Category: Lajme

Një nga parashikimet e frikshme të Baba Vangës fatkeqësisht ka ndodhur, bëhet fjalë për tërmetin shkatërrues e vdekjeprurës në Azinë Juglindore, një profeci që rezultoi e vërtetë, duke u marrë jetën rreth 2700 personave.

Legjenda bullgare, emri i së cilës është Vangeliya Pandeva Gushterova, vdiq në moshën 84 vjeçare në vitin 1996, por emri i saj vijon e përmendet për shkak të parashikimeve që ka bërë. E verbër që në fëmijërinë e hershme, ajo thoshte se fuqitë e saj i kishte marrë gjatë një stuhie të tmerrshme. Ka “goditur” në shenjë me disa parashikime, si ai për vdekjen e Princeshë Diana-s apo fenomene si ngrohja globale e përmbytjet.

E quajtur ndryshe “Nostadramus i Ballkanit”, Baba Vanga thuhet se 85% e vizioneve të saj i ka pasur të sakta. Për 2025-ën, ka parashikuar se do ketë një konflikt në Europë që do pasohet me një luftë të re mes 2 shteteve. Ndërsa për vitin që vjen, ajo ka thënë se do ndodhin “luftëra mizore” dhe një apokalips botëror.

Çuditërisht, këto parashikime janë në sinkron me ato të Nostradamus.

Një incident ka ndodhur mbrëmjen e sotme pranë Mauzoleumit të Dëshmorëve në Durrës, ku dy vajza janë përfshirë në një konflikt që ka tërhequr vëmendjen e kalimtarëve të rastit.

Sipas dëshmitarëve, ngjarja shpërtheu në një moment tensioni të papritur, duke shkaktuar shqetësim tek ata që ishin në zonë.

Për të ndërhyrë dhe qetësuar situatën, ka qenë e nevojshme ndërhyrja e policisë, ndërsa një ambulancë ka mbërritur për të ofruar ndihmën e nevojshme mjekësore.

Autoritetet janë duke hetuar shkakun e këtij konflikti dhe do të ndërmarrin hapa për të zbardhur plotësisht ngjarjen.

Mësohet se vajza nuk ka pranuar të dalë nga makina pa praninë e policisë. Pas mbërritjes së dy furgonave të policisë dhe forcave të “Shqiponjave”, është bërë e mundur shoqërimi i vajzës në komisariatin e Durrësit për hetime të mëtejshme.

“Më tha që i vinte keq dhe madje më përqafoi”!

Kështu tha në emisionin “Chi l’ha Visto?” Flamur Sula, babai i Ilaria Sula-s, studentes 22-vjeçare që u gjet e vrarë dhe u mbyllur në një valixhe.

“Hera e fundit që kemi dëgjuar Ilarian ishte të martën dhe na tha se do të kthehej në shtëpi të shtunën – tregon ai në një intervistë që do të transmetohet sonte në orën 21:20 në Rai Tre. – Ajo jeton me shoqet në Romë, ku ndjek universitetin. Ajo ishte telefonata e fundit, pastaj kemi marrë mesazhe nga telefoni i saj. Ishte sikur të ishte vajza ime që shkruante: ‘Ciao, babi, mos u shqetëso. Jam mirë. Jam larguar me një djalë dhe një vajzë. Do të kthehem në Terni pas një muaji’”.

Më tej, Flamur Sula vazhdon: “Shkruante ‘mos u shqetëso, jam mirë’. Kjo gjë na ngriti dyshime. Nëse do të kishte qenë vërtet vajza ime, do të më kishte telefonuar. Të shtunën shkuam të bënim denoncimin për zhdukjen e saj. Më pas, të dielën, në komisariat takuam Mark Samsonin, djalin e vajzës sime. Nuk e dinim që ishin ndarë. Ai na tha se i vinte shumë keq, se ishte i shqetësuar për zhdukjen e saj. Dukej i qetë, madje më përqafoi”.

Vrasja tragjike e 22-vjeçares shqiptare, Ilaria Sula, nga i dashuri i saj filipinas në Itali, ka shkaktuar hidhërim dhe solidarizim të madh, veçanërisht mes të rinjve dhe bashkëstudentëve të saj në Universitetin “La Sapienza”.

Qindra studentë të përlotur u mblodhën pasditen e së mërkurës në oborret e universitetit italian, ku zhvilluan homazhe për të ndjerën. Ata vendosën lule poshtë fotos së saj, duke shprehur dhimbjen dhe revoltën ndaj ngjarjes tragjike.

