Mijëra shqiptarë u mblodhën mbrëmjen e djeshme në qendër të Londrës, për të festuar ditën e Pavarësisë, 28 Nëntorin.
“Dailymail” shkruan se rrugët rreth “Westminsterit” u bllokuan nga qindra shqiptarë që valëvitnin flamuj dhe ndiznin fishekzjarre.
Shqiptarët nxorën nga garazhet makinat e tyre luksoze, teksa kanë “ngritur në këmbë” qytetin me zhurmën e borive.
Policia Metropolitane konfirmoi se janë arrestuar disa prej shqiptarëve, të cilët kanë hedhur fishekzjarre si dhe kanë qëlluar me shishe drejt policëve.
Policia lëshoi një urdhër që shqiptarët të largoheshin nga rrugët e Londrës qendrore, por ata nuk i janë bindur urdhrit dhe kështu janë bërë disa arrestime për bllokimin e rrugëve dhe prishjen e qetësisë publike.
Videoja e shpërndarë në mediet sociale tregojnë demonstruesit shqiptarë që bëjnë paradë me makinat e tyre dhe flamurët mes Londrës.
Policia ka bërë shtatë arrestime pasi mijëra shqiptarë u mblodhën në qendër të Londrës për të festuar Ditën e Pavarësisë. Rreth 1,000 persona u mblodhën pranë Stacionit Waterloo dhe Embankment të martën në mbrëmje për të festuar 28 nëntorin.
Policia Metropolitane tha se bëri shtatë arrestime pasi një grup shqiptarësh bëri akte dhune.
Aktet e dhunës përfshijnë sulmin ndaj oficerëve të policisë, hedhjen e fishekzjarreve dhe moszbatimin e një urdhri për shpërndarje, i cili ishte në fuqi deri në orën 4 të mëngjesit të së mërkurës.
Më herët, policia tha se vlerësoi se “rreth 1,000 njerëz” ishin mbledhur në rrugën Belvedere si pjesë e një demonstrate.
Ata thanë se një burrë u arrestua pasi hodhi një fishekzjarre, ndërsa dy makina u ndaluan sepse personat që udhëtonin në të “valëvitën flamujt shqiptarë nëpër çatitë e makinave në lëvizje”.Më herët, policia tha se vlerësoi se “rreth 1,000 njerëz” ishin mbledhur në rrugën Belvedere si pjesë e një demonstrate.
Ata thanë se një burrë u arrestua pasi hodhi një fishekzjarre, ndërsa dy makina u ndaluan sepse personat që udhëtonin në të “valëvitën flamujt shqiptarë nëpër çatitë e makinave në lëvizje”.
Më shumë arrestime u bënë pasi një grup përfundoi në York Road dhe u bë agresiv duke hedhur shishe ndaj oficerëve.
Oficerët ndaluan gjithashtu disa kolona makinash që udhëtonin në Londrën qendrore me një numër shoferësh të raportuar për shkelje të drejtimit dhe disa automjete të sekuestruara.
Dita e Pavarësisë së vendit është një festë publike në Shqipëri që shënon datën në vitin 1912 kur Shpallja e Pavarësisë së vendit themeloi shtetin modern ballkanik.
Është gjithashtu në të njëjtën ditë kur heroi themelues i vendit Skënderbeu ngriti flamurin, me shqiponjën e saj të zezë dykrenare në sfond të kuq, në vitin 1443 dhe themeloi Shqipërinë e sotme.
Rreth 140 mijë shqiptarë banojnë në Mbretërinë e Bashkuar, thuhet në një dokument qeveritar për migracionin të publikuar në qershor.
Komentuesit theksuan se vala e sëmundjes ishte jashtëzakonisht e ngjashme me raportet që dolën pak para Covid-it
Një video alarmante është filmuar në spitalet e Kinës ku shihen turma njerëzish të veshura me maska, mes frikës për një pneumoni misterioze që përfshiu vendin.
Pekini këmbëngul se një virus i ri nuk është fajtor për skenat e kaosit, të cilat kanë shtyrë zyrtarët të inkurajojnë banorët të ndjekin masat e përdorura dhe gjatë Covid-19, si mbajtja e maskave, distancimi dhe qëndrimi në shtëpi. Mediat lokale kanë raportuar se objektet shëndetësore janë ‘të mbingarkuar me fëmijë të sëmurë’.
Megjithatë, Ministria e Shëndetësisë e Kinës pretendon se mund të përballojë rritjen e sëmundjes, e cila shkaktoi panik global javën e kaluar kur u shfaqën lajmet për situatën.
