Category: Jetë dhe Stil

Të shumtë janë ata që nuk mund ta nisin ditën pa kafe. Është një nga pijet më të njohura në mbarë botën.

Përfitimet e tij janë të shumta, më e rëndësishmja është përmbajtja e lartë e acideve klorogjenike antioksidante (polifenole). Përveç kësaj, ngre humorin, rrit performancën gjatë sportit duke rritur qëndrueshmërinë, ndikon pozitivisht në rregullimin e peshës trupore, mbron nga kanceri, diabeti i tipit 2 dhe Parkinson dhe është i mirë për zemrën.

Por duhet konsumuar me masë, përndryshe mund të ketë efekte anësore në organizëm. Përveç vështirësive për të fjetur dhe nervozizmit, ja tre simptoma të zakonshme që ju pini shumë kafe…

1.Dhimbje koke

Një nga simptomat më të zakonshme të pirjes së tepërt të kafesë është dhimbja e shpeshtë e kokës. E njëjta gjë mund të ndodhë nëse pini shumë kafe dhe ndaloni papritur.

2.Aciditeti

Kafja e tepërt mund t’ju bëjë nervoz dhe të ndiheni sikur po acaroheni nga gjëja më e vogël.

3. Diureza e rritur

Kjo ndodh sepse kafeina ka edhe veti diuretike ndaj na dërgon më shpesh në tualet. E njëjta gjë vlen edhe për çajin.

Mjekët kanë dhënë alarmin për përhapjen e një infeksioni të rrallë mykotik shumë ngjitës, i cili po transmetohet përmes marrëdhënieve seksuale. Ky lajm erdhi menjëherë pas rastit të një pacienti në Nju Jork, i regjistruar si rasti i parë më këtë lloj infeksioni të transmetuar seksualisht.

I njohur në shqip si dermatofitoza ose ndryshe “Ringworm”, ky infeksion është përshkruar nga ekspertët e Universitetit të Nju Jorkut si një ‘kërcënim i mundshëm për shëndetin publik’.

Simptomat e kësaj sëmundje zzakonisht shfaqen brenda katër deri në 14 ditë dhe përfshijnë skuqje, kruarje ose çarje të lëkurës.

Trajtimi mund të jetë i vështirë dhe shpesh duhen muaj për t’u përmirësuar nëpërmjet medikamenteve dhe terapive të shumta.

Ndërsa kjo sëmundje është njohur dhe më parë, studiuesit thanë se ky është rasti i parë i cili ishte transmetuar përmes kontaktit seksual.

Pacienti ishte një burrë rreth të tridhjetave, i cili u paraqit te mjeku sepse pati skuqje në organin gjenital, kofshë dhe zonën përrreth, pasi kishte patur disa partnerë seksualë në javët e mëparshme.

Ky infeksion shkaktohet nga myku trichophyton mentagrophytes i tipit VII (TMVII) dhe rastet kanë qenë në rritje në të gjithë Evropën.

Pas marrjes së një biopsie të lëkurës së skuqjes së tij, ai u diagnostikua me tinea pubogenitalis, një formë e rrallë e kruajtjes seksualisht e transmetueshme.

Gjendja shkaktohet nga myku trichophyton mentagrophytes i tipit VII (TMVII) dhe rastet kanë qenë në rritje në të gjithë Evropën.

Trembëdhjetë raste u raportuan në Francë vitin e kaluar, kryesisht në meshkuj që kryejnë marrëdhënie seksuale me meshkuj të tjerë.

Pas raportimit të rastit, studiuesit e NYU njoftuan Departamentin e Shëndetit të Shtetit të Nju Jorkut dhe po planifikojnë të bashkëpunojnë me ekspertët në të gjithë botën për të zgjeruarkërkimet rreth këtij infeksioni dhe për të gjurmuar rastet në zhvillim në mënyrë që të parandalohen ose të kurohen në kohë.

Kudo që të ndodhin, në kuzhinë, zyrë apo në plazh, të djegurat shoqërohen gjithnjë me dhimbje dhe lotë. Në fakt, studimet tregojnë se të djegurat janë ndër pesë aksidentet më të rëndomta që ndodhin në kuzhinë.

Është pikërisht kjo e fundit që ofron edhe kurimin e të djegurave, gjithnjë në varësi të gradës së tyre. Një prej produkteve më të njohura kundër djegies që nuk mungon në asnjë kuzhinë është soda e bukës.

Të djegurat ndahen në tre kategori: djegie e gradës së parë, gradës së dytë dhe të tretë.

