Category: Showbiz

Emisioni i njohur “Goca dhe Gra” rikthehet në ekranin e TCH ditën e sotme, më 5 tetor, në orën 22:00. Ky program, i cili sjell në vëmendje temat më të diskutueshme nga një këndvështrim femëror, ka premtuar një fillim të fuqishëm për sezonin e ri.3

“Goca dhe Gra” do të prezantohet nga pesë moderatore: Heidi Baci, Rudina Dembacaj, Egla Ceno, Jorida Rustemi, dhe Xhilda Luzi.

E ftuara speciale për këtë episod do të jetë moderatorja e njohur Bora Zemani. Lajmi është bërë i ditur në faqen zyrtare të emisionit në Instagram, duke ngjallur entuziazëm mes ndjekësve të shumtë të programit. Duket se përgjigjen përfundimtare nëse çifti Heidi Baci dhe Romeo Veshaj janë ndarë do ta zbulojmë ditën e nesërme.

Çifti i njohur Sara Gjordeni dhe Bardhi Idrizi, së fundmi kanë zbuluar emrin e vogëlushes së tyre e cila pritet të vi në jetë së shpejti.

Ishte Bardhi ai që në këngën e tij të re ka përmendur emrin e vajzës “Noa”. Pas publikimit të këngës menjëherë ish-banorja e Big Brother Vip, shpjegoi kuptimin e këtij emri në llogarinë e saj personale “Instagram”.

“Dikush që do të ringrihet gjithë jetën si versoni më i fortë i vetes nga fatkeqësitë. Nea, e re në greqishten e lashtë, nënkupton një individ i cili qëndron gjithmonë i ri, në shpirt, në pamje dhe që nuk rresht së përmirësuari veten.

Në islam: Dhuratë e frutshme, një person i cili sjell dritë e që jeton një jetë të gjatë dhe të gëzueshme,” shpjegoi Sara.

Dy ditë më parë teksa Sara po promovonte projektin e ri të partnerit tek ndjekësit, ai i kërkoi falje publike që kishte zbuluar emrin e foshnjës në këngën e tij.

“Ja kam përmend emrin vajzës tek kënga, më fal,” komentoi Bardhi. “Gabimi yt më i bukur,” u përgjigj Sara.

Kur kanë mbetur dhe më pak se dy muaj nga startimi i “Big Brother”, kanë nisur të dalin edhe emrat e parë të konkurrentëve që pritet të bëhen pjesë e lojës. Në rrjet një interes të madh ka pasur në lidhje me emrat që do të futen në shtëpinë e famshme për të garuar për çmimin e madh.

Një emër surprizë që duket se këtë vit do të bëhet pjesë e lojës është Lei Kraja. Moderatorja simpatike, është ndër emrat e parë që përflitet si pjesë e garës. Kujtojmë që edhe vitet e shkuara, ajo është përfolur për t’u bërë pjesë e formatit, por vetë Lei ka bërë me dije se nuk e ka pranuar ftesën. Vitin e shkuar, Lei u shpreh se është tip shumë emotive dhe nuk do të mund ta duronte mbylljen në shtëpi.

“Jo, në fakt, nuk do të jem. Që në fillim kur ma kanë bërë kërkesën vitin e kaluar vendosa që nuk do të jem. Ju më njihni shumë mirë që unë jam natyrë shumë e brishtë, emocionale dhe do qaja. Unë do ta bëja atë shtëpi si lumi i Shkodrës. Nuk e përballoj dot të jem e mbyllur. Kur e pashë atë kamper jashtë ditën e djeshme nuk e imagjinoja dot si Zhaklina dhe Ronaldo kanë kaluar aty. Nuk e di, unë nuk e përballoj dot. 2022 nuk ka qenë viti im në shumë drejtime. Nga ana emocionale, shumë s bujë kam pasur këtë vit prandaj nuk besoj që do të ishte viti im dhe të futesha në “Big Brother”. Megjithatë do të doja të isha për shembull pjesë e ‘Fan Club’, të isha opinioniste aty çdo të diel, do e shijoja sepse e ndjek me shumë pasion “BBV” e kam shumë qejf. E shijoj shumë spektaklin, po nuk do të jem pjesë e “Big Brother VIP””, tha Lei vitin e shkuar duke i dhënë kështu fund dyshimeve. Por këtë vit, prezantuesja e ka rikonsideruar ofertën.

Një tjetër emër është edhe ai i Drilon Hoxhës. Aktori dhe regjisori, vitet e fundit ka qenë shumë i angazhuar me projektet e tij filmike që ka sjellë për publikun. Por tashmë, është momenti që publiku ta njoh edhe atë si personazh, krahas filmave që ai prodhon dhe luan. Bëhet me dije se aktori do ti bashkohet kastit në lojë për çmimin e madh prej 100 mijë eurosh.

Tiri Gjoci është një artist i ri në tregun muzikor, por që shumë shpejt ai ka bërë fansa, duke vlerësuar muzikën e mirë, por edhe natyrën e tij prej playboy. Një ftesë për këtë spektakël ka edhe për Tirin, që me gjasa do të jetë një ndër artistët që bëhet pjesë e këtij formati. Për Tirin, kjo do të jetë një mundësi e mirë, që të njihet nga publiku edhe si karakter dhe jo vetëm nëpërmjet muzikës së tij. Një tjetër emër i lakuar është edhe ai i Visjan Ukcenajt. Aktori, i cili sezonin e shkuar ishte pjesë e “Portokalli” është një ndër emrat e lakuar për të qenë pjesë e spektaklit. Si një personazh me shumë humor, por edhe ironi, jemi të sigurt që Visjani do ta gjente shpejt rrugën e suksesit në këtë reality.

