Category: Lajme

Në një ndër gjashtë profesione mungojnë punonjësit e kualifikuar, sipas një studimi të Agjencisë Federale për Punës: Më 2022 në 200 nga rreth 1200 profesione ka mungesë personeli – shumë më tepër se një vit më parë.

Agjencia Federale e Punës në Nyrnberg sapo ka publikuar studimin për punonjësit e kualifikuar gjatë vitit të kaluar.

Rezultatet janë tronditëse. Numri i punonjësve është pakësuar me një të katërtën brenda vitit në profesionet më të prekura nga kjo dukuri.

Ka mungesa në profesionet që kanë të bëjnë me kujdestarinë, personelin mjekësor, në zanatet në fushën e ndërtimit, në kopështe e çerdhet për fëmijët, në teknikën e automjeteve dhe në fushën e Teknologjisë së Informacionit. Krahasuar me një vit më parë gjatë vitit 2022 në hoteleri dhe gastronomi, në metalurgji dhe në autobusët e shërbimit urban ka mungesë personeli.

Për të ashtuquajturën analizë mbi mungesën e punonjësve të kualifikuar Agjencia Federale për Punën analizon 120 profesione dhe i vlerëson ato mbi bazën e gjithsej 14 indikatorëve. Si profesion me mungesë personeli klasifikohet ai profesion, nëse janë gjashtë indikatorë që nënkuptojnë këtë dukuri. Ndër këto indikatorë janë p.sh. kohëzgjatja e zënies së vendit vakant të punës, kuota e papunësisë në këtë profesion dhe zhvillimi i nivelit të pagesave.

Shumë vende vakante për pak punonjës të kualifikuar

Fillimi i vitit 2022, sipas Agjencië Federale për Punën, ishte mjaft premtues. Vështirësitë me furnizimet dukej se po kapërceheshin dhe pasojat e pandemisë ishin në shumë sektorë të përballueshme. Sulmi i Rusisë ndaj Ukrainës në shkurt 2022 ishte një ngjarje vendimtare, kur shumë njerëz nga Ukraina morrën arratinë dhe ndër të tjera gjetën mbrojtje edhe në Republikën Federale të Gjermanisë.

Ky zhvillim u ndje në tregun e punës. Regjistrimi i shtetasve të Ukrainës ndikoi në tregun e punës duke bërë që numri i të papunëve të ketë rritje më 2022. Nevojat e sipërmarrjeve për forca të reja pune megjithatë u rrit dhe numri i vendeve vakante arriti një vlerë të re rekord me gati dy milionë.

Ende nuk ka shenja përmirësimi

Edhe në profesionet e ndërtimit në vitin 2022 ka pasur mungesa në nivel federal. Në diferencimin sipas landeve megjithatë ka disa dallime si p.sh. në Berlin/Brandenburg ku ka mungesë në sektorin e ndërtimeve në lartësi dhe në thellësi. Ndërsa në disa lande të tjera aktualisht mungojnë arkitektë dheinxhinierë ndërtimi.

Në nivel federal prej vitesh mungojnë gjithashtu ekspertë në fushën e Teknologjisë së Informacionit dhe në këtë drejtim ende nuk duket se do të ketë përmirësim të situatës. Transformimi në këtë sektor mund ta intensifikojë edhe më shumë problemin e gjetjes së punonjësve të kualifikuar për këtë sektor. Në vitin 2022 ka pasur mungesa personeli kryesisht në fushën e zhvillimit të software-ve dhe në programim./DW

Numri i viktimave nga përplasja e trenave në Odisha të Indisë ka shkuar në 288 dhe mbi 1000 janë plagosur, raporton CNN.

Numri i viktimave pritet të rritet pasi shumë njerëz dyshohet se janë bllokuar nën vagona. Në aksident u përfshinë dy trena pasagjerësh dhe një mallrash.

Më shumë se 115 ambulanca dhe disa njësi të shërbimit zjarrfikës ndodhen në vendngjarje.

Ushtria indiane, ekipe nga Forca Kombëtare e Reagimit ndaj Fatkeqësive, Forca e Veprimit të Shpejtë të Fatkeqësive Odisha dhe shërbimet e zjarrit të shtetit janë dërguar në vend.

Qindra njerëz janë mbledhur jashtë spitaleve për të dhuruar gjak. Një zyrtar i lartë tha se rreth 850 njerëz janë shtruar në spital. Ministri i Hekurudhave Ashëini Vaishnaë urdhëroi një hetim të nivelit të lartë për incidentin ndërsa kryeministri i Odisha, Naveen Patnaik shpalli zi shtetërore njëditore.

