Category: Uncategorized

Një tragjedi e dyfishtë ka goditur familjen Plummer, pas humbjes së dy anëtarëve të saj të dashur. Alan Plummer, bashkëshorti i prezantueses së njohur Erin Jayne Plummer, është gjetur i vdekur të dielën në plazhin e ujërave të ëmbla në Sydney, dhe besohet se ka kryer vetëvrasje. Vdekja e tij pasoi humbjen tragjike të gruas së tij, Erin, e cila ka ndërruar jetë pas një beteje të gjatë me shëndetin mendor në vitin 2022.

Kjo ka lënë pas tri vajzat e çiftit – 18, 15 dhe 11 vjeç – që tani janë jetimë dhe përballen me dhimbjen e humbjes së dy prindërve të dashur. Erin Jayne Plummer ishte një figurë e dashur për miliona shikues në Australi dhe më gjerë. Me buzëqeshjen e saj të njohur “megavat” dhe natyrën energjike, ajo bëri emër si prezantuese e Studio 10, shfaqjeve të njohura stërvitjeje dhe reklamave televizive.

Ajo ishte gjithashtu një sportiste e talentuar, duke përfaqësuar Australinë në notin sinkronizuar dhe shpëtimin e jetës. Erin u bë një simbol i shëndetit dhe aktiviteteve fizike, dhe kaloi shumë vite duke udhëhequr programe si Aerobics Oz Style, që kishte një audiencë globale prej 40 milionësh në kulmin e saj. Pas vdekjes së saj, shikuesit dhe kolegët në Studio 10 kujtuan Erinën për energjinë dhe rrezatimin që ajo sjellë në ekran. Bashkëprezantuesja e saj, Sarah Harris, e përshkroi atë si një person “të mrekullueshëm brenda dhe jashtë”, duke theksuar se gjithmonë do t’i mungonte “dielli” i saj në studio.

Ajo u nderua për personalitetin e saj të ngrohtë dhe përkushtimin ndaj familjes, duke u përshkruar nga miqtë si një “mama me medalje ari” për tri vajzat e saj. Pasi humbi gruan e tij në maj 2022, Alan Plummer ka luftuar me shëndetin mendor dhe problemet personale. Thuhet se pas vdekjes së Erinës, ai ishte në një periudhë të vështirë dhe kishte shfaqur shenja të trishtimit dhe ndihmës të pamjaftueshme. Tragjikisht, Alan ka humbur jetën në një mënyrë që ka tronditur të gjithë ata që e njihnin. Ai u gjet i vdekur pranë plazhit të ujërave të ëmbla, një vend i njohur për Erinën, dhe besohet se ka kryer vetëvrasje.

Ky lajm ka sjellë një tjetër valë dhimbjeje për vajzat e çiftit, që tani janë të detyruara të rriten pa të dy prindërit e tyre. Vajza më e madhe e familjes, që sapo kishte përfunduar provimet e shkollës së mesme, ishte jashtë për të festuar ditëlindjen e një shoqeje kur mori lajmin tronditës për vdekjen e babait të saj. Tri vajzat e familjes Plummer tani janë jetimë, duke përballuar një dhimbje të paimagjinueshme, që u është imponuar në një periudhë shumë të vështirë të jetës së tyre.

Përgatitjet vazhdojnë në kampin kuqezi. Skuadra kombëtare nën urdhrat e trajnerit Silvinjo zhvilloi seancën e radhës stërvitore.MixCollage-13-Nov-2024-08-55-AM-4051Dje, ndryshe nga dita e parë, trajneri nuk preferoi më “Air Albania”-n për shkak se fusha duhet të ruhet, por stërvitja u zhvillua si normalisht në “Shtëpinë e Futbollit”. Edhe ditën e djeshme, grupi nuk ka qenë i plotë për shkak se Jon Mersinaj dhe Adrian Bajrami u bashkuan më vonë në grumbullim dhe nuk arritën në kohë stërvitjen.

Kjo për shkak edhe të orareve të fluturimit. Kështu për të zhvilluar stërvitjen me numra të plotë, Silvinjo ka ftuar 5 futbollistë nga kampionati shqiptar. Dy prej tyre janë emra të njohur të Superiores: Marçelino Preka i Partizanit dhe Artan Jazxhi i Teutës të cilët iu bashkuan kuqezinjve. Përkrah tyre ishin edhe Segersio Geci i Vorës, Andri Xhafa i Kastriotit dhe Keslin Shani i Erzenit të cilët ishin ftuar për t’u stërvitur me kuqezinjtë para sfidave të Ligës së Kombeve.

