Category: Lajme

Tensionet në shtëpinë e Big Brother VIP Albania janë ndezur sërish, këtë herë mes Jozit dhe Laertit, të cilët shkëmbyen akuza të rënda në një debat që nuk kaloi pa u vënë re nga publiku.

Gjithçka nisi kur Jozi e akuzoi Laertin se po shfrytëzon çdo situatë për të përfituar nga Valbona:

“Ti je shfrytëzues i Valbonës në çdo situatë. Nuk ke pikë ndjenje dhe në çdo rast e ke shfrytëzuar,” u shpreh ai me tone të ashpra.

Nga ana tjetër, Laerti nuk qëndroi i heshtur dhe i ktheu përgjigje duke i kujtuar Jozit të kaluarën e tij në shtëpi:

“Ti je i fundit që mund të flasësh për puthje me zor,” u shpreh ai, duke bërë një ironi të fortë mbi veprimet e mëparshme të saj.

Jozi nuk u ndal me kaq dhe vazhdoi me akuza:

“Laerti është vetëm për gjumë këtu. Ai shkon zvarrë, derdh edhe dy lot… Ti shfrytëzon çdo skemë dhe mundesh të përfitosh nga ajo vajzë.”

Aktori Mehdi Malkaj, mori fjalën e tij në protestën e thirrur nga PD kundër vendimit të qeverisë për mbylljen e TikTok.

“Nuk bëhet gjë pa protestë, grekët e dogjët Athinën, serbët e shqyen qeverinë. Po ne, pse dele?! Ne s’kemi historik delesh. Duhet të merrni pjesë në votime dhe të votoni për këtë që quhet ndryshim, se vdiqëm”, u shpreh aktori.

Pas tij, fjalën e morën të rinjtë pjesëmarrës në tubim, të cilët u shprehën “nuk është TikTok-u problemi në vend” dhe se nuk duhet të censurohet fjala e lirë.

Protesta nisi në orën 19:00 në Bulevardin “Dëshmorët e Kombit”, përballë Kryeministrisë dhe pritet të mbyllet në orën 21:00.

Parcelat me kanabis do të rikthehen në Shqipëri, por këtë herë jo për qëllime kriminale, por mjekësore.

Sipas ligjit, në gjithë vendin do të jenë 10 zona ku do të lejohet kultivimi i kësaj bime në mënyrë të kontrolluar. Një prej tyre është edhe Lazarati.

Zona e Gjirokastrës, sipas ekspertëve, është e përshtatshme për rritjen e kësaj bime, ndërkohë që Lazarati ka traditë në këtë drejtim.

Fshati i madh, afër Gjirokastrës, u bë arenë e aksionit më të madh policor në vitin 2014, kur u mor vendimi për të shkatërruar të gjitha të mbjellat me hashash.

Në aksion mbeti edhe një punonjës policie i vrarë, dhe dhjetëra banorë u arrestuan, disa u dënuan për krime të ndryshme. Rikthimi i kanabisit në Lazarat tani bëhet me qëllime krejtësisht të ndryshme. Ngritja e parcelave të kanabisit mjekësor ka disa kërkesa.

Ilir Kristo, Pedagog UBT: “Një kusht tjetër që ka kanabisi është që kërkon shumë ujë dhe sigurimi i burimeve nënujore është një kusht i tretë për kultivimin e tij. Për sa i përket zonave, ato që janë më larg bujqësisë intensive janë në Gjirokastër, zonën e Fierit, Korçës dhe Malsisë së Madhe.”

Toka ideale për kanabisin janë ato që janë të pasura me ujë dhe diell, ndërsa tokat argjilore nuk janë të mira për këtë bimë.

Ilir Kristo, Pedagog UBT: “Për sa i përket kushteve tokësore, kanabisi ka një kërkesë për toka të kulluara, toka të kenë ajër për sistemin rrënjor dhe ujë që të mos zërë të gjithë vëllimin e tokës. Rreth 65-70% e tokave janë të përshtatshme për kultivimin e kanabisit. Pavarësisht se si përkthejmë në vlera tokësore, kjo do të thotë afërsisht 400 mijë ha tokë të përshtatshme për këtë bimë.”

Dy laboratorë do të garantojnë cilësinë e bimës, ndërsa i gjithë prodhimi do të shkojë për industrinë e prodhimit të ilaçeve./Top Channel

Një sistem i fuqishëm stuhish ka shkaktuar kaos në SHBA, duke sjellë tornado të dhunshme, zjarre masive dhe erëra shkatërruese që kanë marrë jetën e të paktën 17 personave dhe kanë dëmtuar qindra shtëpi.

Missouri, shteti më i goditur

Missouri ka raportuar numrin më të madh të viktimave, me të paktën 11 të vdekur, pas një serie tornadosh që goditën gjatë natës. Ndër viktimat është një burrë, shtëpia e të cilit u shkatërrua plotësisht.

“Ishte e panjohshme si shtëpi. Vetëm një fushë me rrënoja,” tha koroner Jim Akers i Butler County. “Dyshemeja ishte përmbys. Ecëm mbi muret.”

Arkansas në alarm: viktima dhe të plagosur nga stuhia

Në Arkansas, autoritetet konfirmuan të paktën 3 viktima në qarkun Independence dhe 29 të plagosur në 8 qarqe të ndryshme si pasojë e stuhive të forta që kaluan gjatë natës.

Guvernatorja e shtetit, Sarah Huckabee Sanders, deklaroi në rrjetin social X: “Ekipet janë në terren për të vlerësuar dëmet nga tornadot e natës së kaluar dhe për të ndihmuar të prekurit. Për këtë operacion, kam lëshuar 250,000 dollarë nga fondi ynë i rimëkëmbjes nga katastrofat.”

