Category: Politikë

Ish-kryeministri, Sali Berisha, ka bërë publik rastin e dhunës ndaj Sara Zotos, e cila ka denoncuar djalin e drejtorit socialist të konviktit në Berat (Tonas Kostandin Ngofo).

Në mesazhin që e reja i ka shkruar Berishës, thotë se policia nuk ka ndërmarrë asnjë masë për dhunën që është ushtruar ndaj saj dhe se ka dhënë deklaratë të rreme për të mbyllur çëhshtjen.

Ajo pretendon se prokurori ka mbyllur çështjen me një deklaratë të rreme që ka dhënë Tonasi dhe jo me faktet që ajo ka.

Më tej e reja thotë se ka prova për dhunën që djali i drejtorit socialist ka ushtruar ndaj saj.

“Tonasi vjen dhe më kërcënon çdo ditë, qëndron përpara punës time përpara shtëpis time me shumë djem të tjerë”, shkruan e reja.

https://www.facebook.com/SaliBerisha/posts/929773935170376?ref=embed_post

Edison Memolla u shpall fitues i zgjedhjeve të 14 majit për bashkinë e Rrogozhinës, duke mundur rivalin e tij demokrat, Shkëlqim Hoxha.

Menjëherë sapo u shpall rezultati socialistët e Rrogozhinës, kanë nisur festën, duke thirrur emrin kandidati të PS, ndërsa kanë shkëmbyer puthje e përqafime.

Nuk kanë munguar as lotët, ndërsa më pas e kanë ngritur në krahë kandidatin fitues Memolla, duke e rrethuar me përqafime.

Edison Memolla fitoi me një diferencë prej 1700 votash ndaj Shkëlqim Hoxhës.

Gazetarja e rrjetit investigativ “BIRN”, Aleksanda Bogdani tha se ka eksponentë të lartë në Partinë Socialiste që janë të frikësuar nga një rrëfim i mundshëm i Ahmetajt para drejtësisë.

Duke nënvizuar se “i gjithë shteti ka rënë brenda”, Bogdani tha se gjurmët e këtij skandali korruptiv janë shfaqur zbuluar ndaj zyrtarët socialistë që janë impikuar në këtë aferë në një formë apo tjetër, i tremben drejtësisë.

“Mendoj se PS dhe shumë eksponentë të lartë të PS kanë arsye të frikësohen sot edhe nga një frikë e tyre e mundshme që Ahmetaj mund të flasë sepse kjo çështje ka shkuar shumë lartë.

Ka të përfshirë shumë politikanë, ndoshta njerëzit më të pushtetshëm të të dyja qeverive të zotit Rama duke shkuar deri te personi që mbledh qeverinë dhe merr vendime.

Ka zyrtarët më të lartë të PS që janë në njëfarë mënyre apo një tjetër të implikuar, me vendime, me kontakte, me udhëtime me kontraktorët e qeverisë.

Ka vend për frikë dhe për faktin që tashmë gjurmët janë aty, indiciet janë gjetur dhe s’besoj se kësaj çështje do ti vihet kapak pa dhënë përgjigje për të gjithë të përfshirët në këtë aferë që duhet thënë është skandaloze”, nënvizoi gazetarja.

Pas tensioneve dhe përleshjeve të para në Kuvendin e Kosovës pas ndërprerjes së seancës nisën sërish provokime nga opozita.

Ku në tensionet e dyta opozita e Kosovës bllokoi foltoren dhe me pankarta bënin thirrje kundër Kurtit. Ata gjithashtu hodhën ujë drejtim të kryetarit të Kuvendit, Glauk Konjufca ku pak para tij u lag edhe Kurti me Bislimin

Deputetja e Vetëvendosjes, Adriana Matoshi gjithë këtë situatë e ka marrë me sportivitet pasi në një pankartë në dorë shkroi “RAUNDI I DYTË”.

