Category: Jetë dhe Stil

Nuk ka shkollë të re, e as shokë në klasë. Shkolla e fshatit Shtëpëz në Bashkinë e Gjirokastrës, hapi dyert këtë të hënë për vitin e ri 2023-2-2024, por pamja aty duket sikur është në një tjetër realitet. Dramatike se çfarë po ndodh me zonat larg Tiranës.

Diljani është i vetmi nxënës në klasën e parë në këtë shkollë. Ndryshe nga sa e kishte imagjinuar, si shok banke ka gjyshen e tij. Në klasë vjen edhe një vajzë e klasës së dytë dhe një djalë në ciklin parashkollor, duke plotësuar numrin maksimal të nxënësve.

Fshati Shtëpëz ka 120 familje, por kushtet e shkollës kanë bërë që shumica e tyre t’i dërgojnë fëmijët në shkollat e qytetit të Gjirokastrës.

Në momentin që vajza e dytë e Sovianës dhe Mikelit erdhi në jetë, prindërit e tij vendosën t’iu linin shtëpinë dhe vetë të banonin diku tjetër me qira. Por në momentin kur çifti vendosi të divorcohej pas 17 vitesh së bashku për shkak të një tradhtie nga ana e Mikelit, ajo dhe 4 fëmijët vijuan të jetonin në këtë shtëpi.

Kjo është një prej sakrificave që Soviana nuk ua harron kurrë vjehërrve të saj. Ajo rrëfen e përlotur këtë moment për “Ka Një Mesazh Për Ty” nga “E Diela Shqiptare” në Tv Klan dhe tregon se si i ka raportet me vjehrrën e saj.

Soviana: Vjehrri im më tha që “unë të kam thënë vajzë dhe ti je vajzë për ne dhe ti po do të vish të rrish me ne sepse jemi më afër dhe ti je nusja e shtëpisë tonë dhe fëmijët janë fëmijët e mi”. Kjo ka qenë fjala e vjehrrit tim dhe kjo ishte një ndihmë shumë e madhe, si për mua edhe për…

Ardit Gjebrea: Edhe për fëmijët, pa diskutim. Edhe vjehrra besoj të njëjtin qëndrim?

Soviana: Edhe vjehrra, po. Vjehrra ime vinte thuajse përditë që të na shikonte neve, edhe pse mezi ecën. Vinte gjithmonë, merrte në telefon ccdo minutë sa i thosha o ma më lër se jam në punë, të marr unë kur të dal.

Ardit Gjebrea: Ti e thërrisje edhe e thërret ”o ma”, akoma edhe sot e thërret “o ma?”

Soviana: S’ka munguar asnjëherë kjo fjalë. Marrëdhënien që kam pasur, kam dhe do ta kem me vjehrrën nuk e kam as me mamin tim. Nuk e kam.

Ardit Gjebrea: Uau!

Soviana: Mamin tim e kam pasur afër, normal, por më shumë se vjehrrën asnjë s’kam pasur. Më ka qëndruar gjithmonë pranë, si mua edhe fëmijëve.

Soviana vendosi që së bashku me fëmijët të largohej për një të ardhme më të mirë në Francë. Pas një viti e gjysmë, ajo u rikthye në Shqipëri dhe vjehërrit nuk ishin zhvendosur sërish në shtëpinë e tyre, por e kishin lënë gati për ta. Ndërkohë edhe Mikeli ishte kthyer nga emigrimi, por mes tyre nuk kishte asnjë kontakt.

Ardit Gjebrea: Vjehrra ta hidhte fjalën që “po sikur?”

Soviana: Vjehrra, i thashë vjehrrës që unë të kam zemër dhe e kam vërtet, por që ne mos të humbasim komunikimin të dyja, nuk dua të flas fare për Mikelin.

Ardit Gjebrea: Megjithatë ajo…

Soviana: Ajo prapë mbushi sytë me lot dhe sa herë që flisnim nuk ma zinte më në gojë.

Ardit Gjebrea: Fare?

Soviana: Fare. Vetëm iu thoshte fëmijëve që “ishalla bashkohet mami”, këtë e ka pasur gjatë gjithë kohës.

