malore. Pas konsultës me ta, prindërit vendosën për të shkuar në Sllovë. Aty kemi mbërritur një natë para se t’i arrestonin…

Ishit e pranishme në momentin e arrestimit?

Në Sllovë mbërritëm afër mesnatës. Babai kishte porositur një makinë tip xhip dhe ishim përgatitur për tu nisur në mëngjes herët. Për arsye nga më të ndryshmet makina erdhi aty nga mesdita. Udhëtimi zgjati disa orë. Kur shkuam në fshat, i gjetëm në gjumë. Të nesërmen te shtëpia ku rrinim u gjenden xhaxhallarët dhe të afërmit e tjerë. U bënë mbi 15-20 burra e gra. Kështu ndodhte gjithmonë në raste të tilla. Nga që u bënë shumë, dolën në oborr e po bisedonin. Herë pas here gartë e shtëpisë u servirnin kafe. Aty nga mesdita te porta kryesore u shfaqën policët e armatosur. Të parin kërkuan xhaxha Beshirin. Diçka folën me të në këmbë dhe pastaj u drejtuan nga babai dhe mamaja. Aty për aty nuk mora vesh se çfarë komunikuan me ta, por pashë që u hodhën prangat. Të parit xhaxha Beshirit, pastaj babait dhe mamasë. Në çast njëra nga gratë që ishte në këmbë mbërriti me zë të mbyllur…

Komunikuat me prindërit në këto çaste?

Situata ishte e papritur. Në moment më dukej vetja si në ëndërr. Teksa rrija e shtangur para gruas së xhaxhait, dëgjova zërin e mamasë që i thoshte: Amanet djalin, Sokolin! Sakaq, u hodh babai qortueshëm: Amanet Lavdijen se ajo do t’i mbajë mënd të gjitha! Kaq ishte gjithçka. Ku ta dija se ai do të ishte komunikimi i fundit me ta. Tek u ndamë i ndoqa me sy deri sa i futën forcërisht në makinë. Deri në fund mamaja nuk i shkëputi sytë nga unë…

Çfarë dinit në atë kohë për babain dhe mamanë?

E dija që kishin qenë të dy në luftë. Kisha mësuar që babai kishte qenë komandant divizioni dhe mamaja komisare e zonës Vlorë-Gjirokastër. Për këto mbanin disa dekorata që i ruanin në shtëpi. Poshtë e lartë kisha dëgjuar që së fundi kishin pësuar goditje. Nga që isha e vogël, nuk mund ta kuptoja ç’kishte ndodhur me ta. Për mua mjaftonte që ata ndjeheshin mirë me punët që u kishin ngarkuar. Më vonë pastaj e njoha të plotë historinë e tyre…

Ku qëndruat pas arrestimit të prindërve?

Dy vjet ndenjëm te xhaxhai në Sllovë. Pas dy vjetësh na internuan në Shtyllas të Fierit. E mbaj mënd si tani tmerrin e atyre ditëve. Ishin 20 makina që erdhën dhe na morën. Udhëtimi për te kampi i internimit zgjati dy ditë e dy net. Na plasën aty te koçekët e kooperativës, sikur të ishim kafshë dhe jo qenie njerëzore…

Kaq i madh ishte fisi Ndreu që u deshën 20 makina?

Fisi Ndreu ishte një fis i madh dhe i njohur për tradita dhe lidhje të fuqishme me njeri tjetrin. Ndoshta për këtë arsye na mblodhën me kuç e me maç dhe na plasën në Shtyllas. Në Sllovë lanë vetëm nga një grua për çdo familje, por edhe ato për tre muaj, sa të mblidhnin prodhimet e stinës. I fundit hipi në makinë im vëlla, Sokoli. Gruaja e xhaxhait iu lut policëve ta mbante aty, se ishte i sëmurë. “Në asnjë mënyrë!”, u përgjigj prerë eprori i tyre. “Nuk e kuptoni që për këtë qen po shkoni edhe ju aty”, u hodh një tjetër duke e kapur Sokolin prej zverkut për ta hipur në makinë…

