Category: Uncategorized

Kombëtarja shqiptare është rikthyer në fushë dhe ka nisur zyrtarisht përgatitjet për ndeshjen e fundit në grupin B1 të UEFA Nations League ndaj Ukrainës, e programuar për t’u luajtur të martën e 19 nëntorit në stadiumin “Air Albania”, në orën 20:45.

Skuadra zhvilloi sot një seancë stërvitore në “Shtëpinë e Futbollit”. Lojtarët që nuk u aktivizuan ndaj Çekisë zhvilluan një seancë të plotë e fokusuar më shumë te puna me topin dhe situatave të ndryshme të lojës. Ndërsa lojtarët të cilët luajtën titullar bënë vetëm shkrythje në palestër dhe fizioterapi.

Departamenti i Komunikimit në FSHF bën me dije se sulmuesi Jasir Asani do t’i nënshtrohet ekzaminimeve mjekësore pas problemit që pati në ndeshjen ndaj Çekisë dhe më pas do të vendoset nëse do të jetë i gatshëm apo jo për takimin ndaj Ukrainës.

Kombëtarja do të mbyllë nesër përgatitjet për duelin e fundit ndaj Ukrainës. Konferenca zyrtare e trajnerit Silvinjo do të zhvillohet në stadiumin “Air Albania” në orën 15:45. Stërvitja zyrtare në orën 16:30 dhe 15 minutat e para do të jetë e hapur për median./PANORAMASPORT.AL

Diskutimi mbi praninë e jashtëtokësorëve dhe UFO-ve ka marrë një shtysë të re pas raportit të fundit nga Pentagoni, që ka nxjerrë në pah një numër të madh incidentesh të paidentifikuara, të cilat janë duke u hetuar nga autoritetet ushtarake.

Ky raport, i mbështetur nga Departamenti i Mbrojtjes i Shteteve të Bashkuara, tregon se më shumë se 750 fenomene ajrore të paidentifikuara (UAP) janë raportuar, përfshirë 485 që kanë ndodhur në vitin 2023. Ky dokument i ri ka rritur interesin dhe diskutimet për mundësinë e jetës jashtëtokësore dhe përfshirjen e qeverisë në projekte të fshehta.

Një pjesë e diskutimeve ka përfshirë pyetje të ndjeshme lidhur me mundësinë e manipulimit të gjenetikës njerëzore nga ana e qeverisë, duke përdorur materiale gjenetike jashtëtokësore.

Kjo çështje u ngrit gjatë një seance dëgjimore në Komisionin e Mbikëqyrjes së Dhomës në Uashington, ku kongresmenja Lauren Boebert pyeti një grup ekspertësh lidhur me ndonjë përfshirje të mundshme të Pentagonit në projekte të tilla.

Ajo kërkoi sqarime lidhur me mundësinë që qeveria të jetë duke mbajtur informacionin për programet e tilla të “fshehta” dhe të ndaluara, përfshirë aksesin e Kongresit në hetimet për UFO-t dhe aktivitetet e mundshme të jetës jashtëtokësore.

Një nga ekspertët që mori pjesë në dëgjesë, gazetari Michael Shellenberger, pohoi se ka një mungesë transparence nga ana e qeverisë, veçanërisht në lidhje me informacionin për UAP-të dhe mundësinë e pranisë së jetës jashtëtokësore. Shellenberger, së bashku me dëshmitarë të tjerë si ish-oficeri i Pentagonit Luis Elizondo dhe ish-zyrtari i NASA-s Michael Gold, nënvizuan se informacionet që lidheshin me fenomenet e paidentifikuara po mbaheshin sekret për publikun dhe se kërkesa për më shumë informacion po haste në pengesa.

Një pyetje tjetër që u ngrit gjatë seancës ishte në lidhje me mundësinë e ekzistencës së bazave ose strukturave jashtëtokësore në thellësitë e oqeaneve. Boebert pyeti nëse ka ndonjë lidhje mes UAP-ve që shfaqen ose zhytjen në ujërat e oqeaneve dhe ndonjë pranie të mundshme nën ujë. Shellenberger, ndërkohë, e mohoi ekzistencën e një baze të njohur, por përmendi një burim që kishte raportuar se kishte parë pamje të një objekti që dilte nga oqeani dhe që shpërndante dritë të ngjashme me një tjetër objekt jashtëtokësor.

