Shqiperia Ime

Category: Lajme

  • Dy vite martesë, moderatorja Kiara Tito ndan një kujtim të paharrueshëm me Luizin

    Dy vite martesë, moderatorja Kiara Tito ndan një kujtim të paharrueshëm me Luizin

    Moderatorja e njohur Kiara Tito ka ndarë me ndjekësit një kujtim të ëmbël dhe emocional nga martesa me këngëtarin Luiz Ejlli, e zhvilluar gjatë natës finale të spektaklit “Big Brother VIP 2”. Në një postim në Instagram Story, Kiara publikoi një foto të tyre në momentin romantik të dasmës, shoqëruar me një emoji zemre dhe numrin “2”, si simbol i dy viteve martesë.

    Kjo ndarje e bukur tregoi se dashuria e tyre vazhdon të jetë e fortë dhe plot ngjyra pas dy vitesh të kaluara së bashku. Kujtojmë që martesa e tyre gjatë spektaklit u komentua gjerësisht në media dhe rrjete sociale, duke u cilësuar si një nga momentet më të veçanta në historinë e “Big Brother VIP Albania”. Ky moment shpërtheu emocione në çdo anë dhe bëri që shumë fansa të ndihen të lidhur me këtë çift të famshëm

  • Edi Rama bën parashikimin e rezultatit të zgjedhjeve të 11 Majit në Kuç të Vlorës! Ja sa mandate synon të marrë Partia Socialiste

    Edi Rama bën parashikimin e rezultatit të zgjedhjeve të 11 Majit në Kuç të Vlorës! Ja sa mandate synon të marrë Partia Socialiste

    Kryeministri Edi Rama synon që në zgjedhjet e 11 majit të marrë nga 78 mandate deri në 88. Parashikimin kreu i qeverisë e bëri në Kuç të Vlorës, vetëm tre dita para se qytetarët shqiptarë t’i drejtohen kutive të votimit

  • Luiz Ejlli fiton pafajësinë për “falsifikim” në Gjykatën e Apelit

    Luiz Ejlli fiton pafajësinë për “falsifikim” në Gjykatën e Apelit

    Prokuroria kërkoi 1 vit burg, por Gjykata e Apelit e ka shpallur të pafajshëm këngëtarin Luiz Ejllin.

    Ejlli u akuzua për falsifikim dhe u dënua nga Gjykata e Shkallës së Parë, vendim ky që e rrëzua këtë të enjte nga Apeli.

    Ne tetor 2024 fituesi i Big Brother Albania, Luis Ejlli, u dënua me 1 vit burg nga Gjykata e Fierit për falsifikim dokumentesh duke përdorur vulën e noterit, edhe pasi kishte humbur licencën, për të shpëtuar nga sekuestrimi, një pjesë të pasurisë së një ish-të dënuari për prostitucion në Itali.

    Ndërsa, 18 muaj u dënua personit Fatmir Abdurramani që i është hartuar deklarata noteriale. Vepra penale për të cilën Ejlli u dënua rezulton e kryer pak muaj para se të hynte në Big Brother.

  • E rëndë në Mirditë/ Po punonin për të lidhur energjinë në një qendër votimi, humb jetën 34-vjeçari, plagosen dy të tjerë

    E rëndë në Mirditë/ Po punonin për të lidhur energjinë në një qendër votimi, humb jetën 34-vjeçari, plagosen dy të tjerë

    Pak minuta më parë, një ngjarje e rëndë ka ndodhur në Kodër Rrëshen, ku një punonjës i OSHEE, Emiljano Bunga, ka humbur jetën gjatë kryerjes së punimeve për furnizimin me energji elektrike të një qendre votimi, ndërsa dy punëtorë të tjerë janë plagosur dhe janë transportuar me urgjencë në spital.

    Ngjarja ndodhi pranë godinës së një ish-shkolle të mbyllur, e cila është përshtatur për të shërbyer si qendër votimi në zgjedhjet e 11 majit.

    Sipas të dhënave paraprake, tre elektricistët po punonin për vendosjen e lidhjes elektrike në qendër, kur ndodhi një aksident i rëndë teknik, me pasojë fatale për 34-vjeçarin Emiljano Bunga.

    Autoritetet kanë nisur hetimet për të zbardhur shkaqet e plota të incidentit, ndërkohë që OSHEE dhe strukturat zgjedhore në zonë janë angazhuar për garantimin e vazhdimësisë së përgatitjeve për zgjedhjet.

  • Vajza e tij feston ditëlindjen, Julian Deda i bën urimin e veçantë

    Vajza e tij feston ditëlindjen, Julian Deda i bën urimin e veçantë

    Sot është një ditë e veçantë për aktorin e njohur të humorit, Julian Deda, pasi vajza e tij feston ditëlindjen. Sigurisht që nuk mund të mungonte dhe një urim publik nga aktori për të bijën.

