Category: Lajme

Shtetasi shqiptar Alban Ajdini, i cili banon në Manduria, Itali ka krijuar një model këpucësh që mund të lidhen me një gisht, shkruan Rosarianna Romano në një artikull të botuar në “Corriere della Sera”.

“Unë i shpika për të moshuarit dhe njerëzit me aftësi të kufizuara”, tha 40-vjeçari, i ardhur në Brindisi në vitin 1991, i cili punon si shofer autobusi dhe kamioni.

Por, ai ka një pasion të vërtetë për shpikjet. Këpuca e lidhur me një gisht ishte projektuar për personat që kishin vështirësi. Tani ai do të përpiqet t’i prodhojë ato.

Alban Ajdini është 40 vjeç dhe punon si shofer. I lindur në Shqipëri, ai ka jetuar në Manduria, Taranto për më shumë se 30 vjet.

Në kohën e lirë? Ai mendon për ide të reja, të cilat bëhen prototipe reale të objekteve të të gjitha llojeve. Me një kusht: që të mos jenë shpikur ende nga askush. Si këpucë që lidhen vetë. Ose më mirë: me gisht.

Me një dizajn të thjeshtë por funksional, këpucët e krijuara nga Albani braktisin lidhëset, të cilat nuk janë komode për t’u lidhur, veçanërisht për të moshuarit dhe personat me aftësi të kufizuara.

Në vend të tyre ka dy shirita elastike, të cilët me një gjest të thjeshtë i lejojnë kujtdo që t’i veshë këpucët me lehtësi.

Drejtoria e Përgjithshme e Mbrojtjes së Pronësisë Industriale i dha patentën Alban Ajdinit pas depozitimit të shpikjes së tij.

Këpucë të dizajnuara për të moshuarit dhe personate me aftësi të kufizuar

“Arsyeja për këtë shpikje? Mendova për personat me aftësi të kufizuara, të cilët mund të kishin vështirësi të lidhnin këpucët. Me shpikjen time, megjithatë, mjafton një gisht. Dhe kaq”, shpjegon me kënaqësi Ajdini.

“Ideja është bërë projekt. Dhe tashmë mund të hyjë në treg”, shtoi ai.

“Tashmë qëllimi tjetër është t’i jap një kompanie mundësinë që të prodhojë këpucët e mia në një shkallë të gjerë, sepse në këtë mënyrë ato do të ishin të përballueshme për të gjithë”, tha Albani.

Dhe për të gjitha rastet: këpucët, në fakt, mund të plotësojnë çdo veshje, qoftë zyre apo casual.

Mbërritja në portin e Brindizit në vitin 1991

Albani ka lindur në Shqipëri, por ka jetuar në Itali për gati 34 vjet. Ai mbërriti në Pulia kur ishte gjashtë vjeç.

Së bashku me prindërit e tij, të cilët, si mijëra njerëz, në fillim të viteve 1990 i shihnin brigjet e Adriatikut si një sinonim për shpresën dhe të ardhmen.

Albani zbarkoi në portin e Brindizit më 7 mars 1991 dhe që atëherë jeton në provincë, në Manduria.

Pikërisht këtu, katër vjet më parë, 40-vjeçari mendoi për këpucët e tij.

“Unë vozis për të jetuar. Më pëlqen shumë të eci. Ideja, në fakt, më lindi ndërsa po bëja një shëtitje nëpër qytet dhe po vëzhgoja personat me aftësi të kufizuara dhe të moshuarit me shkopinj”, tha Albani.

“Me këtë shpikje shpresoj të përmirësoj jetën e tyre. Dhe tani, pasi është dhënë patenta, kjo ëndërr mund të bëhet realitet”, shtoi ai.

Edhe pse Albani ishte shumë i vogël, ai e kujton mirë ditën kur mbërriti në Pulia.

“Kam një pamje të gjallë, veçanërisht të përditshmërisë që ndërtuam sapo mbërritëm në Itali”, tha ai.

“Veçanërisht, do të kem gjithmonë në zemër ndihmën që na dha Caritasi, si për ne fëmijët, ashtu edhe për prindërit tanë. Kalova shumë mirë në Pulia dhe vazhdova të gjitha studimet e mia. Pas mbarimit të shkollës së mesme fillova universitetin, por pas provimeve të para vendosa të ndryshoj jetën time”, tha Albani.

Kështu kalojnë ditët e Albanit mes punës dhe krijimeve të reja. Dhe, në fakt, shpikje të reja priten në vazhdim.

“Kam projekte të tjera në mendje. Për shembull? Kur një kamion apo autobus ngec në rrugë, nevojitet një vinç dhe rripa, të cilët ngjiten në anën e pasme”, tha ai.

“Për të shmangur këtë, duke qenë se automjetet si kamionët janë të gjatë, ka hapësirë ​​për të futur pajisje hidraulike që mbështeten në trasenë elektrike. Me këtë mekanizëm do të mund të ngrihej pjesa e pasme. Kjo do të lejonte që qarkullimi i tyre të rifillonte shumë më shpejt”, tha Albani.