Për më tepër, Boebert kërkoi informacione mbi aftësitë teknologjike të dukshme të këtyre UAP-ve, të cilat duken të sfidojnë njohuritë tona mbi fizikën dhe inxhinierinë moderne. Shellenberger e pranoi se duket se këto fenomene përmbajnë teknologji që nuk është e kuptueshme nga shkenca dhe inxhinieria aktuale, një pohim që u mbështet nga kongresmenja Boebert.

Këto pyetje dhe reagime nga ekspertët ngrenë shqetësime të mëdha mbi transparencën dhe menaxhimin e informacionit nga qeveria lidhur me UFO-t dhe mundësinë e jetës jashtëtokësore. Boebert e përfundoi fjalimin e saj duke deklaruar se do të vazhdojë të kërkojë përgjigje për këto çështje, duke theksuar se populli amerikan meriton të dijë më shumë në lidhje me këto fenomene misterioze.

Jamarbër Malltezi ka paditur në SPAK, Edi Ramën, Taulant Ballën dhe dy prokurorët, Arben Kraja dhe Enkelejda Millonaj, për shkeljet sipas tij që kanë bërë gjatë hetimeve të tyre.

Në padinë e dorëzuar në Prokurorinë e Posaçme, Malltezi shkruan, se SPAK nuk ka nevojë të bëjë hetime të shumta, pasi ekzistojnë vendimet e gjykatave që e kanë dënuar Edi Ramën në kohën kur ishte kryetar i Bashkisë, për veprimet e tij antiligjore që kishte marrë.

Malltezi nga ana tjetër ka bërë edhe një letër publike për ambasadorin e BE-së në Tiranë, Silvio Gonzato dhe drejtuesin e SPAK, Altin Dumani.

Postimi:

Kallzim penal ndaj Esi Ramës, Taulant Ballës dhe dy prokurorëve të SPAK që zgjofhën të bëhen lolo të pushtave të shtetit dhe e degjenerojnë vetë ssskapin.

Deri tani lolot e fëmijëve tanë kanë refuzuar te nisin proxedim penal kur banditi quhet Edi Rama, Taulant Balla, Arben Kraja apo Millonai.
Mesa di ligji eshte i barabarte per te gjithe. Ende nuk e kemi Kodin Penal nominativ qe te shkruaje se Kodi nuk zbatohet nese i dyshuari quhet Edi Rama apo Taulant Balla.

Donatoret kane shpenzuar qindra miljone dollare dhe deshirojne t’a adresojne SPAK gati si nje institucion hyjnor. Problemi eshte se klerike te korruptuar ofrojne teologji te rreme.

Kjo abuzim nga Edi Rama nuk krahasohet me aferat qindra miljona te inceneratoreve, koncensioneve ne shendetesi, shkeljen dy here te ligjeve federale nga Edi Rama si me financimet ne fushate elektorale ne 2012 apo me korruptimin e shefit te FBI McGonigal, por meqe SPAK nuk guxon te hetoje ato, ky abuzim qe po depozitoj sot eshte vertetuar me vendim gjykate te formes se prere.

Jamarbër Malltezi ka paditur në SPAK, Edi Ramën, Taulant Ballën dhe dy prokurorët, Arben Kraja dhe Enkelejda Millonaj, për shkeljet sipas tij që kanë bërë gjatë hetimeve të tyre.

Në padinë e dorëzuar në Prokurorinë e Posaçme, Malltezi shkruan, se SPAK nuk ka nevojë të bëjë hetime të shumta, pasi ekzistojnë vendimet e gjykatave që e kanë dënuar Edi Ramën në kohën kur ishte kryetar i Bashkisë, për veprimet e tij antiligjore që kishte marrë.

Malltezi nga ana tjetër ka bërë edhe një letër publike për ambasadorin e BE-së në Tiranë, Silvio Gonzato dhe drejtuesin e SPAK, Altin Dumani.
Postimi:

Kallzim penal ndaj Esi Ramës, Taulant Ballës dhe dy prokurorëve të SPAK që zgjofhën të bëhen lolo të pushtave të shtetit dhe e degjenerojnë vetë ssskapin.

Deri tani lolot e fëmijëve tanë kanë refuzuar te nisin proxedim penal kur banditi quhet Edi Rama, Taulant Balla, Arben Kraja apo Millonai.

Mesa di ligji eshte i barabarte per te gjithe. Ende nuk e kemi Kodin Penal nominativ qe te shkruaje se Kodi nuk zbatohet nese i dyshuari quhet Edi Rama apo Taulant Balla.

