Category: Lajme

Me rastin e 8 Marsit në Prishtinë është organizuar një marsh me moton “Marshojmë për njana-tjetrën”, i organizuar nga Kolektivi “Marshojmë, s’festojmë”.

Të pranishmet që kanë marshuar në sheshin qendror të Prishtinës dhe kanë përcjellë mesazhe të shumta përmes pankartave me moton “Marshojmë për njana-tjetrën”, i organizuar nga Kolektivi “Marshojmë, s’festojmë”.

Të pranishmet që kanë marshuar në sheshin qendror të Prishtinës dhe kanë përcjellë mesazhe të shumta përmes pankartave që kanë mbajtur në duar, raportojnë mediat vendase.

“Drejtësia me vonesë është padrejtësi”, “Sot marshojmë çdo ditë luftojmë”, “Trupi jem e drejta jem” janë disa prej pankartave që po mbajnë në duar pjesëmarrëset.

Gjykata e Lartë ka shtyrë shqyrtimin e rekursit të paraqitur nga Arbër Veliaj dhe Ajola Xoxa. Siç ka bërë me dije gjyakta përmes një njoftimi, një nga tre gjyqtarët e caktuar për shqyrtimin e çështjes ka kërkuar të tërhiqet për shkaqe papajtueshmërie. Seanca ishte planifikuar të zhvillohej më 6 mars, ndërsa ëshë shtyrë për një datë tjetër.

Veliaj dhe Xoxa kundërshtojnë kontrollet e kryera në banesat dhe bizneset e tyre në dhjetor të vitit të kaluar. Në datën 6 dhjetor 2024, dy oficerë të Byrosë Kombëtare të Hetimit u paraqiten në derën e shtëpisë së kryetarit të Bashkisë Tiranë me një autorizim nga gjykata për të ushtruar kontroll

Oficerët qëndruan për dy orë në godinën e pallatit të kryebashkiakut në zonën e njohur si “Kodra e Diellit” dhe sekuestruan telefonin e gruas së tij Ajola Xoxa. Më pas ata kontrolluan për disa orë dhe zyrat e qendrës Harabel në zonën e ish-Bllokut.

Në aktivitetin me gratë dhe vajzat nga i gjithë vendi, kryeministri Rama ka konfirmuar edhe njëherë mbështetjen për strukturat e drejtësisë, duke thënë se 11 maji do të jetë votë kundër atyre që kërkojnë shkrirjen e SPAK-ut.

Në të njëjtën kohë ai dha një mesazh edhe për zyrtarët që akuzohen për korrupsion, duke thënë se “kushdo që do të hajë të tjerët pas shpine, do shkojë aty ku e meriton”.

“Nuk ka ndodhur ndonjëherë më parë që nga 1912 që cilido qoftë i lidhur me pushtetin politik, të shkojë përpara një prokurori dhe gjykatësi të pavarur, të hetohet dhe dënohet. PS bëri një reformë në drejtësi që nuk e ka bërë asnjë vend në rajon. Kur ne morëm detyrën ishim të fundit fare në trenin e anëtarësimit të BE-së. Ne tani jemi lokomotiva e gjithë rajonit. Një nga gjërat që bëmë ishte kjo: vendosëm të dorëzojmë te drejtësia shpatën e ndëshkimit që gjithmonë e mbante qeveria. Kush ka hyrë më parë në procese hetimore, ka hyrë me urdhër nga lart. Janë varur ministra në Shqipëri, sepse ka ardhur urdhri nga lart. Sot ndodh sepse ne shpatën e ndëshkimit ia dorëzuam drejtësisë.

Kjo është një gjë që garantohet duke hyrë në BE. Kjo nuk varet se del një buf kënete dhe thotë se do shkrij SPAK-un, apo se del një specie tjetër dhe përbetohet se do shkrij drejtuesin e SPAK. Nuk ndodh më kur të kemi në BE.

E treta, pse duhet të hyjmë në BE është se standardet e bashkëjetesës në të gjitha nivelet janë të garantuara. Ju zonjat jeni ato që e mbani shtëpinë, ju e mbani ekuilibrin. Kur të hyjmë në BE ne jemi vend përfitues. BE ka dy kategori, atë të kontribuesve ku janë më të mëdhenjtë dhe përfituesit, ata që kanë më shumë nevojë si puna jonë. Parapërfytyroni që të gjitha këto t’i vësh në diskutim për mustaqet e Kujtim Gjuzit.

Jini krenare edhe për atë që po ndodh në luftën kundër korrupsionit. Mos i dëgjoni ata që thonë ‘jo po ua morën të gjithë, jo po ua kapën të gjithë’. Ne jemi afro 800 mijë, bashkë me emigrantët do t’i afrohemi 1 milionëve. Njësoj si ju që kujdeseni për pastrimin e shtëpisë edhe ne në mënyrë të vazhdueshme do pastrojmë shtëpinë tonë e do ta bëjmë vendin që kushdo që do të hajë të tjerët pas shpine të largohet nga shtëpia e të shkojë aty ku e meriton.“- tha Rama.

Një aksident ka ndodhur në hyrje të Vlorës, ku një automjet ka humbur kontrollin, ka goditur disa makina të parkuara dhe më pas është përmbysur anës rrugës.

Fatmirësisht, drejtuesi i mjetit ka pësuar vetëm dëmtime të lehta.

Pamjet nga vendngjarja tregojnë përmasat e përplasjes, ndërsa autoritetet po hetojnë shkaqet e aksidentit.

Epidemia e fruthit që ka shpërthyer në jugperëndim të Shteteve të Bashkuara ka shkaktuar dy viktima dhe ka arritur në 230 raste, duke detyruar autoritetet shëndetësore të lëshojnë një paralajmërim të menjëhershëm për udhëtarët dhe profesionistët shëndetësorë. Sipas të dhënave të fundit, Teksasi ka regjistruar 198 raste, ndërsa Nju Meksiko 30 të tjera. Të dy viktimat ishin të pavaksinuar.

Qendrat për Kontrollin dhe Parandalimin e Sëmundjeve (CDC) kanë lidhur vdekjet direkt me fruthin dhe paralajmërojnë se shpërthimi do të vazhdojë të përhapet me shpejtësi. Fruthi është një sëmundje shumë ngjitëse që mund të përhapet përmes frymëmarrjes dhe mbetet në ajër deri në dy orë pas largimit të një personi të infektuar.

Simptomat përfshijnë temperaturë të lartë, probleme me frymëmarrjen, skuqje të trupit dhe mund të çojnë në komplikime serioze, përfshirë pneumoni, encefalit akut dhe vdekje. Vaksina është mbrojtja më e mirë dhe mund të sigurojë imunitet të përjetshëm deri në 97%, por shkalla e vaksinimit është ulur, veçanërisht pas pandemisë së COVID-19 dhe valës së keqinformimit për vaksinat.

Qytetarët kanë zhvilluar në një protestë në Ditën e Grave në Tiranë.

Mësohet se protestuesit kanë marshuar në rrugët e Tiranës paraditen e sotme.

Ata mbajnë pankarta në duar për të drejtat e grave dhe vajzave.

“Mos ma prek lirinë”, shkruhet në një nga pankartat.