Category: Uncategorized

A ke menduar ndonjëherë nëse data jote e lindjes ka një kuptim më të thellë? Disa besojnë se data në të cilën lind, mbart kuptim për mësimet që njeriu destinohet të marrë në jetë.

Qoftë për të gjetur qëllimin tënd, për të kaluar sfidat ose për të menaxhuar marrëdhëniet, data jote e lindjes mund të mbajë mësime nga jetët e tua të kaluara.

Le të shohim se çfarë mund të thotë data e lindjes për ty:

Ke lindur në datën 1, 10, 19 ose 28:

Nëse ke lindur në njërën prej këtyre datave, shpirti yt mund të ketë pasur vështirësi në të kaluarën për të gjetur qëllimin e tij të vërtetë. Mund të jesh ende në kërkim të asaj që të motivon vërtet dhe shumë nga sfidat e tua mund të lidhen me paratë ose me gjetjen e rrugës së duhur në jetë. Mësimi kryesor për ty është të vazhdosh kërkimin dhe të mos dorëzohesh.

Ke lindur në datën 7, 16 ose 25:

Personat që kanë lindur në këto data mund të kenë qenë shumë afër realizimit të qëllimeve të tyre në një jetë të kaluar, por nuk e kanë arritur plotësisht. Në këtë jetë, mund të ndihesh i/e lodhur dhe të duash të dorëzohesh kur gjërat bëhen të vështira. Por mësimi yt është të vazhdosh dhe të besosh tek vetja. Mund të takosh njerëz që do të testojnë forcën tënde dhe do të të tregojnë mësime të rëndësishme rreth qëndrueshmërisë.

Ke lindur në datën 3, 4, 6, 24 ose 30

Nëse data jote e lindjes bie në njërën prej këtyre datave, mund të ketë pasur një fokus në dashuri ose hakmarrje në jetën tënde të kaluar. Në këtë jetë, shumë nga njerëzit që takon, qoftë familjarë apo të dashur, mund të jenë të lidhur me ato çështje të pazgjidhura. Mund të vazhdosh të kërkosh personin që nuk munde të lidheshe në jetën tënde të kaluar derisa të zgjidhësh një herë e mirë këtë lidhje.

Si përfundim:

Pavarësisht se kur ke lindur, çdo datë mban mësime unike. Kuptimi i sfidave dhe lidhjeve në jetën tënde mund të të ndihmojë të ecësh përpara dhe të rritesh!

Personi në foto është Aldi Zonja, një ndër “kokat” kryesore të financimit dhe organizmit të një laboratori droge, në fshatin Qerekë të Fushë Krujës.

Zonja kishte shkuar në Amerikën Latine me vizë turistike dhe më pas ishte bllokuar atje për shkak të pandemisë. Gjatë kohës së qëndrimit në Amerikën Latine, 37-vjeçari ka krijuar njohje me trafikantë droge dhe kështu ngritën skemën e mirëfilltë për të trafikuar lëndën narkotike. Ai është djali i gazetarit Artur Zonja dhe këngëtares së njohur Afërdita Zonja.

37-vjeçari, i përfshirë në këtë veprimtari të paligjshme shfaq në rrjetet sociale një jetë luksoze. Në një nga fotot e postuara ai shihet në një jakuzi në një resort në breg të detit, ndërsa në një tjetër shihet me një tjetër trafikant të arrestuar, pjesë e grupit, Artion Çaushllari. Nuk mungojnë fotot as nga skitë, makinat e shtrenjta, orat apo drekat e darkat.

Të përfshirë në këtë grup janë edhe Klajd Birce, Ismail Abdurramani, Baki Huqi dhe Endi Sejdini. Ky i fundit është personi që kishte në pronësi ndërtesën ku u ngrit laboratori.

Hetimi i SPAK zgjati për disa muaj, ndërsa gjatë kontrollit të ushtruar u gjetën sasi kokaine, përzierës kimikë, objekte të specializuara për fshehjen e drogës, pajisje laboratorike, shuma parash dhe mjete transporti të përdorura për veprimtarinë kriminale.

Kalvari i Simone Del Vecchio (majtas në foton lart) nisi më 13 mars, ditën kur 37-vjeçari nga Barletta e Italisë, me profesion ueb-dizajner vendosi t’i nënshtrohej trajtimit dentar në një klinikë në Tiranë për vendosjen e protezave në të dy harqet për të rregulluar disa dhëmbë që i mungonin. Ajo që ndikoi në zgjedhjen e tij për të shkuar në Shqipëri ishte një reklamë që premtonte rezultate të shkëlqyera me çmime konkurruese.