Jeta e Jimmy Lippert Thyden mori një kthesë të madhe në vitin 2012 kur nëna e tij birësuese i dorëzoi atij dokumentet e birësimit, pikërisht kur ai po përgatitej për t’u vendosur në Afganistan. Teksa i shqyrtoi nga afër këto dokumente, ai u ndesh me një zbulim shqetësues – një seri mospërputhjesh që ngritën pikëpyetje rreth origjinës së tij të vërtetë.

Dosjet e birësimit përmbanin tregime kontradiktore të historisë së tij.  Për vite me radhë, Thyden kishte dëshiruar të zbulonte misterin e origjinës së tij, por nuk dinte se ku të fillonte ose me kë të kontaktonte në Kili. Udhëtimi i tij për të zbuluar të vërtetën mori një kthesë të rëndësishme kur gruaja e tij hasi në rastin e Scott Lieberman, një tjetër amerikan i birësuar nga Kili, i cili kohët e fundit kishte zbuluar se e kishin rrëmbyer kur ishte foshnjë. Ishte përmes historisë së Lieberman që Thyden mësoi për “Nos Buscamos” (Ne kërkojmë për njëri-tjetrin), një organizatë jofitimprurëse kiliane e dedikuar për të ndihmuar individët që ishin rrëmbyer që foshnje në kërkimin e tyre për të gjetur familjet e tyre biologjike.

Gjatë regjimit autoritar të gjeneralit Augusto Pinochet, i cili shtrihej nga viti 1973 deri në vitin 1990, shumë foshnja u dërguan në agjencitë e birësimeve. Këta fëmijë vinin nga prejardhje të ndryshme, duke përfshirë ata të lindur në familje më të pasura dhe ata nga rrethana me më pak fat.

Autoritetet kiliane kanë vlerësuar se numri i foshnjave të vjedhura mund të arrijë në mijëra, megjithatë përparimi në hetimin e këtyre birësimeve të diskutueshme ka qenë i ngadaltë. Shumë nga ata të përfshirë në birësimet e paligjshme kanë vdekur që atëherë dhe klinikat apo spitalet ku supozohet se u morën këto foshnje nuk ekzistojnë më.

Ndjekja e së vërtetës nga Thyden e çoi atë të kontaktonte “Nos Buscamos” dhe për habinë e tij, ai mori një email nga drejtoresha e organizatës, Constanza del Río, të nesërmen. Del Río rekomandoi një test të ADN-së, të cilit Thyden iu nënshtrua menjëherë më 17 prill. MyHeritage, një kompani gjenealogjike në internet, lehtësoi testin, duke rezultuar në një përputhje brenda pak javësh. Kjo përputhje e afroi Thyden me hapin tjetër të rëndësishëm në rrugëtimin e tij – kontaktimin me María Angélica González, një grua 69-vjeçare që kishte besuar prej kohësh se djali i saj i lindur para kohe kishte vdekur tragjikisht menjëherë pas lindjes.

Everaldo djali më i ri i vilës së dashurisë në një bisedë që ka zhvilluar me vajzat e Love Island Albania, është shprehur se ka tradhtuar dhe se ka qarë për dashurinë.

Në episodin e sotëm ai ka vendosur të tregojë më shumë detaje për jetën e tij sentimentale.

“Po kam tradhtuar, një person tradhton sepse raporti ka mbaruar. Nga tradhtia lëndohesh edhe vetë, ndihesh shumë keq. Kur mbaron një raport dhe një person e ke dashur mërziteni të dy. Unë kam qarë për dashurinë”, është shprehur Everaldo.

Episodi i Love Island Albania transmetohet çdo ditë në orën 18:20 në televizionin Klan.

Jo një, por 2 ‘islanders’ do i bashkohen rrugëtimit në vilën e dashurisë. E para është Xhoana, ajo është 23 vjeç dhe vjen nga Durrësi.

Nëse i duhet ta përshkruaj veten me 3 fjalë, sipas Xhoanës ajo është e bukur, spontane dhe impulsive.

I dyti është Everaldo 31 vjeç dhe jeton në Modena të Italisë, por shpirtin binjak ka zgjedhur ta kërkojë në ‘Love Island Albania’. Pasioni i tij është kërcimi dhe gjithashtu ka marrë pjesë në spektaklin e njohur “Amici” dhe pjesë e disa formateve në televizionin italian.