Për Albanin, shpikjet janë një pasion i vërtetë

“Krijimi i prototipeve është hobi im i preferuar. Puna ime është të jem shofer”, tha ai.

“Unë i kam të gjitha lejet e drejtimit dhe mund të drejtoj të gjitha mjetet, nga motoçikletat deri tek kamionët me rimorkio. Megjithatë, në kohën time të lirë, më pëlqen të mendoj për këto shpikje”, shtoi ai.

“Por, qëllimi im nuk është të vë pasuri. Unë kam një punë dhe jam i kënaqur. Ajo që dua është të krijoj gjëra të dobishme, që mund të ndihmojnë njerëzit. Do të doja të kontribuoja në shoqëri në këtë mënyrë”, tha Albani.

Koha është gjyqtari më i mirë, do të shohim se çfarë do të ndodhë dhe nëse këto shpikje do të përmirësojnë vërtet jetën e më të brishtëve.

Është shtyrë seanca për vrasjen e Martin Canit. (vijon)

Vodhën banesat e 49 personazheve VIP si futbollistë, pilotë të Formula Uno dhe këngëtarë të famshëm në Francë dhe Belgjikë, çmontohet banda kriminale shqiptare. Arrestohen 7 persona. Në total sipas policisë franceze kanë vjedhur rreth 1 milion euro, ku përfshihen bizhuteri dhe artikuj lëkure luksoze. Pasi janë vjedhur sipas policisë franceze mallrat e vjedhura janë shitur në Shqipëri.

Një bandë kriminale që synonte të famshëm dhe liderë biznesi është çmontuar nga autoritetet franceze. Gjashtë të dyshuar, përfshirë kreun e dyshuar, janë akuzuar pas një sërë grabitjesh të guximshme.

Në kuadër të këtij operacioni janë arrestuar shtatë persona. Dy të parët u arrestuan më 20 janar në Luksemburg, ndërsa pesë të tjerët u kapën më 4 mars pranë Reims. Midis tyre, gjashtë u paditën, duke përfshirë edhe drejtuesin e dyshuar të rrjetit, Edison Pula, një shqiptar rreth të tridhjetave. Ky i fundit, i kërkuar nga Interpoli, njihej tashmë për arratisjet e tij të shumta, përfshirë një spektakolare në qershor 2022 nga një burg italian.

Kreu i grupit Edison Pula
Francezët grupin e hajdutave e kanë “pagëzuar” me emrin Nikla

 

 

Policia franceze e ka cilësuar si një nga operacionet më të rëndësishme goditjen e kësaj bande.

Gjenerali Marc de Tarlé, komandant i Zyrës Qendrore theksoi rrezikshmërinë e këtij rrjeti. “Ky individ është një autor i përsëritur, ADN-ja e të cilit u gjet në më shumë se tridhjetë skena krimi midis qershorit 2022 dhe shtatorit 2024.” Ky operacion shënon një fitore të rëndësishme në luftën kundër krimit të organizuar, duke i dhënë fund veprimtarisë së një bande që vepronte prej disa vitesh.

Kryetari i PD-së, Sali Berisha hapi sot “thesin e premtimeve” në prezantimin e koalicionit për zgjedhjet e 11 Majit. Premtoi se do ta bëjë Shqipërinë superfuqi të energjisë. Gjithashtu, tha se nafta dhe energjia elektrike do të ulet.

“Nafta, jo more nuk mund ta paguajë shqiptari, vihem para problemit të kenë apo jo makina? Të kenë sa më shumë makina dhe nafta do të jetë as 1 qindarkë më shtrenjtë se në Kosovë që e merr nga Durrësi dhe e shet 40% më lirë.

Energjia elektrike do të ulet, do të jetë 7 lekë, me të gjitha përllogaritjet, mund të jetë edhe më lirë por po them 7 lekë. Për biznesin do të jetë 6 lekë. Do të gazifikoj Shqipërinë” tha ai.

Ka nisur seanca paraprake në Gjykatën e Tiranës ndaj të miturit Mario Përlleshaj, nën akuzë për vrasjen e bashkëmoshatarit Martin Canit. Siç raporton gazetarja Anila Hoxha, në seancën që ka nisur në orën 13:00 të së hënës kanë mbërritur dhe prindërit e Martin Canit.

Mario Përlleshaj mbahet në institucionin e të miturve në Kavajë, pasi u arrestua për krimin në shkollën “Fan Noli” ku i dyshuari ishte nxënës.

artia Demokratike e Shqipërisë prezanton koalicionin “Aleanca për Shqipërinë Madhështore”.

Ndërsa ironizoi deklaratën e kryeministrit Edi Rama, kryedemokrati Berisha bëri batuta me Kujtim Gjuzin.

“Ku je Kujtim, jepja ato mustaqe ose bëj diçka me të se çmendet pas mustaqeve të tua o burr i dheut, se unë e ti e njohim atë nga ana psikologjike, ia din ti arsyet pse e ka atë po tjetër punë, nuk është çështje e kësaj mbledhjeje”, tha Berisha.