    Teksa ka postuar një foto të ëmbël në “Instagram”-in e tij ku babë e bijë shihen të përqafuar, Deda ka bërë edhe një dedikim të veçantë përbri ku e cilëson Reinën si “dhurata më e bukur që më ka bërë jeta”.

    “Vajza ime, dhurata më e bukur që më ka bërë jeta. Të dua pa fund. Gëzuar ditëlindjen zemra ime..!”, shkruan aktori e ndërsa komentet poshtë tij kanë vërshuar me urime nga më të bukurat nga ndjekësit, miqtë dhe familjarët e aktorit.

    Kujtojmë që Juli dhe bashkëshortja e tij, Amanda, të cilët kanë 18 vite martesë gëzojnë dy fëmijë së bashku, Mateon dhe Reinën.

  • Ndodhi edhe kjo, Gjesti bën veprimin e papritur ndaj ish të dashurit të Eglit…

    Ndodhi edhe kjo, Gjesti bën veprimin e papritur ndaj ish të dashurit të Eglit…

    Mesa duket, Gjesti dhe Olsi Bylyku kanë gjetur një miqësi të përbashkët, ku së fundmi janë bërë follow mes vete në Instagram. Ky zhvillim ka tërhequr vëmendjen e publikut, veçanërisht pas viteve të fundit kur marrëdhëniet e artistëve shpesh janë subjekt i zënkave dhe skandaleve.

    Gjesti dhe Olsi tani janë bërë shokë në rrjetet e tyre sociale, dhe duket se asgjë nuk ka ndikuar që të kenë një marrëdhënie të shëndetshme, edhe pse gjatë qëndrimit të tij në Big Brother, Gjesti asnjëherë nuk ka përmendur se ka diçka me Olsin. Me dëshirën për të eksploruar mundësi të reja, është e rëndësishme të pranojmë që kjo miqësi mund të sjellë një rrjedhë të re të njoftimeve dhe përvojave për ndjekësit e tyre.

    E gjithë kjo është një mundësi për të dy artistët për të rinovuar jo vetëm marrëdhënien e tyre, por edhe për të ofruar përmbajtje inovative në tregun muzikor. Fansat tani presin me padurim të shikojnë se çfarë do të sjellin këta dy artistë të talentuar së bashku.

  • Një tërmet trondit këtë vend / Ja sa ishte magnituda…

    Një tërmet trondit këtë vend / Ja sa ishte magnituda…

    Sipas një deklarate nga Qendra Sizmologjike e Universitetit të Teheranit, tërmeti me magnitudë 5 ballë të shkallës Rihter, epiqendra e të cilit ishte qyteti Zeman Abad në provincën Semnan, u regjistrua në orën 08:53 sipas orës lokale.

    Banorët e panikosur kanë ‘lënë’ shtëpitë e tyre, deri në një momet qetësimi të situatës

  • Probleme me financat dhe stres në punë! 3 shenjat më me pak fat të horoskopit për verën 2025

    Probleme me financat dhe stres në punë! 3 shenjat më me pak fat të horoskopit për verën 2025

    Ujori
    Kjo verë pritet të sjellë vështirësi për Ujorët, me financat që janë një burim kryesor stresi. Nga korriku e tutje, menaxhimi i financave bëhet më i vështirë, ndërsa mundësia për të rritur të ardhurat ose për të investuar në projekte të rëndësishme do të jetë e kufizuar.

    Në të njëjtën kohë, ndikimi i Venusit mund të krijojë tensione në jetën romantike. Komunikimi me partnerin/en tuaj mund të bëhet më i vështirë, duke çuar në keqkuptime ose edhe konflikte. Kjo periudhë karakterizohet nga paqëndrueshmëri emocionale dhe nevojitet vëmendje e veçantë për të shmangur prishjen e ekuilibrit në marrëdhënie.

    Shigjetari

    Për Shigjetarët, kjo verë sjell shumë trazira, kryesisht në sektorin financiar. Ata mund të përballen me vështirësi në gjetjen e burimeve ose në investimin në përparimin dhe mirëqenien e tyre personale.

    Kjo pasiguri financiare mund të shtrihet në jetën e tyre profesionale, duke sjellë ankth dhe pyetje në lidhje me rrugën e tyre të karrierës.

    Peshqit

    Viti 2025 filloi me sfida për Peshqit, kryesisht për shkak të ndikimit të Saturnit, i cili solli presion dhe kufizime në fusha kyçe të jetës së tyre. Fatkeqësisht, vera nuk pritet të jetë më e qetë. Nga korriku e tutje, mund të lindin probleme në sektorin profesional – me vonesa, zhgënjime apo edhe dështime në plane ambicioze.