Menjëherë pas operacionit Del Vecchio u sëmur dhe pësoi 4 arreste kardiake. Në 8 muaj, Simone shkoi nga reanimacioni i spitalit të Tiranës në atë të Poliklinikës së Barit dhe më pas përfundoi në Casa Sollievo della Sofferenza në San Giovanni Rotondo ku ndodhet aktualisht në spital.

“Një odise që duket se nuk ka fund”, – thotë vëllai i tij binjak, Marko (djathtas në foton lart). Këto ditë Simone do t’i nënshtrohet një operacioni të ri, këtë herë për të zgjidhur një stenozë trakeale që i bllokon frymëmarrjen, ndoshta të shkaktuar nga intubimi i zgjatur. Por, le të bëjmë një hap prapa. Pse kishte vendosur Simone të shkonte në Shqipëri për të trajtuar dhëmbët? Më poshtë intervista e sjellë nga Corriere della Sera.

“Nëna jonë kishte qenë atje 2 vjet më parë dhe gjithçka kishte shkuar mjaft mirë. Për vendosjen e dy protezave dentare ajo kishte kursyer mbi 50% të asaj që do të kishte shpenzuar në Itali. Në Shqipëri ka një kursim në kosto, por edhe në kohë pasi gjithçka ndodh brenda dy ditësh. Dhe kështu, edhe Simone vendosi të bëjë të njëjtën gjë. Nuk isha dakord, por gjithsesi ata shkuan atje”.

Kështu, më 13 mars Simone shkoi në Tiranë.

“Ai shkoi atje me nënën time, unë qëndrova në Barletta. Në orën 14 të asaj dite ai iu nënshtrua operacionit me heqjen e të gjithë dhëmbëve në një seancë të vetme dhe futjen e njëkohshme të implanteve në të dy harqet. 20 dhëmbë të nxjerrë të gjithë menjëherë. Ata administruan 4 anestezi të mishrave të dhëmbëve me një qetësues të lehtë të përgjithshëm pa kryer teste parandaluese, si dhe antibiotikë, anti-inflamatorë apo qetësues kundër dhimbjeve. Nëna ime mund ta dëgjonte atë duke bërtitur nga dhoma tjetër. Simone ishte vigjilent, i ndërgjegjshëm dhe me dhimbje. Pas trajtimit, i cili zgjati nga ora 14:00 deri në 18:00, ai u kthye në dhomën e tij në të njëjtën klinikë ku i ishte nënshtruar operacionit. Simone, megjithatë, nuk mundi as të shkonte në dhomë sepse, pasi piu një gllënjkë ujë, u ndje keq dhe pati arrestin e tij të parë kardiak, i cili u pasua nga 3 të tjerë.

Kush i dha ndihmën e parë?

“Mjekët nga klinika dentare kanë ndërhyrë menjëherë. Më pas ai u dërgua në spitalin “Nënë Tereza” në Tiranë. Aty iu nënshtrua një operacioni kardiak me vendosjen e stentit koronar pasi nga analizat e bëra kishte dalë edhe një patologji e lindur, përkatësisht stenoza koronare. Ai kaloi 8 ditë në terapi intensive në Tiranë dhe më 21 mars e çuam me ambulancë në Poliklinikën e Barit në reanimacion”.

Sa kohë më pas rifitoi vetëdijen?

“Ai kaloi në koma të shkaktuar nga mjekët për më shumë se një muaj deri më 1 maj kur filloi të shfaqte disa shenja shërimi. Unë isha atje atë ditë kur i pakësuan qetësuesin dhe ai rihapi sytë. Ai ishte i tmerruar dhe nuk e dinte se ku ishte dhe çfarë i kishte ndodhur. Ai ka ende probleme me kujtesën e shkurtër”.

Por odiseja nuk mbaron këtu.

“Në fillim të qershorit ai u transferua në departamentin e sëmundjeve infektive për shkak të një infeksioni bakterial ngjitës, Candida auris, i cili e vonoi edhe më shumë shërimin e tij, pasi nuk mundi t’i nënshtrohej rehabilitimit. Këtu ai qëndroi deri më 27 shtator, ditën në të cilën vendosëm ta çonim në San Giovanni Rotondo”.

Si është ai tani?