Shqetësimet bënë që Organizata Botërore e Shëndetësisë (OBSH), në një ndërhyrje të rrallë publike, të kërkojë zyrtarisht informacione të mëtejshme nga Pekini për infeksionet. Komentuesit theksuan se vala e sëmundjes ishte jashtëzakonisht e ngjashme me raportet që dolën pak para Covid-it, të cilin Kina u akuzua për mbulim.
Pekini filloi të lirojë politikat e tij të rrepta mbarëkombëtare ‘zero-Covid’ vetëm në dhjetor të vitit të kaluar pas protestave masive që panë njerëz që i bënin thirrje Xi Jinping të jepte dorëheqjen.
Nikolai Ogolobyak, 33 vjeç, u dënua me 20 vjet burg në vitin 2010
Një kanibal rus në një kult satanik që theri katër adoleshentë, duke u prerë kokën dhe duke ngrënë pjesërisht dy prej tyre është falur nga Presidenti Vladimir Putin pasi luftoi kundër Ukrainës në një njësi famëkeqe të dënuarish.
Nikolai Ogolobyak, 33 vjeç, u dënua me 20 vjet burg në vitin 2010 për vrasje dhe përdhosje të kufomave për një seri vrasjesh të tmerrshme rituale që tronditën rajonin e Yaroslavl, ku adoleshenti i atëhershëm njihej si “Konti”, thuhet në media.
Ogolobyak dhe adhurues të tjerë të Satanit, duke përfshirë një me nofkën “Hitler”, ua prenë kokën dy nga katër viktimat e tyre, më pas ua nxorrën zemrën dhe gjuhën të cilat më pas i skuqën dhe i hëngrën, tregojnë dokumentet e gjykatës.
Lirimi i përdhunuesve dhe vrasësve pasi luftuan për Putinin po shkakton alarm në rritje në rajonet anembanë Rusisë. Deri më tani më shumë se 30 njerëz janë vrarë nga të dënuarit e të liruar nga burgu për të luftuar në luftë. Për të dënuarit që vdiqën, Putin tha: Ata dhanë jetën për Atdheun e tyre dhe shlyen për fajin e tyre.
“Kam hulumtuar historinë e fshehur të sistemit të kanalizimit të Brukselit dhe rolin e ujërave të zeza në shëndetin global”, shkroi në rrjetin social X themeluesi i “Microsoft” Bill Gates.
Gates vendosi ta bëjë këtë hap me rastin e Ditës Botërore të Tualetit që u mbajt para 3 ditësh.
Ai zbriti në kanalizimet e Brukselit për të hetuar historinë e tij të fshehur.
Ai ka publikuar edhe një video në Instagram, ku ka treguar pjesë të labirintit nëntokësor dhe ekspozitat e Muzeut të Ujërave të Zeza.
Ekspozitat dhe dokumentet që dokumentojnë historinë e sistemit të ujërave të zeza të qytetit, i cili përfundoi në lumin Seine në vitet 1800, ruhen në muzeun e lartpërmendur.
Vendin e parë e mbajnë grekët, 68% e të cilëve kanë deklaruar se ndihen subjektivisht të varfër.
Më shumë se gjysma e shqiptarëve, 55.3% e konsideronin veten subjektivisht të varfër, sipas një studimi të Eurostat për vitin 2022.
Sipas gjinisë, 54.7% e meshkujve shqiptarë e konsiderojnë veten të varfër, përkundrejt 55.6% të femrave. Sipas grup moshave, të moshuarit janë ata që e ndjejnë veten më shumë të varfër në vend. Sipas të dhënave të Eurostat, 58.4% e të moshuarve mbi 65 vjeç e konsideronin veten subjektivisht të varfër. E lartë është dhe përqindja e fëmijëve deri në 18% vjeç që e mendojnë njëlloj, me 58.1%, nga 43% që është në Serbi. Kjo përqindje ulet në 54.5% për grupmoshën 18-64 vjeç.
Vendin e parë e mbajnë grekët, 68% e të cilëve kanë deklaruar se ndihen subjektivisht të varfër.
Treguesit subjektiv të varfërisë bazohen në rezultatet nga statistikat e Bashkimit Europian mbi të ardhurat dhe kushtet e jetesës, një mbledhje e të dhënave që kryhet në të gjithë Shtetet Anëtare të BE-së, si dhe në shumicën e vendeve kandidatëve. Treguesit përdorin, si bazë, informacionin mbi aftësinë për të përballuar jetesën.
