Category: Lajme

Ministria e Punëve të Jashtme e Serbisë ka reaguar ashpër pas nënshkrimit të memorandumit për bashkëpunim ushtarak midis Kosovës, Shqipërisë dhe Kroacisë, duke e cilësuar atë si një “provokim” dhe kërcënim për stabilitetin rajonal.

Serbia ka paralajmëruar se do t’u dërgojë kërkesë zyrtare ministrive të Jashtme të Shqipërisë dhe Kroacisë, duke kërkuar një shpjegim të detajuar mbi këtë marrëveshje, të cilën e konsideron si një strategji për të izoluar Beogradin.

Në deklaratën e saj, Serbia shprehet se “armatosja e njëanshme dhe bashkëpunimi ushtarak me struktura të paligjshme në Kosovë” është në kundërshtim me të drejtën ndërkombëtare dhe me Rezolutën 1244 të OKB-së. Beogradi gjithashtu e sheh shqetësuese faktin që Bullgaria është ftuar të bashkohet në këtë aleancë, ndërsa Serbia është përjashtuar nga çdo negociatë për sigurinë rajonale.

Duke theksuar se Serbia është “garante e paqes dhe neutralitetit ushtarak në Ballkan”, Ministria serbe deklaroi se nuk do ta pranojë këtë situatë në heshtje dhe kërkoi një përgjigje të menjëhershme nga Tirana dhe Zagrebi mbi qëllimet e vërteta të kësaj nisme ushtarake.

Në emisionin në Shënjestër nga gazetarja Klodiana Lala janë publikuar pamjet, kur Safet Bajri largohet pas vrasjes së Fatbardh Licit në 2018 Shkodër.

Gazetarja Klodiana Lala deklaroi se këto janë pamjet, që SPAK i ka përdorur si prova, në procesin ndaj Safet Bajrit, Astmer Bilalit dhe Behar Bajrit.

Këto janë provat kryesore ndaj 3 personave të dyshuar për vrasjen e Fatbardh Licit.

Prokuroria i ka identifikuar me personin 1 dhe 2 e janë identifikuar nga dhjetëra kamera sigurie, që pas kryerjes së krimit e deri kur është gjetur i djegur automjeti, i përdorur në vrasje.

Një makinë e bardhë është përdorur për vrasjen nga partnerja e Safet Bajrit, e cila është arrestuar për përkrahje të autorit të krimit dhe sigurimi i kushteve për të kryer vrasje.

Ditën e sotme (18 mars) në Kosovë u mbajt ceremonia mortore e babait të ish-presidentit të Kosovës, Hashim Thaçi.

Edi Rama, nuk mori pjesë, por kishte dërguar bashkëshorten, Lindën, Elisa Spiropalin dhe Taulant Ballën.

Ajo që shihet në një video të publikuar në rrjetin social Facebook nga Gazeta Nacionale, bie në sy se mes familjarëve dhe politikanëve të ndryshëm nga Shqipëria e Kosova, të cilët respektojnë ceremoninë mortore, teksa dëgjojnë të fjalimet e pjesëmarrësve, Taulant Balla nuk duron dot pa luajtur me telefon.

Në videon e mëposhtëme vihet re qartë mungesa e etikës dhe gjesti i turpshëm i Ballës teksa rri gjithë kohën me telefon në dorë dhe nuk e ka mendjen fare për të respektuar ato pak minuta të ndjerin dhe familjarët e tij.

Egli ka patur një bisedë të qetë me Kelly-n, ku ka folur për raportin e saj me Gjestin. Banorja shprehet se ai duhet të mbajë përgjegjësi për gjërat që ai ka bërë.

“Pse quhet sot e kësaj dite një marrëdhënie nëse nuk ka patur asgjë? Pse quhet? Pse komentohet? Ka patur pra, ti mbaj pjesën tënde, unë mbaj pjesën e ndjesisë sime, kam dashur dhe kam bërë ashtu. Të kam vendosur vetë para vetës, nuk më ke detyruar, kaq. Nuk ka problem, e mbaj unë këtë përgjegjësi”, u shpreh Egli.

“Kështu jam unë. Gabimi im, fatkeqësia ime është, nuk është i yti. Thjesht ti mbaj përgjegjësi për gjërat që ke bërë ti. Më ke bërë ti të ndihem ashtu, nuk e kam ndjerë nga hiqi.