“Ai tani është i shtrirë në shtrat i rraskapitur, por vigjilent. Megjithatë, ai është në rrezik të mbytjes për shkak të kësaj stenoze trakeale e cila e pengon atë të pijë, të hajë dhe të marrë frymë mirë. Për këtë arsye ai së shpejti do t’i nënshtrohet një operacioni tjetër”.

Si ishte Simone para 13 marsit?

“Një djalë vital, me shumë miq, i pëlqente të dilte dhe të shijonte jetën. Udhëtimi i fundit së bashku ishte Barcelonë në tetor 2023 për koncertin Blink-182. Ne kishim rezervuar tashmë një udhëtim tjetër në Amsterdam për 29 prill për ditëlindjen tonë. Por kjo tragjedi shkatërroi të gjitha ëndrrat tona dhe qetësinë e familjes sime. Prindërit e mi u transferuan në San Giovanni Rotondo për t’u kujdesur për të çdo ditë.”

Keni nisur veprimet ligjore?

“Po, por ne kemi shumë probleme që lidhen me faktin se është një vend që nuk është pjesë e Bashkimit Evropian dhe jemi në vështirësi në gjetjen e dokumenteve të ndërhyrjes dentare”.

Kush ju ka dhënë mbështetje dhe ndihmë në muajt e fundit?

“Me mjekët e klinikës në Shqipëri nuk folëm më. Në vend të kësaj, gjetëm ndihmë, mbështetje morale dhe logjistike nga presidenti i Andi i Bari-Bat, Fabio De Pascalis, dhe nga Nicola Cavalcanti, president i komisionit të Shoqatës Dentare Bari. Tani dëshira ime e vetme është të kthej vëllanë tim në shtëpi dhe t’i garantoj atij kujdesin dhe ndihmën më të mirë”. / Lapsi.al

Klaudia është zhvendosur për një ditë nga programi i përditshëm i “Rudinës” në “Ka Një Mesazh Për Ty” për të ndarë historinë e saj.

Në rrëfimin për rubrikën e së “Dielës Shqiptare” në Tv Klan, gazetarja tregoi për familjen dhe lidhjen e fortë me ta, sakrificat e prindërve për të, motrën e vëllain dhe dashurinë për profesionin.

Por në jetën private të Klaudias ka ndodhur një lëkundje e fortë që i ka thyer edhe zemrën. Historia disavjeçare e dashurisë, për të cilën sakrifikoi edhe profesionin, përfundoi. Përjetimi i fortë nuk i përkiste vetëm Klaudias, por edhe familjes që ishte e shqetësuar për të.

Klaudia: Normalisht që edhe unë se sot e kësaj dite që flasim jam 30 vjeç kështu që patjetër kam jetuar dhe kam pasur një histori të bukur dashurie, e cila fatmirësisht ose fatkeqësisht nuk përfundoi edhe aq e lumtur. Ishte një marrëdhënie e gjatë disavjeçare, por që ishte, mbetet tek “ishte”. Mendoj se në ditët e sotme, në një botë me shumë mundësi, njeriu duhet të zgjedhë gjithmonë veten dhe familjen për aq kohë sa gjysma jote më e mirë nuk arrin ta kuptojë se disa ëndrra apo pasione janë shumë të rëndësishme për gjysmën tjetër dhe nuk është aty për ty në çdo hap për të luftuar dhe për ta çarë detin të dy, atëherë ose njëri duhet të mësojë notin ose… ka një problem në këtë mes.

Ardit Gjebrea: Në këtë rast duhet ta mësoje ti notin apo ai?
Klaudia: Le të themi të dy nga pak, nuk arritëm ta çanim detin.

Ardit Gjebrea: Dhe kur një marrëdhënie disavjeçare nuk funksionon, ti ke një përjetim dhe familja ka një përjetim sepse kur zgjat me vite, besoj që personi bëhet pjesë edhe e jetës së tyre apo jo?

Klaudia: Patjetër që po. Kjo është edhe arsyeja që unë e kam ftuar Romanën sot, përpos gjithë pjesës që është programi im i preferuar dhe jam sy e veshë, jo vetëm si gazetare, por edhe si Klaudia, si individ.

Ardit Gjebrea: Faleminderit!

Klaudia: Mendoj se kujtimet janë gjërat më të bukura në jetë që ne u lëmë të dashurve tanë dhe na bëjnë të kuptojmë që ne kemi jetuar, përmes atyre kutjimeve. Doja ta kishte pikërisht këtë kujtim për t’i thënë që pavrësisht gjithçkaje, unë jam mirë, ai sfondi bardhë e zi që unë kam përjetuar dhe jo vetëm unë, edhe familja ime, tashmë ka kaluar. Jam mes ëndrrës sime, mes asaj që për hir të një dashurie të madhe unë e lashë për shumë vite, hoqa dorë por…

Ardit Gjebrea: Më fal, pse t’u bë pengesë puna për këtë?