Nga vendet e rajonit më pak të varfër ndihen serbët me 44%, Maqedonia e Veriut me 47.2%, Kosova 47.3 dhe Mali i Zi me 50.1%.
Eurostat thotë se sa më i ulët niveli arsimor, aq më e lartë është varfëria e perceptuar, teksa 66.8% e personave me arsim të ulët e konsiderojnë veten të varfër, nivele të ngjashme këto me vendet e rajonit. Për ata që kanë arsim të mesëm, shifra është 50.9%.
Për personat me arsim të lartë, treguesi përmirësohet dukshëm, një dukuri që konstatohet për të gjitha shtetet, me 28.3% të tyre që e konsideronin veten subjektivisht të varfër. Më mirë në rajon janë të arsimuarit e Serbisë, me 22.2%. Gjithsesi, në krahasim me mesataren europiane prej 9.2%, të arsimuarit shqiptarë ndihen tre herë më të varfër. Të arsimuarit shqiptarë, 28.4% ndihen pothuajse njësoj të varfër me shtetasit e Bashkimit Europian me arsim fillor 29.5%./ TopChannel
Një ngjarje e rëndë ka ndodhur në SHBA, ku një adoleshente ka vrarë brutalisht vjehrrën e saj 53-vjeçare. 17-vjeçarja Caitlin Koons vrau nënën e të dashurit, Nicole Jones, në Ohio të SHBA-së me një gur.
Sipas New York Post, në gjyq u zbuluan detaje nga vrasja që ndodhi në prillin e kaluar. Caitlin i tha Jonathanit se duhej të bënin diçka për nënën e tij sepse ajo po i pengonte të ishin bashkë dhe i dha atij pesë orë për të bërë diçka. Kur kaluan pesë orët, 17-vjeçarja doli nga shtëpia, mori një gur dhe e goditi disa herë në kokë 53-vjeçaren teksa ishte para frigoriferit dhe më pas e mbyti.
Mediat lokale në Ohaio raportuan se në momentin e vrasjes, 33-vjeçari ishte në divanin e shtëpisë dhe më pas e ndihmoi 17-vjeçaren të mbulonte gjurmët.
17-vjeçarja dhe 33-vjeçari shkuan të dy në dyqane dhe blenë thasë plehrash, litarë për të mbështjellë trupin dhe pastrues për të fshirë gjurmët e gjakut nga kuzhina. Hapi i radhës i çiftit ishte të shkonin në një zonë banimi aty pranë dhe ta hidhnin trupin e 53-vjeçares në një kosh, duke menduar se trupi nuk do të gjendej kurrë.
Pasi përfunduan përpjekjen e tyre për të mbuluar gjurmët e tyre, 33-vjeçari dhe 17-vjeçarja u larguan në Meksikë, ku u gjurmuan nga autoritetet amerikane. Pasi u kap nga policia adoleshentja ka pranuar vrasjen, ndërkohë që detajet janë konfirmuar edhe nga të dhënat e GPS në telefonin dhe orën e 33-vjeçarit. 17-vjeçarja përballet me akuzën e vrasjes me paramendim, manipulimit të provave dhe përdhosjes së një kufome./albeu.com
Një ngjarje tragjike ka ndodhur në Australi, ku dy avionë janë përplasur në ajër. Dy avionët u përplasën në ajër pas një përplasjeje dhe shërbimet e urgjencës kanë nxituar në det ku njëri besohet se ka rënë.
Avioni u gjet në ujë pranë malit Marta, në jug të Melburnit, raportoi Daily Mail. Autoriteti Australian i Sigurisë Detare tha se rrënojat ishin gjetur, por ende nuk dihej nëse kishte ndonjë të mbijetuar.
Stacioni radiofonik 3AË raportoi se një avion ish-ushtarak S-211 Viper u rrëzua në ujë, me një pilot dhe një pasagjer që besohet se ishin në bord.
Rrënojat e avionit janë gjetur në ujë ku ekipet e shpëtimit po vazhdojnë kërkimet.
Izraeli, Shtetet e Bashkuara dhe Hamasi kanë rënë dakord për një marrëveshje paraprake për lirimin e dhjetëra grave dhe fëmijëve të mbajtur peng në Gaza, në këmbim të një pauze pesë-ditore.
Lirimi i pengjeve, i cili mund të fillojë brenda disa ditëve të ardhshme mund të çojë në pauzën e parë humanitare që nga fillimi i konfliktit në Gaza.
