Category: Lajme

Gazetari miliarder Alfred Peza është zgjedhur drejtor i RTSH-së.

Këtë fakt CNA e kishte paralajmëruar pak ditë më parë.

Gazetari Alfred Peza është zgjedhur Drejtor i Përgjithshëm i Radio Televizionit Shqiptar me 9 vota.

Në garë ishin dhe 3 kandidatë të tjerë Enrik Mehmeti, Helidon Haliti dhe Laureta Roshi.

Ish deputeti dhe ish sekretari i Rilindjes, Peza njihet si mercenar mediatik i trafikantëve të drogës dhe abuzuesve me ligjin.

Peza i zgjedhur tashmë në krye të RTSH-së është gazetari i 1 milion dollarëve aksione bankare, i cili në vetëm 18 muaj, 4 apo 5-fishoi pasuritë e tij…vijon BURIMI: CNA

Ersida Dyrmishi, 30 vjecarja nënë e dy fëmijëve u shpall e zhdukur nga bashkëshorti i saj më datë 25.07.2022.

Në dëshminë e saj, e reja ka thënë që është mbajtur pa dëshirën e saj nga Marjus Musaku nga data 25 korrik deri me 3 gusht. E reja ka bërë denoncimin në policinë e Durrësit së bashku me bashkëshortin e saj.

Musaku nga parabaurgimi ka folur për “Shqipëria LIVE”, duke kërkuar lirimin, pasi sipas tij nuk ka asnjë provë që të qëndrojë në burg. Ai shprehet se gjithçka është bërë që ajo dhe bashkëshorti të përfitojnë azil. Sipas tij, Ersida sot ndodhet në Itali.

“Ersida sot ndodhet në Itali. Kanë shkuar për të kërkuar azil. OBGJ-ja, Nikoll Marku i ka dhënë një letër sikur ajo është përdhunuar. Ka përfituar azil. Në 12 gusht ka ikur në Itali. Ajo e bëri këtë sepse unë e kapa me shokun e burrit të saj.

Në shtëpinë në Durrës kemi qëndruar që prej datës 25 deri më 3 gusht. Ne dilnim për kafe, ajo e ka thënë dhe vetë tek psikologia. Asnjëherë nuk kam ushtruar dhunë. Normale që kemi kryer marrëdhënie, kemi qenë të dashur. Ajo ka ardhur me dëshirën më të madhe. Kemi shkuar nga Porto Romano.

Kur e kapa me shoku ne burrit të saj nuk i kam bërë asjgë. I thashë ik se nuk je për mua. Ersidës i kërkoj vetëm të thotë të vërtetën. E kapa me shokun, e lashë në jetën e vet.

Ajo më bëri puçin me burrin e saj. Nuk jam marrë njerë në pyetje. Më janë shkelur të gjitha të drejtat. I kërkoj vetëm të thotë të vërtetën. Nuk kam asnjë inat.

I kam paguar dhe shkollën të fëmijëve të saj. E kam mbajtur me lekë. E vërtetoj me të pyetur tek dyqanet. Ka blerë fustane të shtrenjta. Shumë njerëz na kanë parë si çift normal. Nuk e kam prekur njerë me dorë.”- tha Musaku.

Euglen Halilit ditën e sotme përpara drejtësisë ka rrëfyer se i kreu vrasjet pasi ishte në kushte të rendura ekonomike.

Halili ka rrëfyer se porosinë për të kryer të dy krimet e kanë marrë nga Erion Alibej duke shtur se në atë periudhë Xhuliano Hoxha ishte në kushte të vështira ekonomike dhe i duheshin para për të jetuar.

Alibej e ka kontaktuar Hoxhën fillimisht për të vëzhguar Emiljano Ramazanin. Alibej sipas tij i ka dhënë Hoxhës 5 mijë euro dhe një celular të kriptuar që të qëndronin në komunikim me njëri tjetrin.

Sipas prokurorisë Euglen Halili dhe Xhuliano Hoxha nuk kishin dijeni që për të kryer ekzekutimit ishte kontaktuar Nuredin Dumani. Halili ka deklaruar Xhuliano Hoxha ka marrë nga Erjon Alibej një listë me emra personash që do të vriteshin. Ai kërkonte të vriste Emiljano Ramazanin pasi kishte qenë në rolin e vëzhguesit në atë që njihet si “Masakra e Bradasheshit” në Dhjetor të vitit 2018.