Klaudia: Po.

Ardit Gjebrea: A mund të më thuash deri në cilin cak duhet të sakrifikojmë ne për dashurinë që kemi për punën, për pasionin, për dashurinë tonë dhe ekulibri që duhet të vendosim mes familjes, duke qenë se edhe unë jam deficitar, por jo deri në kufijtë e ndarjes. Për fat punoj me nusen këtu, kështu që e kalojmë kohën bashkë, por do të ishte vërtet një problem i madh nëse nuk do të ishim bashkë këtu pasi që nga mëngjesi e deri në darkë ne jemi në punë. Megjithatë, unë nuk jam shembulli më i mirë prandaj do të kërkoja një ndihmë nga ty sepse mund të ketë shumë çifte që mund ta kenë këtë problem.

Klaudia: Është shumë e vërtetë. Unë s’kam pikë dyshimi që ti je shembulli më i mirë duke njohur edhe bashkëshorten dhe jeni një familje për t’u marrë shembull nga të gjithë. Në atë periudhë që unë e kam përjetuar këtë dashuri, patjetër që kam bërë shumë kompromise me jetën dhe me ish-partnerin tim. Për të qenë konkrete, për hir të asaj dashurisë se gjithmonë kam qenë me idenë që dashuria, familja janë gjithçka që njeriu ka nevojë në fund të ditës, domethënë isha me këtë idenë që okej, karriera është një sukses se ti ke studiuar, prindërit e mi kanë sakrifikuar pafund, ndoshta i kanë mohuar shumë gjëra vetes që mua mos të më mungojë asgjë dhe gjithmonë kam qenë me atë idenë që familja është suksesi i vërtetë. Në këtë rast, nuk rezultoi kështu. Patjetër unë kam lënë karrierën, profesionin, gjithçka për hir të asaj marrëdhënieje, edhe pse kur e kthej kokën mbrapa prapë nuk bëhem pishman sepse për dashurinë njeriu bën gjithçka dhe deri në atë pikë ku ty të vlerësohet dhe kuptohet nga pala tjetër.

Laura ka sjellë nga Suedia babanë e saj, Hamzanë për t’i kërkuar banesën. Sipas asaj që ajo tregon në “Shihemi në Gjyq” nga “E Diela Shqiptare” në Tv Klan, i ati ia ka shitur pronën e tyre në Prizren vajzës së dajës.

Fillimisht kanë nënshkruar një kontratë 5-vjeçare qiradhënieje ndërsa pas 2 vitesh mësojnë se shtëpia ishte shitur. Hamzai pranon se e ka bërë ai këtë gjë pasi kishte marrëdhënieje të mira me ta.

Hamza: Unë shkova poshtë me ta, bisedova dhe ia shita shtëpinë atij, çikës. Ia shita shtëpinë dhe kur ia shita unë shtëpinë, ata më dhanë nja 3 mijë euro, kurrgjë tjetër nuk më dhanë por unë atë e kam dajë. Daja kur shkoj unë në Kosovë më pret mirë, vajza e dajës më pret mirë, Valbona.

Laura: Nuk ke bërë mirë që ke shitur shtëpinë se ke konflikte me nënën time dhe me ne fëmijët.

Hamza: Po me ju nuk jam mirë unë prej sa vitesh që s’më shihni, as bukë nuk më jepni, as më shihni, as merrni në telefon. Ata flasin në telefon me mua, kur shkoj me pushime më presin mirë.

Laura: Kush e bëri që mos të rrinim ne me ty? Ti e bëre, ti e shite se s’ka qenë plani për t’u shitur shtëpia!

Hamza: Po e shita unë se me ta jam më mirë.

Laura: Nuk ka qenë plani të shitej shtëpia, duhej të pyesje familjen!

Hamza: Atë e kam dajë.

Laura: Për një copë bukë e ke lënë, për 30 mijë euro, gjysmat t’i ka dhënë, gjysmat s’t’i ka dhënë. Neve ku po na lë?

Hamza: Epo unë me ta shkoj mirë!

Laura: Na ke lënë sakat! Nëna ime, Emineja që prej 20 vjetësh s’flet me ty, unë prej 5 vjetësh s’flas me ty!

