Category: Lajme

Një çift në Florida të Shteteve të Bashkuara po përballet me akuza për vrasje pasi trupi i një vajze adoleshente u gjet i copëtuar në një kosh plehrash.

Sipas autoriteteve, mendohet se e reja është njohur me çiftin përmes një aplikacioni njohjesh.

Departamenti i Policisë së St. Petersburg konfirmoi në një deklaratë të shpërndarë në Facebook se trupi i 16-vjeçares Miranda Corsette u la në një kosh për gati 2 javë pasi u shpall e zhdukur.

Policia raporton se i dyshuari Steven Gress, 35 vjeç, e takoi Corsette në një aplikacion takimesh dhe e bindi atë ta vizitonte në shtëpinë e tij për Shën Valentin.

“Pasi e takoi herën e parë, Corsette i shkoi përsëri në shtëpi,” tha policia. Autoritetet besojnë se ajo qëndroi me çiftin, deri para se gjyshja e adoleshentes ta shpallte atë të zhdukur.

Disa raketa balistike të Koresë së Veriut janë lëshuar në brigjet veriperëndimore të Koresë së Jugut, tha ushtria e Koresë së Jugut, duke shtuar se lëshimet u zbuluan të hënën, disa orë pas stërvitjes së përbashkët vjetore midis ushtrive koreano-jugore dhe amerikane.

Lëshimet e shumta të raketave shënojnë testet e para të raketave balistike të Phenianit që kur Presidenti i SHBA Donald Trump u kthye në Shtëpinë e Bardhë.

Ushtria e Seulit tha gjithashtu se ka forcuar mbikëqyrjen dhe ka mbajtur një qëndrim gatishmërie të plotë, në bashkëpunim të ngushtë me Shtetet e Bashkuara.

Koreja e Jugut dhe Shtetet e Bashkuara kanë nisur stërvitjet vjetore 11-ditore “Mburoja e Lirisë”, të cilat Koreja e Veriut e ka denoncuar prej kohësh si një provë për një pushtim dhe i është përgjigjur me një ose më shumë teste.

Pheniani, me këtë rast, lëshoi ​​disa deklarata duke kërcënuar Seulin dhe Uashingtonin se do të paguanin “një çmim të tmerrshëm për aktin e tyre të rrezikshëm provokues”.

Andis Harasani, ish-deputeti dhe politikani shqiptar, ka ndërruar jetë në New York pas një beteje me një sëmundje të rëndë. Lajmin e hidhur e ka ndarë edhe Fatmir Mediu, i cili ka shprehur dhimbjen për humbjen e mikut të tij.

Mediu tregoi se kishte pasur një bisedë të fundit me Harasanin më 12 shkurt, kur ai i rrëfeu për gjendjen e tij shëndetësore dhe për trajtimin në një spital në New York. “Edhe në momentet e tij më të vështira, Andisi mbeti një njeri i fortë dhe me shpresë,” u shpreh ai, duke i shprehur ngushëllime familjes.

“Me hidhërim të thellë mora lajmin se Andis Harasani ndërroj jetë në New York nga një sëmundje e rëndë.
🔹Ndoshta ndanim bindje të ndryshme politike, por ruanim një miqësi të vecantë kur Andia ishte në Shqipëri edhe më vonë kur u shkëput në Amerikë.

🔹Në datën 12 shkurt, më Andis më shkruajti për të më pyetur si jam, dhe më the se jam me tumorr, pastaj biseduam në tel për herë të ku më tregoj për sëmundjen e tij të rëndë dhe më tha se po kurohej në “Sloan Kettering në New York”, ishte i lodhur dhe i mundura shumë nga sëmundja por prapë ishte i fortë dhe me shpresë.

🔹Andisi ishte një mik i rrallë dhe në momentet e tij të vështira prapë kishte përkujdesjen dhe këshillën e një njeriu të mencur.
🔹Prehu në paqë miku im edhe pse larg dheut dhe vëndit tënd. Zoti i dhëntë forcë bashkëshortes dhe familjes tënde për të kapërcyer këtë moment shumë të vështirë.
Qoftë i paharruar kujtimi yt mik i mirë dhe gjithmonë i gjendur me zemër të madhe për këdo që kishte një hall”, shkruan Mediu.

Një aksident i rëndë rrugor ka ndodhur në Volos, Greqi. Mbrëmjen e së djeshme një çift i porsamartuar u aksidentuan për vdekje, pasi u përplasën nga një kamion. Të ndjerit që udhëtonin me motor, 31 vjeçari, janë Kostas Papakonstantinou dhe 32-vjeçarja Kerasia Alimantiri.

Mediet greke raportojnë se tragjedia nuk ndalet me humbjen e çiftit, pasi babai i 31-vjeçarit, kur ka mësuar për aksidentin e tmerrshëm automobilistik, nuk ka duruar dhimbjen dhe trishtimin dhe ka humbur jetën.

32-vjeçarja është vajza e një biznesmeni të njohur në Volos, i cili drejton një dyqan pjesësh këmbimi motorësh në qendër të qytetit, ndërsa 31-vjeçari punonte në një dyqan të ngjashëm. Çifti ishin martuar shtatorin e vitit 2024.

Disa miq të ngushtë të viktimave thanë se të dy ishin dëshmitarë të skenës së tmerrshme, teksa panë miqtë e tyre të ngushtë duke dhënë frymën e fundit para syve. Në gjendje shoku, ata u përpoqën të vrapojnë drejt tyre, por që ishte tepër vonë për ta.