Në Shtyllas pastaj nisi një jetë tjetër…

Jeta në Shtyllas ishte një skëterrë e vërtetë, në kuptimin e plotë të fjalës. Një kalvar i tërë vuajtjesh e mundimesh. Çdo ditë aty e kam kaluar me lot në sy. Fakti që për këtë ishin bërë shkaktarë (pa shkak) prindërit e mijë, më brengoste shumë, sado e vogël që isha. Më mundonte një ndjenjë e brendshme përball njerëzve të tim eti dhe mundohesha me mënyrën time, tua shpërbleja me sjellje dhe rezultate në mësime. Frekuentoja shkollën rregullisht dhe njëherazi punoja në arë, merresha me punët e shtëpisë, kujdesesha për Sokolin. Mbarova shtatëvjeçaren në Pojan me të gjitha pesa (ajo ishte nota më e lartë), por mu prenë krahët kur s’më lanë për më tej. Një plagë më vete kjo, që e përjetova shumë keq. Sidoqoftë, tanimë isha më e rritur dhe më e kthjelltë për atë që na kishte zënë.

Sa kohë qëndruat në Shtyllas?

Unë jam larguar nga Shtyllasi në vitin 1971, kur u martova te Merlikët e Krujës. Të tjerët qëndruan aty deri në fillimin e viteve ’90. Në Krujë në një farë mënyre shpëtova nga sfilitjet e kampit të internimit, por jo nga represioni politik që më ndiqte në çdo hap. Sidoqoftë, për nga kushtet e jetesës dhe puna në artistiken e qytetit, nuk kishte të krahasuar me Shtyllasin..

Si jeni njohur me lajmin për dënimin e prindërve me vdekje?

Lajmin për dënimin me vdekje e mësuam njëherazi me njoftimin për pushkatimin e tyre. Asokohe ishim akoma në Sllovë. E gjithë procedura për hetimin dhe gjykimin e tyre, ishte zhvilluar me dyer të mbyllura. Kur po prisnim me padurim ç’po ndodhte me fatin e tyre, një mbrëmje Radio Tirana dha lajmin e tmerrshëm: Sot u ekzekutuat tradhtarët e popullit Dali Nderu e Liri Gega! Ishte gjëmë e kaluar gjëmës. Nuk doja t’u besoja veshëve për atë që dëgjoja, por mjerisht ishte e vërtetë…

Pra, në të njëjtën ditë humbët të dy prindërit që u ekzekutuan nga e njëjta dorë…

Një tragjedi e tmerrshme, por më e keqja se nuk përfundonte me kaq. Akoma më makabër ishte lajmi për pushkatimin e nënës shtatzënë…

Kur thoni këtë keni parasysh vërejtjen që i bënte Hrushovi Enverit pas Konferencës së Tiranës, apo diçka tjetër?

Në atë kohë, nuk kishim asnjë mundësi të njiheshim me qortimin e Hurshovit për kreun e regjimit të Tiranës. Një mesazh i tillë as bëhej fjalë të vinte tek ne. Me të jemi njohur vitet e fundit nëpërmjet shtypit…

Me një fjalë, e keni ditur më herët…

Patjetër që e kam ditur, madje jo vetëm unë. Për moshën dhe lidhjet e afërta që kisha me nënën, nuk mund të më shpëtonte diçka e tillë. Pastaj, mënyra si u përjetua tragjedia dyfishe nga të afërmit, sidomos nga gratë e xhaxhallarëve, pushkatimi i nënës shtatzënë, veçohej, megjithëse nën zë, si gjëma më e rëndë. Kuptohet, në praninë tonë nuk flitej kurrë për të, por në ligjërimet e vajeve përmendej si plaga më e tmerrshme e asaj që na kishte zënë. Në vitet e mëvonshme kur jetonim në Shtyllas, mes familjarëve bisedohej hapur për ekzekutimin e nënës shtatzënë. Ka qenë një rast ku njëri nga xhaxhallarët në gjendje të pakontrolluar është shprehur publikisht: Enveri nuk vrau dy, po tre nga njerëzit tanë! Deshi zoti e qëlloi me njerëz të mirë, se do përfundonte keq edhe ai…

Po pas viteve ’90, jeni njohur me fakte e dëshmi të tjera për këtë krim makabër?