Donatoret kane shpenzuar qindra miljone dollare dhe deshirojne t’a adresojne SPAK gati si nje institucion hyjnor. Problemi eshte se klerike te korruptuar ofrojne teologji te rreme.

Kjo abuzim nga Edi Rama nuk krahasohet me aferat qindra miljona te inceneratoreve, koncensioneve ne shendetesi, shkeljen dy here te ligjeve federale nga Edi Rama si me financimet ne fushate elektorale ne 2012 apo me korruptimin e shefit te FBI McGonigal, por meqe SPAK nuk guxon te hetoje ato, ky abuzim qe po depozitoj sot eshte vertetuar me vendim gjykate te formes se prere.

Zbardhen detaje të reja nga hetimi i SPAK që goditi një grup të strukturuar kriminal që trafikonte drogë nga Amerika Latine drejt Shqipërisë me destinacion final vendet e Bashkimit Europian.

Burime pranë Prokurorisë së Posaçme konfirmuan se laboratori në fshatin Qereke të Fushë Krujës ku do të bëhej përpunimi i sasive të mëdha të kokainës të tretur në lëkurë bagëtish ishte ngritur prej disa muajsh.

Vendi për ngritjen e laboratorit sipas prokurorisë ishte zgjedhur me shumë kujdes, jo vetëm sepse është një pikë strategjike, afër aeroportit ndërkombëtar Nënë Tereza dhe portit të Durrësit dhe lehtësonte transportin, por edhe sepse për shkak të fluturimeve zona nuk monitorohej me dron.

Shtëpia-laborator është mbajtur nën vëzhgim nga hetuesit.

Ngarkesa e parë me lëkurë bagëtish ka mbërritur në vendin tonë në muajin shtator. Por shkak se nga përgjimet rezultonte se ngarkesa e dytë pritej të mbërrinte ne nëntor, SPAK ka pritur derisa kjo ka ndodhur. Vetëm në momentin kur ekspertët kimistë 1 nga Venezuela dhe dy nga Kolumbia kanë nisur punën në laborator për veçimin e kokainës, është ndërhyrë. Gjatë aksionit prokuroria arrestoi 10 persona, shtatë prej të cilëve shqiptarë dhe 3 të huaj. Një pjesë e të dyshuarve u prangosën teksa drekonin në një lokal në Vishnje, ndërsa një tjetër në një vilë luksoze në zonën e Kodrës së Diellit 2.

Hetimet për goditjen e këtij grupi zgjatën më shumë se 1 vit e gjysmë, ndërsa mendohet se struktura e grupit është e mirëoganizuar dhe me role të mirëpërcaktuara.

Personat e Arrestuar

Geis Fejsullai 42 vjeç, banues në Tiranë

Klajdi Birçe, 40 vjeç, banues në Tiranë

Artion Caushllari, 37 vjeç, banues në Tiranë

Endi Sejdini 25 vjeç, banues në Krujë

Aldi Zonja 37 vjeç, banues në Tiranë

Ismail Abdurrahmani, 51 vjeç, banues në Shkodër

Baki Huqi, 57 vjeç, banues në Durrës

Shtetas të huaj:

Hiwlen Ledezma Narvaez 41 vjeç, shtetas kolumbian

Joze Ramon Zacarias Vasquez 35 vjeç, shtetas venezuelian

Samuel Alfonso Moreno Serrano 42 vjeç, shtetas venezuelian

Një shqiptar ka mbetur i plagosur me armë, pas një debati që ka pasur me një bashkëatdhetar.

I plagosuri ka përfunduar në spital, ndërsa ngjarja ka ndodhur rreth orës 04:00 në Via Padova në Milano.

Mediat italiane raportojnë se një 32-vjeçar ka nxjerrë armën gjatë debatit me një tjetër shqiptar dhe kur ky i fundit i ka bllokuar dorën, ka qëlluar aksidentalisht veten.

Policia mbërriti në vendngjarje së bashku me personelin e kujdesit shëndetësor të cilët e dërguan të plagosurin në spitalin San Raffaele në Milano.

32-vjeçari ka pësuar jo vetëm një plagë (të lehtë), por ka ardhur edhe një denoncim për kanosje të rëndë dhe armëmbajtje pa leje.

Tensionet në shtëpinë e Big Brother Vip Kosva 3 duket se nuk kanë të ndalur.