Ky konsiderohet si një nga aksidentet më vdekjeprurëse të trenave në Indi në kohët e fundit. India ka pasur shumë aksidente të mëdha hekurudhore në të kaluarën, por siguria hekurudhore është përmirësuar ndjeshëm vitet e fundit falë investimeve dhe përmirësimit të teknologjive.

Aksidenti më i rëndë hekurudhor në historinë e Indisë ndodhi më 6 qershor 1981 kur një tren pasagjerësh doli nga shinat në shtetin e Biharit dhe shtatë vagonë ??ranë nga një urë në ujërat e lumit Bagmati, duke vrarë mbi 800 njerëz.

Në tregun e këmbimit valutor sot një dollar amerikan do të blihet me 100.6 lekë dhe do të shitet me 101.8 lekë.

Sot monedha evropiane do të blihet me 108.1 lekë dhe do të shitet me 109.2.

Franga zvicerane sot do të blihet me 110.3 lekë dhe do të shitet me 111.3 lekë.

Ndërsa paundi britanik do të blihet me 125.2 lekë dhe do të shitet me 126.5 lekë.

Një ngjarje e rënda ka ndodhur në provincën e Piacenza në Itali.

Një 20-vjeçar shqiptar ka humbur jetën pasi u gjet i plagosur.

Shqiptari vdiq gjatë transportit për në spital pasi u plagos me armë zjarri brenda një shtëpie.

Në shtëpinë ku u gjet djali ndodhej një burrë i cili mbajti shqiptarin për orë të tëra mbyllur në banesë duke mos e hapur derën për policët,

Burri u shoqërua në paraburgim, teksa ambulanca mori djalin 20-vjeçar, por ai humbi jetën rrugës në spital.

Ngjarja është ende mister, teksa policia po heton.

Ditën e Shtunë vendi ynë do te ndikohet nga kushte atmosferike relativisht të paqëndrueshme.

Moti parashikohet të jetë me vranësira mesatare deri të dendura si dhe intervale kthjellimi.

Vranësirat do të shoqërohen me reshje shiu me intensitet të ulët deri mesatar në formën e shtrëngatave afatshkurtra përgjatë Ultësirës Perëndimore dhe relieveve malore.

Era do të fryjë me drejtim juglindje-jugperëndim me shpejtësi mesatare 1-8m, duke bërë që valëzimi në dete të jetë i forcës 1 deri 2 ballë.

Pamje të pazakonta janë publikuar nga një burg në Greqi, ku një shqiptar ka vënë në rresht të gjithë të burgosurit, duke vendosur ligjin brenda mureve të godinës.

VIDEO që është publikuar gjërësisht në rrjetet sociale mendohet se është xhiruar në burgun e Koridhalos dhe ka si protagonist Fabio Dushkun, një i ri me origjinë nga Mirdita, i cili është dënuar me burg përjetë.

Siç mund të shihni në video, Fabio Dushku ka mbledhur të gjithë të burgosurit, dhe ndërsa mban një flamur kuqezi në dorë, u kërkon llogari.

Reagimi i Dushkut ka ardhur pasi në burg dikush ka ofenduar shqiptarët dhe i riu nga Mirdita ka marrë në mbrojtje bashkëkombësit e tij.

Bosi shqiptar kërkon që të mos ketë probleme në burg, pasi në rast të kundërt do të përballen me reagimin e tij.

Në fund, të burgosurit binden dhe japin me duartrokitje miratimin e tyre. Fjalimi i Dushkut dhe duartrokitjet e të burgosurve tregojnë qartë se ligjin në këtë burg e bëjnë shqiptarët.

“Stop” ka shkuar në Kombinat pasi Ilda Rryçko, 18 vjeç, nënë e një foshnjeje 5 muajsh, ka kërkuar ndihmën e emisionit. Ajo tregon se eshtë divorcuar nga bashkëshorti dhe jeton te prindërit e saj. Por Ilda nuk ka të ardhura për të mbajtur beben e saj të sëmurë.

Ilda Rryçko: Kërkova një ndihmë për djalin që e kam 5-muajsh dhe nuk kisha të ardhura, jam e divorcuar. Nuk kam kontakte fare me burrin dhe nuk kisha mundësi për djalin. Ka lindur prematurë, kam qenë 6-muajshe, kam qëndruar 3 javë në spital.

Gazetarja: Çfarë problemi ka?

Ilda Rryçko: Ka një hernie tek kërthiza, ka edhe një qese me ujë që ajo e acaron shumë, si dhjamë e ka tek kërthiza, e ka shumë të madhe. Ajo qesja me ujë i ngjitet lart. Më ka thënë kirurgu që kur të bëjë 3 vjeç duhet ta operojmë nëse nuk i ikën.

