Category: Sport

Disa vite më parë e përjashtuan nga stadiumet kur luante kombëtarja shqiptare e futbollit. Por Ismail “Ballist” Morina është kthyer përsëri mes tifozëve që e kanë kthyer në një idhull të tyre për atë që bëri në natën e famshme të Beogradit në vitin 2014.

Tifozi më i famshëm i kombëtares shqiptare, i cili fluturoi dronin me flamurin ”Autochthonous” në Beograd, është sot i pranishëm në tribunën e “Air Albania” ku menjëherë është rrethuar nga dhjetëra tifozë të cilët kërkoni të bënin foto me të.

https://streamin.one/v/66dcc7e1

Ndërkohë që na ndajnë vetëm pak minuta nga nisja e sfidës mes Shqipërisë dhe Çekisë, e vlefshme për kualifikueset e Europianit “Gjermani 2024”, nuk kishte si të mungonte në stadium Ismail Morina, i njohur ndryshe si Ballisti.

Ballist Morina është një nga tifozët më të zjarrtë të kombëtares shqiptare, i cili u bë i njohur në vitin 2014-të, kur futi dronin me flamurin etnik në stadiumin e Beogradit.

Duhet theksuar se ishte pikërisht ai dron “sebepi” i kualifikimit të Shqipërisë në kampionatin Europian të vitit 201-të që u zhvillua në Francë.

Ndeshja Shqipëri – Çeki e parashikuar që të zhvillohet në orën 20:45 në stadiumin “Air Albania”, mund të shtyhet, kështu raportoi gazetari i Euronews Albania , Enriko Gabaj.

Në një lidhje direkte ai tha se vonesat gjatë kontrollit të tifozëve mund të bëjnë që ndeshja të shtyhet me 10-15 minuta.

“Më pak se 45 minuta duhen deri në nisjen e përballjes Shqipëri-Çeki. nuk kanë munguar revolatat nga tifozët kuq e zi, pasi nëse bëjmë një llogaritje deri në momentin se kur nis përballja, mund të kemi një shtyrje në kohë të saj, pasi pjesa më e madhe e tifozëve janë ende jashtë dhe po vijojnë të jenë pjesë e disa kontrollove.

Ndërkohë radha e tifozëve vazhdon të shtohet. Kontrolli ka bërë që gjithë këta tifozë të qendrojnë jashtë. Në këtë pikë ashtu siç funksionon në Europë në kompeticionet që mbajnë logon e UEFA, ndeshja mund të shtyhet 10-15 minuta, pasur në fillimin e përballjes tifozët duhet të jenë të gjithë brenda në stadium”,-tha Enriko Gabaj.

Teksa na ndajnë vetëm pak orë nga vërshëllima që do të startojë ndeshjen mes Shqipërisë dhe Republikës Çeke, të dy vendet kanë filluar të ndjejnë emocionet e kësaj sfide të rëndësishme.

Duket se edhe UEFA është përfshirë nga entuziasmi, teksa ka paralajmëruar çekët për atë se çfarë i pret në Tiranë. Në llogarinë zyrtare në rrjetet sociale, UEFA ka publikuar sërish super-golin e Jasir Asanit, kundër Polonisë në ndeshjen e fundit të kombëtares kuqezi. Asani shënoi nga distanca një gol fantastik, i cili u përzgjodh dhe si goli i javës.Ndeshja nis në orën 20:45, në stadiumin “Air Albania”, i cili do të jetë i mbushur plot me tifozë që do të mbështesin kuqezinjtë në rrugëtimin drejt EURO 2024, në Gjermani.

Kryeministri Edi Rama ka “karikuar” djemtë e kombëtares në prag të sfidës me Çekinë, e cila luhet në mbrëmje në stadiumin “Air Albania”. Ai ka shpërndarë një video të shkurtër në “Facebook” me mbishkrimin “Forca”.

Tekniku Sylvinho një ditë më parë tha se Kombëtarja është gati për t’u përballur me Çekinë. Ai kërkoi fleksibilitet dhe forcë grupi për të kaluar pengesën e radhës, e cila do të afronte Shqipërinë një stacion më afër Berlinit.

4 persona janë proceduar penalisht pasi kishin krijuar një skemë mashtrimi sipas policisë për shitjen e biletave për ndeshjen Shqipëri-Çeki.

Uniformat blu njoftuan, se të rinjtë të moshave nga 22 deri në 35 vjeç i shisnin biletat me çmime që shkonin deri në 400 Euro.

Por si funksiononte skema? Ata i reklamonin në rrjetet sociale, njoftoi policia.