Djegiet e gradës së parë prekin kryesisht shtresën e jashtme të lëkurës. Këto djegie shoqërohen me dhimbje, skuqje dhe enjtje. Djegiet e gradës së dytë prekin shtresën e jashtme dhe atë poshtë saj.

Simptomat janë të njëjta me të gradës së parë por në këtë rast vërehen flluska.

Djegiet e gradës së tretë prekin shtresa të thella të lëkurës dhe lënë vraga të thella në lëkurë.

Ndjeshmëria në këtë zonë të lëkurës shuhet me djegien.

Djegiet e fytyrës, duarve, këmbëve dhe organeve gjenitale mund të jenë shumë të forta dhe të shkaktojnë dëme të pakthyeshme.

A duhet të vendosni akull mbi lëkurën e djegur?

Hapi i parë dhe i menjëhershëm pas të djegurës është që ta mbani zonën e prekur në ujë të ftohtë për të paktën pesë minuta.

Ekspertët shprehen njëzëri se as akulli dhe as uji me akull nuk duhet as t’i afrohen zonës së djegur.

Ata shpjegojnë se akulli mund të dëmtojë indet dhe qelizat në lëkurë, gjë që do krahasohej me një djegie të dytë.

Pasi kanë kaluar pesë minuta, ju mund ta pastroni zonën me një krem antibiotik.

Nëse plaga formon flluskë, mos e çani atë sepse do të jeni më të rrezikuar nga infeksioni.

Kundër dhimbjes, ekspertët rekomandojnë të merrni medikamente si ibuprofeni që zbut inflamacionin dhe dhimbjen./AgroWeb.org

Shumë njerëz janë mësuar ta pinë kafenë e mëngjesit me stomakun bosh, gjë që nuk është e mirë për trupin e tyre.

Po sikur kafeja të ketë efekte pozitive në humor, funksionin e trurit dhe performancën atletike. Nëse e pini kafenë me stomakun bosh ose e zëvendësoni mëngjesin vetëm me kafe, po i privoni trupit tuaj lëndët ushqyese që i nevojiten.

Edhe nëse nuk ndiheni të uritur kur zgjoheni ose para se të pini kafenë, përpiquni të hani diçka për të mbajtur të qëndrueshme sheqerin në gjak.

Shikoni dy efekte të tjera të pirjes së kafesë me stomakun bosh:

Shtim në peshë

Një tjetër efekt anësor i rëndësishëm i pirjes së kafesë me stomakun bosh është rritja e mundësive për të fituar peshë.

Sidomos ata që mendojnë se duke zëvendësuar mëngjesin me kafenë, po ulin oreksin, duhet të dinë se po prishin nivelet e insulinës, duke u bërë që të dëshirojnë ushqime me përmbajtje të lartë yndyre dhe sheqeri.

Probleme me stomakun

Së fundi, antioksidantët që përmban kafeja në sasi të mëdha lidhen me një lloj acidi (acidi gjenik i klorit) që gjendet edhe në shumë fruta.

Një filxhan kafe e thjeshtë me stomakun bosh stimulon sekretimin e acidit klorhidrik në traktin tretës. Acidi klorhidrik shpërbën ushqimin në stomak. Por kur stomaku është bosh, është e mundur që pirja e kafesë të çojë në një nivel të shtuar të acidit në stomak, fryrje dhe të vjella.

Celuliti është një problem që prek thuajse të gjithë njerëzit. Nuk ka më rëndësi gjinia apo mosha, celuliti ka filluar të shfaqet tek kushdo dhe puna për ta larguar është e madhe.

Ekspertët thonë se 80-90% e grave vuajnë nga celuliti në një pjesë të trupit të tyre.

Ajo që e shkakton këtë gjendje të lëkurës është jetesa e përditëshme, ushqimi, mosha, gjenetika, rrobat e ngushta e ndonjëherë edhe ndryshimet hormonale në trup.

Megjithëse mund të duket i padëmshëm dhe të trajtohet vetëm si një problem estetik, dhjami i mbledhur në pjesën afër sipërfaqes së lëkurës shkakton probleme me qarkullimin e gjakut, ndalon prodhimin e kolagjenit dhe qarkullimin e lëngjeve në trup.

Për ta evituar gjithë çfarë shpjeguam më sipër e mbi të gjitha lëkurën e mbledhur në këmbë, krahë apo bark si fillim duhet të praktikoni një jetesë të shëndetëshme.