Shtëpia është shitur në vitin 2002. Hamzai thotë se ai e ka blerë që në themel dhe e kanë ndërtuar bashkë me gruan.

Hamza: Unë e kam shitur me vullnet atë shtëpi, ia kam dhënë dajës shtëpinë dhe është shtëpia ime.

Ardit Gjebrea: Nuk ka pjesë vajza aty?

Hamza: Vajza ka qenë fëmijë kur kam bërë shtëpinë. Në ’84 kam marrë vendin, e kam blerë.

Laura: Me kë e ke mbaruar atë shtëpi, me nënën e ke mbaruar, me Eminenë, me gruan tënde!

Hamza: Nuk më intereson!

Laura: Jo, jo ne e duam pronën!

Hamza: Ti ke qenë fëmijë!

Laura: Ç’do të thotë, fëmija i kujt jam unë?

Eni Çobani: O zonjë, mirë thotë Hamzai, po ti ke qenë fëmijë, çfarë kërkon ti tani? Në qoftë se kërkon, kërkon nëna. Ke ardhur për nënën ti këtu, kërkon nëna pronë?

Laura: E kërkojmë të gjithë.

Eni Çobani: Po ky njeriu që ëshë lënë vetëm tani, që nuk e përkrahni fare babain, është normale që flisni ju në këtë formë? Që e keni lënë babain vetëm? Më vjen keq!/tvklan.al

Nuk është sekret që prej vitesh, City Taxi është një prej bashkëpunëtorëve më të ngushtë të programit “E Diela Shqiptare” në Tv Klan. Flotën e tyre e kemi parë shpesh të shoqërojë mesazherët e rubrikës “Ka Një Mesazh Për Ty” që të dorëzojnë mesazhet apo edhe për të sjellë të ftuarit në shtëpinë e programit.

Rrugëtimi i fundit për të dorëzuar mesazhin për Romanën në Bilisht, ka qenë i tillë për një prej taksistëve të kompanisë, Fatmirin. Pas insertit, Ardit Gjebrea ndau lajmin e trishtë se 53-vjeçari është ndarë nga jeta papritur, vetëm pak ditë pas dorëzimit të mesazhit të fundit. Moderatori shprehu ngushëllime të sinqerta dhe përkujtoi Fatmirin e ndjerë.

Ardit Gjebrea: Në një nga momentet e fundit, teksa taksia u ndal pashë Fatmirin, shoferin i cili sot në mëngjes u nda nga jeta dhe ne kemi çuar mesazhin parmbrëmë në Bilisht dhe sot në mëngjes na thanë, 53 vjeç, Fatmir Kovaçi është ndarë nga jeta dhe ka qenë një dhimbje shumë e madhe sepse prej 10 vitesh ai dhe një kolegu i tij,

kanë qenë ndër të parët dhe të vetmit që kanë rrugëtuar për 10 vite me këtë kompani që në krijimin e saj. Unë do të doja që t’i shprehja ngushëllimet familjes së Fatmirit dhe qoftë i parajsës. Ata bëhen pjesëtarë të familjes sonë, të gjithë bashkëpunëtorët tanë, ne punojmë me ta, gëzojmë me ta dhe Fatmiri ishte një zotëri i vërtetë, i qeshur. Unë shpesh kam udhëtuar me të, vetëm fjalën e mirë dhe ta bënte udhëtimin edhe më të këndshëm që ti shkoje me qejf në çdo destinacion aty ku do të mbërrije.

Edhe ky program lë kujtime dhe unë jam shumë i lumtur për këtë dhe gjithmonë them, le t’i lëmë kujtimet së bashku sepse nuk dimë sahatin e Zotit, momentin kur ai ka vendosur të na marrë pranë vetes kështu që çdo moment ta jetojmë sikur të ishte i fundit, ta gëzojmë dhe të lëmë mënjanë të gjitha trishtimet, të gjitha ato momentet kur ne i japim trishtim apo gëzim dikujt tjetër sepse asnjëherë nuk dimë sesa jemi dhe deri kur do të jemi./tvklan.al

Horoskopi javor i Paolo Fox nga data 18 deri në 24 nëntor premton një udhëtim midis uljeve dhe ngritjeve, me planetë vallëzimi gati për të prishur (ose përmirësuar) ditët tona.

Lexoni më shumë në horoskopin javor që Paolo Fox dha tek Lattemiele dhe noa.al jua sjell më poshtë.