Amadea dhe Arlindi janë ulur dhe po diskutojnë mbi marrëdhënien që mund të krijojnë me njëri tjetrin.

Amadea duket disi e lëkundur për pëlqimin ndaj Arlindit teksa shprehet: Ndonjëherë më duket sikur te pëlqej ndonjëherë më duket sikur nuk të pëlqej fare.

Ndërsa Arlindi mendon që e ka kuptuar atë çfarë Amadea dëshiron dhe i thotë: Po unë e di se çfarë do ti, ti do që mos ti flas asnjërës, të rri mbas teje.

Për të parë bisedën plotë të tyre ndiqni episodin ditor në orën 18:20, në Tv Klan.

/Love Island Albania

Në datë 1 merr rrogën. Në datë dy, pasi ke paguar faturat, ke ca qindarka në xhep. Si dreqin ndodhi kjo, dje more rrogën?

Pa përfshirë pagesat e energjisë elektrike, ujit dhe internetit, një pjesë të mirë të rrogës mund të jeni duke e shpenzuar në abonime apo anëtarësime që s’ju duhen fare.

I pari i këtij lloji është anëtarësimi në palestër i cili kushton mesatarisht 30 mijë lek të vjetra për muaj. Shanset janë që ju të jeni nga ata njerëz që paguan muajin, zotohet të ushtrohet rregullisht dhe nuk shkel kurrë në palestër. Të njëjtën gjë bën dhe muajin tjetër dhe sërish nuk e sheh derën e palestrës. Këto janë para të çuara dëm. Anulloni anëtarësimin dhe ushtrohuni në shtëpi kur të keni zell ose merrni ajër nga liqeni. Të dyja janë falas.

Një tjetër pagesë vrasese për llogarinë tuaj bankare është paketa e gjerë e kabllorit. A ju duhen vërtetë 200+ kanale? A i ndiqni të gjithë? Nëse po, a s’mendon se është koha të bësh diçka me jetën tënde? Anullojeni tërësisht paketën e kabllorit dhe ose paguani Netflix për diku tek $7 në muaj, ose gjeni një kompani interneti që ofron edhe kanale televizive me linjën e internetit.

Aboneja duket si ide e mirë në fillim. Paguan 16 mijë lek të vjetra në fillim të muajit dhe nga aty e tutje, t’i hipësh autobusit është praktikisht falas. Nëse ndërroni katër autobusa në ditë, kjo këshillë s’është për ju, por nëse njëherë në kaq përtoni të ecni, po çoni para dëm. Bëni llogaritë. Sa herë në muaj i hipni autobusit. Çdo vlerë më e vogël se sa shpenzoni për abonenë është sinjal që po shpërdoroni të ardhurat tuaja.

Kur morët në bankë kartën tuaj të debitit ose kreditit, ju kërkuan të firmosnit një kontratë, të cilën me siguri nuk e keni lexuar ndonjëherë. Para mund të zhduken nga llogaria juaj dhe ju s’e merrni vesh. Shikoni me kujdes kushtet e kontratës. Disa karta mbajnë komision për çdo përdorim, disa karta mbajnë komision vetëm në instanca specifike. Ose shmangni aktivisht të tilla pagesa, ose transferohuni në një bankë që s’ju mban të tilla komisione.

Sa foto keni në celular? 2000? 5000? Mund të jeni dhe ju duke vuajtur të njëjtin fat të errët të memories së pamjaftueshme dhe iu drejtuat iCloud. Për 50GB vetëm $1. Për ca më shumë GB, ca më shumë dollarë. Zëvendësimi perfekt është Google Photos. Mjafton të keni një llogari në Google dhe aplikacioni i ngarkon automatikisht fotot. S’ka limit dhe është tërësisht falas. Më falenderoni më vonë.

Një ekip ekspertësh të ndihmës së parë për fëmijë kanë paralajmëruar se duhet të shmangni dhënien e mjaltës tek foshnjat.

Sipas tyre, kjo për shkak se foshnjat nën 12 muajsh mund të sëmuren rëndë nga ngrënia e mjaltit.

Sipas ekspertëve, fëmijëve nuk duhet t’i jepni mjaltë fëmijës, sidomos kur ka kollë, shkruan The Sun.