Në një akt simbolik, protestuesit tundën çelësat në ajër, një gjest që simbolizon kërkesën për drejtësi dhe siguri më të madhe për gratë.

“E vërteta dhe drejtësia për Ilarian, një botë më e mirë është e mundur: le të organizohemi”, – shkruhej në një çarçaf të madh të vendosur nga studentët, duke bërë thirrje për veprim kundër dhunës ndaj grave.

Prindërit e Mark Anthony Samsonit ishin në shtëpi kur ai vrau Ilaria Sulën, vajzën shqiptare të zhdukur më 25 mars dhe që u gjet e pajetë brenda një valixhe në Poli të Italisë.

Babai dhe nëna e tij, i cili ka pranuar krimin, nuk janë aktualisht nën hetim. Pozicioni i tyre po shqyrtohet nga prokurori, i cili po heton rastin. 23-vjeçari, i pyetur nga prokurori publik, nuk iu përgjigj disa pyetjeve: ai tha se e ngarkoi trupin e Sulës në makinë, e mbylli në një valixhe dhe e hodhi në një shkëmb.

Ai e hodhi thikën në një kazan në Montesacro, ndërsa smartfonin e vajzës në një pusetë. Celulari nuk është gjetur ende, ndërsa nesër do të bëhet autopsia e trupit të Sulës.

“Më vjen keq për atë që bëra”, i tha Samson prokurorit, pa dhënë asnjë detaj mbi dinamikën e krimit apo motivin. Megjithatë, nga hetimet u zbulua se 23-vjeçari në fakt kishte vënë në veprim një plan alibie.

Ai ka dërguar mesazhe me celularin e Sulës dhe më pas ka fshirë profilet e saj në rrjetet sociale. Jo vetëm kaq, ai shkoi edhe në shtëpinë që e reja ndante me vajza të tjera, duke u shtirur si i shqetësuar për zhdukjen e saj dhe duke kërkuar informacion se ku ndodhej.

Sulmi ndodhi në shtëpinë që Samsoni ndante me prindërit e tij në lagjen afrikane. Mbrëmjen e 25 marsit, Ilaria Sula doli nga shtëpia dhe shkoi në banesën e ish-it, me të cilin lidhja kishte marrë fund pak më parë.

Aty e goditi disa herë me thikë duke e vrarë. Më pas e ngarkoi trupin në valixhen e tij dhe e hodhi në greminë. Në përpjekje për të larguar hetimin nga pista, ai përdori telefonin e saj, duke postuar histori në Instagram që u shfaqën menjëherë të dyshimta për ata që e njihnin.

“E kuptuam që nuk ishte ajo që i postonte ato gjëra”, shpjegoi një mik i vajzës për Fanpage.it. “Kur pamë që ajo postoi një histori në Instagram me fjalët “mos u shqetësoni për mua, unë jam mirë”, menjëherë kuptuam që nuk ishte ajo, nuk do të kishte postuar kurrë një histori me tre fjalë. Menjëherë menduam për ish-in e saj, edhe nëse nuk kishim prova. Ai ishte personi më i afërt me të dhe u alarmuam edhe më shumë”, thanë miqtë e saj.

Rreth shtëpisë në Terni ku jeton familja e Ilaria Sulës, studentes 22-vjeçare shqiptare që u vra i ish-i dashuri, ka heshtje.

Në godinën pak larg stadiumit, dritaret janë të hapura, por askush nuk shihet. Ka pasur edhe pak kalimtarë.

Disa fqinjë, të tronditur nga ngjarja, e përshkruan familjen si “njerëz të mirë dhe të sjellshëm”. Babai i Ilarias, sipas asaj që raporton Ansa është punëtor, ndërsa nëna e saj është shtëpiake.

I vëllai i Ilarias është 19 vjeç. Ai kërkon të kuptojë pse 23-vjeçari filipinez, Mark Antony Samson, vrau dhe futi në një valixhe trupin e motrës së tij dhe më pas e hodhi atë në një përrua në zonën e Polit në Romë. Ndërsa për fqinjët vrasja e motrës së tij është e paimagjinueshme. Për kryebashkiakun e Romës, Roberto Gualtieri, vrasja e studentes 22-vjeçare është një plagë e tmerrshme për të gjithë qytetin.

Vëllai i studentes së vrarë në Romë: Pse e bëri?