Në atë ngjarje u vranë vëllai xhaxhi dhe një mik i familjes Alibej. Halili ka shpjeguar se ai se ka takuar asnjëherë Erjon Alibejn dhe as nuk ka folur pasi ai komunikonte vetëm me Xhuliano Hoxhën.

Në 19 korrik të 2020 është tentuar të vritej Emiljano Ramazani por atentati nuk është finalizuar pasi në tavolonë me të janë ulur edhe persona të tjerë. Ai u ekzekutua një ditë më pas poshtë shtëpisë së tij me 6 plumba të një pistolete TT.

Tensionohet sërish situata në Kosovë. Në veri të Mitrovicës është lëshuar përsëri sirena e alarmit nga serbët.

Në pamjet e publikuara nga faqja lokale në Mitrovicë “Radio Kontakt Plus” shihet që pas lëshimit të alarmit, serbët lokalë janë grumbullohen në një pjesë të qytetit.

Ende nuk dihet arsyeja e lëshimit të alarmit.

Ersida Dyrmishi, 30 vjecarja nënë e dy fëmijëve u shpall e zhdukur nga bashkëshorti i saj më datë 25.07.2022. Në dëshminë e saj, e reja ka thënë që është mbajtur pa dëshirën e saj nga Marjus Musaku nga data 25 korrik deri me 3 gusht. E reja ka bërë denoncimin në policinë e Durrësit së bashku me bashkëshortin e saj.

Musaku nga parabaurgimi ka folur për “Shqipëria LIVE”, duke kërkuar lirimin, pasi sipas tij nuk ka asnjë provë që të qëndrojë në burg. Ai shtoi se e gjitha është hakmarrje e Ersidës, pasi ai e kapi duke e tradhtuar me shokun e burrit, me të cilin ajo ishte e martuar.

“Jam në gjenje të rënduar. Më janë shkelur të gjitha të drejtat. Kam dorëzuar si provë telefonin në gjykatë, dy telefona ku ka të gjitha bisedat me Ersidën.

I kam kërkuar gjykatës t’i hapë. Por janë fshirë se thanë nuk ka asgjë aty. E kam patur 1 vit e gjysmë të dashur. Janë me prova të gjitha.

Janë marrë në pyetje disa persona, psikologja e Ersidës. Në orën 14:00 deri në orën 16:00, çdo ditë me Ersidën shkonim në hotel. Ka dëshmuar dhe i zoti i shtëpisë ku qëndroja unë. Po vuaj, kam gjithë jetën para, kam një motër. Ersidën e kam kapur me shokun e burrit të saj.

Duhet të hapen dy telefonat, nëse unë jam fajtor të dënohem me varje. Çështjak a shkuar në gjykatë. Ka dalë ekspertiza.

Përgjimi i telefonit. Më është shtyrë gjyqi sepse janë duke mbrojtur njëri-tjetrin. Mungon një gjyqtar thonë. Unë dua vetëm të dalë drejtësia. I bëj thirrje ministrit Ulsi Manja të shikojë dosjen time. Nuk ka asnjë shkelje.

Ersida bashkë me burrin janë zhdukur nga Shqipëria. Kanë korruptuar gjykatësit.

Unë nuk kam komunikuar me asnjë. Unë nuk jam marrë asnjëherë në pyetje. Kam qëndruar 20 ditë në grevë që të më merrnin në pyetje dhe më kanë çuar në urgjencë. Nuk më kanë marrë asnjëherë. Ersida nuk është paraqitur kurrë në gjykatë.”- tha ai.

Britania e Madhe ëshët tronditur ditën e sotme, pasi 3 persona janë gjetur të vdekur.

Ngjarja ka ndodhur në qytetin Nottingham mëngjesin e sotëm, vend i cili për momentin është në shtet-rrethim. Qendra e qytetit është rrethuar nga policia, pasi disa banorë raportuan për të shtëna me armë. Deri më tani një person është arestuar.

Publikut i është kërkuar të shmangë zonën dhe është paralajmëruar se gjashtë rrugë rreth zonës tregtare të qytetit ka të ngjarë të mbeten të mbyllura për “disa kohë” ndërsa hetimet e policisë vazhdojnë.

Policia u thirr në Ilkeston Road vetëm pas orës 4 të mëngjesit ku dy persona u gjetën të vdekur në rrugë.

Oficerët më pas u thirrën në një tjetër incident në Milton Street, ku një furgon kishte tentuar të përmbyste tre persona. Ata aktualisht po trajtohen në spital.