    Në të njëjtën kohë, financat do të jenë një burim stresi. Bërja e fitimeve ose sigurimi i burimeve do të jetë më i vështirë, gjë që mund të ndikojë në psikologjinë dhe vendimet e tyre. Ndikimi i Venusit sjell sfida shtesë në marrëdhëniet personale. Peshqit mund të përjetojnë tensione ose keqkuptime në jetën e tyre dashurore, me shanse të rritura për konflikte me partnerin e tyre.

  • “Fundjavë e …”/ Si ndryshon Moti 5 ditët në vijim, Tanja Porja zbulon çfarë pritet nga e premtja deri të martën…

    “Fundjavë e …”/ Si ndryshon Moti 5 ditët në vijim, Tanja Porja zbulon çfarë pritet nga e premtja deri të martën…

    Reshje te pakta gjate dites se sotme, gradualishte ne mesdite reshjet largohen nga territori shqiptar, teksa termometri ka shenuar nje renie te lehte ne oret e mengjesit dhe nje maksimum deri ne 24 grade celcius transmeton shqiptari.net.

    Por cfarë pritet 5 ditët në vijim?

    Sipas sinoptikanes, mbetemi në paqendrueshmëri të motit në intervale kohore pasi pritetn kthjellime te shumta ne territor.

    Ditën e premte pritet kryesisht pjesën e dytë të ditës fuqizim të vranesirave fillimisht në jug dhe juglindje dhe me pas në zonat qëndrore dhe shumë pak në veri. Priten rrebeshe afatshkurtra në zonat lindore dhe në fokus juglindja, ku rrezikohet nga stuhitë zona Korce, Pogradec, Ersekë

    Rreshjet vijojne mbremjen e te premtes deri mesditen e se shtunes, me pas mbasdite pritet kthjellim i kushteve të motit.

    E khjellet vijon dhe dita e diele me momente te izoluara pikash shiu kryesisht ne juglindje.

    E njëjtë me mot të kthjellët si dita e diel, vijon dhe dita e hënë.

    Ditën e martë rikthehen rrebeshet afatshkurtra fillimisht në jug dhe më pas në zonat qëndrore dhe krejt të pakta në veri transmeton shqiptari.net.

    Përsa i perket vlerave termike, në rang territori neser pritet nje renie e vlerave minimale dhe ritje e atyre maksimale. Ditet ne vijim pritet nje rritje e lehte dhe graduale e temperaturave minimale.

    Në zonat e uleta dhe bregdetare perfshire Tiranën, termometri i mëngjesit pritet te shkojne 12-14 gradë.

  • Vrasja e 15-vjeçares në Prizren/ Autori i dyshuar sulmoi gruan dhe dy vajzat e tij me thikë 20 cm: Të vdesim të gjithë

    Vrasja e 15-vjeçares në Prizren/ Autori i dyshuar sulmoi gruan dhe dy vajzat e tij me thikë 20 cm: Të vdesim të gjithë

    Prizreni është tronditur mëngjesin e së martës pas një krimi të rëndë në familje ku për pasojë humbi jetën një 15-vjeçare turke. Krimin po dyshohet se e kreu babai i saj, Mehmet Gorenç. Ai tashmë është dërguar në paraburgim, pasi Gjykata Themelore në Prizren aporovoi kërkesën e Prokurorisë.

    Detaje të reja janë zbardhur nga dëshmia e gruas e cila ka zbuluar se çfarë i ka thënë bashkëshorti teksa ka plagosur edhe atë së bashku me dy vajzat e tyre. Gjithçka dyshohet se ndodhi pas orës 05:00 të mëngjesit, kur i dyshuari nisi t’i sulmojë të bijat që ishin në gjumë. Fillimisht ai ka qëlluar me thikë 15-vjeçaren, e cila nuk arriti të mbijetojë dhe vdiq në vendin e ngjarjes.

    Krimi i rëndë u krye me një thikë mbi 20 centimetra, me të cilën i dyshuari e goditi edhe vajzën tjetër rreth 10-vjeçare, që mbeti e plagosur rëndë, si dhe bashkëshorten e tij, e cila pësoi lëndime më të lehta trupore. Autori i dyshuar i është drejtuar gruas së tij se “duhet të vdesim të gjithë”.

    Gorenç do të hetohet, nën dyshimin se ka kryer veprat “Vrasje e rëndë”, “Vrasje e rëndë e mbetur në tentativë” dhe “Armëmbajtje pa leje”. Masa e sigurisë është caktuar në seancën dëgjimore të mbajtur dje dhe do të zgjashë 30 ditë.