Category: Showbiz

Lind Islami dhe Venera Lumani njoftuan gëzimin e pritjes së fëmijës së tyre vetëm dy javë më parë, një lajm që mori shumë urime nga ndjekësit. Por, siç ndodh shpesh në botën e mediave sociale, ka pasur edhe disa komente negative.

Një koment i cili i ishte drejtuar Venerës, u shfaq në llogarinë e saj në Instagram ku një ndjekës e kritikointe për pamjen e saj. Venera nuk e injoroi këtë koment, por u përgjigj me shumë maturi dhe sportivitet, duke shpjeguar se shijet dhe mendimet e njerëzve mund të jenë të ndryshme, dhe se ndoshta ata që bëjnë komente të tilla kanë më shumë nevojë për dashuri.

Shija, mendësia dhe vizioni janë të ndryshme nga njëri-tjetri. Asnjëherë nuk e dimë çfarë mund të fshihet pas një personi që shpreh indinjatë pas ekranit të telefonit. Mendoj se ata kanë më shumë nevojë për dashuri se ne.

Venera Lumani zbulon padashje gjininë e fëmijësVenera Lumani zbulon padashje gjininë e fëmijës

Përveç kësaj, këngëtarja befasoi ndjekësit duke zbuluar pa dashje gjininë e foshnjës. Ajo ndau një moment të veçantë, duke thënë se “goditjet e ‘dritës time’ në bark” janë ato që po e mbajnë zgjuar natën. “E ka nëna boksier” shtoi ajo duke zbuluar kështu se është në pritje të një djali.

Këngëtarëte njohur Pirro Çako dhe Arilena Ara, konkurruan në Festivalin e Këngës Magjike me duetin “Zero Gradë”, por u tërhoqën nga gara pak orë para finales, duke mos dhënë asnjë shpjegim.

Pas përhapjes së lajmit për tërheqjen nga Festivali të dy artistëve, reagoi producenti dhe prezantuesi Ardit Gjebrea, i cili deklaroi se Pirro Çako ishte sëmurë, ndaj nuk mund të performonin në natën finale.

Por, pas deklaratës së Ardit Gjebreas, ka reaguar edhe këngëtarja Arilena Ara, e cila ka thumbuar producentin.

Në një postim në “Instagram”, artistja falenderoi fansat, ndërsa thumboi Ardit Gjebrean, duke u shprehur se “urojmë që i gjithë ky suport e kujdes ndaj nesh t’ju kthehet veç në dashuri e shëndet, të cilat i gëzojmë të dy si kurrë më parë”.

“Përjetësisht falenderuese për kryeveprën që @pirrocako më dhuroi mua dhe gjithë publikut shqiptar dhe për ftesën që patëm për ta performuar së bashku.

Përjetësisht mirënjohëse JU! Ju që na dëgjuat, na komentuat, na duartrokitët! Mirënjohëse për kujdesin, dashurinë, emocionin, mbështetjen, afeksionin ndaj nesh dhe këngës sonë, duke na bërë të shkrinim akujt e garës.

Urojmë që i gjithë ky suport e kujdes ndaj nesh t’ju kthehet veç në dashuri e shëndet, të cilat i gëzojmë të dy si kurrë më parë. Deri në takimin tjetër: “PLOT gradë” dashuri për ju”, shkroi Arilena Ara.

Dyshja ishin në duet së bashku dhe u përfolën si kandidatë fitues të Kënga Magjike.

Pak para nisjes së finales së Kënga Magjike, producenti Ardit Gjebrea, tha se i vinte keq që Pirro Çako nuk do ishte në Festival, pasi sipas tij, ishte sëmurë.

Për shkak se kënga është duet, tërheqja e Pirro Çakos sillte rrjedhimisht edhe atë të Arilena Arës, sipas producentit.

“E dëgjoni zërin tim? Edhe unë jam ftohur, por të paktën nuk do të këndoj. Për fat të keq, edhe Pirro është paqejf dhe për sa kohë që është në duet, më vjen keq që nuk do të jetë ky duet sonte në festival, por sëmundjes nuk ke ç’i bën”, tha ai.

Fituese e Festivalit u shpall këngëtarja Rozana Radi me “Akoma”, të cilën e performoi në duet me artistin grek Sany Dimitri.

Modelja nga Kosova Arbenita Ismajli ka shpërndarë në rrjetet sociale disa foto me vajzën në Dubai, duke bërë një jetë luksoze.

Ndërsa, ish-bashkëshorti i saj Fero ka bërë një zgjedhje krejt ndryshe nga ajo, duke zgjedhur të vizitojë Mekën, vendin e shenjtë të myslimanëve.

“Më mjafton mua All-llahu; s’ka të adhuruar tjetër përveç Tij. Tek Ai jam mbështetur dhe Ai është Zoti i Arshit të Madh”, shkruan Fero.

Pas divorcit mes njëri-tjetrin, çifti sërish “përplaset” verbalisht shpesh në distancë.

Rovena Stefa ka bërë një rrëfim prekës për jetën e saj. Ajo u ndal te një moment delikat, duke rrëfyer si rrallëherë detaje nga jeta private.

“Njëra nga dramat e jetës sime ishte kur isha 21-vjeçare dhe u njoha me një djalë. Ishte një dashuri në shikim të parë dhe filluam të bashkëjetonim. Atëherë isha shumë e re dhe nuk i dija shumë gjëra për të. Ai kishte pasur disa probleme me ligjin, ishte i alkoolizuar dhe përdorte narkotikë. Dita ditës e shihja agresivitetin e tij, në muajt kur filluam bashkëjetuam agresiviteti u rrit, xhelozia. Ndërsa unë këndoja, një natë filloi duke ushtruar dhunë, rrahja ishte aq e tmerrshme sa pësova grushte të rëndë dhe u përplasa në shkallë.

Vendosa të largohesha për shkak se nuk kisha fuqi, pasi ai kishte humbur gjuhën e komunikimit. Atë mëngjes vetëm kur e pashë veten me duar në fyt ndjeva që po mbytesha, dhe aty në atë moment unë u mbajta me gjithë forcën. Ai ka tentuar që të më hedhë nga dritarja dhe them shyqyr Zotit, e mora forcën që ta kundërshtoja – përfundova në polici e gjetën”.

Këngëtarja zbuloi edhe një sekret, të cilin nuk e ka bërë të ditur asnjëherë më parë.
“Unë kam qenë shtatzënë dhe kam humbur fëmijën nga ajo përplasje. Kjo gjë më ka bërë shumë keq. Kam vuajtur shumë kohë sepse unë dua shumë të kem fëmijë dhe një lidhje të vërtetë, një martesë si të gjitha vajzat, pse jo”, rrëfeu Rovena.