Ata kanë dhënë edhe disa këshilla për prindërit, në rast se fëmijët kanë disa simptoma.

Sipas tyre, nëse fëmijët kanë të qarë të dobët, humbje oreksi, kapsllëk ose vështirësi në gëlltitje, atëherë duhet të konsultoheni me një mjek për gjendjen e fëmiëjs suaj.

Joen Kreka është renditur i pari në listën e 400 fituesve në degën e Mjekësisë së përgjithshme.

Pasioni për mjekësinë por dhe përpjekja duke studiuar fort gjatë gjithë viteve të maturës nuk e kanë zhgënjyer aspak Joenin, ndonëse shprehet se nuk e priste këtë rezultat ku ndër 1800 kandidatë që u regjistruan në mjekësi të dilte i pari.

“Nuk e prisja në fakt sepse kisha pikë të konsiderueshme por kishte shumë nxënës me më shumë pikë se unë. Por mesa duket provimi i informatizuar pati peshë të madhe në renditjen tonë, dhe kur mora vesh që isha i pari në renditje para se të lumturohesha, u habita”, tha Joeni.

Joeni vjen nga seksioni dy gjuhësh shqip – frëngjisht dhe dijet që ka marrë e kanë shpërblyer më së miri duke e nxjerrë fitues pothuajse në të gjithë preferencat e tij.

“Kisha konkurruar edhe në bioteknologji në farmaci, inxhinieri ndërtimi dhe në kimi industriale, teknologji ushqimore. Kam fituar 6, nga 10 preferenca që hodha. Në këto që nuk kam fituar as nuk konkurrova sepse kisha mjekësinë preferencë time dhe zgjidha të mos konkurroj në universitete private”, shtoi Joeni.

Edhe pse ai mund të studiojë ku të dojë, Joeni ka vendosur që pasionit të tij për mjekësi t’i shkojë në fund.

“Nuk ka asnjë të keqe të kontribuosh në vendin tënd. Unë njoh doktorë qe kanë zgjedhur të kontribuojnë në Shqipëri dhe ndihen shumë të vlerësuar. Dhe unë dua të bëhem një ditë si ata”, u shpreh ai.

Një grua e paralizuar ka mundur të flasë sërish pasi inteligjenca artificiale përkthen sinjalet e trurit të saj në një avatar që ka edhe shprehi fytyre.

Ann, 48 vjeç, pësoi një trombozë në tru në moshën 30-vjeçare që e la të paralizuar.

Shkencëtarët vendosën në sipërfaqen e trurit të saj një drejtkëndësh të hollë sa një fije letre ku ndodhen 253 elektroda, pikërisht në zonën që merret me funksionin e të folurit.

Elektrodat përgjojnë sinjalet ‘folëse’ të trurit, të cilat futen në një bankë kompjuterësh nëpërmjet një kablloje që lidhet me një portë të fiksuar në kokën e saj. Kompjuterët i deshifrojnë sinjalet dhe i kthejnë në tekst me një shpejtësi prej 80 fjalësh në minutë.

Për ta bërë zërin e saj sa më të vërtetë, u përdor një regjistrim audio i dasmës së saj i cili pasi mbivendoset tek avatari krijon shprehi fytyre si lumturi, trishtim dhe habi.

Ekipi i Universitetit të Kalifornisë në San Francisko shprehet se kjo është hera e parë që e folura dhe shprehjet e fytyrës janë përftuar nga sinjalet e trurit.

Ann dhe ekipi kanë punuar për javë të tëra që të trajnonin algoritmin e sistemit të inteligjencës artificiale për të njohur sinjalet e trurit të saj.

Ajo duhej të përsëriste në heshtje fraza të ndryshme nga një fjalor me 1024 fjalë derisa kompjuteri të njihte aktivitetin e trurit që lidhej me tingujt. Kërkuesit e trajnuan sistemin që të deshifronte fjalët nga fonemat.

Me këtë qasje, kompjuterit iu deshën vetëm 39 fonema për të prodhuar çfarëdolloj fjale në anglisht. Kjo rriti saktësinë e sistemit dhe shpejtësinë e tij me 3 herë.

Ekipi ka nisur punën për një version ëireless që përdoruesi të mos jetë i lidhur pas kompjuterit./tvklan.al