Category: Showbiz

Kur mungojnë edhe pak ditë nga nisja e “Big Brother Kosova”, emri i Olta Gixharit si opinioniste ka tërhequr vëmendjen e të gjithëve.

E teksa asnjë prej banorëve pjesëmarrës nuk dihet zyrtarisht ende, produksioni ka konfirmuar emrin e aktores, e cila do të jetë përkrah Milaim Zekës në këtë eksperiencë të re për të. Përkrah gazetarit, në rrjet u përfol se do të ulet një tjetër emër mjaft i njohur për publikun — Einxhel Shkira.

Mirëpo thuhet se pak para nisjes së spektaklit “Kryefjala” ka bërë të ditur se mes Shkirës dhe Producentes Ekzekutive, Olsa Muhameti ka pasur një përplasje të fortë. Nuk dihet saktësisht se çfarë ka ndodhur mes dyshes, sakaq një reagim publik për lajmin e qarkulluar në rrjet nuk ka ardhur as nga Einxhel dhe as nga Olsa. Sakaq faqja zyrtare e ka konfirmuar emrin e Oltës si opinioniste, duke mbyllur njëherë e mirë këtë kapitull. Vetëm pak ditë më parë, “Panorama” shkroi se tashmë Olta, së bashku me familjen e saj do të zhvendosen në Tiranë. Muajt e fundit, ajo dhe Dori kanë blerë një shtëpi në Tiranë, ku edhe pritet të zhvendosen së shpejti.

Kështu, tashmë jeta e familjes do të jetë më intensive në Tiranë, sesa në Valencia, ku edhe jetonin deri disa muaj më parë. Aktorja ka qenë shumë diskrete në fotot që ka publikuar me partnerin e saj, duke preferuar që ta lërë atë larg vëmendjes së ndjekësve, megjithatë, tashmë imazhi i Dorit është zbuluar. Duket se edhe pjesëmarrja e saj në këtë edicion të “Big Brother” si opinioniste, është një ndër arsyet pse ajo ka vendosur që të rikthehet. Tashmë, për më shumë se 3 muaj, aktorja do ta organizojë jetën e saj mes Prishtinës dhe Tiranës, duke realizuar kështu një ëndërr të sajën.

Kujtojmë që emri i saj u përfol si një ndër pretendentet për të qenë opinioniste në “Big Brother Vip 3” këtu në Tiranë. Por duket se në atë kohë, aktorja nuk mundi ta merrte këtë post, duke u zhvendosur nga Shqipëria për disa muajt. Tashmë, që ka sjellë në jetë edhe djalin e saj të dytë, Olta duket më së gati për t’u rikthyer ekranit. Por teksa emri i saj u konfirmua, të shumtë kanë qenë kuriozët që kanë pyetur se çfarë ndodhi me Einxhel dhe lajmet se, në fakt, do të ishte ajo në poltronën e opinionistet këtë vit.

Moderatorja Einxhel Shkira është larguar nga ekrani që pas pjesëmarrjes së saj në shtëpinë e “Big Brother Vip 1”. Pas përfundimit të spektalit, ajo u zhvendos në Prishtinë dhe mirëpriti në jetën djalin e saj, Trevi, me partnerin Dj Dagz, me të cilin u njoh në BBV.Prej asaj kohe Einxhel Shkira është distancuar nga ekrani dhe iu është përkushtuar djalit të saj. Ndërkohë një ndjekës i ka dërguar mesazh moderatores ku i kërkon të prezantojë festivalin e RTSH-së këtë vit.

Por, Einxhel Shkira ka ironizuar koleget e saj teksa shprehet se “s’të lë radhë njeri, jemi bërë 5 moderator për metër katror”. “Të lutem, prezanto këtë vit Festivalin e RTSH”, i shkroi ndjekësi në Instagram. Ndërsa Einxhel ka publikuar mesazhin në InstaStory dhe shkruan: “Kërkesa që s’më kishte ardhur ndonjëherë. Mirë e ke ti, bukur do të ishte, por s’të lë radhë njeri. Se ne jemi bërë pesë moderatorë për metër katror”.

Teksa po publikohen pamje të ndryshme nga dasma e çiftit Adri dhe Iliriana, ndjekësit kanë venë re një detaj.

Në ambientet per rreth restaurantit se ku po ndodh dasma shihen së bashku Luizi dhe Santiana teksa po bisedojnë.

Ky detaj u bë publik nga vet ndjekësit e dyshes.

Luizi dhe Santiana muaj me parë kishin edhe raportë të mira pune ku bashkëpunuan për një projekt muzikorë.

Xhemi Shehu është padyshim një nga moderatoret më të dashura në vendin tonë. Prej disa sezonesh, ajo ishte moderatore e “Portokalli” ku fitoi zemrat e publikut përpos moderimit edhe me aftësitë si aktore dhe rolet që ka interpretuar.