Aksidente fatale në Texas

Në shtetin e Teksasit, tre persona humbën jetën si pasojë e aksidenteve automobilistike të shkaktuara nga një stuhi pluhuri në Amarillo, në zonën Panhandle.

Zjarr dhe shkatërrim: Më shumë se 100 vatra zjarri dhe qindra shtëpi të shkatërruara

Stuhia e fuqishme ka shkaktuar më shumë se 100 vatra zjarri në disa shtete jugore, duke përfshirë Oklahoman, ku rreth 300 shtëpi janë dëmtuar ose shkatërruar plotësisht nga flakët.

Guvernatori i Oklahomas, Kevin Stitt, raportoi se 266 milje katrorë (69,000 hektarë) tokë janë djegur nga zjarret, ndërsa banorët në disa zona u detyruan të evakuohen për shkak të rrezikut të madh.

Dëshmitarët e përshkruan situatën si katastrofike. “Ka aq shumë pluhur dhe rërë në ajër. Jam i frikësuar se mund të më përmbysë kamionin nëse e rris shpejtësinë mbi 55 milje në orë,” tha Charles Daniel, një shofer kamioni që po lëvizte në autostradën Interstate 40 në Oklahoma.

Tornado dhe stuhi të fuqishme në horizont

Shërbimi Kombëtar i Motit paralajmëroi se stuhi të tjera të fuqishme do të godasin rajonin juglindor të SHBA-së, me erëra që mund të arrijnë deri në 160 km/h. Ekspertët thonë se tornado të rënda dhe të gjata mund të prekin: Louisianën dhe Misisipin në orët e pasdites, Alabamën, perëndimin e Xhorxhias dhe pjesë të Floridës në mbrëmje.

Shkencëtarët e klimës theksojnë se kushtet ekstreme të motit në mars nuk janë të pazakonta, por kombinimi i erërave të forta, tornadove dhe zjarreve ka krijuar një situatë të rrallë dhe jashtëzakonisht të rrezikshme për miliona amerikanë.

ShBA përballet me një nga stuhitë më të rrezikshme të dekadës

Më shumë se 100 milionë banorë janë nën ndikimin e kushteve ekstreme të motit, ndërsa autoritetet i bëjnë thirrje njerëzve të marrin masa mbrojtëse dhe të ndjekin paralajmërimet zyrtare.

Shërbimet e emergjencës dhe ekipet e shpëtimit vazhdojnë të punojnë për të ndihmuar të mbijetuarit, ndërsa vendi përballet me një nga katastrofat më të rënda natyrore të viteve të fundit. /noa.al

Një 71-vjeçar ka tentuar që t’i japë fund jetës ditën e djeshme duke u hedhur nga kati i tretë i banesës ku jetonte.

Policia bën me dije se 71-vjeçar me iniciale E. Ç., ndodhet në spital, nën kujdesin e mjekëve, ndërsa po punohet për sqarimin e rrethanave të rastit.

“Më datë 14.03.2025, në rrugën “Shaban Bardhoshi”, është hedhur nga kati i 3-të i banesës shtetasi E. Ç., 71 vjeç, i cili ndodhet në spital, nën kujdesin e mjekëve. Punohet për sqarimin e rrethanave të rastit”, thuhet në njoftimin e policisë.

Materialet procedurale iu referuan Prokurorisë së Tiranës, për veprime të mëtejshme.

Një i moshuar është gjetur pa shenja jete në banesën e ti mesditën e kësaj të shtune, rreth orës 13:30, në fshatin Fitore të Novoselës në Vlorë.

Viktima është shtetasi H. T., 81 vjeç, teksa sipas autorieteve policore, nga të dhënat e para dyshohet se ka ndërruar jetë prej disa ditësh për shkaqe natyrale.

Raportohet se nga këqyrja paraprake, nuk janë konstatuar shenja dhune dhe trupi i 81-vjeçarit do t’i nënshtrohet ekzaminimeve mjeko-ligjore për përcaktimin e saktë të shkakut dhe kohës së vdekjes.

Policia thotë se grupi hetimor po punon për sqarimin dhe dokumentimin e plotë të rrethanave të ngjarjes.

Këtë të shtunë, në një deklaratë për mediat, lideri demokrat Sali Berisha, ka theksuar se Shqipëria do të arrijë një fitore të thellë më 11 maj.

Ai theksoi se ka parë një entuziazëm të madh nga shqiptarët, jo vetëm në Shqipëri, por edhe në diasporë.

Gjithashtu, Berisha ka kritikuar premtimet e kryeministrit Edi Rama, për integrimin e Shqipërisë në Bashkimin Europian, duke i cilësuar ato si “përralla.”

Berisha theksoi se me rrogat dhe pensionet aktuale, Shqipëria nuk ka asnjë mundësi të integrohet në BE.

Kreu demokrat u bëri thirrje qytetarëve që të mbështesin fitoren e PD-së, duke e quajtur këtë një hap të rëndësishëm për të ardhmen e vendit.

Më 11 maj, Shqipëria Madhështore do të realizojë një fitore të thellë, shtoi ai, duke shprehur besimin se populli shqiptar do të bëjë ndryshimin e nevojshëm për të ardhmen e tij.

Sali Berisha: Më 11 maj, Shqipëria madhështore do realizojë fitore të thellë. Kam parë një entuziazëm të madh tek shqiptarët në Shqipëri dhe jashtë saj. Sa i përket premtimeve të Ramës për integrim në BE, janë përralla. Nuk ka asnjë shans që Shqipëria me këto rroga e pensione të hyjë në Bashkimin Europian.