Gazetarja: Ilda me kë jeton?

Ilda Rryçko: Me mamin dhe babin.

Gazetarja: A vazhdon shkollën?

Ilda Rryçko: Jo.

Gazetarja: A punon?

Ilda Rryçko: Jo, jo.

Gazetarja: A ke ndonjë ndihmë nga ish-bashkëshorti?

Ilda Rryçko: Sa ka mundësi, më ndihmon. Nuk është se më përgjigjet shpesh, por sa ka mundësi më ndihmon. Për këtë gjë dhe jemi ndarë sepse nuk kishte mundësi, nuk punonte.

Gazetarja: Po tek familja jote si janë të ardhurat?

Ilda Rryçko: Edhe këto nuk kanë të ardhura të mira. Babi punon në parking, mami është e operuar. Marr borxh. Në fillim e kisha me gji djalin. Kur dola nga spitali më iku gjiri fare nga stresi, i fillova formulën, por nuk ja dilja dot me formulë sepse kushton dhe i fillova qumështin. Nuk ia dal dot sepse me bidon ky e çon një ditë, ditën tjetër do bidonin tjetër. Pampersat ja kam marrë të lira, me copa. Nga emisioni “Stop” kërkoj ndihmë deri kur të bëhet djali 3 vjeç që të ushqehet.

Pas apelit të së resë, “Stop” dhe “Fundjavë Ndryshe” ndihmojnë 18-vjeçaren me ushqime, veshmbathje dhe pampers. Ndërsa qytetari, Gëzim Beka i dhuron 100 Euro./tvklan.al

Një 18-vjeçar është vënë në pranga pasi i vuri flakën derës së ish-vjehrrit të motrës së tij.

Policia ka njoftuar se i riu nga Durrësi ka rrezikuar edhe jetën e banorëve të pallatit si pasojë e flakëve. Fatmirësisht nuk ka pasur asnjë dëm në njerëz, por vetëm materiale.

Po ashtu, policia ka shpallur në kërkim vëllain e autorit të kësaj ngjarje. Dyshohet se ai ka kanosur përmes telefonit ish-vjehrrin e motrës dhe i ka bërë presion që të mos kallëzojë në polici.

Në cilësinë e provës materiale u sekuestruan veshjet e përdorura nga 18-vjeçari gjatë krimit dhe një bidon plastik ku mbahej benzina.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Panorama TV ka zbardhur vendimin e Gjykatës së Elbasanit, e cila i dha mundësinë ish-ministrit të Brendshëm, Saimir Tahiri të lerë ambientet e qelisë dhe për të vijuar dënimin në banesën e tij në Tiranë.

saimir tahiri dokument lirimi nga burgu 2 majj

Gazetari i Panorama TV, Aldo Kozarja ka siguruar shkresën në të cilën gjyqtarja Matilda Fetau, arsyeton se Saimir Tahiri ka ende 1 vit e 8 muaj dhe 15 ditë dënim të pavuajtur dhe këto do t’i kryej nga banesa e tij në e cila ndodhet në Tiranë në zonën e Kodrës së Diellit.

“1. Pranimin e kërkesës.

I dënuari Saimir Bashkim Tahiri, i datëlindjes 30.10.1979, bazuar në nenin 59/a,

VENDOSI

Shkronja “b” të Kodit Penal, pjesën e pavuajtur të dënimit me burgim prej 1(një) vit, 8(tetë) muaj dhe 15 (pesëmbëdhjete)dite, ta vuaje me “Qëndrim në shtëpi”, ne adresën e banimit: Rruga “Kodra e Diellit”, pallati Nr.3, Bashkia Tirane.

3. Lejohet i dënuari Saimir Bashkim Tahiri, që gjatë periudhës së qëndrimit në shtëpi të largohet nga vendbanimi tij për plotësimin e nevojave të domosdoshme familjare për të cilat Shërbimi i Provës është dakord.

Urdhërohet lirimi i menjëhershëm i të dënuarit Saimir Bashkim Tahiri, nga vuajtja e mëtejshme e dënimit në I.E.V.P. Kosovë Lushnje, në zbatim të këtij vendimi, nëse nuk mbahet i arrestuar apo i dënuar për kryerjen e ndonjë vepre tjetër penale.5. Një kopje e këtij vendimi t’i dërgohet Prokurorisë pranë Gjykatës se Shkalles se Pare te Juridiksionit te Përgjithshëm Elbasan për zbatimin e tij dhe Institucionit të Ekzekutimit te Vendimeve Penale Kosovë, Lushnje”, thuhet në vendimin e Gjykatës së Elbasanit.