“Nuk mund ta shpjegojmë. Pse e bëri? Nuk e kuptojmë pse e bëri, vetëm ai e di.” Kështu thotë Leon, vëllai i vogël i Ilaria Sulës, i cili ka mbërritur në kryeqytet me disa të afërm. “Kam folur me Ilarian herën e fundit dy javë më parë, sepse ajo erdhi të na vizitojë në Terni”, kujton ai. Ajo ishte e qetë dhe nuk më thoshte për problemet. Pastaj vetëm mesazhe, por nuk jam i sigurt që i shkruante”. Ndërsa për të arrestuarin ai thotë: “E kam njohur, kanë qenë një vit bashkë por janë ndarë”.

Fqinji i ish-të dashurit të Ilarias: E paimagjinueshme

“Një familje serioze, punëtorësh, me këmbë në tokë. Mark e takova të hënën e kaluar, ishte i buzëqeshur, më përshëndeti, nuk vura re asgjë në veçanti. U trondita, është një gjë shumë e shëmtuar dhe e trishtueshme. E paimagjinueshme në njëfarë mënyre”. Giovanni Spanò, stomatologu i cili punon në një ordinancë ngjitur me banesën ku jetonte njëzet e tre vjeçarja e arrestuar për vrasjen e Ilaria Sula tregon historinë.

“Ai është një djalë i sjellshëm, i edukuar, asnjëherë një fjalë pa vend”, shton ai. “Ai jetonte këtu me prindërit e tij. Nuk do ta kisha imagjinuar kurrë diçka të tillë.”

Një mik i Ilarias: Ajo kërkonte paqen dhe harmoninë mes njerëzve

Ilaria gjithmonë ka vepruar për paqen dhe harmoninë mes njerëzve. Të mendosh se ajo u zhduk në një mënyrë kaq tragjike është një dhimbje e thellë”. Kështu shprehet Enriko, për studenten e vrarë me thikë në Romë, një shok nga Terni, i cili ndoqi shkollën fillore me të dhe mbanin lidhje më pas.

“E di që ajo ka shkuar në shkollën e mesme te Angeloni, sepse unë shkoja në shkollën matanë rrugës dhe takoheshim shpesh”, tha ai për ANSA. “Më kujtohet një vajzë që ishte gjithmonë e qetë, asnjëherë jashtë vendit, ndonjëherë edhe e turpshme. Nuk i pëlqente të tregohej, aq më pak të zihej apo debatonte. Në fakt, shpesh dhe me dëshirë kur përballeshim me njëri-tjetrin, preferonte të linte mënjanë mendimet e veta vetëm për të shmangur çdo tension.”

Në Sapienza moment reflektimi për Ilarian këtë mbrëmje

Sonte në orën 18:30 para Fakultetit të Statistikës do të mbahet një moment heshtjeje dhe vendosja e një lule në kujtim të Ilaria Sulës, studentes me origjinë shqiptare nga Terni, e cila ndoqi kursin trevjeçar në universitetin e Romës. E pranishme do të jetë edhe rektorja Antonella Polimeni, bashkë me të gjithë ata që dëshirojnë të marrin pjesë.

Kryebashkiaku i Romës, Gualtieri: Një plagë për të gjithë qytetin

“Lajmi për vdekjen e Ilaria Sula na mbush me dhimbje dhe zemërim. Afërsia ime dhe ngushëllimet e Rome Capitale shkojnë për familjen dhe miqtë e saj. Vdekja e saj është një plagë e tmerrshme për të gjithë qytetin që nuk duhet të qëndrojë indiferent përballë një tjetër femicidi të papranueshëm”, shprehet në një shënim kryebashkiaku i Romës Roberto Gualtieri.

Përgjimet

Gjatë vitit 2024, Prokuroria e Posaçme ka përdorur metodën e përgjimit për 163 procedime penale, ku janë interceptuar 3,096 pajisje fundore (telefonat e personave të dyshuar). Krahasuar me vitin 2023. Në total, janë ekzekutuar 2,046 vendime gjykate, një rritje e dukshme krahasuar me 1,669 vendime në vitin 2023.

Hetimet pasurore

Po ashtu, hetimet pasurore dhe financiare kanë qenë një prioritet i rëndësishëm për SPAK. Gjatë vitit 2024, janë sekuestruar dhe konfiskuar pasuri me vlerë totale 65.5 milionë euro, duke përfshirë pasuri të sekuestruara prej 28.7 milionë euro dhe ato të konfiskuara prej 36.8 milionë euro.

Kjo tregon një rritje të ndjeshme prej 59.7% krahasuar me vitin 2023, duke vënë në dukje efikasitetin e SPAK në luftën kundër krimit financiar dhe pastrimit të parave.