MUNGESAT Përveç Jon Mersinajt dhe Adrian Bajramit që u bashkuan me skuadrën në mbrëmje, Mirlind Daku u stërvit vetëm në palestër për shkak të lodhjes gjatë udhëtimit për në Tiranë. Po ashtu një mungesë tjetër në këtë seancë ishte ajo e Elseid Hysajt. Nuk dihet pse mbrojtësi i djathtë nuk u stërvit me skuadrën, por nga zyra e shtypit të FSHF-së nuk pati asnjë njoftim. Nuk dihet nëse kapiteni do të jetë i gatshëm për ndeshjen e parë. Pas disa situatave loje, sulmi kundër mbrojtjes, braziliani mbylli edhe seancën stërvitore. Në fund Jasir Asani qëndroi me Alen Sherrin duke “karikuar” të majtën. Anësori mund të ketë provuar mbi 50 goditje, ku një pjesë e madhe ishin brenda në rrjetë. Kujtojmë që një vit më parë, ishte Asani i cili “shkundi” nga larg portën e Çekisë në “Air Albania” dhe më pas shënoi dy herë Seferi.

FORMACIONI Formacioni fitues vështirë se ndërrohet. Me këtë postulat mendohet të shkojë edhe Silvinjo në ndeshjen e parë me Çekinë në Tiranë. Trajneri na ka treguar se rotacionet e mëdha nuk i ka qejf fort, pavarësisht se në stol ka lojtarë si Muçi, Uzuni, Hoxha që kanë bërë mjaft mirë. Megjithatë, duke mbetur te titullarët, në portë pritet ta nisë Strakosha. Në mbrojtje Ivan Balliu dhe qendra me Ardian Ismajlin dhe Arlind Ajetin. Dyshime nuk ka aspak në krahun e majtë ku do të vendoset Mario Mitaj. Mesfusha tashmë ka krijuar stabilitet me treshen: Ramadani, Asllani dhe Laçi, ndërkohë si gjithmonë në krahun e djathtë të sulmit do të jetë Jasir Asani dhe në anën tjetër, Nedim Bajrami. Me pezullimin e Dakut në takimin e parë, Indrit Tuci pritet që ta nisë nga minuta e parë.

Në Spanjë është arrestuar një nga oficerët kryesorë të policisë, pasi i janë gjetur 20 milionë euro të fshehura në muret e shtëpisë së tij, si pjesë e një hetimi për zbulimin më të madh të kokainës në vend. Oscar Sanchez Gil ishte deri vonë kreu i divizionit kundër mashtrimit dhe pastrimit të parave të forcave policore kombëtare të Spanjës në Madrid.

Oficerët e arrestuan atë javën e kaluar së bashku me 15 persona të tjerë, duke përfshirë partneren e tij, e cila është gjithashtu një oficere policie në rajonin e Madridit, raporton The Guardian. Gjatë bastisjes, policia gjeti 20 milionë euro, para cash, të fshehura në muret dhe tavanet e shtëpisë së çiftit në Alcala de Henares, një qytet me rreth 195,000 banorë që ndodhet 18 milje në lindje të kryeqytetit spanjoll. Oficerët gjetën gjithashtu 1 milion euro në zyrën e tij, të fshehura në dy dollapë të mbyllur, kartëmonedha me prerje 50-500 euro.

Çifti janë akuzuar për trafik droge, pastrim parash, korrupsion dhe pjesëmarrje në një organizatë kriminale pasi javën e kaluar u paraqitën para një gjykate të Madridit, e cila i la në paraburgim, tha një burim gjyqësor. Mediat spanjolle thanë se arrestimet ishin të lidhura me kapjen muajin e kaluar të 13 tonëve kokainë që mbërriti në portin jugor të Algeciras nga qyteti më i madh i Ekuadorit, Guayaquil, një qendër e trafikut të drogës, e fshehur mes arkave me banane.

Nëse keni shikuar një film që me të vërtet ju ka bërë të qani ose jeni ndjerë të lumtur pastaj, atëherë e dini fuqinë e një sesioni të mirë të qarjes

Tani duket se Japonia është vazhdimisht duke i inkurajuar fëmijët dhe fuqinë punëtore të gëzojnë përfitime të shëndetit mendor duke qarë.

Ish- mësuesja e shkollës së mesme dhe e ashtuquajtura ‘namida sensei’ (mësuesi i lotëve) Hidefumi Yoshida ka qenë duke japë ligjërata në shkolla dhe kompani sa i përket rëndësisë së qarjes.

Ai ka treguar për ‘Japan Times’: “Akti i qarjes është më efektiv sesa qeshja apo fjetja në reduktimin e stresit. Nëse qani një herë në javë, ju mund ta jetoni një jetë pa stres”.