Nuk rashë në dashuri me krevatin që nuk flet, as me kamerat. Kaq, këtë përgjegjësi mbaj dhe unë të kam thënë vazhdo rrugën tënde dhe unë timin”, vijon banorja.

Teksa Egli po bënte këtë bisedë me Kelly-n te dhoma e gjumit, Gjesti ishte aty dhe po i dëgjonte. Ai nuk foli, thjesht bënte disa mimika.

Një zjarr masiv ka përfshirë një stallë bagëtish në fshatin Barbullojë, njësia administrative Shënkoll, bashkia Lezhë.

Në vendngjarje janë nisur dy mjete zjarrfikëse me personelin përkatës.

Për shkak të përmasave të zjarrit, është kërkuar ndihmë edhe nga bashkitë Kurbin, Mirditë dhe Vau Dejës, të cilat kanë dërguar mjete zjarrfikëse dhe personel shtesë për të ndihmuar në shuarjen e flakëve.

Si pasojë e zjarrit veç djegies totale të stallës paraprakisht dyshohet se brenda janë djegur rrethe 200 krerë bagëti të imëta.

Finalistja e edicionit të tretë të Big Brother VIP Kosova, Xheneta Fetahu, ka reaguar publikisht ndaj disa raportimeve që qarkulluan në mediat rozë lidhur me një lidhje të mundshme të saj.

Në disa prej këtyre lajmeve, u paraqit një person i ri që thuhej se ishte i dashuri i Xhenetës, dhe se dyshja po kalonin kohë së bashku në Dubai.

Përmes një postimi në InstaStory, Xheneta ka shprehur pakënaqësinë e saj ndaj këtyre lajmeve, duke sqaruar se këto raportime janë të pavërteta dhe se ajo ka vendosur të reagojë pas disa ditësh heshtjeje.

“Jam e vetëdijshme që emri im mund të jetë tërheqës për portale që kërkojnë klikime, por kjo nuk justifikon në asnjë mënyrë publikimin e lajmeve të pavërteta. Deri më tani kam zgjedhur të mos reagoj publikisht, por nga ky moment e në vazhdim, çdo shpifje dhe keqinformim mediatik do të ndiqet penalisht dhe do të adresohet përmes institucioneve ligjore përkatëse”, tha ajo.

Mediat kanë aluduar se Xheneta ka shkuar në Dubai me të dashurin e saj të ri, i quajtur Remzi Azemi, i njohur me nofkën ”bisha”.

Gazetari Romir Saraçi ka deklaruar se ka pasur ndërhyrje për të liruar kushëririn e Ajola Xoxës, Namik Simixhiu, i cili është arrestuar për çështjen e inceneratorëve.

Sipas Saraçit, Simixhiu është i afërm i Ajola Xoxës dhe është përmendur në përgjimet e komunikimeve të lidhura me çështjen.

Saraçi ka pohuar se ka pasur diskutime për të ndikuar në lirimin e Simixhiut, duke theksuar se gjatë asaj periudhe janë dhënë masa të sigurisë që lidhen me këtë çështje.

Ai ka theksuar gjithashtu se Simixhiu ka pasur disa herë vendime gjyqësore që e kanë lënë të lirë nga burgu, duke vënë në dukje se ky është një element kyç në komunikimet që janë bërë publike.

Gazetari ka komentuar mbi pasigurinë e vendimeve gjyqësore në këtë çështje, duke theksuar se ndodhin kontradikta mes kërkesave të SPAK dhe vendimeve të gjykatave që çojnë në lirimin e personazhit në fjalë.

Në shënjestër/ Më datë 7 Mars 2020, nëpërmjet Pikës së Kalimit Kufitar ‘Qafë Botë’ është trafikuar për në Greqi sasia prej 1 144 kg ‘cannabis sativa’ e papërpunuar, 4 kg ‘cannabis’ i përpunuar (çokollatë) dhe 916 gr ‘cannabis” i përpunuar (vaj).

Ku në po këtë datë, rreth orës 14:30, organet e zbatimit të ligjit në Athinë, sekuestruan 949 pako të mbështjella me shirit ngjitës, të cilat përmbanin ‘cannabis’ të papërpunuar, me peshë bruto 1 144 kg, si dhe dy pako të mbështjella me shirit ngjitës, të cilat përmbanin “cannabis” të përpunuar (çokollatë).

Por ndërsa autoritetet greke mundën të kapin këtë ngarkesë me kanabis të ardhur nga Shqipëria dhe të arrestonin dy shtetasit italianë, këta të fundit zgjodhën të mos flasin se kush ishin në të vërtetë porositësit e mallit.