Berisha: Ky koalicion nis garën elektorale përballë një narkoregjimi i lidhur kokë e këmbë me krimin dhe korrupsionin. Nis garën elektorale me një epërsi të jashtëzakonshme morale, prej dy muajsh PD dhe aleatët kanë bërë fushatë elektorale më të suksesshme. Në fushatë elektorale ka ndezur zemrat dhe shpresat e tyre, ka provuar një entuziazëm dhe vendosmëri e paparë nga shqiptarët deri më sot. Unë dhe ju do ta quajmë 2025 vitin e diasporës.

PD dhe aleatët e saj nisin fushatën me një epërsi të pakrahasueshme me kundërshtarin tonë, ne besojmë në vlera, jo në shndërrimin ne Shqipërisë në vendin e torturave, jo në plaçkitjen më të madhe që ka njohur shqipërua. Ne shkojmë kokulur dhe ballëhapur, kokulur sepse do të kërkojmë mbështetjen e tyre, zemrën e tyre, mendjen e tyre, por gjithashtu ne paraqesim një projekt që Shqipëria nuk e ka njohur kurrë më parë. Ne paraqesim një projekt në pamje të parë i largët, Shqipëria madhështore, por është absolutisht ëndrra më e bukur, e ditës dhe jo e natës e çdo shqiptari, e çdo njeriu punëtor me dinjitet. Pala tjetër paraqet hardhucë zhapikë, bretkosa, zhaba dhe tani së fundmi i ka ngel në gojë, ku je Kujtim, jepja ato mustaqe ose bëj diçka me të se çmendet pas mustaqeve të tua o burr i dheut, se unë e ti e njohim atë nga ana psikologjike, ia din ti arsyet pse e ka atë po tjetër punë, nuk është çështje e kësaj mbledhjeje.

Dy ditë më parë, teksa po festonte 8 majin me zonjat, kreu i socialistëve, Edi Rama ironizoi edhe koalicionin “Për Shqipërinë Madhështore” që ka krijuar Partia Demokratike.

“Në këtë sfidë të Shqipërisë ku po përgatitemi të hyjmë në betejë elektorale, ndryshe nga të tjerët që kanë grumbulluar të gjitha rraqet mashkullore të Shqipërisë në emër të një madhështie që Zoti e di ku është dhe që gjëja më madhështore që unë shoh janë mustaqet e Kujtim Gjuzit…shikoni mustaqet e Kujtim Gjuzit dhe aty ku keni kartvizitën e madhështisë së asaj bauleje me rraqe”.

Pas takimeve intensive për dy ditë rresht me ministrat dhe drejtuesit politikë të qarqeve, kryesocialisti Edi Rama në mbledhjen e grupit të PS, bëri të qartë se me zgjedhjet e ardhshme do të ketë një reformim të grupit parlamentar të PS.

Gazetari Mariglen Kume, i ftuar në një studio televizive, sqaroi se filozofia e Ramës është që asnjë deputet, qoftë burrë apo grua, që ka fituar edhe një mandat nën siglën e PS, nuk do të ketë vend në listën e sigurt të socialistëve.

Kjo, sipas tij, është një lëvizje që ka për qëllim të sjellë një ndryshim të thellë në strukturën e partisë, duke vendosur se ata që kanë fituar një mandat të vetëm duhet të garojnë në një listë të hapur.

“Mbledhja e sotme ishte ndryshe nga herët e tjera. sot u diktua vetëm për çështjen e listave. Në një farë mënyre, kryesocialisti, u tha disa personave që grupi parlamentar që kanë marrë një mandat nuk do të jenë në listë të sigurt, përveç drejtuesve politik dhe kabinetit qeveritar.

Kjo në fakt me gjasë ishte një lloj për ti nxjerrë dhe për tu thënë jo disa deputet që nuk do jenë aty, ose që do jenë në listë të hapur sepse kam informacione se disa prej deputetëve që kanë qenë njëherë, kanë marrë një mandat deputeti do të jene prape në listë të mbyllur, si psh Evis Kushi që pritet tëjetë në Elbasna.

Edhe për zonjat tha po shkojmë drejt kësaj filozofie, sepse sistemi i ri zgjedhor të bën të garosh burrat me burra dhe gratë më gra. ne këtë kontest dhe për gratë po shkohet me këtë që ato që kanë marrë një mandat të garojnë në listë të hapur.”

Përveç kësaj, Kume shton se ky është një mesazh për ata që mund të humbin vendin e tyre, duke e bërë garën më të hapur dhe më konkurruese.

“Kjo është një deklarata për ti thënë disa atyre që të mos ishte nominativ, ti jo, ti jo, por e gjeti një filozofi. Sipas informacioneve që kam ish-kryetarja e Kuvendit do të jetë në listë të sigurt në Tiranë, ish-ministrja e Drejtësisë, Etilda Gjonaj, prite të jetë në listë të sigurt, z,.Xhafaj, patjetër do të jetë në listë të sigurt,

Si filozofi nuk do t’i qëndrojnë edhe atë që tha Rama vet që mund të mos jem, me të gjitha gjasat që janë , Rama do të jetë në listë të sigurt, në Tiranë, dhe këtë e bën që te shmang veten e tij, dhe normalisht eliminon garën brenda tyre. Ky është një mekanizëm për të bërë vota.”