Mundohuni të hidratoheni sa më shumë, të konsumoni shumë ujë, perime, fruta dhe të ushtroheni nga pak çdo ditë ose disa herë në javë.

Krahas këtyre mënyrave celulitin mund ta largoni edhe me një trajtim natyral që të gjithë e keni në shtëpi.

Ju këshillohet ta përgatisni sipas shpjegimeve mëposhtë dhe ta aplikoni mbi lëkurë disa herë në javë.

Çfarë ju duhet:

2 filxhanë llum kafeje
Gjysmë filxhani vaj ulliri ose kokosi
1 filxhan sheqer kaf
Vajra esencialë kanelle apo vanilje sipas dëshirës
Si ta përgatisni

Për të përgatitur trajtimin tuaj merrni një enë të thellë dhe përzieni të gjithë përbërësit bashkë, derisa të formohet një masë homogjene.

Pasi të keni mbaruar dushin, merrni në duar pak nga kjo masë dhe fërkoni pjesën e mbulur nga celuliti.

Bëjeni këtë në mënyrë të vazhdueshme me lëkizje rrethore derisa të shikoni që lëkura po skuqet.

Në këtë mënyrë gjaku po qarkullon lirisht në trup dhe celuliti po shkrihet.

Kafja do të ndihmojë në qarkullimin e mirë të gjakut, sheqeri pastron thellësisht lëkurën e ndërsa vajrat sigurojnë hidratim dhe butësi që zgjat.

Bëni kujdes që të mos e dëmtoni lëkurën gjatë këtij procesi duke e fërkuar më shumë se duhet.

Bëjeni këtë proces të paktën dy herë në javë ose sa herë sa laheni në zonat problematike për ju.

Masën e krijuar për këtë trajtim mund ta ruani të mbyllur deri në një vit në frigorifer.

Kështu me disa lëvizje dhe përbërs të thjeshtë do të mund të largoni një problem që siç përmendëm prek shumë njerëz e veçanërisht gra./AgroWeb.org

Nisur nga incidenti me avionin e linjës Londër-Singapor, ku një pasagjer humbi jetën dhe mbi 30 të tjerë u lënduan si pasojë e turbulencave të forta gjatë fluturimit, më poshtë ju prezantojmë se çfarë janë turbulencat dhe se çfarë thonë ekspertët për rrezikshmërinë e tyre.

Gjithçka që duhet të dini, që të mos keni frikë nga turbulencat. E para, ndoshta dhe më e rëndësishmja: avionët nuk bien.

Turbulenca është një ndryshim i papritur në rrjedhën e ajrit. Mund të shkaktohet nga një numër faktorësh. Shkaku më i zakonshëm është ajri i turbullt në atmosferë.

Por a duhet të keni frikë? Jo, thonë pilotët, studiuesit dhe ekspertët e aviacionit. Ata theksojnë se turbulencat janë një fenomen normal, edhe pse jo plotësisht i parashikueshëm.

Ja disa gjëra të dobishme që duhet të dini për turbulencat

1- Rrini të qetë, avioni nuk bie

Asnjë turbulencë nuk mund të përmbysë ose të rrëzojë një avion që fluturon në një lartësi të caktuar. As turbulencat e forta (të cilat janë relativisht të rralla) nuk paraqesin rrezik për avionin. Avionët janë ndërtuar për të përballuar tronditjet shumë më intensive sesa ato që mund të keni përjetuar.

2- Të pafat po, por pak

Sipas të dhënave të mbledhura nga Administrata Federale e Aviacionit (FAA), agjencia federale e SHBA për aviacionin civil, çdo vit në SHBA ka rreth gjashtëdhjetë njerëz që vuajnë nga dëmtimet e shkaktuara nga turbulencat. Dy të tretat e këtyre janë shoqëruesit e fluturimit ose udhëtarët, të cilët nuk kanë vënë rripat e sigurimit ose janë duke qëndruar në kohën e turbulencës. Me fjalë të tjera: 20 pasagjerë në vit (rreth 800 milionë udhëtarë të përgjithshëm) u lënduan për shkak të turbulencave – një numër tepër i ulët.

3- Pilotët e dinë kur do të ndodhin

Në shumë raste, pilotët e dinë saktësisht se kur vjen turbulenca e fortë – falë edhe radarit në kabinë, parashikimit të motit, parashikimet për trazira të mundshme para fluturimit dhe informacionin që vjen nga avionët e tjerë që janë në të. Në këtë pikë, komandanti këshillon pasagjerët të mbajnë rripat e tyre të sigurimit.