Jemi njohur me radiogramin e Hrushovit për Enverin dhe përgjigjen mohuese të këtij të fundit mbështetur në një raport fals nënshkruar nga një farë Bekteshi, i njohur asokohe si mjek pediatër(!) Të thuash e neveritshme, është pak, por me sa dimë nuk e ka besuar njeri, pale Hrushovi. Sakaq, duke u interesuar për vendvarrimin e prindërve, kemi mësuar dhe një fakt tjetër që vërteton krimin makabër: eshtrat e prindërve, me urdhër të posaçëm, i kanë djegur me acid! Kemi arritur të takojmë dëshmitarë të ngjarjes, që pohojnë se operacioni i drejtuar nga Kadri Hazbiu është kryer fill pas radiogramit të Hrushovit për të fshehur gjurmët. Me sa duket, barbarët i ka trembur ideja e një ekspertize për verifikime shkencore. Pastaj, te “Panorama”, dje, njëri nga të pranishmit në momentin e ekzekutimit, ka deklaruar se Liri Gega ishte shtatzënë kur u pushkatua…

Pas vite ’90 jeni interesuar për historinë e tyre?

Pas disa vitesh, erdha te dajat dhe më dhanë fizarmonikën që e kisha kujtim nga babai. E ruaj edhe sot si sytë e ballit. Selfixhe Mborja më ka treguar se kur ka studiuar me Lirinë në Firence të Italisë (për Filozofi), ditën e pushtimit të Shqipërisë nga Italia fashiste, ajo mblodhi të gjithë studentët shqiptarë që ishin aty dhe duke dalë në sheshin kryesor të qytetit grisi flamurin e Italisë dhe ngriti flamurin shqiptar. Në shesh ia mori këngës së Pashko Vasës “O moj shqypni e mjera shqypni”. E arrestuan dhe e burgosën. Falë ndërhyrjes së babait, si kryetar i Bashkisë së Gjirokastrës, autoritetet italiane vunë si kusht që Liria të izolohet në Tiranë ku do punonte si mësuese në gjimnazin e vajzave “Nëna Mbretëreshë”. Këtu punoi një vit dhe më pas doli ilegale duke u rreshtuar në radhët komuniste. Në nëntor 1941, u zgjodh komisare e përgjithshme e zonës operative Vlorë, Mallakastër, Gjirokastër. Pas çlirimit punoi mësuese në shkollën pedagogjike në Tiranë./ Nga AFRIM IMAJ

Një person ka humbur jetën dhe 14 të tjerë kanë mbetur të plagosur në një aksident të ndodhi rreth orës 04:00 në autostradën Napoli-Canosa, në zonën e Avellino-s, në drejtim të Napolit.

Mediat italiane raportojnë se një autobus me 38 turistë pasagjerë ka dalë nga rruga, pasi dy mjete që udhëtonin para tij janë përplasur, dhe shoferi i autobusit ka tentuar të devijojë.

Autobusi ishte nisur për në Romë kur u gjend pas dy makinave, të cilat u përplasën. Shoferi i autobusit është kthyer majtas për të shmangur përplasjen, por ka dalë nga rruga. Tre makina të tjera, të cilat po ndiqnin autobusin, përfunduan duke goditur makinat e ndaluara në mes të rrugës.