Nga ana tjetër, Cubi Metkaj ishte aktorja që vitin e shkuar u përfol gjatë si një konkurrente e mundshme. Madje në ato muaj, vetë aktorja në deklaratat e saj linte të kuptohej se do të bëhej pjesë e lojës. Por një gjë e tillë nuk ndodhi. Natyrisht që edhe për Cubin ka pasur një ftesë, ndaj tashmë është në dorën e saj për të parë nëse do ta pranojë këtë herë ftesën për t’u bërë pjesë e reality për më shumë se 100 ditë.

Dori dhe Devi, ishprezantuesit e “Fiks Fare”, mund të jenë dy nga konkurrentët e fshehtë të këtij sezoni. Dyshja është zëvendësuar papritur nga Jul Deda dhe Xhemi Shehu, duke ngritur spekulime të mëdha. Thashetheme lart e poshtë ka se Dori dhe Devi do jenë pjesë e shtëpisë së famshme, por ende asgjë nuk është zyrtarizuar.

Një tjetër emër i përfolur është edhe ai i Sara Hoxhës. Ish-partnerja e Ledrit, tashmë është e angazhuar me biznesin e saj, duke mos pas më angazhime televizive. Dhe ndoshta tashmë, si single dhe me një dëshirë të madhe për të vijuar të qëndrojë një figurë e dashur për publikun, Sara do të tentojë edhe famën që ky reality ka. Megjithatë, blogerja ende nuk ka dhënë një përgjigje në lidhje me ftesën e mbërritur nga produksioni.

Dy emra të tjerë që deri ditët e fundit ishin komplet të fshehtë janë edhe Eugent Bushpepa dhe Kastro Zizo. Dy djemtë, pritet që këtë vit t’i thonë po garës për çmimin e madh prej 100 mijë eurosh. Kastro Zizo është i njohur për natyrën e tij të drejtpërdrejtë dhe shpesh herë edhe ironike. Ndaj edhe prania e tij në këtë format po pritet me interes. Nga ana tjetër Eugenti është një artist shumë i dashur për publikun, por që rrallë e kemi parë të dalë nga arti i tij për të folur për jetën private.

Ndaj edhe kjo mundësi për të do të ishte një pikë e rëndësishme takimi mes tij dhe ndjekësve të tij. Një tjetër emër është edhe ai i Rinian Lekës. Ish-pjesëmarrës në Përputhen, djaloshi bëri për vete publikun. Me pamjen e tij prej modeli dhe me natyrën e djalit xhentil, ai mesa duket është gati që të provojë edhe këtë eksperiencë. Teksa organizatorët janë ende duke punuar për detaje të tjera, duket se kasti i emrave po plotësohet, duke lënë edhe disa emra surprizë, që me gjasa do të zbulohen në javët e fundit para fillimit të spektaklit.

Modelja e njohur dhe ish-banorja e edicionit të parë të Big Brother VIP Kosova, Gresa Hoti është mjaft aktive në rrjetet sociale, me postime të ndryshme.

Gresa përmes postimit të fundit ka treguar se macen e saj e merr edhe nëpër udhëtime.

Modelja kësaj radhe macen e ka futur në çantë, ku njëjtë sot ka vepruar edhe këngëtarja e njohur, Kida.

Adrola Dushi është tejet aktive në rrjete sociale.

Modelja e njohur ka publikuar një fotosesion të ri në rrjetin social Instagram, duke vënë në pah të pasmet.

Ky postim ku shfaqen linjat e saj trupore në super formë, mori me mijëra pëlqime dhe komente pozitive nga ndjekësit e jo vetëm.

View this post on Instagram

A post shared by ADROLA DUSHI (@adroladushi)

Këngëtarja e njohur dhe shumë e dashur për publikun, Genta Ismajli, është përfshirë në një aksident automobilistik në Amerikë.

Sipas burimeve për emisionin ”IN & Out”, këngëtarja u godit nga një polic në Shtetet e Bashkuara, konkretisht në Çikago.

Pas momenteve të vështira, mësohet se tani ka filluar të marrë veten dhe është jashtë rrezikut për jetën.

Vetë këngëtarja nuk ka bërë asnjë deklaratë publike për lajmin e ditëve të fundit, por nga burimet afër saj mësohet se gjendja shëndetësore është nën kontroll.

Megjithatë, aksidenti e ka ndalur për momentin realizimin e koncertit të saj, për të cilin ka kohë që ka nisur përgatitjet.

Arjola Demiri, një nga emrat më të njohur të industrisë së showbizit shqiptar, po bëhet temë diskutimi në mediat rozë dhe platformat sociale për një arsye të veçantë: ajo ka realizuar një transformim të jashtëzakonshëm fizik që ka lënë të gjithë pa fjalë.

Së fundmi, Arjola ka publikuar disa fotografi që tregojnë linjat e saj të reja, duke e çuar pamjen e saj në një tjetër nivel.

Në foton më poshtë, ajo shfaqet në top formë, duke theksuar angazhimin e saj për një stil jetese më të shëndetshëm dhe më aktiv. Rrobat që ajo ka zgjedhur për të përshkruar këtë transformim janë të zgjedhura me kujdes, duke i dhënë asaj një pamje elegante dhe moderne.

Ky ndryshim ka shkaktuar një valë komentesh pozitive nga ndjekësit e saj, të cilët e kanë mbështetur dhe lavdëruar për përkushtimin e saj.

Me mijëra pëlqime dhe komente entuziaste, Arjola ka dëshmuar se ajo është më shumë se një figurë e njohur; ajo është një inspirim për shumë njerëz që dëshirojnë të bëjnë ndryshime pozitive në jetën e tyre.