Category: Lajme

Një burrë nga Republika Domenikane është përballur me një të papritur pasi kishte vendosur që të martohej.

39 vjeçari shkoi në bashkinë e qytetit për t’u martuar me të fejuarën e tij po zbuloi se ishte i martuar prej tetë vitesh.

Kjo ngjarje ka ndodhur në Pastena, në provincën e Salernos.

39-vjeçari nga Republika Domenikane por që jeton në Itali, mohoi që ta njihte gruan në fjalë.

Ai bëri një denoncim në komisariatin e Salernos dhe paraqiti si provë pasaportën e tij nga e cila rezultonte se në atë kohë ai nuk ndodhej në Republikën Domenikane, por në shtetin italian.

Të zhdukur prej 2 muajsh, ende nuk ka asnjë gjurmë të Leonard Theodhorit dhe Fatmir Sulovarit.

Mësohet se policia pas disa javësh kërkime, ka ndërprerë operacionin për gjetjen e trupave të Leonard Theodhorit dhe Fatmir Sulovarit, të zhdukur prej 6 Prillit, në Sarandë.

Ky fakt është konfirmuar nga familjarët e dy të zhdukurve të cilët kanë zhvilluar dy herë takime me Drejtorin e Përgjithshëm të Policisë së Shtetit, Muhamet Rrumbullaku, për t’i kërkuar të zbulojë se çfarë ka ndodhur me Theodhorin dhe Sulovarin.

Por ndonëse kërkimet janë ndërprerë, hetimet vijojnë në forma të tjera. Verifikime po kryen për gjetjen e personave që fshihen pas rrëmbimit e më pas groposjes së 45-vjeçarit Sulovari dhe 52-vjeçarit Theodhori.

Dy të zhdukurit janë emra të njohur për policinë, pasi në të shkuarën kanë patur precedent në fushën e narkotikëve. Përfshirja e tyre në aktivitete kriminale dyshohet të jetë arsyeja e zhdukjes.

Një 41-vjeçar nga Përmeti i ka dhënë fund jetës në mënyrë tragjike.

Ai është gjetur i vetëvarur në panelin e dushit në tualetin e shtëpisë së tij. Burime bëjnë me dije se viktima është shtetasi Fredi Fekushi.

Ka qenë xhaxhai i viktimës ai që ka lajmëruar policinë mbrëmjen e djeshme, teksa e ka gjetur të pajetë nipin e vet në ambientet e dushit me litar në qafë.

Mësohet se Fekushi jetonte i vetëm në banesë në lagjen Mejden. Burime nga vendngjarja konfirmojne se 41-vjeçari kishte ditë që nuk konsumonte ushqim. Ndërkaq ai njihej si konsumues i lëndëve narkotike.

Ministrja e Arsimit Evis Kushi nëpërmjet një statusi në Facebook ka njoftuar rreth rezultateve të provimeve të Maturës Shtetërore.

Ministrja shprehet se për provimin e Gjuhës së Huaj; “kalueshmëria është 96% dhe me notën 10 janë vlerësuar rreth 24% e maturantëve”.

Jam optimiste për rezultatet e para të maturantëve tanë në provimin e gjuhës së huaj të Maturës Shtetërore. Gëzohem që një pjesë e mirë e tyre kanë shkëlqyer me rezultate të larta.

Kalueshmëria është 96% dhe me notën 10 janë vlerësuar rreth 24% e maturantëve.

Suksese të gjithëve edhe në provimet e radhës dhe ju bëj thirrje të gjithë nxënësve dhe mësuesve që të vijojmë të respektojmë rregulloren me korrektësi maksimale dhe të garantojmë së bashku një proces mature të qetë e me standarde!

Një triller po zhvillohet orët e fundit në Lasithi të Kretës, teksa dy efektivë policie janë gjetur të varur.

Bëhet fjalë për dy burra të së njëjtës moshë – 35 vjeç – të cilët u gjetën të varur, njëri në një ullishte dhe i dyti në derën e shtëpisë së tij, sipas cretalive.gr.

Dy policët shërbenin në komisariate të ndryshme, njëri në Kretë dhe tjetri në Atikë.

Ngjarja është një mister i madh dhe nuk dihet nëse janë të lidhura me njëra-tjetrën, teksa policia po këqyr vendet e ngjarjes. /albeu.com

Një aksident automobilistik ka ndodhur para pak minutave në aksin Krahës-Mallakastër.

Dy automjete janë përplasur me njëra-tjetrën, ku për pasojë kanë mbetur të plagosur tre persona.

Burime për Panorama bëjnë me dije se automjeti tip Mercedez-Benz me targa AA843TK i ka prerë rrugën mjetit tip ‘Toyota’, me targa AB920AP ku fatmirësisht përplasja nuk ka qenë e fortë dhe të plagosurit kanë marrë lëndime të lehta dhe ndodhen jashtë rrezikut për jetën.

Mësohet se të plagosurit janë dërguar në spitalin e Gjirokastër për ndihmë mjekësore të mëtejshme.

Policia ndodhet në vendin e ngjarjes.

Kafka e një femre është gjendur në Berat.

Bëhet me dije nga burimet për mediat se kafka ishte hedhur brenda qeses plastike, në qese ndodheshin edhe disa pjesë eshtrash të trupit. Detaje tronditëse zbulon punonjësi i varrezave të Burdulliasit, Tomorr Nure, ai që e gjeti dhe e hapi qesen, që ishte mbuluar me gjethe për të mos u zbuluar shpejt.