“Të gjithë pasagjerët ishin në gjumë. Ajo që na zgjoi ishte frenimi i fortë dhe më pas përplasja kur u përplasëm me makina para se të përfundonim në shkëmb ”, tha një nga pasagjerët e autobusit.

Ky lloj fruti gjendet shumë rralle në botë, por per fat te mire e kemi në Shqipëri.

E dini si quhet Kush nga ju e ka provuar?

Janë fruta krejt të veçanta, me një shije fantastike e të mrekullueshme. Aq sa, nëse nis të konsumosh disa kokrra nga këto fruta të vogla të shijshme, vështirë se mund të ndalesh.

Dikur, kur fshatrat kanë qenë më të populluara se sa sot, vallzat kanë qenë ndër frutat që jo vetëm kënaqnin fëmijë, të rritur e mysafirë me ëmbëlsinë e tyre.

Një pjesë e mirë e tyre përgatitej nga gratë si pjesë e zahireve të dimrit.

Ato ndaheshin me një th i kë në mes. Kaloheshin përmes një gjilpëre në një fill të trashë dhe lidheshin në formën e një vargu.

Më pas, vargjet e përgatitura gratë i linin që të thaheshin në diell. Për t’i konsumuar më pas gjatë stinëve të tjera të vitit, si fruta të thata apo si çaj gjatë dimrit.

Të Rrallat e Maleve të Shqipërisë

Nga veriu në jug të saj, Shqipëria është e bekuar me këtë frut unik.
Sot, vallzat nuk gjenden lehtë në treg ato janë përherë pjesë e sasive të vogla me fruta që shiten në tregjet e fshatarëve.

Vallzat, emri botanik i të cilave është Sorbus aucuparia janë fruta kokërr vogla të cilat rriten kryesisht në male e kodra.

Një parking në qendër tregtare amerikane u kthye në një mollë sherri mes disa vajzave.

Siç shihet nga pamjet e bëra publike, sherri ka agravuar dhe ato kanë nisur të zihen me njëra-tjetrën me grushte e shkelma.

Njerëzit u mblodhën me shpejtësi rreth tyre, jo për t’i ndarë, por për të parë “spektaklin”. ku disa filmonin ngjarjen.

Personeli i sigurisë së qendrës u befasua nga përshkallëzimi i papritur dhe u përpoq të “rifitonte kontrollin”, por u desh ndërhyrja e policisë për të qetësuar “gjakrat”.

They were throwing some combos though… pic.twitter.com/QAeojsY6KY

— Fight Mate (@FightMate) May 31, 2023

Personazhi i “Real People” këtë javë quhet Shaqe Balliu. Ajo rrëfeu dhimbjet që ka kaluar gjatë jetës së saj dhe vuajtjeve me një burrë që e dhunonte vazhdimisht.

Ajo tregoi se i shoqi, i cili tashmë është në burg duke vuajtur dënimin e shante gjatë gjithë kohës dhe e akuzonte për marrëdhënie jashtëmartesore. Shaqja sot gëzon tre djem, por rrëfen se një vajzë e ka humbur kur ishte shtatzënë, pikërisht nga dhuna.

“Një fëmijë ma ka vrarë ai, një vajzë. Ma vrau duke më rrahur, s’më duhen kopilat e tu tha, unë isha shtatzënë. Ngela pa dashje shtatzënë më atë vajzë, kam qenë 7 muajshe.

Bëra tre fëmijë me të se mos ta afroja, ai ishte pijanec, më thoshte i ke kopila, ke dashnor,” – u shpreh Shaqja.

Pasi e dhunonte çdo natë në orët e vona kur kthehej në shtëpi, ai i thyente dhe telefonin në mënyrë që ajo të mos komunikonte me policinë. Kjo është hera e tretë që burri i Shaqes po vuan dënimin për dhunë në familje pas hekurave.