Parlamenti i Kosovës i përfshi të enjten nga përleshjet fizike ndërmjet deputetëve të Partisë Demokratike dhe përfaqësuesve të pushtetit.
Përleshjet shpërthyen derisa kryeministri Albin Kurti po fliste për situatën në veri të Kosovës dhe pajtimin që është arritur me Bashkimin Evropian për hapat e parë drejt uljes së tensioneve. Fjalimi i tij u pengua nga deputetët e opozitës duke brohoritur dhe duke e cilësuar si “gënjeshtar”.

U desh ndërhyrja e sigurimit të kryeministrit për të vënë situatën nën kontroll, ndërsa kryetari i Parlamentit kërkoi edhe ndërhyrjen e policisë.

Në hapje të seancës së parlamentit deputetë të opozitës vendosën përballë ulëseve të qeverisë mbishkrime që kishin të bëjnë me kritikat ndaj pushtetit pasi për disa ditë me radhë portali Nacionale publikoi disa biseda të shefes së grupit parlamentar të Lëvizjes Vetëvendosje, Mimoza Kusari-Lila me përfaqësues të Listës Serbe, përfshirë nënkryetarin e kësaj partie, Milan Radojçiç, i cili është i sanksionuar nga Shtetet e Bashkuara “përfshirje në krim të organizuar dhe korrupsion”

Ditën e djeshme avokatët e Arben Ahmetajt konfirmuan se ai nuk ndodhet në Shqipëri.

Sakaq, ditën e sotme, gjatë mbledhjes së dytë të Këshillit të Mandateve avokatët e Ahmetajt kanë pohuar se ai është larguar nga vendi për arsye familjare.

Ende nuk dihet vendndodhja e Ahmetajt, pasi avokatët nuk kanë dhënë detaje për vendin në të cilin është larguar.

Në Këshillin e Mandatve po diskutohet sërish kërkesa e SPAK për t’i hapur rrugë ose jo arrestimit të Ahmetajt./Albeu.com.

Ardian Visha, njëri prej avokatëve të Arben Ahmetajt ka folur për mediet pas përfundimit të mbledhjes së Këshillit të Mandateve,

Ai u shpreh se Ahmetaj ka nisur përballjen e tij me drejtësinë momentalisht.

Por i pyetur nëse zëvendëskryeministri do kthehet në Shqipëri, Visha u shpreh se është e drejta e Ahmetajt nëse do vijë ose jo.

Visha shtoi më tej se prokuroria i ka paraqitur mbrojtësve ligjorë të Ahmetajt një material me 320 faqe, në të cilin sipas tij nuk ka asnjë rresht që justifikon kontrollin e banesës së ish-ministrit apo masën e arrestit me burg ndaj tij.

Ardian Visha: Zoti Ahmetaj ka nisur përballjen me drejtësinë. Është e drejta e vet nëse do vijë në Shqipëri apo jo. Ne mbajtëm qëndrim të kundërt nga ajo që kërkon prokuroria. Na u dha kohë jo më shumë se 24 orë për të parë 320 faqe material, që janë dashur 2 javë për t’i shkruar. Ne nuk vërejtëm kurrkund në këto faqe asnjë rresht që justifikon kontrollin e banesës së zotit Ahmetaj. Ky është thjesht një show për të kënaqur epshet e disa njerëzve se si dhunohet e drejta e një deputeti. Për masën e sigurisë nuk kishte asnjë arsye pse kërkohet kjo masë ekstreme. Jemi kundër arrestimit të tij.

Ata shtuan sërish se nuk e dinë ku ndodhet dhe përsëritën se është larguar jashtë Shqipërisë për arsye familjare.

Henrik Ligori: Nuk e dimë ku ndodhet Ahmetaj. Është larguar për arsye familjare. Para 5 minutash ishte komunikimi i fundit me të./Albeu.com

Juristi Ylli Manjani duke folur në lidhje me çështjen e Arben Ahmetajt, është shprehur se, Rama e do në burg.

Duke folur në ‘A Show’ me Adi Krastën, Manjani u shpreh se porosia është direkte dhe politike.

‘Është dhënë porosia që Arben Ahmetajn e dua në burg. Porosia është politike dhe të mos i vijmë fare vërdallë, se kjo e ka në lule të ballit të shkruar këtë gjë. E dua në burg dhe kjo është historia. Edhe ata të SPAK-ut, se nuk janë budallenj, i thonë; e do në burg, hiqja imunitetin. Ata po tallen, prokurori po tallet me porosinë politike.