4- Turbulenca të rrezikshme do të ketë gjithnjë e më shumë

Turbulencat që gjenden në ajër të pastër (CAT, Clear Air Turbulence), dmth. në zonat me një qiell të qartë, ku nuk ka as forma të reja, janë lloji më i shpeshtë dhe më “i rrezikshëm” sepse ato janë të papritura dhe të padeklarueshme nga radarët meteorologjikë. Sipas studimeve të ndryshme, intensiteti dhe shpeshtësia e tyre janë të destinuara të rriten ndjeshëm në vitet e ardhshme në zona të caktuara dhe në kohë të caktuara. Shkaku: ndryshimi i klimës.

5- Pilotët e dinë çfarë duhet të bëjnë

Për të parandaluar turbullirat, pilotët studiojnë me kujdes kushtet e motit, planifikojnë fluturimin paraprakisht dhe zgjedhin rrugën më të mirë. Një nga gjërat që piloti nuk duhet të bëjë gjatë një turbulence është që ta luftojë atë.

6- Lidhni rripat

Mënyra e vetme për të parandaluar dëmtimet që lidhen me turbulencën është që të vini rripat e sigurimit.

7- Fluturoni në mëngjes

Ekziston një mënyrë për të shmangur turbulencat: fluturoni herët në mëngjes “kur ajri është më i qetë”.

8- Si ta përballojmë frikën

Cynthia Drescher tha për revistën “Traveler”, një mënyrë për të kapërcyer frikën e turbulencës mund të jetë “të kërceni në sedilje” në momentin që ndodhin. “Ankthi do të jetë më i paktë”. Ka edhe teknika të ndryshme relaksimi që mund të ndihmojnë në kontrollimin e frikës ose së paku të shmangni kushtet e panikut. Piloti Ron Nielsen sugjeron të marrësh një stilolaps dhe shkruash emrin tënd në një fletë.

Megjithatë, si çdo partneritet apo miqësi, marrëdhënia juaj e brendshme me veten mund të bëhet toksike kur shfaqen modele dhe sjellje negative.

Ju mund të jeni të sigurt për identitetin dhe qëllimet tuaja në jetë, por a keni menduar ndonjëherë se vetë-koncepti ose zakonet tuaja nuk janë gjithmonë konstruktive? Njohja e modeleve toksike në marrëdhënien tuaj me veten mund të jetë sfiduese, por është e rëndësishme për të ruajtur vetëvlerësimin tuaj dhe marrëdhëniet me të tjerët, thonë psikologët.

Në një marrëdhënie toksike me veten, mund të jeni të prirur të merrni fajin ose të ndiheni keq për mënyrën se si e perceptoni veten ose si veproni. Sipas ekspertëve, këto janë pesë shenja që tregojnë se jeni në një marrëdhënie toksike me veten, por lajmi i mirë është se ka mënyra për të dalë nga kjo situatë.

Jeni jashtëzakonisht kritik ndaj vetes ose të tjerëve
Kur përballemi me një gabim të vogël në punë ose kur themi diçka të turpshme në një mjedis shoqëror, reagimi ynë i parë mund të jetë zbulimi i aftësive tona përballuese. Por, siç theksojnë ekspertët, mënyra se si ne përballemi me situata të tilla mund të zbulojë shumë për marrëdhënien tonë të brendshme me veten. Aftësitë e shëndetshme përballuese shpesh përfshijnë aftësinë për të qeshur me gabimet tona dhe për të ecur përpara. Megjithatë, nëse jemi shumë kritikë ndaj vetes, kjo mund të çojë në një marrëdhënie toksike me veten. Kur nuk jemi në gjendje ta falim veten për papërsosmëritë ose gabimet, ne shpesh biem në negativitet. Është e rëndësishme të marrim përgjegjësi për veprimet tona kur bëjmë gabime, por kini kujdes që të mos bini në negativitet dhe toksicitet të tepruar.