Shaqja tha se është martuar 30 vjeç dhe familja e saj nuk donte ta jepte duke qenë se ishte shumë punëtore. Momenti kur ajo u nxit ishte kur dëgjoi nusen e të vëllait, me të cilën sot nuk flet, e cila tha ‘mos ta martojmë që të na rrisë fëmijët’.

“Pse po rris unë fëmijën e vëllait ose të nuses së vëllait që dhe sot nuk më flasin në telefon. Më mirë thash të jem e qetë krijoj një familje dhe të jetë një burrë për së mbari, mua më doli më keq se asnjëherë. M’lidhi dreqi me atë pukjan,” – tregoi Shaqja.

Për bashkëshortin që e ka dhunuar ajo tha se sot është në burg duke vuajtur dënimin sepse e ka denoncuar.

“Radhën e parë ra 7 muaj në burg për dhunë në familje. Më rrihte, më thyente dhe telefonin që mos të lidhesha me policinë. Radhën e dytë ndenji edhe një vit në burg,” – u shpreh Shaqja.

Shaqe Balliu rrëfeu kushtet e vështira në të cilat i është dashur të jetojë e të rrisë fëmijët e saj.

Ajo rrëfen se është detyruar ta lërë një nga djemtë vetëm, të lidhur në djep që të mund të dilte nga shtëpia se nuk kishin për të ngrënë, me frikën se në shtëpi mund të hynin edhe gjarpërinjtë.

Ajo tha se burri e dhunonte dhe për shkak të rrahjes prej tij kishte dështuar një fëmijë kur ishte shtatzënë.

“Një çokollatë nuk e dinë fëmijët prej babait të tyre. Nuk e duan as fëmijët. Nuk duan as mos ta takojnë në burg. Punoja gjithë ditën që t’iu jepja fëmijëve për të ngrënë. Kur më jepnin 10 mijë lekë më dukeshin sikur merrja 100 milionë lekë. Pasi ra në burg ika në Francë. Isha rreth 43-vjeçe, para 5 vitesh. Përpara se të ikja punoja në lagje punoja tokën për 10 mijë lekë.

E lidhja në djep djalin dhe ikja se po ta lija në krevat rrëzohej. Në djep ishte më i sigurt, i hidhja dhe një batanije leshi që mos ta mbysnin gjarprinjtë. Nuk e merrja dot në furgon djalin se burri i thoshte shoferit të furgonit që djali është me morra. Kam dashur disa herë të vrasë veten. Më pas më mori motra në Franca dhe qëndrova 1 vit e gjysmë. Më sollën me pranga se më denoncoi burri se kisha marrë kalamajtë”, tha gruaja.

Kur gjeni para ose bizhuteri në rruge nuk duhet t’i merrni pasi mund të sjellin fatkeqësi. Parimet e Feng Shui-t bazohen në energjinë, të cilën edhe objektet mund ta thithin nga pronari i mëparshëm, veçanërisht nëse janë prej metali ose druri. Prandaj, nëse gjeni një artikull që ju pëlqen është më mirë ta shmangni.

Në të shumtën e rasteve është një shenjë e keqe dhe është veçanërisht e rëndësishme të mos sillni sende të tilla në shtëpi për të mos prishur harmoninë dhe mirëqenien. Ky rregull vlen veçanërisht për sendet si paratë, pasqyrat dhe bizhuteritë.

Paratë

Sipas besimit feng shui, monedhat e vogla metalike, si dhe kartëmonedhat prej letre, mund të thithin energjinë e personit që i mbajti për herë të fundit në duar. Besohet se nëse gjeni një monedhë në rrugë është lumturi, por në fakt është një burim energjie e panjohur, të cilën me siguri nuk e dëshironi në shtëpinë tuaj.

Pasqyra

Besohet se pasqyra sjell vite fatkeqësish, veçanërisht kur thyhet. Është e sigurt që ky artikull lëshon një sasi të caktuar energjie dhe sipas parimeve të feng shui-t, ekzistojnë udhëzime të veçanta se ku duhet të pozicionohet pasqyra në shtëpi, për të mos tërhequr energji të keqe.