Dashi (21 Mars – 20 Prill)

Kjo javë do të jetë si një furtunë, i dashur Dash. Të hënën dhe të martën do të ndiheni të pamposhtur, gati për të pushtuar botën. Sajë Marsit të favorshëm, energjia juaj do të jetë në qiell, por kujdes nga impulsiviteti juaj! Mes të enjtes dhe të premtes, mund të përplaseni me dikë që nuk e ndan entuziazmin tuaj. Jini diplomatik (ose të paktën provoni). Fundjavë brilante: një ftesë e veçantë mund t’i kthejë planet tuaja përmbys.

Këshillë: Mos kini frikë të kërkoni falje, edhe nëse kjo ju kushton.

Demi (21 Prill – 20 Maj)

Fjalë kyçe: durim.

I dashur Dem, është koha për të marrë frymë thellë dhe për të numëruar deri në dhjetë. Java nis ngadalë, me disa situata që duket se nuk janë zgjidhur. Mos jini kokëfortë: Saturni kërkon një majë fleksibiliteti. Nga e mërkura e në vazhdim situata përmirësohet sidomos në punë. Në fundjavë, Afërdita ju jep emocione të forta: përfitoni nga rasti për të përkëdhelur partnerin tuaj.

Këshillë: Nuk ke gjithmonë të drejtë, mbaje mend!

Binjakët (21 maj-21 qershor)

Fjalë kyç: lëvizje.

Të dashur Binjakë, ju jeni si era këtë javë: të palodhur dhe kureshtarë. E hëna është perfekte për të nisur projekte të reja, ndërsa nga e mërkura humori mund të bjerë pak për shkak të disa keqkuptimeve. Mos u shqetësoni: e diela do t’ju shpërblejë me një surprizë të papritur. Lëreni veten të tërhiqet nga rryma.

Këshillë: Shmangni të folurit shumë dhe dëgjoni më shumë.

Gaforrja (22 qershor-22 korrik)

Fjalë kyç: reflektim.

Javë e hidhur për ju, të dashur Gaforre. Yjet ju ftojnë të ngadalësoni ritmin dhe të reflektoni për atë që ka vërtet rëndësi. Mes të enjtes dhe të shtunës, Hëna në shenjën tuaj do t’ju bëjë veçanërisht emocionues. Mos u izoloni, por kërkoni ngushëllim tek njerëzit që doni. E diela është dita perfekte për të rigjeneruar dhe planifikuar fillime të reja.

Këshillë: Mos kini frikë nga ndryshimet, ato janë fillimi i diçkaje të bukur.

Luani (23 korrik – 22 gusht)

Fjalë kyç: lidership.

Të dashur Luanë, ju jeni protagonistët e padiskutueshëm të kësaj jave! Marsi dhe Jupiteri ju mbështesin, duke ju dhënë karizëm dhe vendosmëri. Është koha e duhur për të pohuar veten, sidomos në punë. Megjithatë, mos harroni t’i kushtoni kohë familjes suaj: dikush mund të ndihet i lënë pas dore. E shtuna dhe e diela janë ideale për të rimbushur bateritë tuaja.

Këshillë: Mos e dominoni shumë skenën, lini vend edhe për të tjerët.

Virgjëresha (23 gusht – 22 shtator)

Fjala kyçe: bilanc.

Virgjëreshat, këtë javë ju kërkon të ekuilibroni kokën dhe zemrën. Gjërat shkojnë mirë në punë, por kujdes që të mos neglizhoni sferën sentimentale. Mes të enjtes dhe të premtes, një bisedë e thellë me një të dashur mund t’ju bëjë t’i shihni gjërat në një dritë të re. Fundjava do t’i kushtohet relaksit, nëse e dëshironi.

Këshillë: Trajtojeni veten me një moment kënaqësie të pastër, ju e meritoni atë.

Peshorja (23 shtator – 22 tetor)

Fjalë kyç: harmoni.

E dashura Peshore, më në fund një javë në të cilën ndiheni se jeni në vendin e duhur. E hëna dhe e marta janë perfekte për zgjidhjen e mosmarrëveshjeve të vjetra. Të mërkurën, megjithatë, mund të ndiheni të pushtuar nga disa ngjarje të papritura. Mos u shqetësoni: gjatë fundjavës Afërdita ju risjell një buzëqeshje, ndoshta me një takim të veçantë ose me një ftesë të papritur.

Këshillë: Mos kini frikë të thoni atë që mendoni, butësisht.

Akrepi (23 tetor – 22 nëntor)

Fjalë kyç: transformim.