Megjithatë, Xhemi këtë sezon vendosi të marrë një tjetër rrugë në karrierën e saj, duke u shfaqur çdo mbrëmje në ekranin e TCH, në emisionin satiro-investigativ “Fiks Fare”, përkrah aktorit Jul Deda. Sa i përket pozicionit të Xhemit në “Portokalli”, këtë sezon iu besua moderatores Kiara Tito, e cila po ashtu është pritur me shumë dashuri nga publiku.

Mirëpo, mbrëmjen e djeshme Xhemi është rikthyer sërish në shtëpinë e saj të vjetër, “Portokalli”, këtë herë si e ftuar speciale ku interpretoi edhe një herë numrin “bota paralele”. Të shumta kanë qenë reagimet e personazheve publikë të cilët e kanë pëlqyer shumë këtë rikthim të Xhemit, ndër to edhe aktorja Olta Gixhari. Mirëpo duke përfituar nga rasti, aktorja nuk nguroi ta hedh njëkohësisht edhe një ‘thumb’ për Kiarën

Në postimin e saj në Instastory, teksa shihet duke ndjekur “Portokalli”, Olta shkruan: “S’ka dy si ti…”.

Sara Gjordeni, e cila pret që shumë shpejt të bëhet nënë, ka rrëfyer momente nga jeta e saj me partnerin, Bardhi Idrizi. Mes të tjerash ajo tregoi një episod mjaft urryes, që i ka ardhur nga disa ndjekës, duke e mallkuar për vajzën, të cilën pret t’i vijë ne jetë. Ish-banorja e Big Brother Vip u shpreh se pasi lexoi këtë koment, i humbi shpresat tek humanizmi, pasi nuk e priste që ta mallkonin në këtë formë.

“Komenti më i rëndë që kam lexuar, përtej moralit dhe familjes që bëjnë të gjithë sikur më njohin më dinë rrënjë e dhëmballë, ka qenë koment nga fans i dikujt tjetër. “Urojmë që ti lexosh të gjitha komentet tona dhe të shqetësohesh aq shumë sa fëmija jot të dalë me probleme”. Ky është komenti mbi sharjet, jo po sa të dashur ke pasur ti…ky ishte realisht që unë humba shpresën në njerëzillik. Bardhi ishte ai që mori vendimin që ne të tregonim shtatzëninë kaq herët. Për fëmijën tim nuk e di ca ka ngelur pa thënë”.-tha Sara Gjordeni në emisionin “Goca dhe Gra”.

Sara tregoi edhe për vështirësitë financiare që partneri i saj, Bardhi ka pasur pasi doli nga Big Brother VIP, kur edhe prishi marrëveshjen me menaxherin e tij. Ajo tregoi së Bardhi ngeli pa lekë, por ia kanë dalë falë punës që vetë ajo bëntë, por edhe mbështetjes familjare. Gjatë kësaj periudhe të vështirë financiare, Bardhi i ka premtuar Sarës se për çdo gjë që ajo ka bërë do t’ia kthejë dyfish. Ish banorja e BBVIP dhe modelja theksoi se kjo situatë tashmë ka kaluar, pasi Bardhi gjatë verës ka bërë shumë koncerte, duke fituar dhe mjaft të ardhura.

“Është e pamundur që njerëzit ta imagjinonin Bardhin në pozicionin e një djali që realisht ka ngelur pa lekë. Por unë duke ardhur nga fusha e ligjit e di shumë mirë që kontratat e gabuara nuk është çudi të të lënë edhe zero. Gjatë kohës që Bardhi nuk ka punuar, dua të theksoj që kënga është shkruar në prill-maj. Ka qenë një periudhë kur Bardhi nuk ka punuar fare, nuk ka pasur asnjë të ardhur.

E vetmja që punoja kam qenë unë. Unë kam një familje që më ka ndihmuar. Bardhi ka qëndruar një djalë zotëri dhe këtë të dalën më vete si çift e morëm të dy si sfidë dhe nuk donim ti zgjasnim dorën familjeve. Bardhin e ka munduar si kryefamiljar kjo pamundësia e tij. Jo se ne nuk kemi paguar qiranë, apo kemi mbetur pa bukë. Bardhi vetë si individ i ka pasur këto vështirësi, por kam qenë unë që edhe me ndihmën e fëmijës, sepse familja nuk të lë. Kjo situatë ka kaluar, nuk jemi më në atë situatë, sepse Bardhi ka bërë shumë koncerte gjatë verës, punoi fort dhe nuk jemi më në atë situatë.

Bardhi ka shkuar në Kosovë për të mbyllur deal për herë të fundit. Më tha: Sara unë nuk e bëj dot më këtë gjë, por duhet të dish diçka, në rast se unë këtë deal e ndërpres jam vetëm unë. I thashë ca do të thotë vetëm ti? Ka kapur xhaketën dhe tha “vetëm unë”. Është kthyer nga Kosova dhe tek dera më tha: Të futem? Unë e mora e futa brenda dhe i thashë: Ça po thua?! Bardhi mendon se cdo gje e mirë që ka bërë do ti kthehet. Më thoshte Sara e di që tani nuk kam asgjë, por të premtoj se të gjitha gjerat që po bën ti për mua do ti kthej dy fish”, tregoi Sara Gjordeni.