Sipas kushteve të një marrëveshjeje të detajuar prej gjashtë faqesh, të gjitha palët në konflikt do të pezullojnë operacionet luftarake për të paktën pesë ditë, ndërsa 50 ose më shumë pengje do të lirohen çdo 24 orë.
Nuk ishte e qartë se sa nga 239 personat që besohej se po mbaheshin peng në Gaza do të liroheshin sipas marrëveshjes. Ndalimi i luftimeve synon gjithashtu të lejojë kalimin e më shumë ndihmave humanitare, përfshirë karburantin, për të hyrë në enklavën e rrethuar nga Egjipti.
Sipas diplomatëve arabë dhe të tjerë, marrëveshja u përpilua gjatë bisedimeve disa javore në Doha, Katar midis Izraelit, Shteteve të Bashkuara dhe Hamasit, të përfaqësuar indirekt nga ndërmjetësuesit e Katarit.
Një grup trafikantësh droge që kryesohej nga dy vëllezër shqiptarë është dënuar në total me më shumë se 70 vite burg në Angli.
Grupi i krimit të organizuar që udhëhiqej nga vëllezërit shqiptarë Edmund dhe Eduard Haziri, kryente veprimtarinë kriminale në South Derbyshire, North-ëest Leicestershire dhe East Staffordshire, ku shisnin drogë të “klasit A”.
Ata u goditën nga operacioni policor “Eddie Line”. Kushëriri i vëllezërve Haziri, Gazmend Hoxha, do të udhëtonte për në Londër nga shtëpia e tij në Leicester për të marrë drogën dhe për të marrë paratë, përpara se të kthehej në Midlands për të rifurnizuar tregtarët e shumtë të bandës.
Drogën, të cilën e mbështillnin me bileta, ata ua shisnin deri në 145 klientëve në ditë, duke fituat qindra mijëra paund gjatë një viti.
Por banda u godit në mars të vitit të kaluar, kur një ekip i udhëhequr nga detektivët e Derbyshire bastisi të gjithë vendin – duke arrestuar vëllezërit Haziri dhe rrethin e tyre të ngushtë.
Dje, një nga anëtarët e fundit të bandës, Razvan Manoliu, u dënua në Derby Croën Court, duke i dhënë fund perandorisë së tyre të trafikut të drogës.
“Linja Eddie ishte përgjegjëse për helmimin e rrugëve tona me drogra. Me paratë e drogës ata jetuan jetë luksozë dhe gjetkë, ndërsa kokaina që shitën në Midlands shkatërroi familjet” -tha Inspektori i cili drejtoi hetimin, Kane Martin.
“Vëllezërit Haziri dhe banda e tyre tani po kalojnë shumë vite prapa hekurave dhe shpresoj se kjo dërgon një mesazh shumë të qartë për këdo tjetër të përfshirë në tregtinë e drogës: ne do t’ju kapim, do t’ju nxjerrim para gjykatave dhe do t’ju ndalojmë të përhapni mjerim dhe varësi në komunitetet tona.”- shtoi ai.
Anëtarët e bandës u akuzuan për komplot dhe shpërndarje kokaine. Të gjithë u dënuan në Gjykatën Derby Croën si vijon.
Edmund Haziri, 36 vjeç, pa adresë fikse- i dënuar me 15 vjet burg.
Eduard Haziri, 34 vjeç, nga Shardeloes Road, Lewisham, Londër – i burgosur me 15 vjet e gjashtë muaj.
Grazmend Hoxha, 47 vjeç, nga Denis Close, Leicester – i dënuar me 11 vjet burg.
Alban Krasniqi, 34 vjeç, nga Blackheath Hill, Londër – i dënuar me nëntë vjet burg.
Samuel Stoica, 25 vjeç, nga Burton Crescent, Wolverhampton – i burgosur për tetë vjet e tre muaj.
Simion Stoica, 22 vjeç, nga Jeremiah Road, Wolverhampton – burgosur për tre vjet e gjashtë muaj.
Kristi Prifti, 23 vjeç, pa adresë fikse – i dënuar me katër vjet burg.
Joshua Garrigan, 32 vjeç, nga Charnborough Road, Coalville – burgosur për dy vjet e tetë muaj.
Razvan Manoliu, 27 vjeç, nga Village Mews, Burton-upon-Trent – burgosur për dy vjet e tetë muaj.
Daniel Stavrat, 29 vjeç, pa adresë fikse – do të dënohet muajin e ardhshëm./tc