Të dashur Akrepa, yjet ju ftojnë të hiqni dorë nga ajo që nuk ju shërben më. Javë intensive, sidomos në dashuri: ata në çift mund të përjetojnë momente pasioni të madh, ndërsa beqarët do kenë takime intriguese. Në punë, besoni intuitës suaj: ju e dini saktësisht se ku të shkoni.

Këshillë: Mos jini shumë të fshehtë, hapuni më shumë me ata që ju rrethojnë.

Shigjetari (23 nëntor – 21 dhjetor)

Fjalë kyç: aventurë.

Shigjetari, ju jeni të pandalshëm! Kjo javë ju jep entuziazëm dhe dëshirë për të zbuluar gjëra të reja. Është koha ideale për të planifikuar një udhëtim ose për t’u futur në një përvojë të re. Megjithatë, mos harroni t’i kushtoni vëmendje detajeve: rrezikoni të humbisni diçka të rëndësishme.

Këshillë: Mos u nxitoni shumë, shijoni të tashmen.

Bricjapi (22 dhjetor – 20 janar)

Fjalë kyç: vendosmëri.

Të dashur Bricjapë, jeni në një fazë ndërtimi. Në punë gjithçka shkon mirë, por mos e neglizhoni jetën private. Nga e enjtja e tutje, yjet ju buzëqeshin, veçanërisht për lidhjet: një darkë romantike mund të rizgjojë emocionet e vjetra. Fundjavë perfekte për t’u shkëputur nga priza dhe për të shijuar pak pushim.

Këshillë: Mos mendoni vetëm për detyrën, edhe kënaqësia ka vlerën e saj.

Ujori (21 janar – 19 shkurt)

Fjalë kyçe: kreativitet.

Të dashur Ujorë, këtë javë yjet ju ftojnë t’u jepni hapësirë ​​ideve tuaja. Në punë mund të gjeni zgjidhje novatore për problemet e vjetra. Megjithatë, kini kujdes që të mos injoroni nevojat e partnerit apo familjes. E diela do jetë dita perfekte për të sqaruar ndjenjat.

Këshillë: Dëgjoni zemrën tuaj, si dhe mendjen tuaj.

Peshqit (20 shkurt – 20 mars)

Fjalë kyç: ëndërrim.

Peshq të këndshëm, këtë javë do të jeni të mbështjellë në një atmosferë magjike. Hëna ju dhuron intuitë dhe momente romantike të shkëlqyera, por bëni kujdes që të mos humbni shumë në mendimet tuaja. Në punë, besoni instinkteve tuaja: ata do të jenë aleati juaj më i mirë. Në fundjavë, kërkoni momente të qeta.

Këshillë: Mos harroni se edhe ëndrrat kanë nevojë për tu bërë realitet.

Një 48-vjeçar shqiptar ka humbur jetën tragjikisht këtë të diel në zonën Spartila të ishullit të Korfuzit në Greqi.

Shqiptari fatkeq humbi jetën mëngjesin e sotëm, teksa po punonte në një arë me ullinj.

Mediat lokale, referuar burimeve të policisë, bëjnë me dije se 48-vjeçari vdiq, kur shkopi prej hekuri që ai po përdorte gjatë punimeve të pemët e ullinjve preku te telat e tensionit të lartë, ku për pasojë shqiptari mori plagë fatale.

Ai u transportua në spital, por nuk i mbijetoi plagëve të marra.

Policia e Korfuzit po punon për zbardhjen e plotë të rrethanave të ngjarjes.

Djali i Xhensilës dhe Besit ka festuar këtë javë 1-vjetorin e tij. Amen, festoi në një festë gjigande që këngëtarja kishte përgatitur për të voglin e saj.

Pasi i dedikoi një këngë, artistja publikoi në rrjetet sociale edhe pamjet nga festa, që duhet thënë ishte madhështore.

Nuk kishte sesi mos të binin në sy VIP-at e shumë që artistja kishte ftuar. Nga kolegë këngëtarë, aktorë, moderator e shumë emra të njohur të showbizzit, ishin prezent në festën e Amen.

Në rrjetet sociale, Xhensila publikoi edhe momentin kur fryu qirinjtë. Si një nënë tashmë single, këngëtarja mbante në krah të dy fëmijët e saj, duke nxjerrë përfundimisht nga jeta e saj, Bes Kallakun.