Në vitin 2014, Yoshida, bashkë me Hideho Aritan, profesor, dhe me disa tjerë, ishin mbledhur për ta rritur vetëdijesimin se si qarja mund të ndihmojë në reduktimin e stresit.

Japonia, si shumë shtete tjera, së fundmi ka filluar të ballafaqohet hapur me problemet e shëndetit mendor të cilat mund t’i përjetojnë disa individë, transmeton media e Kosovës Telegraf.

Megjithëse Japonia njihet si një nga shtetet me përqindjen më të lartë të vetëvrasjeve në botën e zhvilluar, shifrat kanë rënë për 38% qysh prej vitit 2003, por ende mbesin të larta, ku mesatarisht rreth 21,300 raste të vetëvrasjeve raportohen brenda një viti.

Më shumë se 90% e atyre të cilët tentojnë të bëjnë vetëvrasje vuajnë nga depresioni. Sipas statistikave të Organizatës Botërore të Shëndetësisë, gjysma e të gjitha sëmundjeve mendore fillojnë në moshën 14 vjeçare, por shumica e rasteve nuk vërehen dhe nuk trajtohen.

Vetëvrasja është shkaktari i dytë më i zakonshëm i vdekjeve mes të rinjve të moshës 15 deri 29 vjet.

Vlen të ceket se në një studim me 30 shtete, shumica e pjesëmarrësve kishin raportuar se ndihen më mirë pasi qajnë, ku më shumë se 70% e psikologëve vazhdimisht u rekomandojnë klientëve të qajnë.

Trupi i prodhon tri lloje të lotëve: të refleksit, që i pastron acaruesit; lotët e vazhdueshëm, që i mbajnë sytë tonë të lagësht; dhe lotët emocional, për të cilët studimet thonë se sjellin përfitime shëndetësore.

Ka edhe dëshmi që thonë se qarja e ngadalëson frymëmarrjen, e cila ju ndihmon të relaksoheni dhe e stimulon prodhimin e endorfineve – hormone të cilat ju bëjnë të ndiheni mirë.

Duart dhe këmbët e ftohta janë një problem i zakonshëm, veçanërisht tek femrat, dhe shpesh mund të shkaktojnë siklet.

Megjithëse qarkullimi i dobët i gjakut është një nga shkaqet më të zakonshme, ka faktorë të tjerë që kontribuojnë në ndjenjën e të ftohtit në ekstremitetet tuaja.

Qarkullim i dobët i gjakut

Qarkullimi i dobët i gjakut, për shembull, mund të shkaktojë ftohje të duarve dhe këmbëve. Kjo ndodh sepse kur temperatura e ambientit bie, enët e gjakut ngushtohen për të ruajtur nxehtësinë në thelbin e trupit, duke kufizuar sasinë e gjakut që arrin në ekstremitete. Në disa njerëz, ky proces (i njohur si vazokonstriksion) mund të shkaktohet lehtësisht dhe të bëjë që duart dhe këmbët të ndjehen të ftohta.

Sëmundja e Raynaud

Një tjetër arsye pse ekstremitetet tuaja mund të jenë të ftohta gjatë gjithë kohës është sëmundja e Raynaud , e cila shkakton qarkullim të kufizuar të gjakut në duar dhe këmbë, duke bërë që gishtat të bëhen të bardhë ose blu dhe të ndjehen të mpirë. Ky fenomen mund të shkaktohet nga i ftohti apo edhe stresi intensiv. Nëse keni këto simptoma, është mirë të shkoni te një mjek për ta kontrolluar atë.

Sëmundje arteriale

Sëmundja arteriale (PAD), në të cilën arteriet ngushtohen për shkak të grumbullimit të pllakave, gjithashtu mund të zvogëlojë rrjedhën e gjakut në ekstremitete dhe të shkaktojë ftohje të duarve dhe këmbëve. Nëse keni dhimbje ose mpirje në këmbë kur lëvizni, ose nëse plagët janë të ngadalta për t’u shëruar, është mirë të flisni me mjekun tuaj për diagnostikimin dhe trajtimin e PAD.

Pirja e duhanit dhe kolesteroli i lartë

Përveç kësaj, pirja e duhanit shkakton vazokonstriksion dhe redukton rrjedhjen e gjakut në krahë dhe këmbë, ndërsa kolesteroli i lartë mund të kontribuojë në krijimin e pllakave në arterie, duke kufizuar gjithashtu qarkullimin e gjakut.