Mesditën e djeshme u raportua se një kafkë ishte gjendur e hedhur pranë një prej varrezave të qytetit. Kafka u gjet mesditën e djeshme pranë varrezave të Burdulliasit dhe ndodhej brenda një qeseje plastike. Por sot kanë dalë të tjera detaje tronditëse në lidhje me këtë ngjarje.

Ka qenë punonjësi i varrezave të Burdulliasit, Tomorr Nure, ai që e gjeti dhe e hapi qesen, i cili konfirmon se brenda qeses nuk ishte vetëm kafka por edhe pjesë të tjera të eshtrave.

Nure ka deklaruar se në qese ndodheshin edhe disa pjesë brinjësh dhe gjymtyrë dhe se në eshtrat e këmbëve ishin veshur çorape.

Punonjësi Tomorr Nure ka pohuar se ka qenë ora rreth 11:00 – 11:15 minuta kur ai duke pastruar ka gjetur një qese plastike të mbuluar me gjethe. Pasi e ka hapur, Nure deklaron se ka parë kafkën dhe pjesë eshtrash trupore dhe është tmerruar.

Ai konfirmon se menjëherë ka njoftuar përgjegjësin dhe policinë, që erdhën dhe i morën eshtrat. Nure, duke shpjeguar edhe mënyrën e zhvarrosjes së eshtrave, konfirmon se eshtrat nuk i përkasin varrezave të Burdulliasit dhe se nuk janë zhvarrosur nga asnjë varr i këtyre varrezave.

Duke treguar edhe vendin ku i gjet qesja plastike me kafkën dhe eshtrat brenda saj pohon se ajo është sjellë dhe është hedhur nga jashtë nga ndonjë person, që pasi e ka hedhur e ka mbuluar me gjethe për të mos u gjetur shpejt.

Kafka dhe eshtrat trupore, të gjetura mesditën e djeshme në varrezat e Burdulliasit në Berat, është transportuar pranë Institutit të Mjekësisë Ligjore në Tiranë, kur nëpërmjet metodave shkencore që do të kryhen dhe ADN-së do të përcaktohet identiteti i saj.

Kafka i përket një femre dhe ishte edhe e ekspozuar ndaj flakëve por nuk dihet fati i eshtrave të tjera të kësaj femre.

Policia është duke punuar nëpërmjet kamerave të sigurisë të shtëpive e bizneseve përreth varrezave dhe në dalje të rrugës nacionale, për të zbuluar identitetin e shtetasit që e ka hedhur këtë qese me kafkën brenda pranë varrezave. Po kështu edhe brenda varrezave duket se ka kamera të instaluara por nuk konfirmohet nëse këto kamera punojnë apo edhe nëse punojnë a e kanë rrezen e mjaftueshme për të parë sipërfaqen ku është hedhur qesja.

Detaje të teja kanë dalë në lidhje me kafkën, që u gjete ditën e djeshme në afërsi të varrezave të të Burdulliasit në Berat.
Kafka i përkiste një gruaje.

Kafka e dekompozuar ishte future në një qese plastike, e cila ishte lidhur dhe ishte hedhu pranë varrezave.

Sipas hulumtimeve të deritanishme, nga këqyrja e të gjitha varreve në këto varreza nuk janë të dëmtuara, ndërsa mendohet se kafka është hedhur aty, raporton gazetarja, Eneida Petova.

Kafka e dekompozuar është transportuar pranë Institutit të Mjekësisë Ligjore, kur edhe do të kryen ekzaminimet e nevojshme që do të përcaktojnë identitetit e saj.

Të njëjtat burime konfirmojnë se po punohet nëpërmjet kamerave të sigurisë në këtë zonë, por duke qenë se bizneset dhe shtëpitë pranë varrezave nuk kanë kamera, zbardhja e detajeve do të jetë e vështirë.

Ndërkohë, identifikimi i personit që i përkasin eshtrat do të bëjë të mundur dhe hetimet për pas të rrethanave të ngjarjes./albeu.com/

Infermierët, shoferët, mjekët specialistë, punëtorët e ndërtimit, personat përgjegjës për kujdesin ndaj fëmijëve, këto profesione ishin më të kërkuarat në Gjermani vitin e kaluar. Punëtorët e tyre nuk ishin të mjaftueshëm, pavarësisht pagës së madhe që ofrojnë këto profesione.

Infermierët dhe teknikët

Sipas faqes së internetit Paylab, infermierët dhe teknikët në Gjermani fitojnë nga 1500 deri në 4300 euro bruto.

Shoferët

Drejtuesit e autobusëve në Gjermani mund të fitojnë nga 1500 deri në 2600 euro në muaj.

Mjekët specialistë

Mjekët specialistë janë të radhës në listën e profesioneve deficitare në Gjermani.

Një mjek që jeton vetëm në Gjermani fiton mesatarisht 4500 euro në muaj.

Punëtorët e ndërtimit

Punëtorët e ndërtimit në Gjermani fitojnë nga 1200 deri në 3000 euro në muaj, pasi të jenë zbritur taksat dhe kontributet.

Dado

Të ardhurat mujore të një dadoje në Gjermani variojnë nga 1130 deri në 2500 euro./abcnews.al