Teksa qëndronin në oborr Drenusha ka pyetur Sarën se ku është me lojën, gjë e cila shkaktuar debat mes vajzave.

“Më trego njëherë çfarë do të thuash, më trego ta di apo ke mbetë nën hijen e dikujt tjetër”, i tha Drenusha.

Më pas ajo i tha Sarës: “Skuthet si puna jote do ti përcjell”.

Ndiqeni videon për më shumë informacione:

37-vjeçari Aldi Zonja është një ndër personat e arrestuar nga Policia e Shtetit, më kërkesë të SPAK në lidhje me një operacion ndërkombëtar antidrogë që është zhvilluar mbrëmjen e djeshme në Tiranë, Durrës dhe Nikël.

SPAK goditi një grup që trafikonte drogë nga Amerika Latine, të cilën e fshihnin në lëkurën e bagëtive dhe më pas përpunohej në vendin tonë për t’u trafikuar drejt BE.

Nga hetimet ka rezultuar se Aldi Zonja është një ndër “kokat” kryesore të financimit dhe organizmit të kësaj skeme.

Zonja kishte kruar në Amerikën Latine me vizë turistike dhe më pas ishte bllokuar atje për shkak të pandemisë.

Gjatë kohës së qëndrimit në Amerikën Larine 37-vjeçari ka krijuar njohje me trafikantë droge dh këhstu ngritën skenën e mirëfilltë për të trafikuar lëndën narkotike.

Kujtojmë se një laborator i sofistikuar për përpunimin e kokainës është zbuluar në fshatin Qerekë, Fushë Krujë, kurse nga kontrollet në Tiranë dhe Durrës anë identifikuar ambiente ndihmëse, ku janë sekuestruar sasi të konsiderueshme materiali të papërpunuara ku dyshohet se është përzier dhe fshehur lëndë narkotike, sasi kokaine, përzierës kimikë, objekte të specializuara për fshehjen e drogës, pajisje laboratorike, shuma parash dhe mjete transporti të përdorura për veprimtarinë kriminale.

Shtetas shqiptarë të arrestuar në operacionin e SPAK:

1- Geis Sejfullai, 42 vjeç, banues në Tiranë

2- Klajd Birçe, 40 vjeç, banues në Tiranë

3- A.Ç., 37 vjeç, banues në Tiranë

4- Endi Sejdini, 25 vjeç, banues në Krujë

5- Aldi Zonja, 37 vjeç, banues në Tiranë

6- I.A., 51 vjeç, banues në Shkodër

7- Baki Huqi, 57 vjeç, banues në Durrës

Shtetas të huaj të arrestuar në operacionin e SPAK:

1- Hiëlen Ledezma Narvaez, 41 vjeç, shtetas kolumbian

2- Joze Ramon Zacarias Vasquez, 35 vjeç, shtetas venezuelian

3- Samuel Alfonso Moreno Serrano, 42 vjeç, shtetas venezuelian

Si vinte droga e papërpunuar në Shqipëri dhe si vepronte ky grup kriminal

Nga të dhënat hetimore, rezulton se ky grup vepron si një rrjet ndërkombëtar kriminal, duke bashkëpunuar me organizata kriminale në Amerikën Latine për të trafikuar kokainën drejt Shqipërisë dhe vendeve të Bashkimit Evropian.

Në vend, ata përdornin një laborator dhe ambiente ndihmese për ekstraktimin e drogës nga “lëkurë gjedhi të kriposur”, përpunimin e saj përpara se ajo të trafikohej në tregjet e destinuara.

Struktura e grupit përfshinte shtetas nga disa qytete të vendit, role të mirë përcaktuara, duke përfshirë financues, transportues, përpunues, dhe shpërndarës.

Ky rrjet shfaqte një bashkëpunim efikas mes ekspertëve të huaj me përvojë dhe elementëve lokalë të mirë-organizuar, duke krijuar një mekanizëm funksional dhe shumëdimensional të aktivitetit kriminal.

Një nga aspektet më të veçanta të këtij rrjeti ishte përfshirja e ekspertëve nga Amerika Latine.

Kolumbianët dhe venezuelianët, të njohur për ekspertizën e tyre të thelluar në trajtimin dhe përpunimin e kokainës, ishin “ekspertët” që garantonin suksesin teknik të operacionit.

Aftësia e tyre për të ekstraktuar kokainën nga materiale organike, si “lëkurat e bagëtive” e kthente drogën e papërpunuar në një produkt të gatshëm, të cilësisë së lartë, për tregun shqiptar dhe atë evropian.