Dëmtimi nervor , ose neuropatia, mund të ndikojë në ndjenjën e temperaturës së trupit. Kur nervat e duarve dhe këmbëve dëmtohen, ato mund të dërgojnë sinjale të gabuara në tru, duke i bërë ata të duken të ftohtë, edhe nëse temperatura e tyre është normale.

Diabeti

Përveç kësaj, nëse keni diabet, dëmtimi i nervave nga nivelet e larta të glukozës në gjak mund të shkaktojë që gjymtyrët të ndjehen të ftohtë, së bashku me simptoma të tjera si etja e tepërt, lodhja dhe urinimi i shpeshtë.

Një tërmet me magnitudë 6.2 ka goditur Filipinet mëngjesin e sotëm , sipas Shërbimit Gjeologjik të SHBA-së (USGS). Autoritetet lokale që paralajmëruan se do të ketë pasgoditjeve dhe vlerësuan rrezikun e dëmeve.

Tërmeti ndodhi në një thellësi prej 124 kilometrash pranë qytetit Calatangan në provincën Batangas, jo shumë larg kryeqytetit Manila. Deri më tani nuk raportohet për viktima apo dëme të rënda materiale. Por agjencitë e reagimit ndaj fatkeqësive janë ende në procesin e vlerësimit të situatës, tha shefi i policisë së Calatangan Emil Mendoza.

Nga miq në armiq! Raporti midis Ermal Mamaqit dhe Jul Dedës duket sikur nuk ka ndërmend të përmirësohet pas deklaratave të njëpasnjëshme që kanë bërë në rrjete sociale teksa ironizojnë hapur njëri-tjetrin.

E fundit është nga Mamaqi teksa i ka kthyer përgjigje një video që Juli ka postuar rreth një muaj më parë ku ironizon hapur trajnimet motivuese që aktori Mamaqi zhvillon tashmë prej një kohe të gjatë. Ermal Mamaqi ka bërë një video të gjatë shoqëruar me nota ironie dhe humori, teksa shprehet i shqetësuar për videot “e përgjithshme” që ish miku i tij ka postuar në rrjete sociale duke ia adresuar në mënyrë indirekte punës së Ermalit.

“Kam marr shumë mesazhe miq, që Jul Deda, siç thoni ju më përbuz, më shan trajnimet që bëj unë, ose videot që hedh unë. Siç edhe ti e di, ka disa vite që nuk flasim bashkë, ose shumë pak.

Jul dhe të gjithë ju qe mendoni si Juli, nuk e kuptoj këtë mllefin që keni për trajnimet e motivimit, aty mësojmë si të bëhemi më të mirë…nuk është se i marrim kanotjeret dhe ua këndojmë njerëzve aty. Jul të ftoj të vish në trajnimin e radhës. Jam gati të vëmë bast, nëse trajnimi është siç thua ti, nuk të pëlqen, unë betohem para të gjithëve që do dal nudo te sheshi Skënderbej! Ama, nëse të pëlqen dhe do jesh i sinqertë kur ta thuash, atëherë do paguash një drekë, për mua për ty dhe për Gent Zenelin, si dikur, se ndoshta ka ardhur koha të mendojmë për një projekt të ri si SHBLSH të vjetër. Vendos Jul, po pres unë”, ka thënë ndër të tjera Mamaqi në postimin e tij.

Reagimi i Jul Dedës:

Unë nuk e di se çfarë mendimi keni ju, por mua po ma shpifin. Janë duke ma shpifur këta që dalin në Instagram, Tik-Tok dhe thonë, ‘dëgjoni se si unë do të të ndihmoj, nëse je i mërzitur, i depresionuar, do të mësoj si të bësh 27 milion euro në sekondë, se si të bësh 22 miliard dollar në gjashtë ditë. Janë shtuar shumë këta mentorët që na tregojnë neve se e kemi brenda vetes, por se kemi gjetur e na duhen këta të zbulojmë. E për këtë shkojnë njerëzit atje, futen nëpër këto sektizmat, paguajnë nga 5 mijë, 20 mijë dollar e euro, futen aty brenda dhe i paguajnë leket për të kuptuar që e ke brenda vetes.

Pasi marrin lekët i thonë njëri-tjetrit mjeshtër. Ç’mjeshtër është ai, ku e mori mjeshtërllëkun ai. Ti je mjeshtër që bën biznes të ndershëm, e i çon bukë familjes, por këta, këta që vijnë e rrinë nëpër dhoma të mbyllura mbledhin njerëz e mendojnë për gjëra të bukura, largojnë negativitetin…

Na e shpifët duke i bërë lavash truri njerëzve, i mbytët njerëzit, i rropët nga lekët dhe i çmendet, i keni bërë me depresion. Ca është kjo punë mo?! Kujdes nga këta se janë bërë shumë, mos i jepni lek këtyre. Përdorini lekët për mirë, larg lavazheve të trurit, jeni mjeshtra vet.