SPAK dha sot pretencën për vrasjen e Regis Runajt dhe Emiljan Ramazanit. Për Xhuliano Hoxhën është kërkuar 30 vite burg, ndërsa për bashkëpunëtorin e drejtësisë, 12 vite.

Në seancë ka qenë i pranishëm edhe babai i Regis Runajt. Ai ka prekur me fjalimin e tij në seancë.

“Ne jemi të varfër, kërkojmë drejtësi, gruaja imë është e sëmurë, shpesh e mbyll në shtëpi, djalin ma vranë me 27 thika, iu them këtyre djemve që vetëm një thikë më mjafton për të ikur te djali im. Ju i përqafoni fëmijët tuaj ndërsa unë rri e pres në shkallë. Dua që çunat të marrin aq sa meritojnë asnjë ditë më shumë”

Kujtojmë se vrasjet dyshohet se janë urdhëruar nga Erjon Alibej. Por kush ishte Emiljano Ramazani dhe përse u eliminua? Cila është lidhja e tij me vrasjen vetëm 9 ditë më pas mikut të tij, Regis Runaj? Cila ishte përplasja e grupit të tij ku ai bënte pjesë me atë të vëllezërve Alibej? Dhe cilat ishin vrasjet që shoqëruan këtë përplasje e cila mori trajta tragjike?

Një i penduar i drejtësisë do të rrëfente vrasjet e Emiljano Ramazanit dhetë Regis Runaj. Ai që ishte personi i fundit që ishte takuar mbrëmjen e vrasjes me këtë të fundit. Ndërsa Regis Runaj nuk e kishte kuptuar se personat me të cilët po shoqërohej kohët e fundit, ishin porositur për eleminimin e tij.Ky i penduar do të ishte Euglen Halili. Që rezultoi të jetë edhe vrasësi i Regis Runaj.

Ku për t’iu afruar sa më shumë presë tyre, dhe për të shmangur çdo dyshim të tijin mbi ta, ai dhe personat e tjerë në krim, shfrytëzuan hobin e tij për motorrat dhe shpejtësinë. Pasditen para ngjarjes, sipas dëshmisë të siguruar ‘Në Shënjestër’, Regis Runaj u takua në orën 17.30 në Shënkoll të Lezhës me Egisel Llapushin. Sipas tij, Regisi ishte marrë me shpërndarje narkotikësh dhe ishte dënuar më herët në Zvicër për këtë krim. Gjatë dëshmisë së tij, Egisel Llapushi, deklaroi se natën e ngjarjes, Regis Runaj ishte në shoqërinë e tij, Keidi Hazizollit, Xhuljano Hoxhës dhe Euglen Halilit. Lidhur mbi këtë dëshmi, policia shoqëroi për të marrë në pyetje, Xhuliano Hoxhën dhe Euglen Halilin.

Të cilët deklaruan se mbrëmjen e vrasjes së Regisit ata kishin shkuar në një park në afërsi të varrezave të qytetit të Elbasanit, ku kishin konsumuar hashash. Më pas Xhuliano Hoxha dhe Keidi Hazizolli kishin lëvizur bashkë, ndërsa Euglen Halili kishte lëvizur me viktimën Regis Runaj, me motor të drejtuar nga viktima. Menjëherë pasi morën këtë të dhënë, policia ushtroi kontroll në banesën e Euglen Halilit, nga ku në motorin e tij tip ‘Lifan’, poshtë pjesës së brendshme të sediljes, ekspertët gjetën gjurmë gjaku. Ku pas analizës së ADN-së, rezultoi të ishin të viktimës Regis Runaj. I gjendur përballë një prove të tillë të pakundërshtueshme, Euglen Halili, vendosi të bashkëpunojë me drejtësinë, duke treguar se ishte ai vrasësi i Regis Runaj./albeu.com/

Në tre muajt e parë të vitit, të ardhurat nga emigrantë shënuan nivelin më të lartë të paktën që nga viti 2008, kur raporton të dhënat Banka e Shqipërisë.

Sipas shifrave të Bilancit të pagesave të Bankës, në tremujorin e parë emigrantët dërguan në shtëpi 214 milionë euro, me një rritje prej 16% në krahasim me të njëjtën periudhë të një viti më parë.