“Specialistët për Hetimin e Krimeve Ekonomike dhe Financiare në DVP Tiranë, në vijim të punës për goditjen e veprimtarive kriminale, pas informacioneve të siguruara për disa shtetas, të cilët reklamonin në rrjete sociale dhe shisnin me anë të mashtrimit, bileta për ndeshjen e ditës së sotme, me çmime shumë të larta, menjëherë kanë organizuar punën për identifikimin dhe vënien e tyre përpara përgjegjësisë ligjore. Në vijim të veprimeve u referuan materialet në Prokurori dhe nisi procedimi në gjendje të lirë për shtetasit S. A., 35 vjeç, R. H., 22 vjeç, A. O., 31 vjeç dhe E. Gj., 34 vjeç, të katërt banues në Tiranë”, njoftoi policia.

Kujtojmë se në biletat për ndeshjen Shqipëri-Çeki u shitën online për një kohë rekord. Kërkesa për një të tillë ishte shumë e madhe. Vetëm të martën, pasi u nxorrën në shitje rreth 1300 bileta, ato u shitën për rreth 26 minuta.

Shqipëria luan sot me Çekinë në ndeshjen e vlefshme për Euro 2024. Ndeshja do të transmetohet falas në Tv Klan./tvklan.al

Armando Broja dhe Ardian Ismajli janë mungesat e vetme e Shqipërisë për “finalen” ndaj Çekisë, që do të zhvillohet të enjten në “Air Albania” (20:45).

Trajneri Sylvinho theksoi në konferencën për shtypin se sulmuesi i Chelseat nuk ia ka dalë dot të rikuperohet për nesër, ndërkohë mësohet se rreshtimin e mundshëm të kuqezinjve kundër Çekisë.Arlind Ajeti do zëvendësojë Ismajlin e dëmtuar, duke formuar dyshen e qendrës së prapavijës me Berat Gjimshitin.

Në krahë të zakonshmit Elseid Hysaj dhe Mario Mitaj. Nuk ndryshon as mesfusha krahasuar me duelin e fituar 2-0 ndaj Polonisë.
Etrit Berisha rikthehet titullar mes shtyllave, duke i zënë vendin Thomas Strakoshës, i cili e nisi nga fillimi ndeshjen me Poloninë.

Repart ku konfirmohen si titullarë Kristjan Asllani, Ylber Ramadani dhe Nedim Bajrami.

Ndërkohë, në krahun e majtë të sulmit do e nisë nga minuta e parë Taulant Seferi, njësoj si në transfertën çeke. Ish-sulmuesi i Tiranës preferohet përpara Myrto Uzunit, titullar me Poloninë.

Ndërkohë që nuk ndryshojnë Jasir Asani në të djathtë dhe Sokol Cikalleshi na majë të ofensivës së kuqezinjve.

Armando Broja humbet ndeshjen me Çekinë dhe Bullgarinë, për shkak të problemeve që pësoi një ditë më parë në gju.

Futbollisti ka munguar në stërvitje dhe për rrjedhojë nuk do të jetë në këtë ndeshje të rëndësishme për Kombëtaren.

Broja u rikthye pas rikuperimit të gjatë, por duket se problemet shëndetësore ende nuk kanë mbaruar.

Nesër në mbrëmje do të luhet ndeshja Shqipëri-Çeki në “Air Albania”, e vlefshme për kualifikueset e Euro 2024.

E në këtë atmosferë emociouese para ndeshjes, fituesi i Big Brother Albania Vip 2, Luiz Ejlli ka shpërndarë në rrjetet sociale një story, ku duket të jetë pranë futbollistit të kombëtares, Armando Broja.
“A do shkëlqesh siç di vetëm ti? Ky është futbollisti më i mirë që ka patur ndonjë kombëtarja e Shqipërisë,” i thotë Luizi në video sulmuesit të kombëtares.

Broja është rikthyer në kombëtare pas një viti, për shkak të një dëmtimi.

https://lajmetverteta.com/wp-content/uploads/2023/10/6526bd8e2e0a2.mp4?_=1

Shqipëria po bën paraqitje të mira në kualifikueset Euro 2024 dhe është në rrugën e duhur për një biletë në Europian.

Takimi i radhës është ndaj një rivali mjaft të vështirë si Çekia, sfidë kjo që mbahet të enjten në mbrëmje, në “Air Albania”. Trajneri i kuqezinjve, Sylvinho në konferencën për shtyp se skuadra është përgatitur maksimalisht, për të marrë më të mirën.

“Broja nuk luan, nuk është i gatshëm. Është stërvitur pak, ka shqetësim fizik dhe nuk do jetë i gatshëm Pas konsultave me mjekun, ramë dakord që mos të llogarisnim në shërbimet e tij. Gjasula erdhi, kemi bërë testet tona dhe është në rregull.” – Tha ai.