Forcat e policisë italiane të pranishme në ambientet e kampeve të emigrantëve në Shëngjin dhe Gjadër të Lezhës mësohet se janë përfshirë në një proces ndryshimi. Sipas “La Repubblica”, nga 220 njësitë aktuale, numri do të shkojë në 170 persona për të garantuar menaxhimin e turneve dhe mbuluar shërbimet e nevojshme.

Ky mund të konsiderohet si një reduktim i ndjeshëm i kontigjentit të pranishëm në Shqipëri, i cili kur ishte plotësisht operacional dhe supozohej të ishte 295 njësi (personel), por në vend të kësaj nuk i kaloi kurrë 220 persona, duke përfshirë policë, karabinierë, financierë dhe policë të burgjeve. Duket se Roma zyrtare po has vështirësi për marrëveshjen për emigrantët, në lidhje me dërgimin e tyre në qendrën e pritjes dhe më tej të izolimit në Shëngjin dhe Gjadër.

Të dy grupet që u dërguan në muajt tetor dhe nëntor u rikthyen pas vendimeve të Gjykatës italiane dhe problemeve me paditë e hapura deri në gjykatat europiane. Kryeministrja italiane Giorgia Meloni gjithsesi shprehet e vendosur t’i shkojë deri në fund paktit qeveritar me kryeministrin Edi Rama.

Po ashtu mediat italiane shkruajnë se për qeverinë Meloni mënyra sesi po shkojnë procedurat dhe përplasja me drejtësinë për listën e vendeve të sigurta, është ‘më mirë’ që të përmbyllet me një përplasje midis Romës dhe Brukselit. Reagimi i parë i qeverisë Meloni pas rastit të fundit të emigrantëve që u dërguan në Shqipëri dhe që “u detyruan” nga një vendim gjykate të kthehen në Itali, ishte i menjëhershëm teksa u shprhën të bindur se gjykatësit janë gabim.

Është rikthyer sërish tensioni në lidhjen e Gjestit me Xhenetën në shtëpinë e Big Brother Vip Kosova3.
Shkak është bërë një veprim i Gjestit të cilin Xheneta nuk e ka pëlqyer aspak.
“Po bën filma zemra ime? Iu drejtua Gjesti, Xhenetës.

“Ke sjellje shumë e keqe”, tha më pas Xheneta.
Këngëtari është shprehur që nuk ia bëri me qëllim, dhe nuk e ka bërë si kujton ajo.
Gjesti më pas i kërkoi falje.

Diskutimin e tyre të plotë mund ta ndiqni në videon e mëposhtme:

Nga nesër deri të premten, vendi ynë do të përfshihet nga reshjet e shiut dhe të dëborës dhe ulja e temperaturave. Paralajmërimi u dha nga meteorologia, Tanja Porja, e cila theksoi se dëbora do të zbresë në 700 metra lartësi, por sipas saj nuk ka vend për panik.

“Tri ditë me reshje shiu dhe dëbore. Nuk ka vend për panik. Rrebeshe të shpeshta në jug dhe në zonat qendrore dhe në ditët vijuese në të gjithë territorin dëbora do të zbresë në 700 metra. Do të kemi temperatura nga minus 2 në 19 gradë celsius. Nesër paradite do të ketë rrebeshe dhe reshje dëbore në zonat malore”.

Por çfarë ndodhë në 3 ditët në vijim? Meteorologia e A2 thekson se deri mëngjesin e së premtes do të kemi rrebeshe afatshkurtra në të gjithë vendin, ndërsa termometri zbret në minus 3 gradë. “Mbrëmjen e së mërkurës, të enjten dhe deri mëngjesin e së premtes kemi reshje dëbore dhe rrebeshe afatshkurtra në të gjithë vendin. Të premten ulje e temperaturave deri në minus 3 gradë”, tha Porja.

Sipas saj e njëjta tablo sinoptike do të jetë edhe në rajon.

“Në Kosovë e RMV dhe Mal të zi kemi të njëjtën tablo sinoptike. Rrebeshe të shpeshta në Maqedoninë e Veriut nga nata e sotme, reshje bore ne 500 metra lartësi. Në Kosovë reshje dëbore në disa zona, veriu mbetet me vranësira, jugu me rrebeshe, ndërsa Mali i zi do të ketë reshje të pakta dhe rritje të vlerave termike”.