Ju justifikoni zakonet e pashëndetshme
Nuk është sekret se kujdesi për shëndetin tuaj emocional dhe fizik është çelësi për një jetë cilësore. Megjithatë, kur e gjejmë veten të bllokuar në një marrëdhënie toksike me veten, është e lehtë të biem në modele dhe zakone që na bëjnë më shumë dëm sesa mirë. Një marrëdhënie toksike me veten shpesh karakterizohet nga urrejtje e thellë dhe e pazgjidhur për veten, në vend të një ndjesie respekti dhe pranimi për veten. Kjo gjendje mund të inkurajojë zhvillimin e sjelljeve të pashëndetshme si abuzimi me substancat, çrregullimet e të ngrënit ose vetëdëmtimi. Gjithashtu, një tendencë për të vetë-sabotuar dhe për të zgjedhur miq ose partnerë romantikë që ushqejnë modelet e tyre toksike mund të jenë manifestime të zakonshme të këtij problemi. Kur jeni në një marrëdhënie të tillë me veten, mund të justifikoni sjelljen e dëmshme ose vetë-shkatërruese, sepse ju mungon një ndjenjë e vetëvlerësimit dhe merita për lumturinë ose shëndetin.

Ju sakrifikoni shumë
Pa dyshim që të gjithë kemi dëgjuar se sa e rëndësishme është të kujdesesh për veten dhe ta inkorporosh këtë praktikë në jetën tënde të përditshme. Kjo mund të përfshijë një sërë aktivitetesh të tilla si ushtrime të rregullta, mbajtja e shtëpisë tuaj të pastër ose thjesht shijimi i një banje relaksuese ose të fytyrës. Megjithatë, nëse e gjeni veten në një marrëdhënie toksike me veten, mund të jeni të prirur të zhvendosni vëmendjen tuaj në aspekte të tjera. Sakrifikimi i vazhdueshëm i nevojave tuaja për nevojat e të tjerëve, duke çuar në acarim, pakënaqësi dhe lodhje fizike, mund të tregojë një marrëdhënie toksike me veten. Nëse vazhdimisht përpiqeni të kënaqni të tjerët dhe të neglizhoni shëndetin tuaj mendor, kjo mund të dobësojë stabilitetin dhe mirëqenien në jetën tuaj. Siç thotë një shprehje e vjetër, “Nuk derdhet nga një gotë bosh”.

Ju keni vetëbesim të ulët
A keni rënë ndonjëherë në një model për të kritikuar veten ose duke besuar se nuk jeni mjaftueshëm të mirë ose të denjë për dashuri? Ndjenjat e pasigurisë, pavlefshmërisë apo edhe ankthit mund të jenë tregues i vetëbesimit dhe besimit të ulët, të cilat shpesh janë tregues të një marrëdhënieje toksike me veten. Nëse rregullisht e kritikoni veten në mendimet tuaja ose mendoni se nuk meritoni mirësi ose mirëkuptim, veçanërisht nga vetja, kjo mund të tregojë se mund të jeni bërë pa e ditur veten një partner toksik për veten tuaj.

Jeni duke kërkuar konfirmim nga ambienti
Marrja e një komplimenti nga një i huaj ose dëgjimi i fjalëve inkurajuese nga një i dashur mund të jetë një përvojë freskuese, duke ju bërë të ndiheni të parë dhe të vlerësuar. Përparimi në karrierë ose marrja e një çmimi mund të rrisë gjithashtu vetëvlerësimin tuaj. Sidoqoftë, nëse e gjeni veten duke kërkuar këtë lloj vërtetimi nga të tjerët më shpesh se zakonisht, ia vlen të merren parasysh arsyet që qëndrojnë pas tij. Të jesh në gjendje të shtysh veten dhe të inkurajosh veten është një mekanizëm i shëndetshëm përballues që mund të përmirësojë shumë vetëvlerësimin tuaj dhe të promovojë një qëndrim më pozitiv ndaj vetes. Klapow thekson se nëse nuk mund ta bëni këtë, dhe në vend të kësaj mbështeteni rregullisht tek të tjerët për t’i bërë ata të ndihen mirë me ju, kjo mund të çojë në një humbje të origjinalitetit në komunikimin dhe ndërveprimet tuaja me të tjerët. Kjo mund të sugjerojë se nevojitet një punë e brendshme për të zhvilluar dashurinë për veten për të kapërcyer këto modele të mendimit toksik.

Kafeja dhe çaji janë 2 nga pijet më të konsumuara në mbarë botën. Megjithatë, në mëngjes, njerëzit zakonisht zgjedhin një filxhan kafe në vend të çajit.

Edhe pse kjo mund të tregojë disa preferenca, zgjedhja e kafesë si fillimi zyrtar i ditës mund të mos jetë aq e rastësishme sa mendoni.

Kjo është arsyeja pse ne dëshirojmë të ndajmë arsyet pse kafeja mund të jetë një alternativë më e mirë në mëngjes së bashku me përfitimet e saj.