Ky bashkëpunim tregon jo vetëm përmasën ndërkombëtare të grupit, por edhe synimet e tij për të operuar në nivele të larta të organizimit dhe përdorimin e teknologjisë së avancuar në përpunimin e drogës.

Laboratori i ngritur në Qerekë të Fushë Krujës dhe ambientet ndihmëse në Tiranë dhe Durrës, ishin vendosur në pika strategjike të infrastrukturës kombëtare.

Pranë aeroportit më të madh të vendit, dhe portit të Durrësit, këto zona vështirësonin monitorimin nga ajri prej agjencive ligjzbatuese, dhe nga ana tjetër lehtësonin transportin e shpejtë të drogës dhe përzierësve kimike, duke siguruar një qasje të shpejtë në tregjet kombëtare dhe ndërkombëtare.

Përzgjedhja e këtyre lokacioneve tregon qartazi një planifikim të kujdesshëm, ku distanca e afërt me nyjet kryesore të logjistikës kombëtare ishte një faktor kyç për funksionimin pa ndërprerje të këtij rrjeti kriminal.

Rrjeti operonte në mënyrë të sinkronizuar, me çdo hallkë të përcaktuar në mënyrë të detajuar. Ekspertët e huaj përqendroheshin në proceset teknike të përpunimit, duke shfrytëzuar aftësitë e tyre për të ngritur laboratorë të përpunimit të drogës.

Ndërkohë, financuesit shqiptarë siguronin investimet, pajisjet dhe përbërësit kimikë.

Transportuesit dhe përpunuesit lokalë luanin rolin e tyre për të siguruar lëvizjen e sigurt të drogës dhe pajisjeve, ndërsa shpërndarësit kishin detyrën për ta futur drogën në tregjet e destinuara.

Një nga 7 të plagosurit e aksidentit të ndodhur në Maliq, është transportuar me helikopter drejt Traumës në Tiranë.

Sipas informacioneve nga spitali, i plagosuri dyshohet se ka dëmtime në shtyllën kurrizore.

Aksidenti ndodhi mëngjesin e kësaj të diele në Maliq, në afërsi të fshatit Pendavinj, ku një furgon u përplas me një automjet.

Si pasojë e aksidentit janë dëmtuar drejtuesi i furgonit dhe 3 pasagjerë në këtë automjet si dhe 3 pasagjerë që udhëtonin me automjetin tip “Volkswagen”, të cilët ndodhen në spital, jashtë rrezikut për jetën.

Paraditen e sotme rreth orës 11.33 minuta, një tërmet 3.3 ballë ka rënë në Pogradec.

Tërmeti i rënë është ndjerë më së shumti në pjesën qendrore kryesisht në lagjen numër 2 të qytetit liqenor, por edhe përreth.

Panik është shkaktuar tek banorët e kateve të larta më së shumti, por deri më tani nuk ka asnjë raportim për dëme materiale.

Këngëtarja Adelina Tahiri së fundmi ka treguar për periudhën e vështirë që ka kaluar pas lindjes së djalit, Jon.

Në një intervistë me Orinda Hutën, artistja rrëfen se ra në depresion dhe se nuk ishte e lumtur me peshën që kishte.

“Shtova 30 kilogramë gjatë shtatzënisë. Për momentin jam 56 kg, atëherë isha 84. Vetëm të them një gjë, nuk e harroj kurrë kur kam hyrë në banjo të nesërmen në mëngjes dhe kam bërë dush.

O zot çfarë tmerri! Elefant! Kisha harruar ta shikoja veten në pasqyrë. Kur e pash, o zot, thash unë nuk do bie në shtrat me burrin derisa të vij në format e mia të duhura”, shprehet Adelina.

Më tej artistja thotë se nuk e shihte dot veten mbipeshë dhe për këtë arsye i iku edhe qumështi.

“Unë rashë në depresion! Unë kur e pash veten në atë lloj gjendje mua nuk më interesonte asnjë gjë tjetër. Mua më interesonte vetëm pesha unë ashtu humba edhe qumështin.

Unë jam mësuar të jem gjithmonë në super forma. Psikologjia ime është më e fortë se çfarëdo lloj fjale. Nuk më interesonte. Nuk haja fare, vetëm 20 ditë kam dhënë gji. Ndoshta tingëlloj egoiste por nuk isha e lumtur”, shton ajo.