Ky është nivel më i lartë edhe se viti 2008, kur cikli i parë i remitancave kishte arritur kulmin.
Pas atij viti, dërgesat filluan të binin vazhdimisht, duke reflektuar largimin gradual të emigrantëve nga vendi mëmë që zakonisht ndodh pas 15-20 viteve, teksa ata krijojnë familjet e tyre dhe i shkëpusin gradualisht lidhjet me vendin mëmë.

Por, që nga viti 2017, remitancat filluan sërish rritjen, në linjë me ciklin e ri të emigracionit (në vitin 2016 u shënua dhe një nivel rekord i kërkesave për azil në rreth 60 mijë).

Pas një reduktimi deri në 2020-n, i ndikuar dhe nga pandemia, 2022-shi shënoi një kulm të ri emigracioni, ku kërkesat për azil i kërkuan 30 mijë, pjesa më e madhe e të cilëve në Mbretërinë e Bashkuar.

Në kanalet e reja në vitet e fundit, krahas atyre tradicionale si Italia e Greqia ishin dhe Franca, Gjermania e Mbretëria e Bashkuar.

Gjithsesi, operatorët alternativë të tregut pohojnë se në kanalet zyrtare nuk është konstatuar një rritje e ndjeshme dhe tregu ka qenë stabël.

Vlerësohet se rritja mund të ketë ardhur edhe nga shtimi i burimeve informale. Këtë vit ka pasur një forcim të pazakontë të monedhës vendase, që sipas agjencive të këmbimit valutor ka ardhur jo vetëm nga turizmi, por edhe nga shtimi i burimeve informale të hyrjes së valutës.

Në fund të javës së kaluar, euro zbriti në një rekord të ri historik prej 105.62 lekësh. Tkurrja e euros tërhoqi dhe valutat e tjera, me dollarin që u këmbye me 98.56 lekë, niveli më i ulët në 12 vjet.

Rënia e euros në fakt zhvlerëson paratë që emigrantët dërgojnë në shtëpi, pasi me të njëjtën sasi valute familjet pritëse marrin më pak lekë.

Edhe emigrantët që vijnë me pushime duhet të shpenzojnë më shumë relativisht në valutë, për të kryer të njëjtat blerje si një vit më parë, për më tepër e shoqëruar me inflacionin e lartë./Monitor

Të shtëna me armë zjarri janë raportuar në SHBA.

Sipas mediave të huaja, ngjarja ka ndodhur në zonën e quajtur Annapolis, Maryland.

Tre persona kanë mbetur të vrarë dhe tre të tjerë janë plagosur. P

ër arsye hetimore identiteti i tyre nuk është bërë ende publik.

Shefi i policisë Edward Jackson njofton se ngjarja dyshohet të ketë ndodhur për shkak të një konflikti të çastit. Autori është vënë në pranga.

“Ne ende po përpiqemi të përcaktojmë gjithçka që ka ndodhur. Kemi shumë më tepër punë për të bërë,” tha zoti Jackson.

Të shtënat masive ishin incidenti i 290-të i tillë i regjistruar në SHBA këtë vit, treguan të dhënat nga Arkivi i Dhunës me Armë.

Ekspertët në Egjipt kanë gjetur pjesë trupi njeriu brenda peshkaqenit që plagosi dhe vrau një turist rus.

Grabitqari i oqeanit u gjet pak kohë pasi 23-vjeçari Vladimir Popov ishte ngrënë para turistëve të tmerruar. Peshkaqeni tigër u nxor nga deti në një rrjetë peshkimi përpara se të hidhej në plazh dhe të rrihej mizorisht në shenjë hakmarrjeje.

Ekspertët e kanë prerë peshkaqenin për të parë se çfarë kishte tjetër brenda. Përveç disa mbetjeve të turistit Popov, zorrët e peshkaqenit ishin ‘bosh’.

Dr. Mahmoud Dar, një profesor në Institutin Kombëtar Egjiptian të Shkencave Detare, tha se peshkaqeni femër mund të ishte provokuar për shkak të lindjes së fundit.

Peshku zbaton instinktin e tij natyror duke i vendosur të porsalindurit e tij në një vend të sigurt dhe nëse gjen ndonjë krijesë të gjallë, qoftë njeri apo tjetër, ai kalon në një gjendje agjitacioni dhe e sulmon atë, sepse ndihet i kërcënuar.

Babai i Popovit ishte një nga njerëzit që pa sulmin e tmerrshëm teksa ndodhej në breg të detit. Ai tha për mediat lokale:

Shkuam në plazh për t’u çlodhur, djali im u sulmua nga një peshkaqen. Gjithçka ndodhi në sekonda.