Bizhuteri

Besohet se bizhuteritë thithin energjinë e pronarit, veçanërisht kur janë prej ari ose argjendi. Si fillim, mund të jenë bizhuteritë familjare që janë përcjellë brez pas brezi, duke thithur çdo herë gjithnjë e më shumë energji të re. Edhe pse për disa njerëz besohet se bizhuteritë sjellin lumturi, në fakt mund të jenë një burim energjie negative.

Një tentativë grabitje ka ndodhur në orët e para të mëngjesit të sotëm në një biznes në rrugën dytësore Tiranë-Durrës.

Policia bën me dije se katër persona kanë tentuar të vjedhin ne dhunë biznesin për shitjen e betonit. Pas reagimit nga rojet e sigurisë, ata janë larguar me shpejtësi, duke përfituar edhe nga errësira.

Njoftimi i policisë

Më datë 04.06.2023, rreth orëve të para të mëngjesit, në rrugën dytësore Tiranë-Durrës, 4 persona ende të paidentifikuar, kanë tentuar të vjedhin me dhunë në një biznes privat (biznes për prodhimin dhe shitjen e betonit).

Për shkak të reagimit të shërbimit privat të sigurisë dhe mbështetjes dhe reagimit të menjëhershëm të Policisë, personat nuk kanë mundur të realizojnë vjedhjen dhe duke përfituar nga errësira janë larguar.

Grupi hetimor ka sekuestruar pamjet filmike dhe vijon punën nën drejtimin e Prokurorisë për zbardhjen dhe dokumentimin e ngjarjes, identifikimin dhe kapjen e autorëve të dyshuar.

Gazetari Artan Hoxha ka ironizuar rënien e vlerës së euros në vendin tonë. Me anë të një postimi në Facebook, Hoxha shkruan se rënien e çmimit të euros e kupton, por ajo që nuk merr vesh është se përse çmimi i të bardhës ka rënë aq shumë.

Sipas tij ka shkuar në 20 mijë euro kilogrami.

Pse euro ka shkuar per lesh, e kuptoj, po çmimi “te bardhes” në Durres, pse ka rene kaq shume, nuk e marr vesh???!! Ka shkuar 20 mije euro kilogrami, si me qene ananas!!!

Njerëzit që do të shpallen fajtorë për aksidentin vdekjeprurës me trena, në lindje të Indisë, do të “ndëshkohen ashpër”, ka thënë kryeministri indian, Narendra Modi.

Të paktën 288 persona janë vrarë dhe më shumë se 800 janë plagosur, në incidentin e së premtes në rajonin Odisha. Në incident janë përfshirë dy trena me pasagjerë dhe një tren me mallra.

Ekipet e kërkim-shpëtimit e kanë përfunduar punën, derisa zyrtarët kanë thënë se janë gjetur të gjithë pasagjerët e bllokuar dhe të plagosur.

Modi e ka vizituar vendin ku ka ndodhur aksidenti, dhe gjithë ngjarjen e ka cilësuar “të rëndë”.

Ai është takuar edhe me disa të plagosur në spital, dhe është zotuar se Qeveria e tij nuk do të lë “gurë pa lëvizur për të gjetur trajtim”, për ta.

Ende nuk është e qartë se çka e ka shkaktuar këtë incident, i cili është përshkruar si aksidenti më i rëndë i këtij shekulli në Indi.

Rreth 2.000 pasagjerë besohet se kanë qenë në dy trenat e përplasur.

India e ka regjistruar një incident të rëndë me trena edhe më 1981, kur një tren i stërngarkuar pasagjerësh ka dalë nga binarët dhe ka rënë në një lumë – në periudhë cikloni në rajonin Bihar – duke lënë të vdekur të paktën 800 njerëz. /REL