Madje ata ia ngarkuan drogën një shtetasi nga Bosnja, që në fakt nuk ekzistonte. Dhe thanë se e kishin marrë përsipër këtë mision, për shkak të borxheve që kishin në Itali.

Por ndërsa vitet kaluan dhe gjithçka duket se u hodh paq, bisedat në Sky Ecc, zbuluan se porositësit e kësaj ngarkese në fakt ishin Kristo Qirici dhe Eldjon Alushaj.

Që siç shikohet edhe në këto biseda të shkëputura nga komunikimet midis tyre në Sky Ecc flasin mbi arrestimin e dy italianëve në Greqi dhe sekuestrimin e lëndës narkotike që grupi kriminal kishte kaluar në këtë vend. Por zbulojnë edhe pjesëtarët e tjerë të organizatës kriminale midis tyre edhe oficerët e policisë që i ndihmonin të kalonin të pashqetësuar tonelatat me drogë.

Një ndër ta edhe Erdit Hazizaj që rezulton se nga periudha 16 Gusht 2017 deri më 5 Nëntor 2021, ka mbajtur pozicionin e oficerit të policisë pranë Drejtorisë së Forcës së Posaçme Operacionale në Drejtorinë e Përgjithshme të Policisë së Shtetit.

I cili siç do të shikohet edhe në vazhdim i kërkon ndere të ndryshme Kristo Qiricit deri edhe fletë hoteli për çunat …

‘File, ndonjë fletë hoteli për çunat jep dot’.

Biseda të cilat zhvillohen midis tyre para dhe pas këtij episodi trafiku që zhvillohet përgjatë muajit mars të vitit 2020.

Ndërsa Eldjon Alushaj, sipas verifikimeve të kryera nga grupi hetues rezulton se bashkërendonte të gjithë punët e aktivitetit kriminal me Kristo Qiricin, nëpërmjet një numri telefoni të cilin e kishte regjistruar në emër të nënës dhe më pas motrës së tij.

Biseda të cilat kanë provuar nëpërmjet sistemit Tims, edhe lëvizjet e shumta që këta dy shtetas kanë kryer jashtë Shqipërisë. Sidomos gjatë vitit 2020.

Koha kur grupi kriminal ka një aktivitet të shtuar përsa i përket trafikimit të lëndës narkotike në Greqi.

Momenti kur në lojë del dhe emri i oficerit të policisë Erdit Hazizaj, por edhe i shumë efektivëve të tjerë që janë vënë në shërbim të plotë të organizatës kriminale.

Siç është edhe ky episod i muajit shkurt, që i paraprin kalimit të 1 ton kanabis në doganën e Qafë Botës.

Ku Erdit Hazizaj kujdeset që rruga të jetë e lirë ‘nga shteti’ për Kristo Qiricin.

Kristo Qirici i kërkon Erdit Hazizaj që të interesohet te shokët e tij në polici, pasi kishte parë shumë lëvizje në zonën e Muzinës/Gjirokastër, rrugë në të cilën dyshohet se do të kalonte për të transportuar lëndën narkotike.

Më pas i thotë se po doli një rrugë marrim na një dyzetë mijshe.

‘Si ku është vendi?’

‘Gjërat janë nga zona, kurse kalimi nga Saranda.

‘Po më tha një i Gjirokastrës, kanë qenë pardje aty’.

‘Po doli një rrugë marrim një 40 mijshe. Gjynah ta lesh’

Por për t’u kthyer te episodi i dështuar i trafikimit të 1.2 ton kanabis, të kapur në Athinë më 7 Mars, ku u arrestuan edhe dy transportuesit italianë, Luca Bruno dhe Denise Carannante, Erdit Hazizaj del se nuk ishte punonjësi i vetëm i rrobës së policisë që ndihmoi Kristo Qiricin dhe organizatën e tij.

Pasi një tjetër shërbëtor i korruptuar që mbante ndërkohë mbi kokë kapelen e policisë së Shtetit ishte edhe Elvis Dërvishi.

Luca Bruno dhe Denise Carannante mësohet se kanë hyrë në Shqipëri më datë 6 Mars 2020, ora 07:50, nga Pika e Kalimit Kufitar Porti Durrës, me rulotin e tyre me targa FK 595 LV dhe kanë dalë nga Shqipëria nga Pika e Kalimit Kufitar ‘Qafë Bota’, më datë 7 Mars 2020, në orën 13:12.