Profesionalisht mund ta çonin në gjyq, ta dënonin dhe më pas ti shkonin Kuvendit me një vendim dënimi’, tha Ylli Manjani.

Gazetari Flogert Muça tha në një intervistë për Euronews Albania se Edi Rama nuk ka asgjë në dorë lidhur me arrestimin ose jo të Arben Ahmetajt.

Sipas tij, fakti që kryeministri distancohet nga një person që po hetohet nga drejtësia, dhe që nesër mund të shpallet fajtor për akuzat që janë ngritur ndaj tij është një zhvillim pozitiv në politikë, që i ka munguar vendit në të shkuarën

“Në momentin që një anëtar i skuadrës shkel ligjin s’duhet të ketë avokati as partinë as pushtetin, ne nga kjo kemi vuajtur. Në 21 janar kishim një kryeministër që nuk lejonte të arrestoheshin gardistët. Kemi kaluar në një pikë tjetër ku kryeministri nuk ka çfarë lëshon fare se nuk ka asgjë në dorë. Mund t’i dalë në mbrojtje publikisht, por kjo do ishte faqe e zezë. Fakti që është distancuar publikisht nga çdo rast dhe e ka bërë të qartë se kushdo që shkel ligjin nuk do ketë mbështetjen e tij”, tha Muça.

Teksa SPAK ka urdhëruar arrestimin e tij, vetëm pak momente më parë është mësuar se ish-zv. kryeministri Arben Ahmetaj nuk ndodhet në Shqipëri.

Lajmi është konfirmuar nga avokati i tij Henrik Ligori gjatë mbledhjes së Këshillit të Mandateve, i cili ka konfirmuar se Ahmetaj ndodhet jashtë kufijve të territorit shqiptar.Ndërkohë pyetjes së Gazment Bardhit nëse Ahmetaj ndodhet në Kanada, kreu i SPAK i është përgjigjur: “nuk e dimë”!

Kujtojmë se, kryetari i grupit të PD-së, Gazment Bardhi dhe deputeti Ervin Salianji janë përplasur me Ermonela Felajn, duke i thënë se është në konflikt interesi, prandaj sipas tyre kërkon mbledhjen me dyer të mbyllura. “Je pjesë e dosjes ndaj nuk do që të bëhet me dyer të hapura” i tha Salianji.

Më pas kreu i SPAK-ut nisi prezantimin e kërkesës me dyer të mbyllura për shkak të sekretit hetimor, por Gazment Bardhi e pyeti nëse Arben Ahmetaj në këto momente ishte brenda vendit apo ishte arratisur jashtë?“Ku ndodhet Arben Ahmetaj? Mos ka ikur në Kanada? Keni informacion për ketë? Maxhoranca po ndihmon Ahmetajn që të arratiset” tha Bardhi.

Po ku ndodhet?

Në nisje të mbledhjes dy avokatët e tij, Ardian Vishaj dhe Henrik Ligori deklaruan se nuk kanë dijeni se ku ndodhet. Në nisje të këshillit, kryetari i grupit të PD-së, Gazment Bardhi e pyeti kreun e SPAK-ut, ku ndodhet Ahmetaj?

“Ku ndodhet Arben Ahmetaj? Mos ka ikur në Kanada? Keni informacion për ketë? Maxhoranca po ndihmon Ahmetajn që të arratiset” tha Bardhi.Përfaqësuesit e SPAK-ut deklaruan se nuk kanë dijeni. Por sigurisht kjo gjë nuk mund të thuhet për policinë, pasi do të ishte dështim dhe skandal.

Ligji parashikon qartësisht se në momentin që SPAK kërkon masë për një individ, aq më tepër për një politikan të një niveli të tillë, policia e merr në vëzhgim duke mos e humbur nga sytë.

Po a u arratis deputeti socialist, ashtu sikur pretendon dhe pyet Bardhi? Askush nuk di që të përgjigjet. Por koha që socialistët i dhanë ka qenë e mjaftueshme gjithçka…