Kafeja do t’ju ndihmojë të ushtroheni më mirë.

Nëse ju pëlqen të zgjoheni dhe të bëni stërvitjen tuaj të përditshme për marrje energjie në mëngjes, kafeja mund të jetë zgjidhja e duhur për ju. Duke marrë parasysh faktin se kafeja përmban një sasi më të madhe kafeine sesa çaji, kafeja mund të përmirësojë performancën tuaj fizike dhe të zvogëlojë lodhjen nga stërvitja.

Kafeja do t’ju ndihmojë me përqendrimin.

Keni nevojë të përqendroheni ndërsa studioni për një provim, apo jeni duke marrë pjesë në një aktivitet që kërkon fokus të vërtetë? Në këtë rast, kafeja mund të jetë zgjedhja juaj! Për shkak se pija ka një sasi më të madhe kafeine, do t’ju ndihmojë të bëheni vigjilentë dhe të kryeni aktivitete gjatë orëve të natës, për shembull. Kafeja do t’ju ndihmojë gjithashtu të qëndroni në detyrë dhe t’ju mbajë zgjuar.

Kafeja do t’ju japë një nxitje të menjëhershme.

Çaji është një pije që përmban kafeinë dhe L-theanine. Theanina do t’ju ndihmojë të relaksoheni, pasi kafeina ndërvepron me receptorët e adenozinës në trurin tonë dhe zvogëlon ndjenjën e lodhjes.

Duke marrë parasysh që përqendrimet më të larta të kafeinës në gjak mund të shfaqen vetëm 15 minuta pas pirjes së saj, bëhet e qartë pse kafeja është e vetmja pije që jep energji të menjëhershme.

Kafeja mund t’ju ndihmojë me humbjen e peshës.

Ka studime që sugjerojnë se konsumimi i kafesë lidhet me nivele më të ulëta të yndyrës, veçanërisht te meshkujt. Studimet e kryera në kafshë gjithashtu treguan të njëjtin rezultat. Një studim tjetër interesant tregon se acidi klorogjenik është një substancë e fuqishme për uljen e peshës trupore, duke konfirmuar kështu se kafeja është një zgjedhje interesante për ata prej nesh që mund të kërkojnë një figurë më të hollë.

Kafeja mund të ulë mundësinë e zhvillimit të diabetit.

Një studim tregoi se kafeina do të ulë mundësinë e prekjes nga diabeti . Vetëm 3 filxhanë kafe në ditë do të çojnë në një ulje të rrezikut prej 42% të sëmundjes, gjë që është mjaft interesante. Në një studim tjetër, kafeja me kafeinë tregoi një ndikim në zvogëlimin e shanseve të zhvillimit të diabetit të tipit I

Ashtu si të gjitha zakonet e tjera higjienike, është e rëndësishme të vendosni një rutinë për pastrimin e fytyrës para se të shkoni në shtrat. Mbetjet e make-up-it bllokojnë poret dhe mund të shkaktojnë probleme serioze të lëkurës që është e vështirë të eliminohen më vonë. Përveç kësaj, mos heqja e grimit para gjumit ndikon në plakjen e parakohshme.

Puçrrat

Aknet dhe puçrrat në fytyrë janë një makth i vërtetë, ato janë të vështira për t’u hequr dhe nëse nuk trajtohen, gjendja vetëm sa përkeqësohet. Të shkosh në shtrat me grim është shkaktari kryesor i bllokimit të poreve dhe formimit të puçrrave.

Lëkurë e pajetë

Për të pasur një fytyrë të shëndetshme dhe plot shkëlqim këshillohet që ta lani atë duke

përdorur një eksfoliues për të hequr papastërtitë nga poret tuaja. Grimi shpesh ka përbërës të dëmshëm për lëkurën tuaj, ndaj edhe mund të ketë një ndikim negativ kur mbahet me orë të tejzgjaturatua duke shkaktuar skuqje, njolla dhe inflamacion.

Plakja e parakohshme

Dëshironi të dukeni më të vjetër? Kjo është përgjigja që të gjithë do të përgjigjen me “jo”. Nëse dëshironi të shmangni plakjen e parakohshme, thjesht hiqni grimin çdo natë, pavarësisht se sa të lodhur jeni. Gjumi me grim shkakton zhvillim të parakohshëm të rrudhave, dhe gjithashtu shkakton dëmtim të shtresës së korneumit, barrierës më të jashtme mbrojtëse të lëkurës.