Krimi i organizuar dhe roli i grupeve kriminale në tregjet ndërkombëtare

Grupet kriminale shqiptare vazhdojnë të luajnë një rol të rëndësishëm në tregjet ndërkombëtare të krimit, kryesisht në trafikun e drogës, kontrabandimin e qenieve njerëzore dhe krimin kompjuterik. Sipas të dhënave statistikore për vitin 2024, SPAK ka zhvilluar një përpjekje të madhe në hetimin dhe ndjekjen penale të organizatave dhe grupeve të strukturuara kriminale. Nga totali i çështjeve nën hetim, vetëm 4.9% janë transferuar, 3% janë pushuar, 5.6% janë pezulluar, ndërsa 70.3% e çështjeve mbeten pjesë e hetimit për vitin 2025. Po ashtu, 34% e të pandehurve janë dërguar në gjykatë, duke treguar një progres të rëndësishëm në drejtim të zbatimit të drejtësisë.

Sipas vlerësimit të brendshëm të SPAK, janë identifikuar rreth 16 grupe kriminale me rrezikshmëri të lartë shoqërore, të cilat janë të mbështetur në lidhje familjare dhe miqësore dhe janë të përfshirë edhe në tregjet ndërkombëtare kriminale, kryesisht në trafikun e kokainës. Këto grupe janë aktive në qytete të tilla si Tirana, Durrësi, Shkodra, Kukësi, Lezha, Elbasani dhe Vlora. SPAK ka arritur të provojë me sukses 10 prej këtyre grupeve kriminale, të cilët janë të përfshirë në aktivitete kriminale të organizuara në disa qytete të vendit.

Trafiku i drogës

Në vitin 2024, janë regjistruar 35 çështje për trafikun e drogës, me gjithsej 35 persona nën hetim. Numri i çështjeve nën hetim për këtë vepër penale është gjithsej 124, ndërkohë që 5 çështje janë dërguar në gjykatë për gjykim, me 33 të pandehur. Hetimet për trafikun e drogës janë një nga prioritetet më të mëdha të SPAK dhe shohin një angazhim të vazhdueshëm për të goditur organizatat kriminale që operojnë në tregjet ndërkombëtare të drogës.

Edhe këtë javë moti në vendin tonë do jetë i paqëndrueshëm dhe me rreshje shiu.

Kjo situatë pritet të vijojë të premten dhe të shtunën. Ndërsa të dielën, temperaturat do të bien ndjeshëm dhe reshjet e dëborës do të rikthehen në zonat malore.

Temperaturat ditën e sotme do të arrijnë deri në 23°C, por nga mesdita e së enjtes do të nisë një rënie graduale. Të dielën temperaturat do të zbresin deri në -3°C në zonat malore.

Java e ardhshme do të nisë me kthjellime, por nga mesi i saj reshjet e shiut pritet të rikthehen sërish.

“E kam hedhur telefonin në pusetë”, kështu ka deklaruar 23-vjeçari Marc Samson i cili masakroi me thikë 22-vjeçaren shqiptare Ilaria Sula dhe më pas trupin e saj e vendosi në një valixhe, e cila u gjet në një zonë të pyllëzuar në Poli.

Valixhja ishte mbyllur me trupin e pajetë të shqiptares brenda dhe u gjet në fund të një shkëmbi.

Policia u dërgua atje nga ish-i dashuri filipinas, Marc Samson, student i arkitekturës dhe punonjës i McDonald’s, i cili u arrestua për vrasje dhe fshehje të një kufome.

Tabulatet telefonike të viktimës kanë çuar policinë drejt 23-vjeçarit, i cili në ditët e zhdukjes së saj dyshohet se përdori celularin e së resë për të bërë postime në rrjetet sociale të Ilaria-s. Më pas ka qenë ai që ka dërguar policinë në vendin ku ka hedhur trupin e ish të dashurës së tij.

Ndërkohë ka folur edhe vëllai i viktimës, i cili ka deklaruar se e motra ka qenë në një lidhje me të riun por ishin ndarë.

“E pashë motrën time për herë të fundit të dielën më 23 mars kur ajo erdhi në Terni. Ajo ishte e qetë dhe nuk më tregoi për asnjë problem. Kjo ishte hera e fundit që jam i sigurt që fola me motrën time. Nuk jam i sigurt nëse ajo i ka shkruar mesazhet që kam marrë pas asaj dite”, deklaroi Leoni, vëllai 20-vjeçar i Ilaria Sulës.

Ndërsa tregoi: “E njoh, ata ishin bashkë për rreth 1 vit, por u ndanë. Pyesim veten pse e bëri këtë. Vetëm ai mund ta dijë.”