Ku të dyshuar si të përfshirë në këtë episod të trafikimit të lëndëve narkotike nga Shqipëria drejt Greqisë, janë Kristo Qirici, Eldjon Alushaj, Benci Toska, dhe oficerët e policisë Erdit Hazizaj dhe Elvis Dërvishi, oficer policie.

Do të ishin pikërisht këta oficerë të policisë por edhe të tjerë që do të zbulohen më poshtë, të cilët duke shfrytëzuar pozicionin e tyre në policinë lokale,

jo vetëm po i krijonin infrastrukturën e duhur kësaj organizate kriminale për të kaluar drogën të pashqetësuar nëpërmjet akseve rrugore apo pikave kufitare, por edhe raportonin te kreu i këtij grupi kriminal edhe për ata që mund të ishin spiunët brenda radhëve të tyre, siç ishte kapja e sasisë së drogës në Greqi.

Një aksident rrugor është regjistruar paraditen e sotme në afërsi të shkollës “7 Marsi” në Tiranë. Sipas raportimeve nga vendngjarja, një automjet ka përplasur një këmbësor, i cili ndodhej te vizat e bardha.

Ende nuk dihen detaje të sakta mbi gjendjen shëndetësore të këmbësorit, ndërsa shërbimet e emergjencës janë lajmëruar dhe kanë mbërritur në vendngjarje për t’i ofruar ndihmën e parë.

Policia ka nisur hetimet për të zbardhur shkaqet e aksidentit dhe për të përcaktuar përgjegjësinë e drejtuesit të mjetit. Ndërkohë, lëvizja e automjeteve në zonë ka pësuar ngadalësime për shkak të incidentit.

Autoritetet apelojnë për kujdes të shtuar nga drejtuesit e mjeteve, veçanërisht pranë institucioneve arsimore, ku lëvizja e këmbësorëve është më e madhe.

Lidhur me ngjarjen tragjike të ndodhur në Koçan të Maqedonisë së Veriut me 59 humbje jete, në emisionin “People” ishte i ftuar Xhunejd Ademi, mjek i i Shtëpisë së Shëndetit Publik për të folur si një i pranishëm në ndihmën e shpejtë të dhënë ndaj të plagosurve.

– Advertisement –
Mjeku shpjegon momentet e vështira që nga fillimi kur duheshin organizuar ai së bashku me ekipet e shpejta për në vendngjarje.

“Na lajmëruan se është ndezur një zjarr në Koçan, duhej të organizoheshim mirë sepse na u raportua në fillim se kishte 20 viktima. Pastaj 3 ekipet e para kishin filluar të shkojnë në vendngjarje në Koçan, për ti dërguar të plagosurit në spitalet më të afërta si ajo në Shtip. Transportimi u bë edhe prej faktit që kapacitetet nëpër spitale janë të vogla.

Ambulanca të shumta i kanë marrë pacientët e djegur në gjendje kritike dhe i kanë sjellë në klinikat e Shkupit. Si ndihmë e shpejtë, ne morëm dy të rinj, një djalë 20 vjeç dhe një vajzë 17-vjeçe me djegie të thella të shkallës së dytë dhe të tretë që përpiqeshim ti mbanim të vetëdijshëm rrugës për në spital, ku na prisnin ekipet e tjera”, tha mjeku i Shtëpisë së Shëndetit Publik.

Më tej, Ademi shpjegon kontaktet e afërta që ka pasur edhe me familjarët e të lënduarve që sipas mjekut, kjo e bënte akoma më të vështirë punën e tyre.

“Momentet e para, të plagosurit ishin në gjendje kritike për ti marrë e për ti sjellë në Shkup. Kur mbërritëm në urgjencë, pashë familjarët që prisnin lajme se çfarë po ndodhte me fëmijët e tyre, nëse janë gjallë apo jo. Ishte ditë dramatike.

Një baba u afrua, duke iu dridhur zëri, më pyeste për vajzën e tij që nuk po e gjente askund… dhe as sot nuk di si t’i përshkruaj ato sekonda që ndjeva. Me pak fjalë, ndamë një dhimbje që na bëri të ndiejmë se sa të vogël jemi përballë fatkeqësisë.

Numri tani i viktimave nga institucionet është 59, por ka akoma shumë të plagosur në gjendje të rëndë të cilët janë transportuar në disa shtete. Ishte tyragjedi e madhe për shtetin tonë”, tha Xhunejd Ademi.