E, në fakt, mungesa e aktorit të humorit në këtë festë ishte kryefjala e mediave. Besi zgjodhi që për ditëlindjen e të birit të bënte vetëm një urim të ndjerë në rrjetet sociale. Sakaq, ai nuk ishte i ftuar në festë, madje asnjë nga familjarët e tij nuk ishin prezent.

Kujtojmë që kur Ajka, vajza e çiftit kishte ditëlindjen, Xhensila ftoi ish-vjehrrën e saj. Por një gjë të tillë nuk e ka bërë në festën e Amenit. Shkak për këtë është bërë pikërisht përplasjet që çifti ka pasur edhe gjatë procesit të divorcit.

Teksa Besi ka zgjedhur të heshtë në lidhje me këtë ngjarje, Xhensila ka folur për herë të parë, duke zbuluar kështu anën e saj të historisë. Rrëfimi është bërë për Arbana Osmani, teksa në promo dëgjohet vetëm këngëtarja që shprehet mes lotëve “Përpara asaj që më panë sytë në atë martesë”. Por duket se përplasja e ish-çiftit të dashur për publikun tashmë vijon në dyert e Gjykatës.

Pas një periudhe të vështirë dhe pas ndarjes nga Bes Kallaku, këngëtarja Xhensila Myrtezaj ka ndarë këngën e saj të re “Thuaju”, e cila vjen si një rrëfim i sinqertë për sfidat dhe sakrificat që shumë gra përjetojnë në heshtje. Në videomesazhin e saj emocional të postuar në rrjetet sociale, Xhensila flet për dhimbjen dhe fuqinë e një gruaje që ka duruar padrejtësi për hir të fëmijëve dhe për të ruajtur balancat. Ajo pranon se çdo ditë përballet me kritika, por edhe me mbështetje të madhe nga ndjekësit e saj.

“Ky album është për të gjitha gratë, vajza, mbi të gjitha nënat, të cilat për hir të fëmijëve kanë duruar, kanë sakrifikuar, kanë mohuar veten, kanë qeshur ndërkohë që brenda shpirti ka qarë. Për hir të fëmijëve kanë heshtur për të mos e thënë të vërtetën e tyre kurrë”, shprehet Xhensila.

Aktori Bes Kallaku, ka folur për herë të parë lidhur me tekstet e këngëve të tij, të cilat shpesh herë, që prej ndarjes nga Xhensila Myrtezaj, është aluduar se i dedikohen asaj. Në një intervistë të shkurtër, Besi nuk e mohoi që tekstet që janë shkruar nga vetë ai, janë një frymëzim personal, edhe pse nuk e quan veten këngëtar. Sakaq, më i prekur është shfaqur Besi, i cili edhe përtej këngëve, është shprehur nëpër miq se ndarja ka ardhur me kërkesë të Xhensilës, pasi ai vetë nuk do të donte ta prishte familjen.

Xhensila Myrtezaj iu drejtua Gjykatës me padi për divorc, pas konflikteve me ish-partnerin e saj për pasurinë. Fillimisht dyshja tentuan t’i jepnin fund martesës me marrëveshje, por pas kërkesës së aktorit që këngëtarja të hiqte dorë nga pasuria u janë drejtuar dyerve të gjykatave. Padia e parë e këngëtares për zgjidhjen e martesës u kthye mbrapsht nga Gjykata për shkak se nuk e kishte firmosur, por kishte autorizuar avokaten.

Trajneri i Kombëtares, Silvinjo, ka pasur si zakonisht tifozë në “Arena Kombëtare” familjarët e tij, të cilët kanë ardhur në vendin tonë për të ndjekur dy sfidat vendimtare të Ligës së Kombeve të kuqezinjve ndaj Çekisë dhe Ukrainës.

Vajza e Silvinjos, Tati, është ajo e cila ka “dokumentuar” rregullisht në rrjetet sociale qëndrimin e saj në vendin tonë, duke postuar foto dhe video nga vizitat tashmë të zakonshme në Shqipëri që kur drejtimin e Kombëtares e ka marrë Silvinjo.

Kështu ka bërë edhe dje, teksa ka publikuar momente nga ndeshja, por edhe një video pas saj, Aty shfaqen lojtarë e kombëtares si dhe stafi, të cilët kishin shkuar të bënin ritualin e zakonshëm duke festuar para grupimeve të tifozëve në një nga tribunat pas portës në “Arenën Kombëtare”.

“Asgjë nuk krahasohet me këtë”, shkruante Tati në videon në fjalë që publikoi në profilin e saj.

SHIH VIDEON